ನಕಲಿ ಮತಗಳಿಂದ ಗೆದ್ದನೇ ಬಿಗ್​ಬಾಸ್ ಸ್ಪರ್ಧಿ: ವೈರಲ್ ಆಗುತ್ತಿದೆ ವಿಡಿಯೋ

ಹಿಂದಿ ಬಿಗ್​ಬಾಸ್ ಒಟಿಟಿ 2 (Bigg Boss OTT 2) ಮುಗಿದಿದೆ, 59 ದಿನಗಳ ಕಾಲ ನಡೆದ ಈ ಶೋನಲ್ಲಿ 15 ಮಂದಿ ಸ್ಪರ್ಧಿಗಳು ಭಾಗವಹಿಸಿದ್ದು, ಆಗಸ್ಟ್ 14ರಂದು ರಾತ್ರಿ ನಡೆದ ಫಿನಾಲೆಯಲ್ಲಿ ಯೂಟ್ಯೂಬರ್ ಎಲ್ವಿಶ್ ಯಾದವ್ ವಿಜಯಯಿಯಾಗಿದ್ದಾರೆ. ಜಿಯೋ ಸಿನಿಮಾದಲ್ಲಿ ಒಟಿಟಿಯಲ್ಲಿ ಪ್ರಸಾರವಾದ ಈ ಶೋನ ವಿನ್ನರ್ ಅನ್ನು ಜನರ ಮತಗಳ ಆಧಾರದ ಮೇಲೆ ನಿರ್ಣಯಿಸಲಾಯ್ತು. ಆದರೆ ಶೋನ ವಿಜೇತ ಎಲ್ವಿಶ್ ಯಾದವ್ (Elvish Yadav) ನಕಲಿ ಮತಗಳಿಂದ ಗೆದ್ದರೇ ಎಂಬ ಅನುಮಾನ ಇದೀಗ ವ್ಯಕ್ತವಾಗಿದೆ. ಅನುಮಾನ ವ್ಯಕ್ತವಾಗಲು ಅವರದ್ದೇ ವಿಡಿಯೋ ಕಾರಣ.

ಎಲ್ವಿಶ್ ಗೆಲ್ಲಲು ಕೊನೆಯ 15ನಿಮಿಷಗಳಲ್ಲಿ ಅವರಿಗೆ ಬಂದ ಮತಗಳು ಕಾರಣ ಎನ್ನಲಾಗುಗುತ್ತಿದೆ. ಬಿಗ್​ಬಾಸ್ ಒಟಿಟಿ 2ರ ವೋಟಿಂಗ್ ಲೈನ್ ಅಂತ್ಯವಾಗುವ 15 ನಿಮಿಷಕ್ಕೆ ಮೊದಲು ಸುಮಾರು 28 ಕೋಟಿ ಮತಗಳು ಎಲ್ವಿಶ್ ಗೆ ಬಂದಿದ್ದವಂತೆ. ಇಷ್ಟು ದೊಡ್ಡ ಸಂಖ್ಯೆಯಲ್ಲಿ ಮತಗಳು ಬಂದಿದ್ದರಿಂದಲೇ ಎಲ್ವಿಷ್ ಗೆದ್ದಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಇಷ್ಟು ಕಡಿಮೆ ಅವಧಿಯಲ್ಲಿ ಇಷ್ಟು ದೊಡ್ಡ ಸಂಖ್ಯೆಯ ಮತಗಳು ಬಂದಿರುವುದು ಪೂರ್ವ ಯೋಜಿತ ಎಂಬ ಮಾತುಗಳು ಸಹ ಸಾಮಾಜಿಕ ಜಾಲತಾಣದಲ್ಲಿ ಕೇಳಿಬರುತ್ತಿವೆ.

Elvish Yadav reveals that one of JioCinema’s heads says him that he received a record-breaking 280 MILLION votes in 15 minutes Live voting 🤯🤯🤯pic.twitter.com/OY5BwCuNJi

— #BiggBoss_Tak👁 (@BiggBoss_Tak) August 15, 2023

ಎಲ್ವಿಶ್​ ಅಥವಾ ಅವರಿಗೆ ಸಂಬಂಧಿಸಿದ ಯಾರೋ ಹಣ ಕೊಟ್ಟು ಮತಗಳನ್ನು ಚಲಾಯಿಸಿಕೊಂಡಿದ್ದಾರೆ ಎಂಬ ಆರೋಪಗಳು ಸಾಮಾಜಿಕ ಜಾಲತಾಣದಲ್ಲಿ ಕೇಳಿ ಬರುತ್ತಿದೆ. ಸಾಮಾಜಿಕ ಜಾಲತಾಣದಲ್ಲಿ ನಕಲಿ ಲೈಕ್​ಗಳು, ನಕಲಿ ಸಬ್​ಸ್ಕ್ರೈಬರ್​ಗಳನ್ನು ಪಡೆದುಕೊಂಡಂತೆ ಎಲ್ವಿಶ್ ಸಹ ಹಣ ಕೊಟ್ಟು ನಕಲಿ ಮತಗಳನ್ನು ಪಡೆದು ಗೆದ್ದಿದ್ದಾರೆ ಎಂಬ ದೂರುಗಳು ಕೇಳಿ ಬಂದಿವೆ.

ಇದನ್ನೂ ಓದಿ:  ಬಿಗ್​ಬಾಸ್ ಮನೆಯಲ್ಲಿ ಮೊಬೈಲ್ ಬಳಸಿದರೇ ನಟಿ ಪೂಜಾ ಭಟ್?

ಬಿಗ್​ಬಾಸ್ ಒಟಿಟಿ 2 ಗೆದ್ದ ಎಲ್ವಿಶ್ ತಮ್ಮ ಆಪ್ತ ಗೆಳೆಯರು, ಕುಟುಂಬದವರೊಡನೆ ಸಂಭ್ರಮ ಆಚರಿಸುತ್ತಿರುವ ವಿಡಿಯೋ ಒಂದು ವೈರಲ್ ಆಗಿದ್ದು, ವಿಡಿಯೋದಲ್ಲಿ ಸ್ವತಃ ಎಲ್ವಿಶ್, ತಮಗೆ ಕಡೆಯ 15 ನಿಮಿಷದಲ್ಲಿ 28 ಕೋಟಿ ಮತಗಳು ಬಂದಿದ್ದಾಗಿ ಹೇಳಿಕೊಂಡಿದ್ದಾರೆ. ಶೋ ಗೆದ್ದ ಬಳಿಕ ನಾನು ಟೆಕ್ನಿಷಿಯನ್​ಗಳ ರೂಂಗೆ ಹೋಗಿದ್ದೆ, ಆಗ ಅವರು ಹೇಳಿದರು ಕೊನೆಯ 15 ನಿಮಿಷದಲ್ಲಿ ನಿಮಗೆ 28 ಕೋಟಿ ಮತಗಳು ಬಂದವೆಂದು, ಮತಹಾಕಿದವರಿಗೆಲ್ಲ ನಾನು ಋಣಿ ಎಂದಿದ್ದಾರೆ.

ಬಿಗ್​ಬಾಸ್ ಒಟಿಟಿ ಸೀಸನ್ 2 ಗೆದ್ದ ಎಲ್ವಿಶ್​ಗೆ 25 ಲಕ್ಷ ಹಣ ಹಾಗೂ ಟ್ರೋಫಿ ಬಹುಮಾನವಾಗಿ ಸಿಕ್ಕಿದೆ. ಜೊತೆಗೆ ಬಿಗ್​ಬಾಸ್ ಟಿವಿ ಸೀಸನ್​ನಲ್ಲಿ ಭಾಗವಹಿಸುವ ಅವಕಾಶವೂ ಲಭ್ಯವಾಗಲಿದೆ. ಬಿಗ್​ಬಾಸ್ ಫಿನಾಲೆಗೆ ಎಲ್ವಿಶ್, ಅಭಿಷೇಕ್, ಮನಿಷಾ, ಬೇಬಿಕಾ, ಪೂಜಾ ಅವರುಗಳು ಬಂದಿದ್ದರು. ಆದರೆ ಅಭಿಷೇಕ್​ಗೆ ಕೊನೆಯ ದಿನ ಆರೋಗ್ಯದಲ್ಲಿ ತೀವ್ರ ವ್ಯತ್ಯಯವಾದ್ದರಿಂದ ಅವರು ಶೋನಿಂದ ಹೊರಗೆ ಹೋದರು. ಅವರು ಮೊದಲ ರನ್ನರ್​ ಅಪ್ ಆದರು.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 3:50 pm, Tue, 15 August 23