ಬಿಗ್ಬಾಸ್ ಮನೆಯಲ್ಲಿ ಮೊಬೈಲ್ ಬಳಸಿದರೇ ನಟಿ ಪೂಜಾ ಭಟ್?
Bigg Boss OTT: ಹಿಂದಿ ಬಿಗ್ಬಾಸ್ ಒಟಿಟಿ ಎರಡನೇ ಸೀಸನ್ನಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿರುವ ನಟಿ ಪೂಜಾ ಭಟ್, ಬಿಗ್ಬಾಸ್ ಮನೆಯಲ್ಲಿ ಮೊಬೈಲ್ ಫೋನ್ ಬಳಸಿದ್ದಾರೆಯೇ? ಚಿತ್ರವೊಂದು ವೈರಲ್ ಆಗಿದೆ.
Updated on:Aug 11, 2023 | 9:05 PM
ಮತ್ತೆ ಬಿಗ್ಬಾಸ್ (Bigg Boss) ಸೀಸನ್ ಆರಂಭವಾಗಿದೆ ಹಿಂದಿಯಲ್ಲಿ ಬಿಗ್ಬಾಸ್ ಒಟಿಟಿ (Bigg Boss OTT) ಎರಡನೇ ಸೀನಸ್ ಚಾಲ್ತಿಯಲ್ಲಿದೆ. ತೆಲುಗು ಬಿಗ್ಬಾಸ್ ಪ್ರೋಮೋ ಬಿಡುಗಡೆ ಆಗಿದೆ. ಕನ್ನಡದಲ್ಲಿಯೂ ಬಿಗ್ಬಾಸ್ ಸ್ಪರ್ಧಿಗಳ ಆಯ್ಕೆ ಚಾಲ್ತಿಯಲ್ಲಿದೆ ಎನ್ನಲಾಗುತ್ತಿದೆ. ಈ ನಡುವೆ ಹಿಂದಿಯ ಬಿಗ್ಬಾಸ್ ಒಟಿಟಿ ಸೀಸನ್ ಎರಡು ಸುದ್ದಿಯಲ್ಲಿದೆ, ಕಾರಣ ಬಿಗ್ಬಾಸ್ ಮನೆಯ ಒಳಗಿರುವ ಸದಸ್ಯರೊಬ್ಬರು ಮೊಬೈಲ್ ಬಳಸಿದ್ದಾರೆ ಎಂಬ ಆರೋಪ ಕೇಳಿ ಬಂದಿತ್ತು, ಆರೋಪಕ್ಕೆ ಸಂಬಂಧಿಸಿದಂತೆ ಚಿತ್ರವೊಂದು ಹರಿದಾಡುತ್ತಿದೆ.
ಒಟಿಟಿ ಸೀಸನ್ ಎರಡರಲ್ಲಿ ನಟಿ ಪೂಜಾ ಭಟ್ ಸ್ಪರ್ಧಿಯಾಗಿ ಭಾಗಿಯಾಗಿದ್ದು, ಬಿಗ್ಬಾಸ್ ಮನೆಯಲ್ಲಿ ಪೂಜಾ ಭಟ್ ಮೊಬೈಲ್ ಬಳಸಿದ್ದಾರೆ ಎನ್ನಲಾಗುತ್ತಿದ್ದು, ಪೂಜಾ ಭಟ್ ತಮ್ಮ ಪಕ್ಕದಲ್ಲಿ ಮೊಬೈಲ್ ಇಟ್ಟುಕೊಂಡು ಸಹ ಸ್ಪರ್ಧಿಯೊಟ್ಟಿಗೆ ಮಾತನಾಡುತ್ತಿರುವ ಫೋಟೊ ಒಂದು ವೈರಲ್ ಆಗಿದೆ. ಹಿರಿಯ ನಿರ್ದೇಶಕ ಮಹೇಶ್ ಭಟ್ ಪುತ್ರಿ, ಆಲಿಯಾ ಭಟ್ ಸಹೋದರಿ ಆಗಿರುವ ಪೂಜಾ ಭಟ್, ಚಿತ್ರರಂಗದ ಪ್ರಭಾವಿ ಕುಟುಂಬದ ಸದಸ್ಯರಾಗಿದ್ದು, ಇದೇ ಕಾರಣಕ್ಕೆ ಪೂಜಾ ಭಟ್ಗೆ ಬಿಗ್ಬಾಸ್ ಮನೆಯಲ್ಲಿ ಮೊಬೈಲ್ ಬಳಸಲು ಅವಕಾಶ ಮಾಡಿಕೊಡಲಾಗಿದೆ ಎಂಬ ಮಾತುಗಳು ಸಾಮಾಜಿಕ ಜಾಲತಾಣದಲ್ಲಿ ಕೇಳಿ ಬಂದಿದೆ.
After investigation it was found that the Picture with a Phone besides #PoojaBhatt was edited by someone. #BiggBossOTT2 pic.twitter.com/ksfpSvPlzP
— BiggBoss Khabri (@TheKhabriTweets) August 8, 2023
ಆದರೆ ಅಸಲಿ ಕತೆ ಬೇರೆಯೇ ಇದೆ. ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಪೂಜಾ ಭಟ್ರ ಮೊಬೈಲ್ ಚಿತ್ರ ನಕಲಿ ಆಗಿದೆ. ಯಾರೋ ಪೂಜಾ ಭಟ್ರ ಚಿತ್ರವನ್ನು ಎಡಿಟ್ ಮಾಡಿ ಖಾಲಿ ಜಾಗದಲ್ಲಿ ಮೊಬೈಲ್ ಅನ್ನು ತಂತ್ರಜ್ಞಾನ ಬಳಸಿ ಕೂರಿಸಿ, ಪೂಜಾ ಭಟ್, ಬಿಗ್ಬಾಸ್ ಮನೆಯೊಳಗೆ ಮೊಬೈಲ್ ಬಳಸಿದ್ದಾರೆಂದು ಸುಳ್ಳು ಸುದ್ದಿ ಹಬ್ಬುವಂತೆ ಮಾಡಿದ್ದಾರೆ. ಈ ಬಗ್ಗೆ ಬಿಗ್ಬಾಸ್ ಖಬ್ರಿ ಸೇರಿದಂತೆ ಇನ್ನೂ ಕೆಲವು ಸಾಮಾಜಿಕ ಜಾಲತಾಣ ಪೇಜ್ಗಳಲ್ಲಿ ಸ್ಪಷ್ಟನೆ ನೀಡಲಾಗಿದೆ.
ಇದನ್ನೂ ಓದಿ:Bigg Boss Kannada: ಸೆಪ್ಟೆಂಬರ್ನಲ್ಲಿ ಶುರುವಾಗಲಿದೆ ಬಿಗ್ಬಾಸ್ ಕನ್ನಡ
ಕೆಲವು ದಿನಗಳ ಹಿಂದೆ ಸಲ್ಮಾನ್ ಖಾನ್ರ ಬಿಗ್ಬಾಸ್ ಸೆಟ್ನಲ್ಲಿನ ಚಿತ್ರವೊಂದು ವೈರಲ್ ಆಗಿತ್ತು. ಕೈಯಲ್ಲಿ ಸಿಗರೇಟು ಹಿಡಿದುಕೊಂಡು ಬಿಗ್ಬಾಸ್ ಸೆಟ್ನಲ್ಲಿ ಸಲ್ಮಾನ್ ಖಾನ್ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದರು. ಈ ಚಿತ್ರ ವೈರಲ್ ಆಗಿ ನೆಟ್ಟಿಗರಿಂದ ತೀವ್ರ ಟೀಕೆ ಎದುರಿಸಿತ್ತು. ಬಿಗ್ಬಾಸ್ ಮನೆಯಲ್ಲಿರುವವರಿಗೆ ಬುದ್ಧಿವಾದ ಹೇಳುವ, ಅವರ ವರ್ತನೆಗಳನ್ನು ಟೀಕಿಸುವ, ತಿದ್ದುವ ಸಲ್ಮಾನ್ ಖಾನ್ ಸ್ವತಃ ತಾವೇ ಹೀಗೆ ನಡೆದುಕೊಳ್ಳುತ್ತಾರೆ. ಸಲ್ಮಾನ್ ಖಾನ್ರ ನಿಜ ಬಣ್ಣ ಇದು, ಸಲ್ಮಾನ್ ಖಾನ್ರ ಕ್ಯಾಮೆರಾ ಹಿಂದಿನ ನಿಜ ಬಣ್ಣವಿದು ಎಂದು ಕೆಲವರು ಆಕ್ಷೇಪ ವ್ಯಕ್ತಪಡಿಸಿದ್ದರು.
ಬಿಗ್ಬಾಸ್ ಒಟಿಟಿ 2 ಜೂನ್ 17ಕ್ಕೆ ಆರಂಭವಾಗಿದೆ. 15 ಜನ ಸ್ಪರ್ಧಿಗಳು ಭಾಗವಹಿಸಿದ್ದರು. ಪುನೀತ್ ಸೂಪರ್ ಸ್ಟಾರ್ ಮೊದಲ ದಿನವೇ ಎಲಿಮಿನೇಟ್ ಆದರೆ ಆ ನಂತರ ಈವರೆಗೆ ಹತ್ತು ಮಂದಿ ಎಲಿಮಿನೇಟ್ ಆಗಿದ್ದಾರೆ. ಬಿಗ್ಬಾಸ್ ಒಟಿಟಿ 2 ಜಿಯೋ ಸಿನಿಮಾಸ್ ಒಟಿಟಿಯಲ್ಲಿ ಪ್ರಸಾರವಾಗುತ್ತಿದೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 9:05 pm, Fri, 11 August 23
