ಹೊಸ ಪ್ರಾಜೆಕ್ಟ್ ಘೋಷಿಸಿದ ಪ್ರಿಯಾಂಕಾ ಚೋಪ್ರಾ; ‘ಟೈಗರ್’ ಡಾಕ್ಯುಮೆಂಟರಿಗೆ ಧ್ವನಿ ಆದ ನಟಿ

ಪ್ರಿಯಾಂಕಾ ಚೋಪ್ರಾ (Priyanka Chopra) ಅವರು ಇತ್ತೀಚೆಗೆ ಭಾರತಕ್ಕೆ ಆಗಮಿಸಿದ್ದರು. ಈಗ ಅವರು ಅಮೆರಿಕಕ್ಕೆ ತೆರಳಿದ್ದಾರೆ. ಮುಂಬೈ ವಿಮಾನ ನಿಲ್ದಾಣದಲ್ಲಿ ಅವರು ಪೋಸ್ ಕೊಟ್ಟಿದ್ದಾರೆ. ಈಗ ಅವರು ಅಮೆರಿಕಕ್ಕೆ ತೆರಳುತ್ತಿದ್ದಂತೆ ಹೊಸ ಸಿನಿಮಾ ಬಗ್ಗೆ ಮಾಹಿತಿ ನೀಡಿದ್ದಾರೆ. ಹಾಗಂತ ಅವರು ಈ ಸಿನಿಮಾದಲ್ಲಿ ನಟಿಸುತ್ತಿಲ್ಲ. ಡಿಸ್ನಿ ಪ್ಲಸ್ ಹಾಟ್​​ ಸ್ಟಾರ್​ನಲ್ಲಿ ಪ್ರಸಾರ ಕಾಣಲಿರುವ ‘ಟೈಗರ್’ ಹೆಸರಿನ ಡಾಕ್ಯುಮೆಂಟರಿಗೆ ಅವರು ಧ್ವನಿ ಆಗಿದ್ದಾರೆ.

‘ಟೈಗರ್’ ಡಾಕ್ಯುಮೆಂಟರಿ ಟ್ರೇಲರ್​ನ ಪ್ರಿಯಾಂಕಾ ಚೋಪ್ರಾ ಅವರು ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ. ಈ ಡಾಕ್ಯುಮೆಂಟರಿಯಲ್ಲಿ ಬರುವ ವಿವರಣೆಗಳು ಪ್ರಿಯಾಂಕಾ ಚೋಪ್ರಾ ಧ್ವನಿಯಲ್ಲಿ ಇರಲಿದೆ. ‘ಅತ್ಯದ್ಭುತ ಸ್ಟೋರಿ ಹಾಗೂ ಕಾಡಿನ ಅನ್ವೇಷಣೆ ಮಾಡುವ ಈ ಸಿನಿಮಾಗೆ ನಾನು ಧ್ವನಿ ನೀಡುತ್ತಿರುವುದು ಖುಷಿ ಇದೆ. ಇದಕ್ಕಾಗಿ ಕಾಯುತ್ತಿದ್ದೇನೆ. ನಮ್ಮ ಜೊತೆ ಕಾಡನ್ನು ಎಂಜಾಯ್ ಮಾಡಿ’ ಎಂದು ಪ್ರಿಯಾಂಕಾ ಕೋರಿಕೊಂಡಿದ್ದಾರೆ.

ಹುಲಿಗಳು ಸಖತ್ ವೈಲ್ಡ್. ಅವರಿಗೂ ಮನುಷ್ಯರಂತೆ ಭಾವನೆಗಳಿದೆ, ಸಿಟ್ಟಿದೆ, ಪ್ರೀತಿ ಇದೆ, ಹಸಿವು ಇದೆ. ಹುಲಿಗಳ ಜೀವನವನ್ನು ಈ ಸಿನಿಮಾದಲ್ಲಿ ತೆರೆದಿಡಲಾಗುತ್ತಿದೆ. ತಾಯಿ ಹಾಗೂ ಮಗುವಿನ ಬಾಂಧವ್ಯವನ್ನು ಈ ಡಾಕ್ಯುಮೆಂಟರಿಯಲ್ಲಿ ಹೇಳಲಾಗುತ್ತಿದೆ. ಈ ಸಿನಿಮಾನ ಬರೋಬ್ಬರಿ 8 ವರ್ಷಗಳ ಕಾಲ ಶೂಟ್ ಮಾಡಲಾಗಿದೆ. ಏಪ್ರಿಲ್ 22ರಂದು ಈ ಡಾಕ್ಯುಮೆಂಟರಿ ರಿಲೀಸ್ ಆಗಲಿದೆ.

‘Tiger’… a story that captures the wild and brings out everything that happens within it – tales of love, conflict, hunger, survival and so much more.

In the bustling jungles of India, where creatures big and small, timid and majestic roam, there’s Amba – a tiger with a… pic.twitter.com/MwSrVqGNvy

— PRIYANKA (@priyankachopra) April 1, 2024

‘ಟೈಗರ್’ ಡಾಕ್ಯುಮೆಂಟರಿಯ ಟೀಸರ್ ಅನಾವರಣಗೊಂಡಿದೆ. ಕಾಡಿನ ಕುರಿತು ಸಿನಿಮಾ ಮಾಡುವ ಬ್ರಿಟಿಷ್ ಬರಹಗಾರ, ನಿರ್ಮಾಪಕ ಹಾಗ ನಿರ್ದೇಶಕ ಮಾರ್ಕ್ ಲೈನ್​ಫೀಲ್ಡ್ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಇದಕ್ಕೆ ಧ್ವನಿ ಆಗುತ್ತಿರುವುದಕ್ಕೆ ಪ್ರಿಯಾಂಕಾ ಸಖತ್ ಖುಷಿಯಾಗಿದ್ದಾರೆ.

ಇದನ್ನೂ ಓದಿ: ಅಮೆರಿಕದ ಸೊಸೆ ಆದರೂ ಹೋಳಿ ಆಚರಣೆ ಮರೆತಿಲ್ಲ ಪ್ರಿಯಾಂಕಾ ಚೋಪ್ರಾ

ಈ ಡಾಕ್ಯುಮೆಂಟರಿ ಶೂಟ್​ಗೆ ಪ್ರಿಯಾಂಕಾ ಚೋಪ್ರಾ ಸಾಕಷ್ಟು ಸಮಯ ತೆಗೆದುಕೊಂಡಿದ್ದಾರೆ. ಇದು ಯಾವ ರೀತಿಯಲ್ಲಿ ಮೂಡಿ ಬಂದಿದೆ ಎಂಬುದನ್ನು ತಿಳಿದುಕೊಳ್ಳಲು ಫ್ಯಾನ್ಸ್ ಕಾದಿದ್ದಾರೆ. ಈ ಮೊದಲು ‘ದಿ ಜಂಗಲ್ ಬುಕ್​’ನ (2016) ಹಿಂದಿ ವರ್ಷನ್​ನ ಕಾ ಹೆಸರಿನ ಪಾತ್ರಕ್ಕೆ ಪ್ರಿಯಾಂಕಾ ಧ್ವನಿ ನೀಡಿದ್ದರು. ಈಗ ಒಂದು ಒಳ್ಳೆಯ ಉದ್ದೇಶಕ್ಕೆ ಪ್ರಿಯಾಂಕಾ ಚೋಪ್ರಾ ಧ್ವನಿ ನೀಡುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ