ಆಲಿಯಾ ಕೋಪಕ್ಕೆ ಪಾಕಿಸ್ತಾನ ನಟಿಯರ ಬೆಂಬಲ; ‘ನಮ್ಮಲ್ಲೊಂದೇ ಹೀಗೆ ಎಂದುಕೊಂಡಿದ್ದೆ’ ಎಂದ ಪಾಕ್ ನಟಿ

ಆಲಿಯಾ ಭಟ್ ಬಗ್ಗೆಯೂ ಈ ಮೊದಲು ಹಲವು ವದಂತಿಗಳು ಹುಟ್ಟಿಕೊಂಡಿದ್ದವು. ಆದರೆ, ಇದಕ್ಕೆಲ್ಲ ಅವರು ಬೇಸರ ಮಾಡಿಕೊಂಡಿಲ್ಲ. ಆದರೆ ಅವರ ಕುರಿತು ಹರಿದಾಡಿದ ವರದಿ ಬಗ್ಗೆ ಸಿಟ್ಟಾಗಿದ್ದಾರೆ.

ಆಲಿಯಾ ಕೋಪಕ್ಕೆ ಪಾಕಿಸ್ತಾನ ನಟಿಯರ ಬೆಂಬಲ; ‘ನಮ್ಮಲ್ಲೊಂದೇ ಹೀಗೆ ಎಂದುಕೊಂಡಿದ್ದೆ’ ಎಂದ ಪಾಕ್ ನಟಿ
ಜಾರಾ-ಆಲಿಯಾ
TV9kannada Web Team

| Edited By: Rajesh Duggumane

Jun 29, 2022 | 10:25 PM

ನಟಿ ಆಲಿಯಾ ಭಟ್ (Alia Bhatt) ಅವರು ಇತ್ತೀಚೆಗೆ ಮಗುವಿನ ಆಗಮನದ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದರು. ಈ ವಿಚಾರ ಕೇಳಿ ಫ್ಯಾನ್ಸ್ ಖುಷಿಪಟ್ಟರು. ಪ್ರೆಗ್ನೆನ್ಸಿಯಿಂದ ಈಗ ಆಲಿಯಾ ಒಪ್ಪಿಕೊಂಡಿರುವ ಸಿನಿಮಾ ಕೆಲಸಗಳು ವಿಳಂಬವಾಗಲಿದೆ ಎನ್ನುವ ವರದಿಗಳು ಪ್ರಕಟವಾದವು. ಆಲಿಯಾ ಅವರನ್ನು ಇಂಗ್ಲೆಂಡ್​ನಿಂದ ಭಾರತಕ್ಕೆ ಕರೆತರಲು ಪತಿ ರಣಬೀರ್ ಕಪೂರ್ (Ranbir Kapoor) ಅಲ್ಲಿಗೆ ತೆರಳಲಿದ್ದಾರೆ ಎಂದು ವರದಿ ಆಯಿತು. ಇದಕ್ಕೆ ಆಲಿಯಾ ಖಡಕ್ ಉತ್ತರ ನೀಡಿದ್ದರು. ಓಪನ್ ಆಗಿಯೇ ಈ ಬಗ್ಗೆ ಅವರು ಅಸಮಾಧಾನ ಹೊರಹಾಕಿದ್ದಾರೆ. ಈಗ ಆಲಿಯಾ ಬೆಂಬಲಕ್ಕೆ ಅನೇಕರು ನಿಂತಿದ್ದಾರೆ. ಪಾಕಿಸ್ತಾನದ ನಟಿಯರೂ ಆಲಿಯಾಗೆ ಸಪೋರ್ಟ್ ಮಾಡಿದ್ದಾರೆ.

ಸೆಲೆಬ್ರಿಟಿಗಳ ಬಗ್ಗೆ ನಿತ್ಯ ಹಲವು ವದಂತಿಗಳು ಹುಟ್ಟಿಕೊಳ್ಳುತ್ತಿರುತ್ತದೆ. ಬಹುತೇಕ ನಟಿಯರು ಈ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ. ಆಲಿಯಾ ಭಟ್ ಬಗ್ಗೆಯೂ ಈ ಮೊದಲು ಹಲವು ವದಂತಿಗಳು ಹುಟ್ಟಿಕೊಂಡಿದ್ದವು. ಆದರೆ, ಇದಕ್ಕೆಲ್ಲ ಅವರು ಬೇಸರ ಮಾಡಿಕೊಂಡಿಲ್ಲ. ಆದರೆ ಅವರ ಕುರಿತು ಹರಿದಾಡಿದ ವರದಿ ಬಗ್ಗೆ ಸಿಟ್ಟಾಗಿದ್ದಾರೆ.

ಹಾಲಿವುಡ್​ನ ‘ಹಾರ್ಟ್ ಆಫ್ ಸ್ಟೋನ್​’ ಸಿನಿಮಾದಲ್ಲಿ ಆಲಿಯಾ ನಟಿಸುತ್ತಿದ್ದಾರೆ. ಈಗ ಆಲಿಯಾ ಪ್ರೆಗ್ನೆಂಟ್ ಆದ್ದರಿಂದ ಈ ಚಿತ್ರದ ಕೆಲಸಗಳು ವಿಳಂಬವಾಗುತ್ತದೆ ಎಂದು ಕೆಲವು ಮಾಧ್ಯಮಗಳು ವರದಿ ಮಾಡಿವೆ. ಇನ್ನು, ಈ ಚಿತ್ರದ ಶೂಟಿಂಗ್​ ಲಂಡನ್​ನಲ್ಲಿ ನಡೆಯುತ್ತಿದೆ. ಆಲಿಯಾರನ್ನು ಕರೆತರಲು ರಣಬೀರ್ ಕಪೂರ್ ಇಂಗ್ಲೆಂಡ್​ಗೆ ಹೋಗುತ್ತಾರೆ ಎನ್ನಲಾಗಿತ್ತು. ಇವೆರಡನ್ನೂ ಆಲಿಯಾ ಅಲ್ಲಗಳೆದಿದ್ದಾರೆ. ‘ನಾವಿನ್ನೂ ಪುರುಷಪ್ರಧಾನ ವ್ಯವಸ್ಥೆಯಲ್ಲಿ ಬದುಕುತ್ತಿದ್ದೇವೆ. ಇದು 2022. ನಾವು ಹಳೇ ಕಾಲದ ಆಲೋಚನೆಯಿಂದ ಹೊರಬರಬಹುದೇ?’ ಎಂದು ಆಲಿಯಾ ಪ್ರಶ್ನೆ ಮಾಡಿದ್ದರು.

ಆಲಿಯಾ ಅವರ ಈ ಹೇಳಿಕೆಗೆ ಪಾಕಿಸ್ತಾನ ನಟಿಯರಾದ ಜಾರಾ ನೂರಾ ಅಬ್ಬಾಸ್ ಹಾಗೂ ದುರ್​-ಎ-ಫಿಶನ್​ ಸಲೀಮ್ ಬೆಂಬಲ ನೀಡಿದ್ದಾರೆ. ‘ಪಾಕಿಸ್ತಾನದವರು ಮಾತ್ರ ಈ ರೀತಿ ಯೋಚಿಸುತ್ತಾರೆ ಎಂದು ನಾನು ಅಂದುಕೊಂಡಿದ್ದೆ. ನಾನು ಪ್ರೆಗ್ನೆನ್ಸಿ ಘೋಷಿಸಿದಾಗ ಅನೇಕ ಬ್ರ್ಯಾಂಡ್​ಗಳು ನನ್ನನ್ನು ಕೈಬಿಡಲು ಮುಂದಾದವು. ಮಹಿಳೆಯರು ಗರ್ಭಿಣಿ ಆಗುತ್ತಿದ್ದಾರೆ ಎಂದಾಗ ನಮ್ಮನ್ನು ಉಪಯೋಗಕ್ಕೆ ಬಾರದವರು ಎಂದು ಸಮಾಜ ನಿರ್ಧರಿಸುತ್ತದೆ. ನಮ್ಮ ಕಲೆಯನ್ನು ಪುರುಷರ ಎದುರು ಸಾಬೀತುಪಡಿಸಬೇಕಾಗಿಲ್ಲ’ ಎಂದು ಜಾರಾ ಬರೆದುಕೊಂಡಿದ್ದಾರೆ. ದುರ್​-ಎ-ಫಿಶನ್​ ಸಲೀಮ್ ಕೂಡ ಆಲಿಯಾ ಪರ ಪೋಸ್ಟ್ ಮಾಡಿದ್ದಾರೆ.

ಇದನ್ನೂ ಓದಿ: ಪ್ರೆಗ್ನೆನ್ಸಿ ಘೋಷಣೆಗೂ ಮೊದಲು ಆಲಿಯಾ ಭಟ್ ತೆಗೆದುಕೊಂಡಿದ್ರು ಒಂದು ಮಹತ್ವದ ನಿರ್ಧಾರ

ಇದನ್ನೂ ಓದಿ

Alia Bhatt: ಪ್ರೆಗ್ನೆನ್ಸಿ ಬೆನ್ನಲ್ಲೇ ಆಲಿಯಾಗೆ ವಿಪರೀತ ಕೋಪ; ಅದಕ್ಕೆ ಕಾರಣ ಗಂಡನ ಕುರಿತ ಒಂದೇ ಒಂದು ಗಾಸಿಪ್​

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada