ಹಾಲಿವುಡ್ಗೆ ಹಾರಲಿದ್ದಾರೆ ಪ್ರಭಾಸ್? ಹಾರರ್ ಕಥೆಯಲ್ಲಿ ಸಲಾರ್ ಹೀರೋ
ಪ್ರಭಾಸ್ ಸಿನಿಮಾ ವಿಚಾರದಲ್ಲಿ ಈ ಮೊದಲು ಸಾಕಷ್ಟು ವದಂತಿಗಳು ಹಬ್ಬಿವೆ. ಅವರ ಮುಂದಿನ ಚಿತ್ರಗಳ ಬಗ್ಗೆ ಈಗಾಗಲೇ ಟಾಲಿವುಡ್ ಅಂಗಳದಲ್ಲಿ ಸಾಕಷ್ಟು ವದಂತಿಗಳು ಹುಟ್ಟಿ ಅಲ್ಲೇ ಕಾಣೆ ಆಗಿವೆ.
Updated on: Aug 27, 2021 | 6:49 PM
ತೆಲುಗು ನಟ ಪ್ರಭಾಸ್ ಖ್ಯಾತಿ ದೇಶಾದ್ಯಂತ ಹಬ್ಬಿದೆ. ‘ಬಾಹುಬಲಿ’ ಸರಣಿಯ ಸಿನಿಮಾಗಳು ತೆರೆಕಂಡ ನಂತರದಲ್ಲಿ ಅವರಿಗೆ ಸಿನಿಮಾ ಆಫರ್ ಹೆಚ್ಚಿದೆ. ಪರಿಣಾಮ ಮೂರು ಪ್ಯಾನ್ ಇಂಡಿಯಾ ಚಿತ್ರಗಳಲ್ಲಿ ಅವರು ಬ್ಯುಸಿ ಆಗಿದ್ದಾರೆ. ಈ ಮಧ್ಯೆ ಪ್ರಭಾಸ್ಗೆ ಹಾಲಿವುಡ್ ಆಫರ್ ಒಂದು ಬಂದಿದೆ ಎನ್ನುವ ಸುದ್ದಿ ಕೇಳಿ ಬಂದಿದೆ. ಈ ವಿಚಾರ ಕೇಳಿ ಅಭಿಮಾನಿಗಳು ಸಖತ್ ಖುಷಿಪಟ್ಟಿದ್ದಾರೆ.
ಪ್ರಭಾಸ್ ಸಿನಿಮಾ ವಿಚಾರದಲ್ಲಿ ಈ ಮೊದಲು ಸಾಕಷ್ಟು ವದಂತಿಗಳು ಹಬ್ಬಿವೆ. ಅವರ ಮುಂದಿನ ಚಿತ್ರಗಳ ಬಗ್ಗೆ ಈಗಾಗಲೇ ಟಾಲಿವುಡ್ ಅಂಗಳದಲ್ಲಿ ಸಾಕಷ್ಟು ವದಂತಿಗಳು ಹುಟ್ಟಿ ಅಲ್ಲೇ ಕಾಣೆ ಆಗಿವೆ. ಈಗ ಪ್ರಭಾಸ್ ಮುಂದಿನ ಪ್ರಾಜೆಕ್ಟ್ ಬಗ್ಗೆ ಅಚ್ಚರಿಯ ಮಾಹಿತಿಯೊಂದು ಹೊರ ಬಿದ್ದಿದೆ.
ಹಾಲಿವುಡ್ನ ಹಾರರ್ ಸಿನಿಮಾವೊಂದಕ್ಕೆ ನಟಿಸೋಕೆ ಪ್ರಭಾಸ್ಗೆ ಆಫರ್ ಮಾಡಲಾಗಿದೆ ಎನ್ನಲಾಗುತ್ತಿದೆ. ಈ ಚಿತ್ರ ಒಟಿಟಿ ಪ್ಲಾಟ್ಫಾರ್ಮ್ನಲ್ಲಿ ರಿಲೀಸ್ ಆಗಲಿದೆ. ಈ ಸಿನಿಮಾ ಯಾವುದು? ಯಾವ ಒಟಿಟಿ ಎಂಬಿತ್ಯಾದಿ ವಿಚಾರಗಳ ಬಗ್ಗೆ ಸದ್ಯ ಅಭಿಮಾನಿಗಳು ಸಾಕಷ್ಟು ಕುತೂಹಲ ಇಟ್ಟುಕೊಂಡಿದ್ದಾರೆ. ಸದ್ಯ, ಚಿತ್ರತಂಡದವರು ಪ್ರಭಾಸ್ಗೆ ಕಥೆ ವಿವರಿಸಿದ್ದಾರೆ. ಪ್ರಭಾಸ್ ಸಿನಿಮಾದ ಕಥೆ ಇಷ್ಟಪಟ್ಟರೆ ಶೂಟಿಂಗ್ ಮತ್ತಿತ್ಯಾದಿ ವಿಚಾರಗಳ ಬಗ್ಗೆ ಚರ್ಚೆ ನಡೆಯಲಿದೆ.
ಸಾಕಷ್ಟು ಹೀರೋಗಳು ಹಾರರ್ ಸಿನಿಮಾಗಳಲ್ಲಿ ನಟಿಸಿರುತ್ತಾರೆ. ಆದರೆ, ಪ್ರಭಾಸ್ ಈವರೆಗೆ ಒಂದೇಒಂದು ಹಾರರ್ ಚಿತ್ರದಲ್ಲಿ ನಟಿಸಿಲ್ಲ. ಹಾರರ್ ಸಿನಿಮಾಗಳೆಂದರೆ ಭಯ ಎಂಬುದಾಗಿ ಅನೇಕ ಬಾರಿ ಅವರೇ ಹೇಳಿಕೊಂಡಿದ್ದಾರೆ. ಅಷ್ಟಕ್ಕೂ ಅವರು ಈ ಆಫರ್ ಒಪ್ಪಿಕೊಳ್ಳುತ್ತಾರಾ ಅನ್ನೋದು ಸದ್ಯದ ಕುತೂಹಲ.
ಪ್ರಭಾಸ್ ಹಿಂದಿ ಸಿನಿಮಾ ಮಾಡುವ ಬಗ್ಗೆಯೂ ಇತ್ತೀಚೆಗೆ ಸುದ್ದಿಯೊಂದು ಹಬ್ಬಿತ್ತು. ಪ್ರಭಾಸ್ ನಟನೆಯ ಸಿನಿಮಾಗಳು ಹಿಂದಿಗೆ ಡಬ್ ಆಗಿ ತೆರೆಕಂಡಿವೆ. ಆದರೆ, ಹಿಂದಿಯಲ್ಲೇ ಸಿದ್ಧಗೊಂಡಿರುವ ಚಿತ್ರದಲ್ಲಿ ಅವರು ಈವರೆಗೆ ನಟಿಸಿಲ್ಲ. ಈ ಬಗ್ಗೆಯೂ ಕೆಲ ವಿಚಾರಗಳು ಸುದ್ದಿಯಲ್ಲಿದ್ದು, ಯಾವುದೂ ಆಧಿಕೃತವಾಗಿಲ್ಲ.
ಟಾಲಿವುಡ್ನಲ್ಲಿ ಪ್ರಭಾಸ್ ಬ್ಯುಸಿಯಾಗಿದ್ದಾರೆ. ಪ್ರಭಾಸ್ ಅವರು ‘ಆದಿಪುರುಷ್’ ಚಿತ್ರದ ಶೂಟಿಂಗ್ನಲ್ಲಿ ತೊಡಗಿಕೊಂಡಿದ್ದಾರೆ. ಪೂಜಾ ಹೆಗ್ಡೆ ಜೊತೆ ಅವರು ನಟಿಸಿರುವ ‘ರಾಧೆ ಶ್ಯಾಮ್’ ಚಿತ್ರ ಬಿಡುಗಡೆಗೆ ಸಜ್ಜಾಗಿದ್ದು, 2022ರ ಜ.14ರಂದು ವಿಶ್ವಾದ್ಯಂತ ರಿಲೀಸ್ ಆಗಲಿದೆ. ‘ಸಲಾರ್’ನಲ್ಲಿ ಪ್ರಭಾಸ್ಗೆ ಜೋಡಿಯಾಗಿ ನಟಿ ಶ್ರುತಿ ಹಾಸನ್ ಅಭಿನಯಿಸುತ್ತಿದ್ದಾರೆ. ಈ ಚಿತ್ರದ ಮೇಲೆ ಸಾಕಷ್ಟು ನಿರೀಕ್ಷೆ ಇದೆ.
ಇದನ್ನೂ ಓದಿ: ‘ಪ್ರಭಾಸ್ ಜತೆ ಇದ್ದರೆ ಫಿಟ್ನೆಸ್ ಕಳೆದುಕೊಳ್ತೀರಿ’; ಟಾಲಿವುಡ್ ನಟನ ವಿಚಿತ್ರ ಆರೋಪ
