Salman Khan: ಸಲ್ಮಾನ್​ ಖಾನ್​ ವಿರುದ್ಧ ತಿರುಗಿ ಬಿದ್ದ ಸುಶಾಂತ್ ಫ್ಯಾನ್ಸ್​; ‘ರಾಧೆ’ ಬಹಿಷ್ಕಾರ ಮಾಡಲು ಶಪಥ

ನಟ ಸಲ್ಮಾನ್​ ಖಾನ್​ ಅಭಿನಯದ ‘ರಾಧೆ: ಯುವರ್​ ಮೋಸ್ಟ್​ ವಾಂಟೆಡ್​ ಭಾಯ್​’ ಸಿನಿಮಾ ಬಿಡುಗಡೆಗೆ ಸಜ್ಜಾಗುತ್ತಿದೆ. ಅದರ ಮೊದಲ ಹಂತವಾಗಿ ಗುರುವಾರ (ಏ.22) ಅದ್ದೂರಿಯಾಗಿ ಟ್ರೇಲರ್​ ಲಾಂಚ್​ ಮಾಡಲಾಯಿತು. ಎಲ್ಲವೂ ಪ್ಲ್ಯಾನ್​ ಪ್ರಕಾರವೇ ನಡೆದರೆ ಮೇ 13ರಂದು ಈದ್​ ಹಬ್ಬದ ಪ್ರಯುಕ್ತ ಈ ಸಿನಿಮಾ ಬಿಡುಗಡೆ ಆಗಲಿದೆ. ಆದರೆ ‘ರಾಧೆ’ ಚಿತ್ರಕ್ಕೆ ಒಂದು ತೊಂದರೆ ಎದುರಾಗಿದೆ. ಈ ಚಿತ್ರವನ್ನು ಬಹಿಷ್ಕಾರ ಮಾಡಲು ಬಾಲಿವುಡ್​ ನಟ ಸುಶಾಂತ್​ ಸಿಂಗ್​ ರಜಪೂತ್​ ಅಭಿಮಾನಿಗಳು ಪಣ ತೊಟ್ಟಿದ್ದಾರೆ.

ಸುಶಾಂತ್​ ಸಿಂಗ್​ ರಜಪೂತ್​ ಅವರಿಗೂ, ಸಲ್ಮಾನ್​ ಖಾನ್​ ನಟನೆಯ ರಾಧೆ ಚಿತ್ರಕ್ಕೂ ಯಾವುದೇ ರೀತಿಯ ನೇರ ಸಂಬಂಧ ಇಲ್ಲ. ಹಾಗಿದ್ದರೂ ಈ ಸಿನಿಮಾ ಸುಶಾಂತ್​ ಅಭಿಮಾನಿಗಳ ಕೋಪಕ್ಕೆ ಗುರಿಯಾಗಿದೆ. ಅದಕ್ಕೆ ನೇರ ಕಾರಣ ಸಲ್ಮಾನ್​ ಖಾನ್​. ಸುಶಾಂತ್​ ಅಭಿಮಾನಿಗಳ ಪ್ರಕಾರ, ಸುಶಾಂತ್​ ನಿಧನರಾದಲು ಬಾಲಿವುಡ್​ನಲ್ಲಿ ಇರುವ ಮೂವೀ ಮಾಫಿಯಾ ಕಾರಣ. ಆ ಮೂವೀ ಮಾಫಿಯಾವನ್ನು ಸಲ್ಮಾನ್​ ಖಾನ್​ ಪೋಷಿಸುತ್ತಿದ್ದಾರೆ. ಹಾಗಾಗಿ ಸುಶಾಂತ್​ ಸಾವಿಗೆ ಸಲ್ಮಾನ್​ ನೇರವಾಗಿ ಕಾರಣರಾಗುತ್ತಾರೆ ಎಂಬುದು ಸುಶಾಂತ್​ ಪ್ಯಾನ್ಸ್​ ಅಭಿಪ್ರಾಯ.

If u want to teach a lesson 2 Bollywood Mafia then,

BOYCOTT everything link wiz Selmon? we have 2 make history Radhe should be the most dislike trailer of this world ? NO SUSHANT NO BOLLYWOOD ?#BoycottRadhe #SaveLives4Sushant@ApurvaU21 #JusticeForSushantSinghRajput pic.twitter.com/mWypBghcYu

— @therealpshraddha_ (@iamshraddhapanj) April 22, 2021

ರಾಧೆ ಚಿತ್ರದ ಟ್ರೇಲರ್​ ಬಿಡುಗಡೆ ಆಗುತ್ತಿದ್ದಂತೆಯೇ ಸುಶಾಂತ್​ ಸಿಂಗ್​ ರಜಪೂತ್​ ಅಭಿಮಾನಿಗಳು ಅದನ್ನು ವಿರೋಧಿಸಲು ಆರಂಭಿಸಿದ್ದಾರೆ. ಟ್ವಿಟರ್​ನಲ್ಲಿ #BoycottRadhe ಎಂಬ ಹ್ಯಾಶ್​ ಟ್ಯಾಗ್​ ಮೂಲಕ ವಿರೋಧ ವ್ಯಕ್ತಪಡಿಸಲಾಗುತ್ತಿದೆ. ಹಾಗಾಗಿ ಇದು ಟ್ರೆಂಡ್​ ಆಗುತ್ತಿದೆ. ‘ಸುಶಾಂತ್​ಗೆ ಆದ ಅನ್ಯಾಯವನ್ನು ನಾವು ಮರೆಯುವುದಿಲ್ಲ. ಅವರ ಸಾವಿಗೆ ಕಾರಣ ಆದವರಿಗೆ ತಕ್ಕ ಪಾಠ ಕಲಿಸುತ್ತೇವೆ’ ಎಂದು ಸುಶಾಂತ್​ ಫ್ಯಾನ್ಸ್​ ಕಮೆಂಟ್​ ಮಾಡುತ್ತಿದ್ದಾರೆ.

On whose orders did all the Major Production Houses ban Sushant Singh Rajput?#BoycottRadhe#SaveLives4Sushant

— KIZIE #JusticeForSushantSinghRajput (@Sushantify) April 22, 2021

ಗುರುವಾರ ಬಿಡುಗಡೆಯಾದ ರಾಧೆ ಟ್ರೇಲರ್ 24 ಗಂಟೆಯೊಳಗೆ 70 ಲಕ್ಷಕ್ಕೂ ಅಧಿಕ ಬಾರಿ ವೀಕ್ಷಣೆ ಕಂಡಿದೆ. ನಾಲ್ಕ ಲಕ್ಷಕ್ಕೂ ಹೆಚ್ಚು ಜನರು ಇದನ್ನು ಮೆಚ್ಚಿಕೊಂಡು ಲೈಕ್​ ಮಾಡಿದ್ದಾರೆ. 4 ಸಾವಿರ ಡಿಸ್​ಲೈಕ್​ ಬಂದಿದೆ. ‘ಇದು ಜಗತ್ತಿನಲ್ಲೇ ಅತಿ ಹೆಚ್ಚು ಡಿಸ್​ಲೈಕ್​ ಪಡೆದ ಟ್ರೇಲರ್ ಆಗಬೇಕು, ಅಲ್ಲಿಯವರೆಗೆ ಡಿಸ್​ಲೈಕ್​ ಮಾಡುತ್ತಿರಿ’ ಎಂದು ಸುಶಾಂತ್​ ಸಿಂಗ್​ ರಜಪೂತ್​ ಅಭಿಮಾನಿಗಳು ಸೋಶಿಯಲ್​ ಮೀಡಿಯಾದಲ್ಲಿ ಅಭಿಯಾನ ಶುರು ಮಾಡಿದ್ದಾರೆ.

ಮೇ 13ರಂದು ಈ ಚಿತ್ರ ಓಟಿಟಿ ಮತ್ತು ಚಿತ್ರಮಂದಿರಗಳಲ್ಲಿ ಏಕಕಾಲಕ್ಕೆ ಬಿಡುಗಡೆ ಆಗಲಿದೆ. ಸಲ್ಮಾನ್​ ಖಾನ್​ಗೆ ಜೋಡಿಯಾಗಿ ದಿಶಾ ಪಠಾಣಿ ನಟಿಸಿದ್ದಾರೆ. ಪ್ರಭುದೇವ ನಿರ್ದೇಶನದ ಈ ಸಿನಿಮಾದಲ್ಲಿ ಜಾಕಿ ಶ್ರಾಫ್​, ರಣದೀಪ್​ ಹೂಡಾ ಮುಂತಾದವರು ಪ್ರಮುಖ ಪಾತ್ರಗಳನ್ನು ನಿಭಾಯಿಸಿದ್ದಾರೆ.

(Radhe Trailer: Sushant Singh Rajput fans trend Boycott Radhe on Social media to oppose Salman Khan)