ರಜನಿ ಬಗ್ಗೆ ತಪ್ಪಾಗಿ ಹೇಳಿ ವಿವಾದ ಸೃಷ್ಟಿಸಿದ ವಿಜಯ್ ದೇವರಕೊಂಡ; ‘ನಿಮ್ಮ ಅಭಿಪ್ರಾಯ ಬೇಕಿಲ್ಲ’ ಎಂದ ಫ್ಯಾನ್ಸ್ 

ಸೆಲೆಬ್ರಿಟಿಗಳು ಮಾತನಾಡುವಾಗ ಹೆಚ್ಚು ಎಚ್ಚರಿಕೆ ವಹಿಸಬೇಕು. ಇಲ್ಲವಾದಲ್ಲಿ ವಿವಾದಗಳು ಹುಟ್ಟಿಕೊಳ್ಳುತ್ತವೆ. ಈಗ ವಿಜಯ್ ದೇವರಕೊಂಡ ಅವರು ಇದೇ ರೀತಿ ಹೇಳಿಕೆ ನೀಡಿ ವಿವಾದ ಸೃಷ್ಟಿಸಿದ್ದಾರೆ. ರಜನಿ ಫ್ಯಾನ್ಸ್ ವಿಜಯ್ ವಿರುದ್ಧ ಸಿಟ್ಟಿಗೆದ್ದಿದ್ದಾರೆ. ಈ ವಿವಾದದ ಎಫೆಕ್ಟ್ ಅವರ ನಟನೆಯ ‘ಖುಷಿ’ (Kushi Movie) ಚಿತ್ರದ ಕಲೆಕ್ಷನ್  ಮೇಲೆ ಉಂಟಾಗುವ ಎಲ್ಲಾ ಸಾಧ್ಯತೆ ಇದೆ ಎಂದು ಕೆಲವರು ಅಭಿಪ್ರಾಯವ್ಯಕ್ತಪಡಿಸಿದ್ದಾರೆ. ಅಷ್ಟಕ್ಕೂ ಏನಿದು ವಿವಾದ? ವಿಜಯ್ ದೇವರಕೊಂಡ (Vijay Devarakonda) ನಿಜಕ್ಕೂ ಹೇಳಿದ್ದೇನು ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.

ವಿಜಯ್ ದೇವರಕೊಂಡ ಅವರ ನಟನೆಯ ‘ಲೈಗರ್’ ಸಿನಿಮಾ ಹೀನಾಯವಾಗಿ ಸೋತಿದೆ. ಈ ಚಿತ್ರದಿಂದ ವಿಜಯ್ ಅವರ ವೃತ್ತಿ ಜೀವನದ ವೇಗಕ್ಕೆ ತಡೆ ಬಿದ್ದಂತೆ ಆಗಿದೆ. ವಿಜಯ್​ಗೆ ಇನ್ನುಮುಂದೆ ಒಳ್ಳೆಯ ಆಫರ್​ಗಳು ಬರುವುದಿಲ್ಲ ಎಂದು ಅನೇಕರು ಅಭಿಪ್ರಾಯಪಟ್ಟಿದ್ದರು. ಈ ಬಗ್ಗೆ ವಿಜಯ್​ಗೆ ಪ್ರಶ್ನೆ ಮಾಡಲಾಗಿದೆ. ಇದಕ್ಕೆ ಅವರು ಉತ್ತರಿಸುವಾಗ ರಜನಿಕಾಂತ್ ಹಾಗೂ ಚಿರಂಜೀವಿ ಉದಾಹರಣೆ ನೀಡಿದ್ದಾರೆ.

‘ಸೂಪರ್​ಸ್ಟಾರ್​ಗಳು ಹಿಟ್-ಫ್ಲಾಪ್​ಗಳನ್ನೂ ಮೀರಿದವರು. ರಜನಿ ಅವರು ಬ್ಯಾಕ್​ ಟು ಬ್ಯಾಕ್ ಆರು ಫ್ಲಾಪ್ ಸಿನಿಮಾಗಳನ್ನು ನೀಡಬಹುದು. ಆದರೆ, ‘ಜೈಲರ್’ ಅಂಥ ಸಿನಿಮಾ ಮಾಡಿದರೆ 500 ಕೋಟಿ ರೂಪಾಯಿ ಕಲೆಕ್ಷನ್ ಆಗುತ್ತದೆ. ನಾವು ಬಾಯಿಮುಚ್ಚಿಕೊಂಡು ನೋಡಬೇಕು’ ಎಂದಿದ್ದಾರೆ ವಿಜಯ್ ದೇವರಕೊಂಡ. ಚಿರಂಜೀವಿ ಬಗ್ಗೆ ಮಾತನಾಡಿರುವ ಅವರು, ‘ಚಿರಂಜೀವಿ ಕೂಡ ಬ್ಯಾಕ್ ಟು ಬ್ಯಾಕ್ ಫ್ಲಾಪ್ ನೀಡಬಹುದು. ಆದರೆ, ಒಳ್ಳೆಯ ನಿರ್ದೇಶಕರು ಸಿಕ್ಕರೆ ಅವರು ಅದ್ಭುತ ಕಂಬ್ಯಾಕ್ ಮಾಡುತ್ತಾರೆ. ಚಿರಂಜೀವಿ ಅವರು ಇಂಡಸ್ಟ್ರಿಯನ್ನೇ ಬದಲಾಯಿಸಿದವರು. ಅವರು ಅನೇಕರಿಗೆ ಸ್ಫೂರ್ತಿ’ ಎಂದಿದ್ದಾರೆ ವಿಜಯ್.

Vijay Deverakonda’s actual statement:

“Superstars are beyond hits & flops. Rajini sir can have 6 flops back to back. He will come and do #Jailer which is ₹5⃣0⃣0⃣ cr. We all have to SHUT UP🤫 & watch!”

||#Rajinikanth | #VijayDeverakonda| #Kushi|| pic.twitter.com/x0g3LUknKD

— Manobala Vijayabalan (@ManobalaV) August 21, 2023

Learn English first🫵 then comment or judge him

You all should know the difference between “can have” and “had” and VD is not speaking negatively He love’s #Rajinikanth𓃵 sir https://t.co/Mxbs5C57eb

— THE VD_fan_prashanth 🐦 (@THE_VD_FAN) August 21, 2023

ಇದನ್ನೂ ಓದಿ: ಯೋಗಿ ಆದಿತ್ಯನಾಥ್​ ಕಾಲಿಗೆ ಬಿದ್ದು ನಮಸ್ಕಾರ ಮಾಡಿದ್ದಕ್ಕೆ ಸ್ಪಷ್ಟನೆ ನೀಡಿದ ರಜನಿಕಾಂತ್

ರಜನಿಕಾಂತ್ ಅಭಿಮಾನಿಗಳಿಗೆ ಈ ಉದಾಹರಣೆ ಇಷ್ಟವಾಗಿಲ್ಲ. ‘ರಜನಿಕಾಂತ್ ಅವರು ಬ್ಯಾಕ್ ಟು ಬ್ಯಾಕ್ ಆರು ಫ್ಲಾಪ್ ಸಿನಿಮಾಗಳನ್ನು ಎಲ್ಲಿ ನೀಡಿದ್ದಾರೆ? ದರ್ಬಾರ್ ಹಾಗೂ ಅಣ್ಣಾಥೆ ಸಾಮಾನ್ಯ ಹಿಟ್ ಸಿನಿಮಾಗಳು. ಅವು ಫ್ಲಾಪ್ ಅಲ್ಲ’ ಎಂದು ಕೆಲವರು ಹೇಳಿದ್ದಾರೆ. ವಿಜಯ್ ಹೇಳಿಕೆಯನ್ನು ತಪ್ಪಾಗಿ ಅರ್ಥೈಸಲಾಗಿದೆ ಎಂದು ಕೆಲವರು ಹೇಳಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 2:42 pm, Tue, 22 August 23