ರಜನಿಕಾಂತ್ ನಿವಾಸದ ಆವರಣಕ್ಕೆ ನುಗ್ಗಿದ ನೀರು; ವೈರಲ್ ಆಯ್ತು ವಿಡಿಯೋ
ರಜನಿಕಾಂತ್ ಅವರು ಇತ್ತೀಚೆಗೆ ಅನಾರೋಗ್ಯಕ್ಕೆ ಒಳಗಾಗಿದ್ದರು. ಇದಾದ ಬಳಿಕ ಅವರು ಚೇತರಿಕೆ ಕಂಡರು. ಈಗ ಅವರ ನಿವಾಸಕ್ಕೆ ಸಮಸ್ಯೆ ಆಗಿದೆ. ರಜನಿಕಾಂತ್ ಇರುವ ಪೋಯಿಸ್ ಗಾರ್ಡನ್ ಮನೆಯಲ್ಲಿಯೂ ನೀರು ನಗ್ಗಿದೆ. ರಜನಿಕಾಂತ್ ಮನೆ ತಗ್ಗು ಪ್ರದೇಶದಲ್ಲಿ ಇದೆ.
ಚೆನ್ನೈನಲ್ಲಿ ಭಾರೀ ಮಳೆ ಆಗುತ್ತಿದೆ. ಇದರಿಂದ ಅನೇಕ ಕಡೆಗಳಲ್ಲಿ ಪ್ರವಾಹದ ಪರಿಸ್ಥಿತಿ ನಿರ್ಮಾಣ ಆಗಿದೆ. ರಜನಿಕಾಂತ್ ಇರುವ ಪೋಯಿಸ್ ಗಾರ್ಡನ್ ಮನೆಯಲ್ಲಿಯೂ ನೀರು ನಗ್ಗಿದೆ. ರಜನಿಕಾಂತ್ ಮನೆ ತಗ್ಗು ಪ್ರದೇಶದಲ್ಲಿ ಇರುವುದರಿಂದ ಸಮಸ್ಯೆ ಉಂಟಾಗಿದೆ. ಈ ಸಂದರ್ಭದ ವಿಡಿಯೋ ಹಾಗೂ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
ಚೆನ್ನೈಗೆ ಸಂಬಂಧಿಸಿದ ಹಲವು ವಿಡಿಯೋಗಳು ವೈರಲ್ ಆಗಿವೆ. ರಜನಿಕಾಂತ್ ಮನೆಯ ಎದುರಿನ ರಸ್ತೆ ಮಾತ್ರವಲ್ಲದೆ, ಅವರ ಮನೆಯ ಆವರಣದಲ್ಲಿಯೂ ನೀರು ತುಂಬಿದೆ. ಆದರೆ, ನೀರು ಮನೆಯ ಒಳಕ್ಕೆ ನುಗ್ಗಿಲ್ಲ. ರಜನಿಕಾಂತ್ ಹಾಗೂ ಕುಟುಂಬದವರು ವಿಡಿಯೋದಲ್ಲಿ ಕಾಣಿಸಿಲ್ಲ. ಈ ರೀತಿ ಆಗುತ್ತಿರುವುದು ಇದೇ ಮೊದಲೇನು ಅಲ್ಲ. ಈ ಮೊದಲು ಚೆನ್ನೈನಲ್ಲಿ ಭಾರೀ ಮಳೆ ಆದಾಗ ಇದೇ ರೀತಿ ಆಗಿತ್ತು.
ಮಂಗಳವಾರದಿಂದ (ಅಕ್ಟೋಬರ್ 16) ಚೆನ್ನೈನಲ್ಲಿ ಬಿಟ್ಟೂ ಬಿಡದೆ ಮಳೆ ಸುರಿಯುತ್ತಿದೆ. ರಸ್ತೆಗಳೆಲ್ಲ ನೀರಿನಿಂದ ತುಂಬಿ ಹೋಗಿವೆ. ನಗರದಲ್ಲಿ ರೆಡ್ ಅಲರ್ಟ್ ಘೋಷಣೆ ಆಗಿದೆ. ತಮಿಳುನಾಡು ಸರ್ಜಾ ಶಾಲಾ-ಕಾಲೇಜಿಗೆ ರಜೆ ಘೋಷಣೆ ಮಾಡಿದೆ. ಬುಧವಾರ ವರ್ಕ್ಫ್ರಮ್ ಹೋಮ್ ಮಾಡಲು ಸೂಚನೆ ನೀಡಿದೆ.
ರಜನಿಕಾಂತ್ ಅವರು ಇತ್ತಿಚೆಗೆ ಸುದ್ದಿ ಆಗಿದ್ದರು. ಅವರನ್ನು ಚೆನ್ನೈನ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಅವರಿಗೆ ಹೊಟ್ಟೆನೋವು ಕಾಣಿಸಿಕೊಂಡಿದ್ದರಿಂದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯಬೇಕಾಯಿತು. ಅವರ ರಕ್ತನಾಳಗಳು ಉಬ್ಬಿದ್ದವು ಎನ್ನಲಾಗಿದೆ. ಕೆಲ ದಿನ ಆಸ್ಪತ್ರೆಯಲ್ಲಿ ಇದ್ದು ನಂತರ ಡಿಸ್ಚಾರ್ಜ್ ಆದರು. ಕೆಲ ದಿನ ರೆಸ್ಟ್ ಮಾಡಿ ಅವರು ಶೂಟ್ನಲ್ಲಿ ಭಾಗವಹಿಸಬಹುದು ಎಂದು ವೈದ್ಯರು ಹೇಳಿದ್ದಾರೆ.
#JUSTIN | சென்னை போயஸ் கார்டனில் உள்ள ரஜினி இல்லத்தை சூழ்ந்த மழை நீர்#Rajinikanth #PoesGarden #Chennai #Rain #weatherupdates #ThanthiTV pic.twitter.com/cvjXGzTZkm
— Thanthi TV (@ThanthiTV) October 15, 2024
ಇದನ್ನೂ ಓದಿ: ರತನ್ ಟಾಟಾಗೆ ತಲೆಬಾಗಿ ನಮಸ್ಕಾರ ಮಾಡಿದ್ದ ರಜನಿಕಾಂತ್; ನೆನಪು ಹಂಚಿಕೊಂಡ ಸೂಪರ್ ಸ್ಟಾರ್
ರಜನಿಕಾಂತ್ ನಟನೆಯ ‘ವೆಟ್ಟೈಯಾನ್’ ಸಿನಿಮಾ ಅಕ್ಟೋಬರ್ 10ರಂದು ರಿಲೀಸ್ ಆಯಿತು. ಈ ಸಿನಿಮಾ ಸಾಧಾರಣ ಗಳಿಕೆ ಮಾಡಿದೆ. ಈಗ ಅವರು ಲೋಕೇಶ್ ಕನಗರಾಜ್ ಅವರ ‘ಕೂಲಿ’ ಸಿನಿಮಾದಲ್ಲಿ ಬ್ಯುಸಿ ಆಗಿದ್ದಾರೆ. ಶೀಘ್ರವೇ ಅವರು ಸಿನಿಮಾ ಶೂಟ್ನಲ್ಲಿ ಭಾಗಿ ಆಗಲಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
