Ram Charan Birthday: ಹೇಗಿದೆ ನೋಡಿ ರಾಮ್ ಚರಣ್ ದುಬಾರಿ ಪ್ರೈವೆಟ್ ಜೆಟ್; ಇಲ್ಲಿದೆ ವಿಡಿಯೋ
ರಾಮ್ ಚರಣ್ ಹಾಗೂ ಉಪಾಸನಾ ಅವರು ಐಷಾರಾಮಿ ಜೀವನ ನಡೆಸುತ್ತಿದ್ದಾರೆ. ರಾಮ್ ಚರಣ್ ಅವರ ಆಸ್ತಿ 1600 ಕೋಟಿ ರೂಪಾಯಿಗೂ ಅಧಿಕವಾಗಿದೆ. ಹಲವು ಐಷಾರಾಮಿ ಕಾರುಗಳು ಅವರ ಬಳಿ ಇವೆ. ಅವರು ತಮ್ಮದೇ ಆದ ಏರ್ಲೈನ್ಸ್ ಕೂಡ ಹೊಂದಿದ್ದಾರೆ.
ಟಾಲಿವುಡ್ನ ಸ್ಟಾರ್ ಹೀರೋ ರಾಮ್ ಚರಣ್ ಅವರಿಗೆ ಇಂದು (ಮಾರ್ಚ್ 27) ಜನ್ಮದಿನ. ಅವರ ಬರ್ತ್ಡೇನ ಫ್ಯಾನ್ಸ್ ಹಬ್ಬದ ರೀತಿ ಸೆಲೆಬ್ರೇಟ್ ಮಾಡುತ್ತಿದ್ದಾರೆ. ರಾಮ್ ಚರಣ್ ಅವರ ನಟನೆಯ ‘ಆರ್ಆರ್ಆರ್’ ಸಿನಿಮಾ ಸೂಪರ್ ಹಿಟ್ ಆಯಿತು. ಈ ಚಿತ್ರದ ‘ನಾಟು ನಾಟು..’ ಹಾಡು ಆಸ್ಕರ್ ಗೆದ್ದಿದೆ. ರಾಮ್ ಚರಣ್ ಅವರು ಸಾಕಷ್ಟು ಸಮಯ ತೆಗೆದುಕೊಂಡು ಸಿನಿಮಾ ಮಾಡುತ್ತಾರೆ. ಇದಕ್ಕೆ ‘ಗೇಮ್ ಚೇಂಜರ್’ (Game Changer Movie) ಉತ್ತಮ ಉದಾಹರಣೆ. ಅವರು ಪತ್ನಿ ಉಪಾಸನಾ ಜೊತೆ ಆಗಾಗ ಪ್ರವಾಸ ತೆರಳುತ್ತಾರೆ. ಈ ವೇಳೆ ಅವರು ತಮ್ಮ ಪ್ರೈವೆಟ್ ಜೆಟ್ ಬಳಕೆ ಮಾಡುತ್ತಾರೆ. ಈ ಜೆಟ್ನ ವಿಡಿಯೋ ಇಲ್ಲಿದೆ.
ರಾಮ್ ಚರಣ್ ಹಾಗೂ ಉಪಾಸನಾ ಅವರು ಐಷಾರಾಮಿ ಜೀವನ ನಡೆಸುತ್ತಿದ್ದಾರೆ. ರಾಮ್ ಚರಣ್ ಅವರ ಆಸ್ತಿ 1600 ಕೋಟಿ ರೂಪಾಯಿಗೂ ಅಧಿಕವಾಗಿದೆ. ಹಲವು ಐಷಾರಾಮಿ ಕಾರುಗಳು ಅವರ ಬಳಿ ಇವೆ. ಅವರು ತಮ್ಮದೇ ಆದ ಏರ್ಲೈನ್ಸ್ ಕೂಡ ಹೊಂದಿದ್ದಾರೆ. ಇದು ಸಖತ್ ಐಷಾರಾಮಿ ಆಗಿದೆ. ಒಂದು ರಾಜ್ಯದಿಂದ ಇನ್ನೊಂದು ರಾಜ್ಯಕ್ಕೆ ತೆರಳಲು ರಾಮ್ ಚರಣ್ ಇದೇ ಜೆಟ್ನ ಬಳಕೆ ಮಾಡುತ್ತಾರೆ.
ಇತ್ತೀಚೆಗೆ ಮುಕೇಶ್ ಅಂಬಾನಿ ಮಗ ಅನಂತ್ ಅಂಬಾನಿ ಹಾಗೂ ರಾಧಿಕಾ ಮರ್ಚಂಟ್ ಅವರ ವಿವಾಹ ಪೂರ್ವ ಸಮಾರಂಭ ಗುಜರಾತ್ನ ಜಾಮ್ನಗರದಲ್ಲಿ ನಡೆದಿತ್ತು. ಇದಕ್ಕೆ ರಾಮ್ ಚರಣ್ ಹಾಗೂ ಉಪಾಸನಾ ಕೂಡ ಆಗಮಿಸಿದ್ದರು. ಪ್ರಯಾಣಕ್ಕೆ ತಮ್ಮ ಖಾಸಗಿ ಜೆಟ್ ಬಳಕೆ ಮಾಡಿದ್ದರು. ಇವರು TruJet ಏಲ್ಲೈನ್ಸ್ ಹೊಂದಿದ್ದು, ಇದು ಭಾರತದಲ್ಲಿ ತಮ್ಮ ಕಾರ್ಯಾಚಾರಣೆ ನಡೆಸುತ್ತಿದೆ. ಈ ಕಂಪನಿಗೆ ರಾಮ್ ಚರಣ್ ಅವರೇ ಮುಖ್ಯಸ್ಥರು.
ರಾಮ್ ಚರಣ್ ವಿಡಿಯೋ
View this post on Instagram
ರಾಮ್ ಚರಣ್ ಪತ್ನಿ ಉಪಾಸನಾ ಅವರಿಗೆ ಜೆಬಾ ಹಸನ್ ಅವರು ಮೇಕಪ್ ಆರ್ಟಿಸ್ಟ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಇತ್ತೀಚೆಗೆ ಅವರು ಪ್ರೈವೆಟ್ ಜೆಟ್ನ ವಿಡಿಯೋ ಹಂಚಿಕೊಂಡಿದ್ದರು. ಈ ದಂಪತಿ ಅಪರೂಪದಲ್ಲೇ ಅಪರೂಪ ಎಂಬಂತೆ ವಿಮಾನದಲ್ಲಿ ಕುಳಿತ ಫೋಟೋಗಳನ್ನು ಹಂಚಿಕೊಳ್ಳುತ್ತಾರೆ.
ಇದನ್ನೂ ಓದಿ: ರಾಮ್ ಚರಣ್-ಉಪಾಸನಾ ಮಗಳು ನೋಡಿಕೊಳ್ಳುತ್ತಿರುವ ಮಹಿಳೆ ಯಾರು? ಅವರ ಸಂಬಳವೆಷ್ಟು?
ರಾಮ್ ಚರಣ್ ಅವರು ಐಷಾರಾಮಿ ಜೀವನ ನಡೆಸುತ್ತಿರುವ ಹೊರತಾಗಿಯೂ ಅವರು ಎಂದಿಗೂ ಆ್ಯಟಿಟ್ಯೂಡ್ ತೋರಿಸಿದವರಲ್ಲ. ಅಭಿಮಾನಿಗಳ ಜೊತೆ ಅವರು ಬೆರೆಯುತ್ತಾರೆ. ಬರ್ತ್ಡೇ ಪ್ರಯುಕ್ತ ಅವರು ಅಭಿಮಾನಿಗಳನ್ನು ಭೇಟಿ ಮಾಡಲಿದ್ದಾರೆಯೇ ಎನ್ನುವ ಕುತೂಹಲ ಇದೆ. ಹೈದರಾಬಾದ್ನ ಜುಬ್ಲಿ ಹಿಲ್ಸ್ನಲ್ಲಿ ರಾಮ್ ಚರಣ್ ಅವರು ಐಷಾರಾಮಿ ಮನೆ ಹೊಂದಿದ್ದಾರೆ. ಅವರ ಬಳಿ ಫೆರಾರಿ ಸೇರಿ ಅನೇಕ ದುಬಾರಿ ಕಾರುಗಳು ಇವೆ. ‘ಗೇಮ್ ಚೇಂಜರ್’ ಜೊತೆ ನಿರ್ದೇಶಕ ಬುಚ್ಚಿ ಬಾಬು ಹಾಗೂ ಸುಕುಮಾರ್ ಜೊತೆ ತಲಾ ಒಂದು ಸಿನಿಮಾ ಘೋಷಣೆ ಆಗಿದೆ. ಈ ಚಿತ್ರಗಳಿಂದ ಇಂದು ಏನಾದರೂ ಘೋಷಣೆ ಆಗಲಿವೆಯೇ ಎನ್ನುವ ಕುತೂಹಲ ಮೂಡಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
