ಮಾಸ್​ ಚಿತ್ರದಲ್ಲಿ ಮಸ್ತ್​ ಸಾಂಗ್​; ‘ಟೈಗರ್ ನಾಗೇಶ್ವರ ರಾವ್​’ ಸಿನಿಮಾದಲ್ಲಿ ನೂಪುರ್ ಜತೆ ರವಿತೇಜ ಡ್ಯಾನ್ಸ್​

ಈಗಾಗಲೇ ‘ಟೈಗರ್​ ನಾಗೇಶ್ವರ ರಾವ್​’ (Tiger Nageswara Rao) ಸಿನಿಮಾದ ಪೋಸ್ಟರ್​ಗಳು ಧೂಳೆಬ್ಬಿಸಿವೆ. ಇದು ಪಕ್ಕಾ ಮಾಸ್​ ಸಿನಿಮಾ. ಅದರಲ್ಲೊಂದು ಮಸ್ತ್​ ಸಾಂಗ್​ ಸೇರಿಸುವ ಕೆಲಸ ಆಗಿದೆ. ಟಾಲಿವುಡ್​ನಲ್ಲಿ ರವಿತೇಜ (Ravi Teja) ಅವರು ಮಾಸ್​ ಮಹಾರಾಜ ಎಂದೇ ಫೇಮಸ್​. ಅದಕ್ಕೆ ತಕ್ಕಂತೆಯೇ ಈ ಸಿನಿಮಾ ಮೂಡಿಬರುತ್ತಿದೆ. ಈಗ ಈ ಚಿತ್ರದಿಂದ ಮೊದಲ ಸಾಂಗ್​ ರಿಲೀಸ್ ಮಾಡಲಾಗಿದೆ. ‘ಏಕ್ ಧಮ್ ಏಕ್ ಧಮ್..’ ಎಂದು ಶುರುವಾಗುವ ಈ ಗೀತೆಯನ್ನು 5 ಭಾಷೆಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಒಟ್ಟಾರೆಯಾಗಿ ಈ ಹಾಡಿಗೆ ಮಿಲಿಯನ್​ಗಟ್ಟಲೆ ವೀವ್ಸ್​ ಸಿಗುತ್ತಿದೆ. ಇದು ಪ್ಯಾನ್​ ಇಂಡಿಯಾ ಸಿನಿಮಾ (Pan Indian Movie) ಆಗಿದ್ದು, ಸಾಕಷ್ಟು ಕೌತುಕ ಮೂಡಿಸಿದೆ. ದಸರಾ ಹಬ್ಬದ ಸಂದರ್ಭದಲ್ಲಿ ಈ ಸಿನಿಮಾ ರಿಲೀಸ್​ ಆಗಲಿದ್ದು, ಭರ್ಜರಿ ಓಪನಿಂಗ್​ ಪಡೆಯುವ ನಿರೀಕ್ಷೆ ಇದೆ.

‘ಟೈಗರ್​ ನಾಗೇಶ್ವರ ರಾವ್​’ ಸಿನಿಮಾದ ‘ಏಕ್ ಧಮ್ ಏಕ್ ಧಮ್..’ ಹಾಡಿನ ಕನ್ನಡ ವರ್ಷನ್​ಗೆ ಸಂತೋಷ್ ವಿಶ್ವರತ್ನ ಅವರು ಸಾಹಿತ್ಯ ಬರೆದಿದ್ದಾರೆ. ಅನಿರುದ್ಧ್ ಶಾಸ್ತ್ರೀ ಅವರು ಈ ಹಾಡಿಗೆ ಧ್ವನಿ ನೀಡಿದ್ದಾರೆ. ಈ ಹಾಡಿನಲ್ಲಿ ರವಿತೇಜ ಹಾಗೂ ನೂಪುರ್ ಸನೋನ್ ಅವರು ಬಿಂದಾಸ್​ ಆಗಿ ಹೆಜ್ಜೆ ಹಾಕಿದ್ದಾರೆ. ಈ ಡ್ಯಾನ್ಸ್​ ನಂಬರ್​ಗೆ ಖ್ಯಾತ ಮ್ಯೂಸಿಕ್​ ಡೈರೆಕ್ಟರ್​ ಜಿ.ವಿ. ಪ್ರಕಾಶ್ ಕುಮಾರ್​ ಅವರು ಸಂಗೀತ ಸಂಯೋಜನೆ ಮಾಡಿದ್ದಾರೆ. ರವಿತೇಜ ಅವರ ಅಭಿಮಾನಿಗಳಿಗೆ ಈ ಹಾಡು ಇಷ್ಟವಾಗಿದೆ. ‘ಕಾರ್ತಿಕೇಯ 2’, ‘ದಿ ಕಾಶ್ಮೀರ್​​ ಫೈಲ್ಸ್ ’ ಮುಂತಾದ ಸಿನಿಮಾಗಳನ್ನು ನಿರ್ಮಿಸಿರುವ ಅಭಿಷೇಕ್ ಅಗರ್​ವಾಲ್ ಅವರು ‘ಅಭಿಷೇಕ್​ ಅಗರ್ವಾಲ್ ಆರ್ಟ್ಸ್’ ಸಂಸ್ಥೆ ಮೂಲಕ ಈ ಸಿನಿಮಾವನ್ನು ನಿರ್ಮಿಸಿದ್ದು, ವಂಶಿ ಅವರು ನಿರ್ದೇಶನ ಮಾಡಿದ್ದಾರೆ.

‘ಏಕ್ ಧಮ್ ಏಕ್ ಧಮ್..’ ಹಾಡು:

ಈ ಸಿನಿಮಾದ ಕಥೆ ಬಗ್ಗೆಯೂ ಸುಳಿವು ಬಿಟ್ಟುಕೊಡಲಾಗಿದೆ. 70ರ ಕಾಲಘಟ್ಟದ ಹೈದರಾಬಾದ್​ನ ಸ್ಟುವರ್ಟ್ ಪುರಂ ಹಳ್ಳಿಯಲ್ಲಿದ್ದ ನಟೋರಿಯಸ್​ ಕಳ್ಳನ ಜೀವನಾಧಾರಿತವಾಗಿ ಈ ಸಿನಿಮಾ ಮೂಡಿಬರುತ್ತಿದೆ. ಈ ಹಿಂದಿನ ಎಲ್ಲಾ ಚಿತ್ರಗಳಿಗಿಂತಲೂ ಭಿನ್ನವಾಗಿ ರವಿತೇಜ ಅವರು ಕಾಣಿಸಿಕೊಳ್ಳಲಿದ್ದಾರೆ. ಅವರ ಗೆಟಪ್, ಬಾಡಿ ಲಾಂಗ್ವೇಜ್ ಪೂರ್ತಿ ಬದಲಾಗಿದೆ. ನೂಪುರ್ ಸನೋನ್ ಹಾಗೂ ಗಾಯತ್ರಿ ಭಾರದ್ವಾಜ್ ಅವರು ನಾಯಕಿಯರಾಗಿ ಈ ಸಿನಿಮಾದಲ್ಲಿ ನಟಿಸಿದ್ದಾರೆ.

Tiger Nageswara Rao: ‘ಟೈಗರ್ ನಾಗೇಶ್ವರ ರಾವ್’ ಚಿತ್ರಕ್ಕೆ ಸಾಥ್​ ನೀಡಿದ ಶಿವಣ್ಣ; ಬಿಡುಗಡೆ ಆಯ್ತು ಖಡಕ್​ ಪೋಸ್ಟರ್​

ಆರ್. ಮಧಿ ಅವರು ‘ಟೈಗರ್​ ನಾಗೇಶ್ವರ ರಾವ್​’ ಚಿತ್ರಕ್ಕೆ ಛಾಯಾಗ್ರಹಣ ಮಾಡಿದ್ದಾರೆ. ಶ್ರೀಕಾಂತ್ ವೀಸಾ ಅವರು ಸಂಭಾಷಣೆ ಬರೆದಿದ್ದಾರೆ. ಜಿ.ವಿ. ಪ್ರಕಾಶ್ ಕುಮಾರ್ ಅವರ ಸಂಗೀತ ಎಂಬ ಕಾರಣದಿಂದ ಈ ಸಿನಿಮಾದ ಮೇಲಿನ ಹೈಪ್​ ಹೆಚ್ಚಿದೆ. ಅವಿನಾಶ್ ಕೊಲ್ಲಾ ಅವರು ಕಾರ್ಯಕಾರಿ ನಿರ್ಮಾಪಕರಾಗಿ ಕೆಲಸ ಮಾಡುತ್ತಿದ್ದಾರೆ. ಮಯಾಂಕ್ ಸಿಂಘಾನಿಯಾ ಅವರು ಈ ಸಿನಿಮಾಗೆ ಸಹ ನಿರ್ಮಾಪಕರಾಗಿದ್ದಾರೆ. ‘ಟೈಗರ್ ನಾಗೇಶ್ವರ್ ರಾವ್’ ಸಿನಿಮಾ ಅಕ್ಟೋಬರ್ 20ರಂದು ವಿಶ್ವಾದ್ಯಂತ ಬಿಡುಗಡೆ ಆಗಲಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.