ಕಮಲ್​ ಹಾಸನ್​ ವಿಚ್ಛೇದನ ಪಡೆದಾಗ ಖುಷಿಪಟ್ಟಿದ್ದ ಮಗಳು ಶ್ರುತಿ ಹಾಸನ್​; ಕಾರಣ ಏನು?

ಭಾರತೀಯ ಚಿತ್ರರಂಗದಲ್ಲಿ ನಟಿ ಶ್ರುತಿ ಹಾಸನ್​ ಯಶಸ್ವಿ ಕಲಾವಿದೆಯಾಗಿ ಗುರುತಿಸಿಕೊಂಡಿದ್ದಾರೆ. ಅನೇಕ ಸ್ಟಾರ್​ ನಟರ ಸಿನಿಮಾಗಳಲ್ಲಿ ಅವರು ಅಭಿನಯಿಸಿದ್ದಾರೆ. ಈಗಲೂ ಅವರಿಗೆ ದೊಡ್ಡ ಮಟ್ಟದ ಡಿಮ್ಯಾಂಡ್​ ಇದೆ. ಪ್ರಶಾಂತ್​ ನೀಲ್​ ಮತ್ತು ಪ್ರಭಾಸ್​ ಕಾಂಬಿನೇಷನ್​ನಲ್ಲಿ ಮೂಡಿಬರುತ್ತಿರುವ ಸಲಾರ್​ ಚಿತ್ರಕ್ಕೆ ಅವರೇ ನಾಯಕಿ. ವೃತ್ತಿಜೀವನದಲ್ಲಿ ಇಷ್ಟೆಲ್ಲ ಯಶಸ್ಸು ಕಂಡಿರುವ ಅವರು ವೈಯಕ್ತಿಕ ಜೀವನದಲ್ಲಿ ಅನೇಕ ಏಳು-ಬೀಳುಗಳನ್ನು ಎದುರಿಸಿದ್ದಾರೆ. ಅವರ ತಂದೆ ಕಮಲ್​ ಹಾಸನ್​ ಕೂಡ ಸಂಸಾರದ ತಾಪತ್ರಯಕ್ಕೆ ಸಿಲುಕಿದ್ದರು. ತಂದೆ-ತಾಯಿ ಡಿವೋರ್ಸ್​ ಪಡೆದುಕೊಂಡಾಗ ಶ್ರುತಿ ಹಾಸನ್​ ಹೆಚ್ಚು ಸಂತಸಪಟ್ಟಿದ್ದರು!

ಅಪ್ಪ-ಅಮ್ಮನ ವಿಚ್ಛೇದನದ ಬಗ್ಗೆ ಇಷ್ಟು ದಿನ ಮೌನವಾಗಿದ್ದ ಶ್ರುತಿ ಹಾಸನ್​ ಈಗ ಬಾಯಿ ಬಿಟ್ಟಿದ್ದಾರೆ. ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ‘ಸಲಾರ್​’ ನಟಿ ಹಲವು ವಿಚಾರಗಳನ್ನು ಹೇಳಿಕೊಂಡಿದ್ದಾರೆ. 1988ರಲ್ಲಿ ನಟಿ ಸಾರಿಕಾ ಜೊತೆ ಕಮಲ್​ ಹಾಸನ್​ ಮದುವೆ ನಡೆಯಿತು. ಹಲವು ವರ್ಷಗಳ ಕಾಲ ಖುಷಿಯಿಂದ ಸಹಬಾಳ್ವೆ ನಡೆಸಿದ ಅವರಿಗೆ ಇಬ್ಬರು ಹೆಣ್ಣುಮಕ್ಕಳು (ಶ್ರುತಿ ಹಾಸನ್​ ಮತ್ತು ಅಕ್ಷರಾ ಹಾಸನ್) ಜನಿಸಿದರು. ​ಆದರೆ 2004ರಲ್ಲಿ ಕಮಲ್​ ಹಾಸನ್​ ಹಾಗೂ ಸಾರಿಕಾ ವಿಚ್ಛೇದನ ಪಡೆದುಕೊಂಡರು. ಈಗ ಶ್ರುತಿ ಹಾಸನ್​ ಸಂಭ್ರಮಿಸಿದ್ದರು ಎಂದರೆ ನಂಬಲೇಬೇಕು.

ಸಾಮಾನ್ಯವಾಗಿ ಅಪ್ಪ-ಅಮ್ಮ ಬೇರಾದರೆ ಮಕ್ಕಳಿಗೆ ನೋವಾಗುತ್ತದೆ. ಆದರೆ ಶ್ರುತಿ ಹಾಸನ್​ ವಿಚಾರದಲ್ಲಿ ಅದು ಉಲ್ಟಾ ಆಯಿತು. ಯಾಕೆಂದರೆ, ತಂದೆ-ತಾಯಿ ಡಿವೋರ್ಸ್​ ಆಗಬೇಕು ಎಂಬುದೇ ಅವರ ಬಯಕೆ ಆಗಿತ್ತು. ‘ಪರಸ್ಪರ ಹೊಂದಾಣಿಕೆ ಇಲ್ಲದ ಇಬ್ಬರು ದೂರಾಗುವುದೇ ಒಳಿತು. ಅಪ್ಪ-ಅಮ್ಮ ಅವರವರ ಬದುಕನ್ನು ಪ್ರತ್ಯೇಕವಾಗಿ ಕಟ್ಟಿಕೊಳ್ಳುತ್ತಾರೆ ಎಂದಾಗ ನನಗೆ ಖುಷಿ ಆಯಿತು. ವಿಚ್ಛೇದನದ ನಂತರವೂ ಅವರು ನಮಗೆ ಒಳ್ಳೆಯ ಪಾಲಕರಾಗಿದ್ದರು’ ಎಂದು ಶ್ರುತಿ ಹಾಸನ್​ ಹೇಳಿದ್ದಾರೆ.

‘ಅಪ್ಪನ ಜೊತೆಗೆ ನಾನು ಹೆಚ್ಚು ಆಪ್ತವಾಗಿದ್ದೆ. ಅಮ್ಮ ಕೂಡ ಚೆನ್ನಾಗಿದ್ದಾರೆ. ಇಂದಿಗೂ ಅವರು ನಮ್ಮ ಬದುಕಿನ ಭಾಗವಾಗಿದ್ದಾರೆ. ಅವರಿಬ್ಬರ ವಿಚ್ಛೇದನದಿಂದ ಒಳ್ಳೆಯದೇ ಆಯಿತು’ ಎಂಬುದು ಶ್ರುತಿ ಹಾಸನ್​ ಮಾತುಗಳು. ಈ ವರ್ಷ ತೆರೆಕಂಡ ‘ವಕೀಲ್​ ಸಾಬ್’​ ಸಿನಿಮಾದಲ್ಲಿ ಶ್ರುತಿ ಅವರು ಪವನ್​ ಕಲ್ಯಾಣ್​ ಜೊತೆಗೆ ನಟಿಸಿದ್ದರು. ಈಗ ಅವರು ಬಹುನಿರೀಕ್ಷಿತ ‘ಸಲಾರ್’​ ಸಿನಿಮಾದ ಭಾಗವಾಗಿದ್ದಾರೆ. ಲಾಕ್​ಡೌನ್​ ಕಾರಣದಿಂದ ಸಲಾರ್​ ಚಿತ್ರದ ಕೆಲಸಗಳು ನಿಂತಿವೆ.

ಇದನ್ನೂ ಓದಿ:

ಕಮಲ್​ ಹಾಸನ್​ ಚುನಾವಣಾ ಸೋಲಿನ ನಂತರ ನನ್ನ ತಂದೆ ಫೈಟರ್​ ಎಂದ ಶ್ರುತಿ ಹಾಸನ್​

Shruti Haasan: ಬಾಯ್​ಫ್ರೆಂಡ್​ ಜೊತೆ ಕಮಲ್​ ಹಾಸನ್​ ಪುತ್ರಿ ಶ್ರುತಿ ಮೋಜು ಮಸ್ತಿ; ಫೋಟೋ ವೈರಲ್​