Happy Birthday Karan Johar: ಕರಣ್​ ಜೋಹರ್​ 49ನೇ ಜನ್ಮದಿನ; ಲಾಕ್​ಡೌನ್​ನಲ್ಲೂ ಪಾರ್ಟಿ?

Happy Birthday Karan Johar: ಕರಣ್​ ಜೋಹರ್​ 49ನೇ ಜನ್ಮದಿನ; ಲಾಕ್​ಡೌನ್​ನಲ್ಲೂ ಪಾರ್ಟಿ?
ಕರಣ್​ ಜೋಹರ್

Karan Johar Birthday: ಪ್ರತಿ ವರ್ಷ ಕರಣ್​ ಜೋಹರ್ ತಮ್ಮ ಮನೆಯಲ್ಲೇ ಬರ್ತ್​ ಡೇ ಆಚರಿಸಿಕೊಳ್ಳುತ್ತಿದ್ದರು. ಆದರೆ, ಈ ಬಾರಿ ಅವರು ಪ್ಲ್ಯಾನ್​ ಚೇಂಜ್​ ಮಾಡಿದ್ದಾರೆ. ಅಲಿಬಾಗ್​ನ ರೆಸಾರ್ಟ್​ನಲ್ಲಿ ಬರ್ತ್​ಡೇ ಆಚರಣೆ ಮಾಡಿಕೊಳ್ಳುತ್ತಿದ್ದಾರೆ ಎಂಬ ಸುದ್ದಿ ಕೇಳಿಬಂದಿದೆ.

Rajesh Duggumane

| Edited By: Madan Kumar

May 25, 2021 | 7:32 AM

ಸಾಕಷ್ಟು​ ಸ್ಟಾರ್​ ಕಿಡ್​ಗಳನ್ನು ಬಾಲಿವುಡ್​ಗೆ ಪರಿಚಯಿಸಿದ ಖ್ಯಾತಿ ಕರಣ್​ ಜೋಹರ್​ ಅವರದ್ದು. ಯಾವುದೇ ಸ್ಟಾರ್​ ಮಕ್ಕಳು ಚಿತ್ರರಂಗ ಪ್ರವೇಶಿಸಬೇಕು ಎಂದರೆ, ಮೊದಲು ಅಪ್ರೋಚ್​ ಮಾಡುವುದು ಕರಣ್​ ಅವರನ್ನು. ಇಂದು (ಮೇ 25) ಅವರು 45ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಸದ್ಯ ಎಲ್ಲಾ ಕಡೆ ಲಾಕ್​ಡೌನ್​ ಜಾರಿಯಲ್ಲಿದೆ. ಆದಾಗ್ಯೂ ಪಾರ್ಟಿ ಮಾಡುವ ಆಲೋಚನೆಯನ್ನು ಕರಣ್​ ಕೈಬಿಟ್ಟಿಲ್ಲ ಎನ್ನಲಾಗಿದೆ.

ಪ್ರತಿ ವರ್ಷ ಕರಣ್​ ಜೋಹರ್ ತಮ್ಮ ಮನೆಯಲ್ಲೇ ಬರ್ತ್​ ಡೇ ಆಚರಿಸಿಕೊಳ್ಳುತ್ತಿದ್ದರು. ಆದರೆ, ಈ ಬಾರಿ ಅವರು ಪ್ಲ್ಯಾನ್​ ಚೇಂಜ್​ ಮಾಡಿದ್ದಾರೆ. ಅಲಿಬಾಗ್​ನ ರೆಸಾರ್ಟ್​ನಲ್ಲಿ ಬರ್ತ್​ಡೇ ಆಚರಣೆ ಮಾಡಿಕೊಳ್ಳುತ್ತಿದ್ದಾರೆ. ಈ ಬಗ್ಗೆ ಸುದ್ದಿ ಹರಿದಾಡುತ್ತಿದೆ.

ಅಂದಹಾಗೆ, ಸ್ಟಾರ್​ಗಳಿಗೆ ಆಹ್ವಾನ ನೀಡಲಾಗಿದೆ. ವಿರಾಟ್​ ಕೊಹ್ಲಿ, ಅನುಷ್ಕಾ ಶರ್ಮಾ, ರಣಬೀರ್ ಕಪೂರ್​, ಆಲಿಯಾ ಭಟ್​, ಸಿದ್ಧಾರ್ಥ್​ ಮಲ್ಹೋತ್ರ, ಕಿಯಾರಾ ಆಡ್ವಾಣಿ. ಶಾರುಖ್​ ಖಾನ್​, ಗೌರಿ ಖಾನ್​, ವಿಕ್ಕಿ ಕೌಶಲ್. ಕತ್ರಿನಾ ಕೈಫ್​, ವರುಣ್​ ಧವನ್​, ನತಾಶಾ ದಲಾಲ್​, ಅಭಿಷೇಕ್​ ಬಚ್ಚನ್​, ಐಶ್ವರ್ಯಾ ರೈ ಸೇರಿದಂತೆ ಅನೇಕರಿಗೆ ಆಮಂತ್ರಣ ಪತ್ರ ತಲುಪಿದೆ ಎನ್ನಲಾಗಿದೆ.

ಮೇ 24ರಿಂದಲೇ ಸಂಭ್ರಮಾಚಾರಣೆ ಆರಂಭವಾಗಿದೆ. ಒಮ್ಮೆಲೇ ಹೆಚ್ಚಿನ ಸಂಖ್ಯೆಯಲ್ಲಿ ಜನ ಸೇರುವಂತಿಲ್ಲ. ಹೀಗಾಗಿ, ಹಂತಹಂತವಾಗಿ ಸೆಲೆಬ್ರಿಟಿಗಳು ಇಲ್ಲಿಗೆ ಭೇಟಿ ನೀಡಲಿದ್ದಾರೆ ಎನ್ನಲಾಗಿದೆ. ರಣವೀರ್, ದೀಪಿಕಾ, ಕರೀನಾ, ಸೈಫ್​ ಅಲಿ ಖಾನ್, ರಾಣಿ ಮುಖರ್ಜಿ, ಆದಿತ್ಯಾ ಚೋಪ್ರಾ, ಅನುಷ್ಕಾ ಶರ್ಮ, ವಿರಾಟ್​ ಕೊಹ್ಲಿ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳೋದು ಅನುಮಾನ ಎನ್ನಲಾಗಿದೆ.

ಕರಣ್ ನಿರ್ಮಾಣದ ಸಾಕಷ್ಟು ಸಿನಿಮಾಗಳು ಶೂಟಿಂಗ್ ಹಂತದಲ್ಲಿವೆ. ಶೇರ್ಶಾ, ದೋಸ್ತಾನಾ 2, ಜುಗ್ ಜುಗ್ ಜೀಯೋ, ಲೈಗರ್ ಸೇರಿ ಸಾಕಷ್ಟು ಸಿನಿಮಾಗಳಿಗೆ ಧರ್ಮಾ ಪ್ರೊಡಕ್ಷನ್ ಬಂಡವಾಳ ಹೂಡುತ್ತಿದೆ.  ಈ ಸಿನಿಮಾಗಳಲ್ಲಿ ಕೆಲವು ಶೂಟಿಂಗ್​ ಹಂತದಲ್ಲಿದ್ದರೆ, ಇನ್ನೂ ಕೆಲವು ಪೋಸ್ಟ್​ ಪ್ರೊಡಕ್ಷನ್​ ಹಂತದಲ್ಲಿದೆ.

ಇದನ್ನೂ ಓದಿ: ಕಾರ್ತಿಕ್​ ಆರ್ಯನ್​ಗೆ ಗೇಟ್​ ಪಾಸ್​ ಕೊಟ್ಟ ಬೆನ್ನಲ್ಲೇ ಕರಣ್​​ ಜೋಹರ್​ಗೆ ಬಿಗ್​ ಶಾಕ್​

ಕೊಹ್ಲಿ ಮದುವೆ ನಂತರ ಅನುಷ್ಕಾ ಶರ್ಮಾಗೆ ಕರಣ್​ ಜೋಹರ್​ ಬಳಸಿದ ಆ ಒಂದು ಶಬ್ದ ಸಾಕಷ್ಟು ಚರ್ಚೆಗೆ ಕಾರಣವಾಗಿತ್ತು

Follow us on

Related Stories

Most Read Stories

Click on your DTH Provider to Add TV9 Kannada