ವ್ಯಾಲೆಂಟೈನ್ಸ್ ಡೇ ಸನಿಹದಲ್ಲಿ ‘ನಗುವಿನ ಹೂಗಳ ಮೇಲೆ’ ಒಂದು ಡುಯೆಟ್ ಸಾಂಗ್
ಅಭಿದಾಸ್ ಹಾಗೂ ಶರಣ್ಯಾ ಶೆಟ್ಟಿ ಅವರು ‘ನಗುವಿನ ಹೂಗಳ ಮೇಲೆ’ ಸಿನಿಮಾದಲ್ಲಿ ನಾಯಕ-ನಾಯಕಿಯರಾಗಿ ಅಭಿಸಿಯಿದ್ದಾರೆ. ಇನ್ನೇನು ವ್ಯಾಲೆಂಟೈನ್ಸ್ ಡೇ ಹತ್ತಿರದಲ್ಲಿದೆ. ಈ ಸಮಯದಲ್ಲಿ ಹೊಸ ಹಾಡು ಬಿಡುಗಡೆ ಮಾಡಲಾಗಿದೆ. ಈ ಡ್ಯುಯೆಟ್ ಹಾಡು ಎಲ್ಲ ಪ್ರೇಮಿಗಳ ಫೇವರಿಟ್ ಆಗುವ ಲಕ್ಷಣ ತೋರಿಸಿದೆ. ‘ಜೀ ಮ್ಯೂಸಿಕ್’ ಮೂಲಕ ರಿಲೀಸ್ ಆದ ಹೊಸ ಹಾಡಿನ ಬಗ್ಗೆ ಇಲ್ಲಿವೆ ವಿವರ..
ನಿರ್ದೇಶಕ ವೆಂಕಟ್ ಭಾರದ್ವಾಜ್ ಅವರು ಆ್ಯಕ್ಷನ್-ಕಟ್ ಹೇಳಿರುವ ‘ನಗುವಿನ ಹೂಗಳ ಮೇಲೆ’ (Naguvina Hoogala Mele) ಚಿತ್ರ ಫೆಬ್ರವರಿ 9ರಂದು ಬಿಡುಗಡೆ ಆಗಲಿದೆ. ಬಿಡುಗಡೆಯ ಹೊಸ್ತಿಲಲ್ಲೇ ಪ್ರೇಕ್ಷಕರ ಕೌತಕ ಮೂಡಿಸು ಸಲುವಾಗಿ ಈ ಸಿನಿಮಾದಿಂದ ಹೊಸ ಹಾಡೊಂದನ್ನು ಬಿಡುಗಡೆ ಮಾಡಲಾಗಿದೆ. ಈಗಾಗಲೇ ‘ನಗುವಿನ ಹೂಗಳ ಮೇಲೆ’ ಒಂದಷ್ಟು ನಿರೀಕ್ಷೆ ಮೂಡಿಸಿದೆ. ಆ ನಿರೀಕ್ಷೆಗಳನ್ನು ಹೆಚ್ಚಿಸುವ ಸಲುವಾಗಿ ಈ ಹಾಡು ಬಿಡುಗಡೆ ಮಾಡಲಾಗಿದೆ. ಈ ಸಿನಿಮಾದಲ್ಲಿ ಪ್ರೀತಿ-ಪ್ರೇಮದ ಹಲವು ಮಜಲುಗಳು ಇವೆ. ಅವುಗಳಲ್ಲಿ ಒಂದು ಭಾವದ ಅಭಿವ್ಯಕ್ತಿಯ ರೀತಿಯಲ್ಲಿ ಈ ಹಾಡು ಮೂಡಿಬಂದಿದೆ.
ಲವ್ ಪ್ರಾಣ್ ಮೆಹ್ತಾ ಸಂಗೀತ ನಿರ್ದೇಶನ ಮಾಡಿರುವ ‘ಮುದ್ದು ಬೇಬಿ ಲವ್ ಯೂ ಬೇಬಿ..’ ಎಂದು ಆರಂಭ ಆಗುವ ಈ ಗೀತೆ ‘ಜೀ ಮ್ಯೂಸಿಕ್ ಸೌತ್’ ಮೂಲಕ ಬಿಡುಗಡೆ ಆಗಿದೆ. ಕಿರಣ್ ನಾಗರಾಜ್ ಸಾಹಿತ್ಯ ಮತ್ತು ರೋನಿ, ಮೇಘನಾ ಕಠಸಿರಿಯಲ್ಲಿ ಮುದ್ದಾಗಿ ರೂಪುಗೊಂಡಿರುವ ಈ ಹಾಡು ಫಲಿಸಿದ ಪ್ರೇಮದ ಎಲ್ಲ ಭಾವಗಳನ್ನೂ ಸಶಕ್ತವಾಗಿ ಹಿಡಿದಿಟ್ಟಂತೆ ಭಾಸವಾಗುತ್ತದೆ. ‘ಮುದ್ದು ಬೇಬಿ..’ ಹಾಡು ಬಹುಬೇಗನೆ ಕೇಳುಗರನ್ನು ಸೆಳೆಯುತ್ತಿದೆ.
ಇನ್ನೇನು ವ್ಯಾಲೆಂಟೈನ್ಸ್ ಡೇ ಹತ್ತಿರದಲ್ಲಿದೆ. ಈ ಸಮಯದಲ್ಲಿ ಈ ಡ್ಯುಯೆಟ್ ಹಾಡು ಎಲ್ಲ ಪ್ರೇಮಿಗಳ ಫೇವರಿಟ್ ಆಗುವ ಲಕ್ಷಣ ತೋರಿಸಿದೆ. ನಿರ್ದೇಶಕ ವೆಂಕಟ್ ಭಾರದ್ವಾಜ್ ಸಣ್ಣ ಸಣ್ಣ ವಿಚಾರಗಳನ್ನೂ ಗಮನದಲ್ಲಿ ಇಟ್ಟುಕೊಂಡು ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರಂತೆ. ಅದರಲ್ಲಿಯೂ ಕಥೆಯ ಓಘಕ್ಕೆ ತಕ್ಕಂತಹ ಹಾಡುಗಳನ್ನು ರೂಪಿಸಲು ಅವರು ಪ್ರಯತ್ನಿಸಿದ್ದಾರೆ. ಅದರ ಭಾಗವಾಗಿ ಪಂಜಾಬ್ ಮೂಲದ ಫೇಮಸ್ ಸಂಗೀತ ನಿರ್ದೇಶಕ ಲವ್ ಪ್ರಾಣ್ ಮೆಹ್ತಾ ಮಾತ್ರವಲ್ಲದೇ, ಹಲವು ರಾಜ್ಯಗಳ ಗಾಯಕರನ್ನೂ ಒಂದೆಡೆ ಸೇರಿಸಿದ್ದಾರೆ.
ಇದನ್ನೂ ಓದಿ: ಕಣ್ಸನ್ನೆ ಹುಡುಗಿಯ ಕನ್ನಡ ಹಾಡು; ‘ವಿಷ್ಣುಪ್ರಿಯ’ ಚಿತ್ರದ ರೊಮ್ಯಾಂಟಿಕ್ ಸಾಂಗ್ ನೋಡಿ..
ನಿರ್ದೇಶಕರ ಪರಿಶ್ರಮ, ಕನಸಿನ ಪ್ರತಿಫಲವಾಗಿ ‘ನಗುವಿನ ಹೂಗಳ ಮೇಲೆ’ ಚಿತ್ರದ ಒಂದೊಂದು ಹಾಡುಗಳೂ ಒಂದೊಂದು ವಿಶೇಷತೆಯನ್ನು ಹೊತ್ತು ಬಂದಿವೆ. ಇದೀಗ ಬಿಡುಗಡೆ ಆಗಿರುವ ಹಾಡಿನಲ್ಲಿಯೂ ಆ ರಿತಿಯ ಛಾಯೆ ಕಾಣಿಸಿದೆ. ಇದು ಪರಿಶುದ್ಧ ಪ್ರೇಮ ಕಥನದ ಭೂಮಿಕೆಯಲ್ಲಿ ತೆರೆದುಕೊಳ್ಳುವ ಬದುಕಿಗೆ ಹತ್ತಿರವಾದ ಸಿನಿಮಾ ಆಗಲಿದೆ ಎಂದು ತಂಡ ಭರವಸೆ ಇಟ್ಟುಕೊಂಡಿದೆ. ಚಂದನ್ ಪಿ. ಸಂಕಲನ ಹಾಗೂ ಟೈಗರ್ ಶಿವು ಅವರ ಸಾಹಸ ನಿರ್ದೇಶನ ಈ ಸಿನಿಮಾಗಿದೆ.
‘ಮುದ್ದು ಬೇಬಿ ಲವ್ ಯೂ ಬೇಬಿ..’ ಹಾಡು:
‘ನಗುವಿನ ಹೂಗಳ ಮೇಲೆ’ ಚಿತ್ರವನ್ನು ಟಾಲಿವುಡ್ನ ಖ್ಯಾತ ನಿರ್ಮಾಪಕ ಕೆ.ಕೆ. ರಾಧಾ ಮೋಹನ್ ಅವರು ‘ಶ್ರೀ ಸತ್ಯಸಾಯಿ ಆರ್ಟ್ಸ್’ ಬ್ಯಾನರ್ ಮೂಲಕ ನಿರ್ಮಾಣ ಮಾಡಿದ್ದಾರೆ. ಅಭಿದಾಸ್ ಹಾಗೂ ಶರಣ್ಯಾ ಶೆಟ್ಟಿ ಅವರು ಈ ಸಿನಿಮಾದಲ್ಲಿ ನಾಯಕ-ನಾಯಕಿಯರಾಗಿ ಅಭಿಸಿಯಿದ್ದಾರೆ. ಅಭಿಷೇಕ್ ಐಯಂಗಾರ್, ಬಲ ರಾಜವಾಡಿ, ಆಶಾ ಸುಜಯ್, ಹರ್ಷಿತ್ ಗೌಡ, ಗಿರೀಶ್ ನಂಜಪ್ಪ, ಹರ್ಷ ಗೋ ಭಟ್, ಹರೀಶ್ ಚೌಹಾಣ್ ಮುಂತಾದವರ ನಟಿಸಿದ್ದಾರೆ. ಪ್ರಮೋದ್ ಭಾರತೀಯ ಅವರ ಛಾಯಾಗ್ರಹಣ ಈ ಸಿಮಾಗಿದೆ. ಅಭಿಷೇಕ್ ಐಯಂಗಾರ್ ಸಂಭಾಷಣೆ ಬರೆದಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ