Fact Check: ‘ಕೆಜಿಎಫ್ 2’ ಬಗ್ಗೆ ಸುದೀಪ್ ರಿಯಾಕ್ಷನ್ ನೀಡಿದ್ದಾರೆ ಎಂಬ ವಿಡಿಯೋದ ಅಸಲಿಯತ್ತೇನು?
ಕಿಚ್ಚ ಸುದೀಪ್ ಸ್ಯಾಂಡಲ್ವುಡ್ ಮಾತ್ರವಲ್ಲದೆ ಪರಭಾಷೆಯಲ್ಲೂ ಬೇಡಿಕೆ ಹೊಂದಿದ್ದಾರೆ. ಅವರು ಅನೇಕ ಸಿನಿಮಾಗಳಿಗೆ ಬೆಂಬಲ ನೀಡಿದ್ದಿದೆ. 2018ರಲ್ಲಿ ‘ಕೆಜಿಎಫ್’ ಸಿನಿಮಾ ಟ್ರೇಲರ್ ನೋಡಿದ್ದ ಸುದೀಪ್ ಇಡೀ ತಂಡಕ್ಕೆ ವಿಶ್ ಮಾಡಿದ್ದರು.
‘ಕೆಜಿಎಫ್ ಚಾಪ್ಟರ್ 2’ ಸಿನಿಮಾ (KGF Chapter 2) ದೊಡ್ಡ ಮಟ್ಟದಲ್ಲಿ ಯಶಸ್ಸು ಕಂಡಿದೆ. ಪರಭಾಷೆಯವರೂ ಈ ಚಿತ್ರವನ್ನು ಕೊಂಡಾಡುತ್ತಿದ್ದಾರೆ. ಈ ಸಿನಿಮಾಗೆ ಬಾಲಿವುಡ್ನಲ್ಲಿ ಸೃಷ್ಟಿ ಆದ ಬೇಡಿಕೆ ನೋಡಿ ಅಲ್ಲಿನ ಸೆಲೆಬ್ರಿಟಿಗಳು ಕಣ್ಣರಳಿಸಿದ್ದಾರೆ. ಬಾಲಿವುಡ್ನಲ್ಲಿ (Bollywood) ಈ ಸಿನಿಮಾ ಐದು ದಿನಕ್ಕೆ 200+ ಕೋಟಿ ಗಳಿಸಿದೆ. ಇದು ಸಣ್ಣ ಸಾಧನೆಯಲ್ಲ. ಆದರೆ, ದೊಡ್ಡದೊಡ್ಡ ಸ್ಟಾರ್ಗಳು ಸಿನಿಮಾ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಇದು ಕೆಲವರ ಅಸಮಾಧಾನಕ್ಕೆ ಕಾರಣವಾಗಿದೆ. ಹೀಗಿರುವಾಗಲೇ ಕೆಲ ಹಳೆಯ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಇದರ ಅಸಲಿಯತ್ತೇನು ಎನ್ನುವ ಪ್ರಶ್ನೆಗೆ ಇಲ್ಲಿದೆ ಉತ್ತರ.
ಕಿಚ್ಚ ಸುದೀಪ್ ಸ್ಯಾಂಡಲ್ವುಡ್ ಮಾತ್ರವಲ್ಲದೆ ಪರಭಾಷೆಯಲ್ಲೂ ಬೇಡಿಕೆ ಹೊಂದಿದ್ದಾರೆ. ಅವರು ಅನೇಕ ಸಿನಿಮಾಗಳಿಗೆ ಬೆಂಬಲ ನೀಡಿದ್ದಿದೆ. 2018ರಲ್ಲಿ ‘ಕೆಜಿಎಫ್’ ಸಿನಿಮಾ ಟ್ರೇಲರ್ ನೋಡಿದ್ದ ಸುದೀಪ್ ಇಡೀ ತಂಡಕ್ಕೆ ವಿಶ್ ಮಾಡಿದ್ದರು. ‘ಜ್ವಾಲಾಮುಖಿ ಸ್ಫೋಟಗೊಳ್ಳುತ್ತಿರುವಂತೆ ತೋರುತ್ತಿದೆ. #KGF ತಂಡಕ್ಕೆ ನನ್ನ ಶುಭಾಶಯಗಳು. ಪ್ರಶಾಂತ್ ಅವರ ವಿಷನ್ಗೆ ನನ್ನ ಹ್ಯಾಟ್ಸ್ ಆಫ್’ ಎಂದಿದ್ದ ಸುದೀಪ್, ಯಶ್ ಬಗ್ಗೆಯೂ ಮೆಚ್ಚುಗೆಯ ಮಾತುಗಳನ್ನು ಆಡಿದ್ದರು.
Seems like a valcano about to erupt. My best wshs to th team of #KGF .
Hats of to Prashanth for his mind boggling vision. He along with team has taken it to another level… Yash looks splendid. Kudos to @hombalefilms for their passion. https://t.co/OV0VtFHLTd— Kichcha Sudeepa (@KicchaSudeep) November 9, 2018
ಆದರೆ, ‘ಕೆಜಿಎಫ್ 2’ ಬಗ್ಗೆ ಸುದೀಪ್ ಯಾವುದೇ ಟ್ವೀಟ್ ಮಾಡಿಲ್ಲ. ಹೀಗೇಕೆ ಎನ್ನುವ ಪ್ರಶ್ನೆ ಮೂಡಿರುವಾಗಲೇ ವಿಡಿಯೋ ಒಂದು ವೈರಲ್ ಆಗಿದೆ. ‘ಕೆಜಿಎಫ್ 2 ಬಗ್ಗೆ ಸುದೀಪ್ ಅವರ ಮೊದಲ ಪ್ರತಿಕ್ರಿಯೆ’ ಎನ್ನುವ ಅಡಿಬರಹದೊಂದಿಗೆ ವಿಡಿಯೋ ವೈರಲ್ ಮಾಡಲಾಗುತ್ತಿದೆ. ಈ ವಿಡಿಯೋದಲ್ಲಿ ‘ಕೆಜಿಎಫ್ ಬಗ್ಗೆ ನಿಮ್ಮ ಪ್ರತಿಕ್ರಿಯೆ ಏನು’ ಎಂದು ಕೇಳಲಾಗಿತ್ತು. ಇದಕ್ಕೆ ಸುದೀಪ್, ‘ನಾನು ಆ ಸಿನಿಮಾದಲ್ಲಿ ನಟಿಸಿಲ್ಲ’ ಎಂದಷ್ಟೇ ಹೇಳಿರುವುದನ್ನು ಕಟ್ ಮಾಡಿ ಹಾಕಲಾಗಿದೆ.
Boss Thug Life ???#VikrantRona #KicchaSudeep pic.twitter.com/e6J1dM9RGN
— Bang Sudeep Haters (@TeamBSH__) April 19, 2022
ಸುದೀಪ್ ಅವರು ಈಗ ಕೊಂಚ ಉದ್ದನೆಯ ಕೂದಲು ಬಿಟ್ಟಿದ್ದಾರೆ. ಈಗ ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ ಅವರ ಹೇರ್ಸ್ಟೈಲ್ ಬೇರೆಯದೇ ರೀತಿಯಲ್ಲಿದೆ. ಅಲ್ಲದೆ, ಸುದೀಪ್ ಅವರು ಈ ವಿಡಿಯೋದಲ್ಲಿ ಕಾಣಿಸಿಕೊಂಡ ಗೆಟಪ್ನಲ್ಲಿ ಇತ್ತೀಚೆಗೆ ಯಾವುದೇ ಸಾರ್ವಜನಿಕವಾಗಿ ಕಾಣಿಸಿಕೊಂಡಿಲ್ಲ. ಹೀಗಿರುವಾಗ ಅವರು ‘ಕೆಜಿಎಫ್ 2’ ಬಗ್ಗೆ ಪ್ರತಿಕ್ರಿಯಿಸಿದ್ದು ಹೇಗೆ ಎನ್ನುವ ಪ್ರಶ್ನೆ ಮೂಡಿದೆ.
ಸುದೀಪ್ ಅವರ ಇತ್ತೀಚಿನ ಫೋಟೋ
ಪ್ರಶ್ನೆ ಕೇಳುವ ವ್ಯಕ್ತಿ ‘ಕೆಜಿಎಫ್’ ಬಗ್ಗೆ ಹೇಳಿ ಎಂದು ಕೇಳಿದ್ದಾನೆಯೇ ಹೊರತೂ, ‘ಕೆಜಿಎಫ್ 2’ ಬಗ್ಗೆ ಹೇಳಿ ಎಂದು ಹೇಳಿಲ್ಲ. ಅವರು ಈ ಮಾತನ್ನು ‘ಕೆಜಿಎಫ್’ ಬಗ್ಗೆಯೇ ಹೇಳಿದ್ದೇ ಆಗಿದ್ದರೂ, ವಿಡಿಯೋದಲ್ಲಿ ಮುಂದುವರಿದು ಏನು ಹೇಳಿದ್ದಾರೆ ಎಂಬುದೂ ಮುಖ್ಯವಾಗುತ್ತದೆ. ಆದರೆ, ಸದ್ಯ ವಿಡಿಯೋ ವೈರಲ್ ಮಾಡುತ್ತಿರುವವರು ಅರ್ಧ ವಿಡಿಯೋವನ್ನು ಮಾತ್ರ ಹಂಚಿಕೊಂಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ಈ ಬಗ್ಗೆ ಕಿಚ್ಚ ಸುದೀಪ್ ಅವರ ಕಡೆಯಿಂದ ಇನ್ನಷ್ಟೇ ಸ್ಪಷ್ಟನೆ ಸಿಗಬೇಕಿದೆ.
ಇದನ್ನೂ ಓದಿ: ತಮಿಳುನಾಡಿನಲ್ಲಿ ‘ಕೆಜಿಎಫ್ 2’ ಎದುರು ಮಕಾಡೆ ಮಲಗಿದ ‘ಬೀಸ್ಟ್’; ಕಲೆಕ್ಷನ್ ಅಂತರ ಎಷ್ಟು?
‘ಕೆಜಿಎಫ್ 2’ ಚಿತ್ರಕ್ಕೆ ಹೆದರಿದ ಟಾಲಿವುಡ್; ಎರಡು ಸಿನಿಮಾಗಳ ರಿಲೀಸ್ ಡೇಟ್ ಮುಂದಕ್ಕೆ