Bhushan Master: ‘ಚುಟು ಚುಟು..’ ಡ್ಯಾನ್ಸ್​ ಮಾಸ್ಟರ್​ ಭೂಷಣ್​ ಈಗ ಸಿನಿಮಾ ನಿರ್ದೇಶಕ; ಕೋರ್ಸ್​ ಬೇಡ, ಫೋರ್ಸ್​ ಬೇಕು ಅಂತಾವ್ರೆ ಹುಡುಗರು

ಕನ್ನಡ ಚಿತ್ರರಂಗದಲ್ಲಿ ನೃತ್ಯ ನಿರ್ದೇಶಕ ಭೂಷಣ್​ (Choreographer Bhushan) ಅವರು ಫೇಮಸ್​ ಆಗಿದ್ದಾರೆ. ‘ರ‍್ಯಾಂಬೊ 2’ ಸಿನಿಮಾದ ‘ಚುಟು ಚುಟು ಅಂತೈತಿ..’, ‘ಕಾಂತಾರ’ ಚಿತ್ರದ ‘ಸಿಂಗಾರ ಸಿರಿಯೇ..’ ಮುಂತಾದ ಜನಪ್ರಿಯ ಹಾಡುಗಳಿಗೆ ಕೊರಿಯೋಗ್ರಫಿ ಮಾಡಿದ ಭೂಷಣ್​ ಮಾಸ್ಟರ್ (Bhushan Master)​ ಅವರಿಗೆ ಸಖತ್​ ಬೇಡಿಕೆ ಇದೆ. ಪುನೀತ್​ ರಾಜ್​ಕುಮಾರ್ ಅಭಿನಯದ ‘ನಟ ಸಾರ್ವಭೌಮ’, ರಿಷಬ್​ ಶೆಟ್ಟಿ ನಟನೆಯ ‘ಬೆಲ್​ ಬಾಟಂ’ ಸೇರಿದಂತೆ 50ಕ್ಕೂ ಹೆಚ್ಚು ಸಿನಿಮಾದ ಹಾಡುಗಳಿಗೆ ಅವರು ಕೊರಿಯೋಗ್ರಫಿ ಮಾಡಿದ್ದಾರೆ. ನೃತ್ಯ ನಿರ್ದೇಶನ ಮಾತ್ರವಲ್ಲದೇ, ‘ರಾಜ ರಾಣಿ ರೋರರ್ ರಾಕೆಟ್’ ಚಿತ್ರದ ಮೂಲಕ ಅವರು ಹೀರೋ ಆದರು. ಈಗ ಅವರು ನಿರ್ದೇಶಕನ (Movie Director) ಕ್ಯಾಪ್​ ಧರಿಸುತ್ತಿದ್ದಾರೆ ಎಂಬುದು ವಿಶೇಷ.

ಇಂದು (ಜುಲೈ 23) ಭೂಷಣ್​ ಅವರ ಹುಟ್ಟುಹಬ್ಬ. ಈ ಸ್ಪೆಷಲ್​ ದಿನವೇ ಅವರು ತಮ್ಮ ನಿರ್ದೇಶನದ ಪ್ಲ್ಯಾನ್​ ಬಗ್ಗೆ ಬ್ರೇಕಿಂಗ್​ ನ್ಯೂಸ್​ ನೀಡಿದ್ದಾರೆ. ಒಂದು ಫನ್ನಿ ಆದಂತಹ ವಿಡಿಯೋ ಮೂಲಕ ಅವರು ತಮ್ಮ ನಿರ್ದೇಶನದ ಕನಸಿನ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಕಥೆ ಬರೆಯಲು ಶುರುಮಾಡುವ ಭೂಷನ್​ಗೆ ‘ನಾನು ಯಾವುದೇ ಕೋರ್ಸ್​ ಮಾಡಿಲ್ಲವಲ್ಲ’ ಎಂಬ ಚಿಂತೆ ಶುರುವಾಗುತ್ತದೆ. ‘ಡಾಕ್ಟರ್​, ಇಂಜಿನಿಯರ್​, ಟೀಚರ್​ ಆಗಲು ಕೋರ್ಸ್​ ಬೇಕು. ಆದ್ರೆ ಡೈರೆಕ್ಟರ್​ ಆಗಲು ಫೋರ್ಸ್​ ಬೇಕು’ ಎಂದು ಪಕ್ಕದಲ್ಲಿದ್ದ ಹುಡುಗರು ಜೋಶ್​ ತುಂಬುತ್ತಾರೆ. ಈ ವಿಡಿಯೋ ವೈರಲ್​ ಆಗಿದೆ.

View this post on Instagram

A post shared by Bhushan Dhee J Choreographer (@bhushanmaster_official)

ಭೂಷಣ್​ ಅವರ ನಿರ್ದೇಶನದ ಪ್ರಯತ್ನ ಡಿಫರೆಂಟ್​ ಆಗಿರಲಿದೆ ಎಂಬುದಕ್ಕೆ ಈ ವಿಡಿಯೋ ಸಾಕ್ಷಿ ನೀಡುತ್ತಿದೆ. ಆದರೆ ಈ ವಿಡಿಯೋದಲ್ಲಿ ಅವರು ಹೆಚ್ಚಿನ ಮಾಹಿತಿ ಬಿಟ್ಟುಕೊಟ್ಟಿಲ್ಲ. ಸಿನಿಮಾದ ಹೆಸರು ಏನು? ಇದು ಯಾವ ಪ್ರಕಾರದ ಸಿನಿಮಾ ಎಂಬಿತ್ಯಾದಿ ವಿಷಯಗಳನ್ನು ಅವರು ನಂತರ ದಿನಗಳಲ್ಲಿ ತಿಳಿಸಲಿದ್ದಾರೆ. ಸದ್ಯಕ್ಕೆ ಅವರು ಕಥೆ ಬರೆಯುವುದರಲ್ಲಿ ಬ್ಯುಸಿ ಆಗಿದ್ದಾರೆ.

ಇದನ್ನೂ ಓದಿ: ಅಪ್ಪ ಮಾಡಿದ ಒಂದು ಸಣ್ಣ ಕಾರ್ಯ ಪ್ರಭುದೇವ ಜೀವನವನ್ನೇ ಬದಲಿಸಿಬಿಟ್ಟಿತು

ಈ ವಿಡಿಯೋದಲ್ಲಿ ಪ್ರಭುದೇವ ಅವರ ಫೋಟೋ ಕಾಣಿಸಿಕೊಂಡಿದೆ. ಅವರು ಕೂಡ ಮೊದಲು ಡ್ಯಾನ್ಸ್​ ಮಾಸ್ಟರ್​ ಆಗಿದ್ದು, ನಂತರ ನಟನಾಗಿ, ನಿರ್ದೇಶಕನಾಗಿ ಯಶಸ್ಸು ಕಂಡರು. ಅವರನ್ನೇ ಸ್ಫೂರ್ತಿಯಾಗಿ ಇಟ್ಟುಕೊಂಡು ಭೂಷಣ್​ ಅವರು ಡೈರೆಕ್ಟರ್​ ಕ್ಯಾಪ್​ ತೊಡಲು ಸಜ್ಜಾಗಿದ್ದಾರೆ. ಹೊಸ ಹೆಜ್ಜೆ ಇಡುತ್ತಿರುವ ಅವರಿಗೆ ಅಭಿಮಾನಿಗಳು ಶುಭ ಹಾರೈಸುತ್ತಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 12:29 pm, Sun, 23 July 23