ಸುದೀಪ್-ಪ್ರೇಮ್ ಹೊಸ ಸಿನಿಮಾ ಪೋಸ್ಟರ್​ಗೆ ಎಐ ಬಳಕೆ; ನೆಟ್ಟಿಗರ ಟೀಕೆ

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಹಾಗೂ ನಿರ್ದೇಶಕ ಜೋಗಿ ಪ್ರೇಮ್ ಕಾಂಬಿನೇಷನ್‌ನಲ್ಲಿ ಮೂಡಿಬರುತ್ತಿರುವ ಹೊಸ ಚಿತ್ರದ ಕುರಿತು ಚಿತ್ರಪ್ರೇಮಿಗಳಲ್ಲಿ ಭಾರೀ ನಿರೀಕ್ಷೆ ಸೃಷ್ಟಿಯಾಗಿದೆ. ಗೌರಿ-ಗಣೇಶ ಹಬ್ಬದ ಶುಭಾಶಯ ಕೋರುತ್ತಾ ಚಿತ್ರತಂಡ ಹೊಸ ಪೋಸ್ಟರ್ ಒಂದನ್ನು ಬಿಡುಗಡೆ ಮಾಡಿ, ಅಕ್ಟೋಬರ್ 20ಕ್ಕೆ ‘ಫಸ್ಟ್ ಲುಕ್ ಹಾಗೂ ಟೈಟಲ್ ಅನೌನ್ಸ್‌ಮೆಂಟ್’ ಮಾಡುವುದಾಗಿ ತಿಳಿಸಿತ್ತು. ಆದರೆ, ಈ ಪೋಸ್ಟರ್ ಇದೀಗ ವಿವಾದ ಹಾಗೂ ಚರ್ಚೆಗೆ ಗ್ರಾಸವಾಗಿದೆ.

ನೆಟ್ಟಿಗರ ಅಸಮಾಧಾನಕ್ಕೆ ಕಾರಣವೇನು?

ಬಿಡುಗಡೆಯಾದ ಪೋಸ್ಟರ್‌ನಲ್ಲಿ ಸುದೀಪ್ ಹಾಗೂ ಪ್ರೇಮ್ ಅವರು ಗಣೇಶನ ಮೂರ್ತಿಯನ್ನು ಹೆಗಲ ಮೇಲೆ ಹೊತ್ತು ಸಾಗುತ್ತಿರುವ ಚಿತ್ರವಿದೆ. ಆದರೆ, ಈ ಪೋಸ್ಟರ್ ಸಂಪೂರ್ಣವಾಗಿ ‘ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್’ (AI) ಬಳಸಿ ಡಿಸೈನ್ ಮಾಡಿದ್ದಾಗಿದ್ದು, ಗುಣಮಟ್ಟದಲ್ಲಿ ತೀರಾ ಕಳಪೆಯಾಗಿದೆ ಎಂಬುದು ಫ್ಯಾನ್ಸ್ ಹಾಗೂ ನೆಟ್ಟಿಗರ ಪ್ರಮುಖ ಆರೋಪ.

ಫ್ಯಾನ್ಸ್ ಎಕ್ಸ್ ಪೋಸ್ಟ್ ವೈರಲ್

‘ದಯವಿಟ್ಟು ಇಂತಹ ಕಳಪೆ ಮಟ್ಟದ ಎಐ ಪೋಸ್ಟರ್‌ಗಳನ್ನು ಹಾಕಿ ಸಿನಿಮಾದ ಮೇಲಿರುವ ನಿರೀಕ್ಷೆಯನ್ನು ಹಾಳುಮಾಡಬೇಡಿ. ಪ್ರೊಫೆಷನಲ್ ಗ್ರಾಫಿಕ್ ಡಿಸೈನರ್‌ಗೆ ಕೊಡುವಷ್ಟು ಬಜೆಟ್ ಇಲ್ಲದಿದ್ದರೆ ಪೋಸ್ಟರ್ ರಿಲೀಸ್ ಮಾಡದೇ ಇರುವುದೇ ಒಳಿತು’ ಎಂದು ರೊಚ್ಚಿಗೆದ್ದ ಅಭಿಮಾನಿಯೊಬ್ಬರು ಪ್ರೇಮ್ ಅವರಿಗೆ ಟ್ಯಾಗ್ ಮಾಡಿ ಬರೆದುಕೊಂಡಿದ್ದಾರೆ.

Dear @directorprems, please stop putting out these cheap-looking AI posters. They are only hurting the anticipation and excitement around the film.

If there’s no budget for a professional graphic designer, it’s honestly better to not release a poster at all. That’s completely… pic.twitter.com/nbyAUYAJ3U

— Karnataka Box Office | ಕರ್ನಾಟಕ ಬಾಕ್ಸ್ ಆಫೀಸ್ (@Kannada_BO) September 14, 2026

ಎಐ ಮೂಲಕ ಜನರೇಟ್ ಮಾಡಿದ ಮುಖಗಳು, ಹಿನ್ನೆಲೆ ಹಾಗೂ ಗಣೇಶನ ವಿಗ್ರಹದ ಫಿನಿಷಿಂಗ್ ತೀರಾ ಅಸಹಜವಾಗಿ ಕಾಣಿಸುತ್ತಿದೆ. ಪ್ರೇಮ್ ಅವರಂತಹ ದೊಡ್ಡ ನಿರ್ದೇಶಕರಿಂದ ಹಾಗೂ ಸುದೀಪ್ ಅವರಂತಹ ದೊಡ್ಡ ನಟನ ಸಿನಿಮಾದಿಂದ ಈ ರೀತಿಯ ಪೋಸ್ಟರ್ ನಿರೀಕ್ಷಿಸಿರಲಿಲ್ಲ ಎಂದು ಹಲವರು ಬರೆದುಕೊಳ್ಳುತ್ತಿದ್ದಾರೆ.

ಅಕ್ಟೋಬರ್ 20ಕ್ಕೆ ಟೈಟಲ್ ಧಮಾಕ:

ಪೋಸ್ಟರ್ ಕುರಿತು ಇಷ್ಟೆಲ್ಲಾ ಟೀಕೆ-ಟಿಪ್ಪಣಿಗಳು ಬಂದರೂ ಸಹ, ಅಕ್ಟೋಬರ್ 20ರಂದು ಹೊರಬೀಳಲಿರುವ ‘ಫಸ್ಟ್ ಲುಕ್’ ಹಾಗೂ ‘ಆಫೀಶಿಯಲ್ ಟೈಟಲ್’ ಮೇಲಿನ ಕ್ರೇಜ್ ಕಮ್ಮಿಯಾಗಿಲ್ಲ. ಪ್ರೇಮ್-ಸುದೀಪ್ ಕಾಂಬಿನೇಷನ್‌ ‘ದಿ ವಿಲನ್’ ಬಳಿಕ ಮತ್ತೆ ಒಂದಾಗುತ್ತಿರುವುದರಿಂದ ಅಭಿಮಾನಿಗಳು ಆ ದಿನಕ್ಕಾಗಿ ಕಾತರದಿಂದ ಕಾಯುತ್ತಿದ್ದಾರೆ.

ಇದನ್ನೂ ಓದಿ: ’‘ಓಹ್ ಭ್ರಮೆ‘ ಅಲ್ಲ’’: ಮತ್ತೆ ಒಂದಾದ ಪ್ರೇಮ್-ಸುದೀಪ್

ನೆಟ್ಟಿಗರ ಈ ಟೀಕೆಗೆ ಪ್ರೇಮ್ ಹಾಗೂ ಚಿತ್ರತಂಡ ಹೇಗೆ ಪ್ರತಿಕ್ರಿಯಿಸಲಿದೆ ಹಾಗೂ ಅಕ್ಟೋಬರ್ 20ರಂದು ಬಿಡುಗಡೆಯಾಗುವ ‘ರಿಯಲ್’ ಫಸ್ಟ್ ಲುಕ್ ಹೇಗಿರಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.