ಮಳೆ ಮಳೆ ಮಳೆಯೇ.. ಪ್ರೀತಿಯಾ ಮಳೆಯೇ.. ಸಾಂಗ್ ಆಯ್ತು ಸಿಕ್ಕಾಪಟ್ಟೆ Trend

ಬೆಂಗಳೂರು: ಮಳೆಗಾಲ ಬಂತೆಂದರೆ ಸಾಕು ಅದೇನೋ ಒಂಥರಾ ಹರುಷ.. ಸಂತಸ..ಆನಂದ. ಬೇಸಿಗೆಯ ತಾಪದಿಂದ ಬಳಲಿ ಬೆಂಡಾಗಿ ಹೋಗಿರೋ ಮನಸ್ಸಿಗೆ ತಂಪೆರೆವ ಮಳೆ ಹನಿಗಳೆಂದರೆ ಯಾರಿಗೇ ತಾನೆ ಇಷ್ಟ ಇಲ್ಲ. ರೈತಾಪಿ ವರ್ಗದಿಂದ ಹಿಡಿದು ಚಿಣ್ಣರವರೆಗೂ ಎಲ್ಲರಿಗೂ ಮಳೆಗಾಲವೆಂದರೇ ಉಲ್ಲಾಸ, ಖುಷಿ. ಇದೀಗ ತುಂತುರು ಹನಿಯ ಮಳೆಯನ್ನು ಆಹ್ಲಾದಿಸುತ್ತಾ ನಿಮ್ಮ ಬಾಳ ಸಂಗಾತಿ ಅಥವಾ ಪ್ರೀತಿ ಪಾತ್ರರೊಂದಿಗೆ ಮತ್ತಷ್ಟು ಎಂಜಾಯ್ ಮಾಡಲು ಖ್ಯಾತ ಸಂಗೀತ ನಿರ್ದೇಶಕ ಮತ್ತು ಗಾಯಕ ರಘು ದೀಕ್ಷಿತ್ ಅವರ ಸಿರಿಕಂಠದಲ್ಲಿ ಒಂದು ಸೂಪರ್ ಆಗಿರೋ […]

KUSHAL V | Edited By: ಸಾಧು ಶ್ರೀನಾಥ್|
Updated on: Aug 25, 2020 | 11:37 AM

ಬೆಂಗಳೂರು: ಮಳೆಗಾಲ ಬಂತೆಂದರೆ ಸಾಕು ಅದೇನೋ ಒಂಥರಾ ಹರುಷ.. ಸಂತಸ..ಆನಂದ. ಬೇಸಿಗೆಯ ತಾಪದಿಂದ ಬಳಲಿ ಬೆಂಡಾಗಿ ಹೋಗಿರೋ ಮನಸ್ಸಿಗೆ ತಂಪೆರೆವ ಮಳೆ ಹನಿಗಳೆಂದರೆ ಯಾರಿಗೇ ತಾನೆ ಇಷ್ಟ ಇಲ್ಲ. ರೈತಾಪಿ ವರ್ಗದಿಂದ ಹಿಡಿದು ಚಿಣ್ಣರವರೆಗೂ ಎಲ್ಲರಿಗೂ ಮಳೆಗಾಲವೆಂದರೇ ಉಲ್ಲಾಸ, ಖುಷಿ.

ಇದೀಗ ತುಂತುರು ಹನಿಯ ಮಳೆಯನ್ನು ಆಹ್ಲಾದಿಸುತ್ತಾ ನಿಮ್ಮ ಬಾಳ ಸಂಗಾತಿ ಅಥವಾ ಪ್ರೀತಿ ಪಾತ್ರರೊಂದಿಗೆ ಮತ್ತಷ್ಟು ಎಂಜಾಯ್ ಮಾಡಲು ಖ್ಯಾತ ಸಂಗೀತ ನಿರ್ದೇಶಕ ಮತ್ತು ಗಾಯಕ ರಘು ದೀಕ್ಷಿತ್ ಅವರ ಸಿರಿಕಂಠದಲ್ಲಿ ಒಂದು ಸೂಪರ್ ಆಗಿರೋ ಸಾಂಗ್ ಬಂದಿದೆ.

ಹೌದು, ಚಂದನವನಕ್ಕೆ ಪಾದಾರ್ಪಣೆ ಮಾಡಲು ಸಜ್ಜಾಗಿರೋ ದೊಡ್ಮನೆಯ ಮತ್ತೊಂದು ಕುಡಿ ಧನ್ಯಾ ರಾಮ್ಕುಮಾರ್ ಚೊಚ್ಚಲ ಚಿತ್ರವಾದ ನಿನ್ನ ಸನಿಹಕೆ ಸಿನಿಮಾದ ಮಳೆ ಮಳೆ ಹಾಡು ಇದೀಗ ಸಖತ್ ಟ್ರೆಂಡ್ ಆಗ್ತಿದೆ. ವಾಸುಕಿ ವೈಭವ್ ಸಾಹಿತ್ಯ ಮತ್ತು ರಘು ದೀಕ್ಷಿತ್ ಸ್ವರ ಸಂಯೋಜನೆಯಲ್ಲಿ ಮೂಡಿಬಂದಿರುವ ಈ ಹಾಡು ಜನರಿಗೆ ಸಿಕ್ಕಾಪಟ್ಟೆ like ಆಗಿದ್ದು ಮತ್ತೆ ಮತ್ತೆ ಇಷ್ಟಪಟ್ಟು ಕೇಳುತ್ತಿದ್ದಾರೆ.

ಸೂರಜ್ ಗೌಡ ಮತ್ತು ಧನ್ಯಾ ರಾಮ್ಕುಮಾರ್ ಯುವ ಜೋಡಿಯು ಈ ಚಿತ್ರದಲ್ಲಿ ಮಿಂಚಲಿದ್ದು ಸೂರಜ್ ಚಿತ್ರಕ್ಕೆ ಌಕ್ಷನ್ ಕಟ್ ಸಹ ಹೇಳುತ್ತಿದ್ದಾರೆ. ಒಟ್ನಲ್ಲಿ ಪ್ರೇಕ್ಷಕ ಪ್ರಭುಗಳಿಗೆ ಮಳೆ ಮಳೆ ಸಾಂಗ್ ತುಂಬಾ ಇಷ್ಟವಾಗಿದ್ದು ಸಿನಿಮಾದ ಬಗ್ಗೆ ಮತ್ತಷ್ಟು ನಿರೀಕ್ಷೆ ಹೆಚ್ಚಾಗಿದೆ.