ಕಲ್ಯಾಣ್ ಕುಮಾರ್ ಬಗ್ಗೆ ರಾಜ್​ಕುಮಾರ್ ಮಾತನಾಡಿದ ಅಪರೂಪದ ವಿಡಿಯೋ

ಕನ್ನಡದ ಚಿತ್ರರಂಗದಲ್ಲಿ ರಾಜ್​ಕುಮಾರ್ ಅವರು ಸಾಕಷ್ಟು ಹೆಸರು ಮಾಡಿದ್ದರು. ಅದೇ ರೀತಿ ನಟ ಕಲ್ಯಾಣ್ ಕುಮಾರ್ ಕೂಡ ಸಾಕಷ್ಟು ಹೆಸರು ಮಾಡಿದ್ದರು. ಅವರು ಕನ್ನಡದಲ್ಲಿ ಹಲವು ಹಿಟ್ ಚಿತ್ರಗಳನ್ನು ನೀಡಿದ್ದರು. 71ನೇ ವಯಸ್ಸಿಗೆ ಕಲ್ಯಾಣ್ ನಿಧನ ಹೊಂದಿದರು. ಅವರ ನಿಧನದ ಬಳಿಕ ರಾಜ್​ಕುಮಾರ್ ಅವರು ಕಲ್ಯಾಣ್ ಬಗ್ಗೆ ಮಾತನಾಡಿದ್ದರು. ಇದರ ಅಪರೂಪದ ವಿಡಿಯೋ ವೈರಲ್ ಆಗಿದೆ. ಈ ವೇಳೆ ರಾಜ್​ಕುಮಾರ್ ಭಾವುಕರಾಗಿದ್ದರು.

60 ಹಾಗೂ 70ರ ದಶಕದಲ್ಲಿ ಕಲ್ಯಾಣ್ ಕುಮಾರ್ ಹಾಗೂ ರಾಜ್​ಕುಮಾರ್ ಅವರು ಚಿತ್ರರಂಗ ಡಾಮಿನೇಟ್ ಮಾಡಿದ್ದರು. ಕಲ್ಯಾಣ್ ಅವರು ನಟನೆ ಜೊತೆಗೆ ಸಿನಿಮಾ ನಿರ್ದೇಶನ, ನಿರ್ಮಾಣದಲ್ಲೂ ತೊಡಗಿಕೊಂಡಿದ್ದರು. ಅವರು 1999ರಲ್ಲಿ ನಿಧನ ಹೊಂದಿದಾಗ ರಾಜ್​ಕುಮಾರ್ ಅವರು ಕಣ್ಣೀರು ಹಾಕುತ್ತಾ ಮಾತನಾಡಿದ್ದರು. ಆ ಅಪರೂಪದ ವಿಡಿಯೋ ಇಲ್ಲಿದೆ.

‘ದೊಡ್ಡ ವ್ಯಕ್ತಿ, ಆತ್ಮೀಯರು. ಬೇಡರ ಕಣ್ಣಪ್ಪ ಸಿನಿಮಾ ಸಂದರ್ಭದಲ್ಲಿ ಮೂರು ಕುಮಾರಗಳು ಒಟ್ಟಿಗೆ ಸೇರಿದ್ದೆವು. ಉದಯ್ ಕುಮಾರ್ ಹೊರಟು ಹೋದ್ರು. ಇವರೂ ಎದ್ದುಬಿಟ್ಟರು. ಅವರ ಆತ್ಮಕ್ಕೆ ಶಾಂತಿ ಸಿಗಲಿ’ ಎಂದು ರಾಜ್​ಕುಮಾರ್ ಹೇಳುವುದನ್ನು ವಿಡಿಯೋದಲ್ಲಿ ಕಾಣಬಹುದು. ‘ಆತ್ಮವನ್ನು ನೋಡಿದವರು ಯಾರೂ ಇಲ್ಲ. ಬದುಕಿರುವಾಗಲೇ ಏನಿದೆ ಅನ್ನೋದು ಗೊತ್ತಾಗುತ್ತಿತ್ತು. ಕರೆಂಟೇ ಹೋದ್ಮೇಲೆ ಏನೇ ಹೇಳಿದ್ರೂ ವೇಸ್ಟ್. ನೆನಪೊಂದೇ ಯಾವಾಗಲೂ ಇರುತ್ತೆ’ ಎಂದಿದ್ದರು ರಾಜ್​ಕುಮಾರ್. ಲಿಂಕ್ ನೋಡಲು ಇಲ್ಲಿ ಕ್ಲಿಕ್ ಮಾಡಿ.

ರಾಜ್​ಕುಮಾರ್ ಅವರಿಗೆ ಎಲ್ಲಾ ಕಲಾವಿದರ ಬಗ್ಗೆ ಒಳ್ಳೆಯ ಭಾವನೆ ಇತ್ತು. ಯಾವುದೇ ಕಲಾವಿದರ ಬಗ್ಗೆ ಅವರು ಕೆಟ್ಟದಾಗಿ ಮಾತನಾಡಿದವರಲ್ಲ. ಎಲ್ಲಾ ಕಲಾವಿದರನ್ನು ಸಮವಾಗಿ ಕಾಣುತ್ತಿದ್ದರು. ಹೊಸ ಕಲಾವಿದರನ್ನು ಕೂಡ ಅವರು ತುಂಬಾನೇ ಗೌರವ ನೀಡುತ್ತಿದ್ದರು.  ರಾಜ್​ಕುಮಾರ್ ಹಾಕಿಕೊಟ್ಟ ಮಾರ್ಗದರ್ಶನ ಅನೇಕರಿಗೆ ಸ್ಫೂರ್ತಿದಾಯಕವಾಗಿದೆ.

ಇದನ್ನೂ ಓದಿ: ಪುನೀತ್ ರಾಜ್​ಕುಮಾರ್ ಪುಣ್ಯಸ್ಮರಣೆ; ನಾಲ್ಕು ವರ್ಷಗಳ ಹಿಂದೆ ನಿಜಕ್ಕೂ ನಡೆದಿದ್ದೇನು?

ರಾಜ್​ಕುಮಾರ್ ಅವರು ಹಾಕಿಕೊಟ್ಟ ಮಾರ್ಗದಲ್ಲಿ ಅವರ ಕುಟುಂಬದವರು ಹಾಗೂ ಕುಟುಂಬ ಸಾಗುತ್ತದೆ. ರಾಜ್​ಕುಮಾರ್ ಪುತ್ರ ಪುನೀತ್ ರಾಜ್​ಕುಮಾರ್ ಅವರು ಸರಳತೆಗೆ ಮತ್ತೊಂದು ಹೆಸರಾಗಿದ್ದರು. ಅವರು ಕೂಡ ನಮ್ಮನ್ನು ಬಿಟ್ಟು ಹೋಗಿದ್ದು ಬೇಸರದ ವಿಚಾರ. ಶಿವಣ್ಣ ಅವರು ಸಿನಿಮಾಗಳನ್ನು ಮಾಡುತ್ತಿದ್ದಾರೆ. ರಾಜ್​ಕುಮಾರ್ ಮೊಮ್ಮಕ್ಕಳು ಕೂಡ ಚಿತ್ರರಂಗಕ್ಕೆ ಬಂದು ಹೆಸರು ಮಾಡುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.