ಅರವಿಂದ್​ಗೆ ಗೆಲುವಿನ ಮಾಲೆ, ಮಂಜು ರನ್ನರ್​ ಅಪ್​; ಇದು ಬಿಗ್​ ಬಾಸ್​ ಮನೆ ಭವಿಷ್ಯ

ಆಗಸ್ಟ್​ 8ರಂದು ಕನ್ನಡ ಬಿಗ್​ ಬಾಸ್​ ಸೀಸನ್​ 8 ಫಿನಾಲೆ ನಡೆಯುತ್ತಿದೆ. ಯಾರು ಬಿಗ್​ ಬಾಸ್​ ಫಿನಾಲೆ ತಲುಪಲಿದ್ದಾರೆ. ಯಾರು, ಬಿಗ್​ ಬಾಸ್​ ಗೆಲ್ಲಲಿದ್ದಾರೆ ಎನ್ನುವ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ಜೋರಾಗಿದೆ. ಈ ಮಧ್ಯೆ ಬಿಗ್​ ಬಾಸ್​ ಗೆಲ್ಲೋದು ಯಾರು ಎಂಬುದನ್ನು ಮನೆಯ ಸ್ಪರ್ಧಿಗಳೇ ಡಿಸೈಡ್​ ಮಾಡಿದ್ದಾರೆ.

ಅರವಿಂದ್ ಕೆ.ಪಿ, ಮಂಜು ಪಾವಗಡ, ಶಮಂತ್​ ಬ್ರೋ ಗೌಡ, ಪ್ರಶಾಂತ್​ ಸಂಬರಗಿ, ಚಕ್ರವರ್ತಿ ಚಂದ್ರಚೂಡ್​, ದಿವ್ಯಾ ಸುರೇಶ್​, ದಿವ್ಯಾ ಉರುಡುಗ, ಶುಭಾ ಪೂಂಜಾ, ವೈಷ್ಣವಿ ಗೌಡ ಬಿಗ್​ ಬಾಸ್​ ಮನೆಯಲ್ಲಿದ್ದಾರೆ. ಈ ಪೈಕಿ ಒಬ್ಬರು ಹೊರ ಹೋಗುತ್ತಿದ್ದಾರೆ. ನಂತರ ಉಳಿಯೋದು ಎಂಟು ಜನರು ಮಾತ್ರ. ಇದರಲ್ಲಿ ಯಾರು ಬಿಗ್​ ಬಾಸ್​ ಗೆಲ್ಲಲಿದ್ದಾರೆ ಎನ್ನುವ ಪ್ರಶ್ನೆ ವೀಕ್ಷಕರನ್ನು ಕಾಡುತ್ತಿದೆ.

ಕಳೆದ ವಾರದ ವೀಕೆಂಡ್​ನಲ್ಲಿ ‘ಸೂಪರ್ ಸಂಡೆ ವಿತ್ ಸುದೀಪ’ ಕಾರ್ಯಕ್ರಮದಲ್ಲಿ ಸುದೀಪ್​ ಸ್ಪರ್ಧಿಗಳಿಗೆ ಟಾಸ್ಕ್​ ಒಂದನ್ನು ನೀಡಿದ್ದರು. ಈ ಟಾಸ್ಕ್​ ಪ್ರಕಾರ ಪ್ರತಿ ಸ್ಪರ್ಧಿ ಎದುರಿಟ್ಟಿದ್ದ ಬೋರ್ಡ್​ ಮೇಲೆ ಫಿನಾಲೆ ಸೇರುವ ಎರಡು ಸ್ಪರ್ಧಿ ಯಾರು, ಫಿನಾಲೆ ಏರೋಕೆ ಸಾಧ್ಯವಿಲ್ಲ ಎನ್ನುವ ಎರಡು ಸ್ಪರ್ಧಿಗಳ ಫೋಟೋ ಹಾಕಬೇಕು.

ಪ್ರತಿ ಸ್ಪರ್ಧಿಗಳು ತಮಗೆ ಅನಿಸಿದ ಸ್ಪರ್ಧಿಯ ಫೋಟೋವನ್ನು ಬೋರ್ಡ್​ಗೆ ಅಂಟಿಸಿದರು. ಈ ವೇಳೆ ಅತಿ ಹೆಚ್ಚು ವೋಟ್​ ಬಂದಿದ್ದು ಅರವಿಂದ್ ಅವರಿಗೆ. 6 ಜನರು ಅರವಿಂದ್ ಗೆಲ್ಲುತ್ತಾರೆ ಎಂದರೆ, 4 ಸ್ಪರ್ಧಿಗಳು ಮಂಜು ಗೆಲ್ಲುತ್ತಾರೆ ಎಂದರು. ಇನ್ನು, ಬಿಗ್​ ಬಾಸ್​ ಫಿನಾಲೆಯಲ್ಲಿ ಇರೋಕೆ ಸಾಧ್ಯವಿಲ್ಲ ಎನ್ನುವ ಸ್ಪರ್ಧಿಗಳ ಪಟ್ಟಿಯಲ್ಲಿ ಚಕ್ರವರ್ತಿ ಹಾಗೂ ಪ್ರಶಾಂತ್​​ಗೆ ಅತಿಹೆಚ್ಚು ವೋಟ್​ ಬಿದ್ದಿತ್ತು. ಇನ್ನು, ದಿವ್ಯಾ ಸುರೇಶ್​ ಹಾಗೂ ವೈಷ್ಣವಿ ಗೌಡ ಎರಡೂ ಪಟ್ಟಿಯಲ್ಲಿ ಇರಲಿಲ್ಲ ಅನ್ನೋದು ವಿಚಿತ್ರ.

ಇದನ್ನೂ ಓದಿ: ಬಿಗ್ ಬಾಸ್ ಮನೆಯಲ್ಲಿ ಅವಘಡ; ದಿವ್ಯಾ ಉರುಡುಗ ಹೊಡೆದ ಫೋರ್ಸ್​ಗೆ ಗಾಜು ನುಚ್ಚುನೂರು, ಕೈಯಲ್ಲಿ ರಕ್ತ

ಬಿಗ್ ಬಾಸ್ ಮನೆಯಲ್ಲಿ ಚಕ್ರವರ್ತಿ ಚಂದ್ರಚೂಡ್ ಪ್ರತಿಭಟನೆ; ಸುದೀಪ್ ತೆಗೆದುಕೊಂಡ್ರು ಅಚ್ಚರಿಯ ನಿಲುವು