ಎಮ್ಮಿ 2023: ಪ್ರಶಸ್ತಿ ಗೆದ್ದವರ ಪೂರ್ಣ ಪಟ್ಟಿ ಇಲ್ಲಿದೆ

ಸಿನಿಮಾಗಳಿಗೆ ಆಸ್ಕರ್ (Oscar) ಇರುವಂತೆ, ಕಿರುತೆರೆಯ ಅತ್ಯುತ್ತಮ ಸರಣಿ, ಡಾಕ್ಯುಮೆಂಟರಿ, ನಟನಟಿಯರ ಪ್ರತಿಭೆ ಗುರುತಿಸಲು ಇರುವುದು ಎಮ್ಮಿ ಪ್ರಶಸ್ತಿ. ಈ ವರ್ಷದ ಎಮ್ಮಿ ಪ್ರಶಸ್ತಿ ಪ್ರಧಾನ ಸಮಾರಂಭ ನ್ಯೂಯಾರ್ಕ್​ನಲ್ಲಿ ಭಾರತೀಯ ಕಾಲಮಾನದ ಪ್ರಕಾರ ಮಂಗಳವಾರ ಬೆಳಿಗ್ಗೆ ನಡೆದಿದೆ. ಈ ಬಾರಿ ಮೂವರು ಭಾರತೀಯರು ಪ್ರಮುಖ ವಿಭಾಗಗಳಲ್ಲಿ ಸ್ಪರ್ಧೆಗೆ ನಾಮಿನೇಷನ್ ಗಳಿಸಿದ್ದರು. ಇಬ್ಬರು ಭಾರತೀಯರು ಎಮ್ಮಿ ಪ್ರಶಸ್ತಿಗೆ ಭಾಜನರಾಗಿರುವುದು ವಿಶೇಷ. ಕಮಿಡಿಯನ್ ವೀರ್​ ದಾಸ್​ಗೆ ವಿಶಿಷ್ಟ ಕಾಮಿಡಿ ವಿಭಾಗದಲ್ಲಿ ಇನ್ನೊಂದು ಶೋ ಜೊತೆಗೆ ಪ್ರಶಸ್ತಿ ನೀಡಲಾಗಿದೆ. ಜೊತೆಗೆ ಏಕ್ತಾ ಕಪೂರ್​ಗೆ ಅವರು ಕಿರುತೆರೆಗೆ ನೀಡಿರುವ ವಿಶೇಷ ಕಾಣ್ಕೆಯನ್ನು ಗುರುತಿಸಿ ಪ್ರಶಸ್ತಿ ನೀಡಲಾಗಿದೆ. ಇವರಿಬ್ಬರ ಹೊರತಾಗಿ ಯಾವ ಶೋಗಳಿಗೆ, ಯಾವ ಯಾವ ನಟರಿಗೆ ಪ್ರಶಸ್ತಿ ಬಂತು ಇಲ್ಲಿದೆ ಪಟ್ಟಿ.

ಅತ್ಯುತ್ತಮ ನಟ: ಮಾರ್ಟಿನ್ ಫ್ರೀಮನ್ (ದಿ ರೆಸ್ಪಾಂಡರ್)

ಅತ್ಯುತ್ತಮ ನಟಿ: ಕಾರ್ಲಾ ಸೌಜ್ (ಡೈವ್)

ಅತ್ಯುತ್ತಮ ಕಾಮಿಡಿ: ವೀರ್ ದಾಸ್ ಮತ್ತು ಡೆರ್ರಿ ಗರ್ಲ್ಸ್​ ಸೀಸನ್ 3

ಅತ್ಯುತ್ತಮ ಮಿನಿ ಸೀರೀಸ್: ಡೈವ್ (ಲಾ ಕೈಡಾ)

ಅತ್ಯುತ್ತಮ ಕಿರು ಸರಣಿ: ಎ ವೆರ್ರಿ ಆರ್ಡಿನರಿ ವರ್ಲ್ಡ್​

ಮಕ್ಕಳಿಗಾಗಿ ಜ್ಞಾನಪೂರ್ಣ ಮನೊರಂಜನಾ ಚಿತ್ರ: ಬಿಲ್ಟ್ ಟು ಸರ್ವೈವ್

ಅತ್ಯುತ್ತಮ ಡಾಕ್ಯುಮೆಂಟರಿ: ಮಾರಿಯೋಪೋಲ್

ಅತ್ಯುತ್ತಮ ಕ್ರೀಡಾ ಡಾಕ್ಯುಮೆಂಟರಿ: ಹಾರ್ಲಿ ಮತ್ತು ಕಾಟ್ಯಾ

ಅತ್ಯುತ್ತಮ ಅನಿಮೇಷನ್: ದಿ ಸ್ಮೆಡ್ಸ್ ಆಂಡ್ ದಿ ಸ್ಮೂಸ್

ಅತ್ಯುತ್ತಮ ಟೆಲಿನೋವೆಲ್: ಯಾರ್ಗಿ

ಅತ್ಯುತ್ತಮ ಡ್ರಾಮಾ ಸೀರೀಸ್: ದಿ ಎಂಪ್ರೆಸ್

ಅತ್ಯುತ್ತಮ ಲೈವ್ ಆಕ್ಷನ್: ಹಾರ್ಟ್ ಬ್ರೇಕ್ ಹೈ

ನಾನ್ ಸ್ಕ್ರಿಪ್ಟೆಡ್ ಎಂಟರ್ಟೈನ್​ಮೆಂಟ್: ಎ ಪೊಂಟೆ; ದಿ ಬ್ರಿಡ್ಜ್ ಬ್ರೆಸಿಲ್

ಆರ್ಟ್ಸ್​ ಪ್ರೋಗ್ರಾಮಿಂಗ್: ಬಫ್ಫಿ-ಸ್ಯಾಂಟಿ-ಮ್ಯಾರಿ: ಕ್ಯಾರಿ ಇಟ್ ಆನ್

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ