ಬಿಗ್ಬಾಸ್ ಕನ್ನಡ 13: ಈ ಬಾರಿ ಮನೆಯೊಳಗೆ ಹೋಗಲಿರುವ ಸೆಲೆಬ್ರಿಟಿಗಳು ಇವರೇ?
ಬಿಗ್ಬಾಸ್ ಕನ್ನಡ ಸೀಸನ್ 13 ಶುರುವಾಗಲು ಕೆಲ ಗಂಟೆಗಳಷ್ಟೆ ಬಾಕಿ ಇದೆ. ಭಾನುವಾರ ಸಂಜೆ 6 ಗಂಟೆಗೆ ಶೋ ಅಧಿಕೃತವಾಗಿ ಶುರು ಆಗಲಿದೆ. ಈ ಬಾರಿ ಬಿಗ್ಬಾಸ್ ಮನೆಗೆ ಯಾರ್ಯಾರು ಹೋಗಲಿದ್ದಾರೆ ಎಂಬುದು ಈಗಾಗಲೇ ನಿಗದಿ ಆಗಿದೆ. ಆಯೋಜಕರು ಪ್ರತಿ ಬಾರಿ ಸ್ಪರ್ಧಿಗಳ ಹೆಸರನ್ನು ಗೌಪ್ಯವಾಗಿಟ್ಟಿರುತ್ತಾರೆ. ಈ ಬಾರಿಯೂ ಸಹ ಆ ಗೌಪ್ಯತೆ ಕಾಪಾಡಿದ್ದಾರೆ. ಆದರೆ ಕಲರ್ಸ್ ವಾಹಿನಿ ನಿನ್ನೆ (ಸೆಪ್ಟೆಂಬರ್ 04) ಬಿಡುಗಡೆ ಮಾಡಿರುವ ಪ್ರೋಮೊನಲ್ಲಿ ಕೆಲ ಸ್ಪರ್ಧಿಗಳ ಝಲಕ್ ಅನ್ನು ನೀಡಿದ್ದು, ಆ ಝಲಕ್ ಮೂಲಕವೇ ಈ ಬಾರಿ ಯಾವ ಯಾವ ಸೆಲೆಬ್ರಿಟಿಗಳು ಬಿಗ್ಬಾಸ್ ಮನೆಗೆ ಹೋಗಲಿದ್ದಾರೆ ಬಹಿರಂಗವಾಗಿದೆ.
‘ಬೆಂಗಳೂರು ಬಾಯ್ಸ್’ ಸಿನಿಮಾನಲ್ಲಿ ನಟಿಸಿರುವ ನಟಿ ಸೋನಿ ಮುಲೆವಾ ಬಿಗ್ಬಾಸ್ಗೆ ಎಂಟ್ರಿ ಕೊಡುತ್ತಿದ್ದಾರೆ. ನಟಿ ಆಗಿರುವ ಜೊತೆಗೆ ಇನ್ಸ್ಟಾಗ್ರಾಂ ಮಾಡೆಲ್ ಸಹ ಆಗಿದ್ದಾರೆ ಸೋನಿ ಮುಲೆವಾ
ಅಂಕಿತಾ ಅಮರ್ ಅವರ ಸಹೋದರಿ ಅನನ್ಯಾ ಅಮರ್ ಈ ಬಾರಿ ಬಿಗ್ಬಾಸ್ ಮನೆಗೆ ಬರುತ್ತಿದ್ದಾರೆ. ಅನನ್ಯಾ ಅವರಿಗೆ ಒಳ್ಳೆಯ ಹಾಡುಗಾರ್ತಿ, ನೃತ್ಯ ಪ್ರವೀಣೆಯೂ ಹೌದು.
ನಟಿ ಸೌಂದರ್ಯಾ ಶೆಟ್ಟಿ ಈ ಬಾರಿ ಬಿಗ್ಬಾಸ್ ಮನೆಗೆ ಹೋಗುವುದು ಖಾತ್ರಿ ಎನ್ನಲಾಗುತ್ತಿದೆ. ಮಂಗಳೂರು ಮೂಲದ ಈ ಚೆಲುವೆ ಕೆಲ ಹಿಂದಿ ರಿಯಾಲಿಟಿ ಶೋನಲ್ಲೂ ಪಾಲ್ಗೊಂಡಿದ್ದರು. ವಿಶೇಷವಾಗಿ ಜನಪ್ರಿಯ ಸ್ಪ್ಲಿಟ್ ವಿಲ್ಲಾನಲ್ಲಿ ಭಾಗಿ ಆಗಿದ್ದರು.
ಶ್ರಾವಣಿ ಸುಬ್ರಹ್ಮಣ್ಯ ಧಾರಾವಾಹಿಯ ನಟಿ ಆಸಿಯಾ ಫಿರ್ದೋಸ್ ಈ ಬಾರಿ ಬಿಗ್ಬಾಸ್ಗೆ ಹೋಗುತ್ತಿದ್ದಾರೆ. ಆಸಿಯಾ ಅವರು ‘ಕನ್ಯಾಕುಮಾರಿ’ ಧಾರಾವಾಹಿಯಲ್ಲೂ ಸಹ ನಟಿಸಿದ್ದರು. ಸಾಕಷ್ಟು ಅಭಿಮಾನಿಗಳನ್ನು ಹೊಂದಿರುವ ಆಸಿಯಾ ಈ ಬಾರಿ ಬಿಗ್ಬಾಸ್ಗೆ ಕಾಲಿಡುತ್ತಿದ್ದಾರೆ.
ಕನ್ನಡ ಚಿತ್ರರಂಗದ ಖ್ಯಾತ ನಟಿ ಸಂಗೀತಾ ಭಟ್ ಸಹ ಈ ಬಾರಿ ಬಿಗ್ಬಾಸ್ಗೆ ಬರುತ್ತಿದ್ದಾರೆ. ಸುಮಾರು 15 ವರ್ಷಗಳಿಂದಲೂ ಅವರು ಸಿನಿಮಾಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ‘ಎರಡನೇ ಸಲ’, ‘ದಯವಿಟ್ಟು ಗಮನಿಸಿ’ ಸೇರಿದಂತೆ ಇನ್ನೂ ಕೆಲ ಸಿನಿಮಾಗಳಲ್ಲಿ ಅವರು ನಟಿಸಿದ್ದಾರೆ.
ಈ ಹಿಂದೆ ‘ಕ್ವಾಟ್ಲೆ ಕಿಚನ್’ ಕಾರ್ಯಕ್ರಮದಲ್ಲಿ ಸ್ಪರ್ಧಿಯಾಗಿ ಭಾಗಿ ಆಗಿದ್ದ ಆಸಿಯಾ ಬೇಗಂ ಅವರು ಈ ಬಾರಿ ಬಿಗ್ಬಾಸ್ಗೆ ಬರುತ್ತಿದ್ದಾರೆ.
ದೈತ್ಯ ದೇಹಿ ಡ್ರ್ಯಾಗನ್ ಮಂಜು ಈ ಬಾರಿ ಬಿಗ್ಬಾಸ್ ಮನೆಗೆ ಹೋಗಲಿದ್ದಾರೆ. ದುನಿಯಾ ವಿಜಿ ನಟನೆಯ ‘ಭೀಮ’ ಸೇರಿದಂತೆ ಇನ್ನೂ ಕೆಲ ಸಿನಿಮಾಗಳಲ್ಲಿ ನಟಿಸಿರುವ ಡ್ರ್ಯಾಗನ್ ಮಂಜು, ತಮ್ಮ ದೈತ್ಯ ಮತ್ತು ಫಿಟ್ ದೇಹದಿಂದ ಜನಪ್ರಿಯರು.
‘ಲವ್ ಮಾಕ್ಟೆಲ್ 2’ ಸಿನಿಮಾದ ಹಾಸ್ಯಪಾತ್ರದಲ್ಲಿ ನಟಿಸಿದ್ದ ಜಗ್ಗ ಮಮ್ಮಿ ಅವರು ಈ ಬಾರಿ ಬಿಗ್ಬಾಸ್ಗೆ ಹೋಗುತ್ತಿದ್ದಾರೆ. ಬಹಳ ಒಳ್ಳೆಯ ಹಾಸ್ಯಕಲಾವಿದರು ಅವರಾಗಿದ್ದು, ಬಿಗ್ಬಾಸ್ ಮನೆಯಲ್ಲಿ ಹಾಸ್ಯದ ಹೊನಲು ಹರಿಸುತ್ತಾರೆಯೇ ಕಾದು ನೋಡಬೇಕಿದೆ.
‘ಕಾಮಿಡಿ ಕಿಲಾಡಿಗಳು’ ಮೂಲಕ ಸಾಕಷ್ಟು ಹೆಸರು, ಅಭಿಮಾನಿಳನ್ನು ಗಳಿಸಿರುವ ಸೂರಜ್ ಅವರು ಈ ಬಾರಿ ಬಿಗ್ಬಾಸ್ ಮನೆಗೆ ಹೋಗುತ್ತಿದ್ದಾರೆ. ಅವರಿಂದಲೂ ಸಹ ಸಾಕಷ್ಟು ನಿರೀಕ್ಷೆಗಳು ಇವೆ.
ತಾಂಡವ್ ರಾಮ್, ಕಿರುತೆರೆಯ ಜನಪ್ರಿಯ ನಟ. ‘ಜೋಡಿ ಹಕ್ಕಿ’ ಸೇರಿದಂತೆ ಇನ್ನೂ ಕೆಲವು ಧಾರಾವಾಹಿ ಹಾಗೂ ‘ಕ್ವಾಟ್ಲೆ ಕಿಚನ್’ ಸೇರಿದಂತೆ ಇನ್ನೂ ಕೆಲ ಶೋಗಳಲ್ಲಿ ಸಹ ಕಾಣಿಸಿಕೊಂಡಿದ್ದಾರೆ. ಅಂದಹಾಗೆ ತಾಂಡವ್ ಅವರು, ನಿರ್ದೇಶಕನ ಮೇಲೆ ಶೂಟೌಟ್ ಮಾಡಿಯೂ ಸುದ್ದಿಯಾಗಿದ್ದರು.