ಬಿಗ್​ ಬಾಸ್​ ಮನೆಯ ಬೆಡ್​ನಲ್ಲಿ ಮಹಿಳಾ ಸ್ಪರ್ಧಿಗೆ ಕಿಸ್​ ಮಾಡಲು ಬಂದ ನಟ; ಈ ವೇಳೆ ಬಂತು ಖಡಕ್​ ಎಚ್ಚರಿಕೆ

‘ಹಿಂದಿ ಬಿಗ್​ ಬಾಸ್ 15’ನೇ ಸೀಸನ್​ ಶುರುವಾಗಿ ಕೆಲವು ತಿಂಗಳು ಕಳೆದಿದೆ. ಕೊವಿಡ್​ ಹೆಚ್ಚುವ ಆತಂಕ ಎದುರಾಗಿದ್ದು, ಇನ್ನು ಕೆಲವೇ ವಾರಗಳಲ್ಲಿ ಈ ಶೋ ಪೂರ್ಣಗೊಳ್ಳಲಿದೆ ಎನ್ನಲಾಗುತ್ತಿದೆ. ಇನ್ನು, ಬಿಗ್​ ಬಾಸ್​ ಮನೆಯಲ್ಲಿ ನಿತ್ಯ ಹೊಸಹೊಸ ಬೆಳವಣಿಗೆ ನಡೆಯುತ್ತಿದೆ. ದೊಡ್ಮನೆಯಲ್ಲಿ ಪ್ರೇಮ್​ ಕಹಾನಿ, ಜಗಳಗಳು ಹೆಚ್ಚು ಸದ್ದು ಮಾಡುತ್ತಿವೆ. ಈಗ ಬಿಗ್​ ಬಾಸ್​ ಮನೆಯಲ್ಲಿ ನಡೆದ ಘಟನೆ ಹೈಲೈಟ್​ ಆಗುತ್ತಿದೆ.

ನಟ ಕರಣ್​ ಕುಂದ್ರಾ ಹಾಗೂ ತೇಜಸ್ವಿ ಪ್ರಕಾಶ್​ ಬಿಗ್​ ಬಾಸ್​ ಮನೆಯಲ್ಲಿದ್ದಾರೆ. ಇಬ್ಬರೂ ಸಾಕಷ್ಟು ವಿಚಾರಕ್ಕೆ ಕಿತ್ತಾಡಿಕೊಳ್ಳುತ್ತಿದ್ದಾರೆ. ಆದರೆ, ಇಬ್ಬರ ನಡುವಣ ಕೆಮೆಸ್ಟ್ರಿ ವೀಕ್ಷಕರಿಗೆ ಹೆಚ್ಚು ಇಷ್ಟವಾಗುತ್ತಿದೆ. ಅವರಿಬ್ಬರ ಕಿತ್ತಾಟವನ್ನೂ ವೀಕ್ಷಕರು ಇಷ್ಟಪಡುತ್ತಿದ್ದಾರೆ. ಈ ಮಧ್ಯೆ ಕರಣ್​ ಅವರು ತೇಜಸ್ವಿಗೆ ಕಿಸ್​ ಮಾಡೋಕೆ ಮುಂದಾಗಿದ್ದರು. ಆಗ ತೇಜಸ್ವಿ ಕಠಿಣ ಎಚ್ಚರಿಕೆ ಒಂದನ್ನು ನೀಡಿದ್ದಾರೆ.

ಕರಣ್​ ಹಾಗೂ ತೇಜಸ್ವಿ ಇಬ್ಬರೂ ಬೆಡ್​ ಮೇಲೆ ಮಲಗಿದ್ದರು. ಆಗ ತೇಜಸ್ವಿ ಬಳಿಗೆ ಕರಣ್​ ಬಂದಿದ್ದಾರೆ. ಈ ವೇಳೆ ಕ್ಯಾಮೆರಾವನ್ನು ಜೂಮ್​ ಮಾಡಲಾಯಿತು. ಕರಣ್​ ಕಿಸ್​ ಮಾಡೋಕೆ ಬಂದಿದ್ದಾನೆ ಎಂಬುದು ತೇಜಸ್ವಿಗೆ ಗೊತ್ತಾಗಿತ್ತು. ಆಗ ಅವರು ‘ಆ ಬಗ್ಗೆ ಯೋಚನೆಯನ್ನೂ ಮಾಡಬೇಡ’ ಎಂದು ಎಚ್ಚರಿಸಿದ್ದಾರೆ. ರಾಖಿ ಸಾವಂತ್​ ಬೆಡ್​ ಪಕ್ಕದಲ್ಲೇ ಇದ್ದರು. ಅವರು ಬೆಡ್​ನಲ್ಲಿ ಏನಾಗುತ್ತಿದೆ ಎಂಬುದನ್ನು ನೋಡೋಕೆ ಬಂದರು. ಆಗ ಕರಣ್​ ಹೆದರಿದಂತೆ ಕಂಡುಬಂತು.

ಬಿಗ್​ ಬಾಸ್ ಮನೆಯಲ್ಲಿ ಕ್ರಿಸಮಸ್​ ಆಚರಣೆ ಮಾಡಲಾಗುತ್ತಿತ್ತು. ಈ ವೇಳೆ ತೇಜಸ್ವಿ ಹಾಗೂ ಕರಣ್​ ಇಬ್ಬರೂ ಗ್ಲಾಸ್​ ತಡಗೋಡೆಯ ಎರಡು ಕಡೆಗಳಲ್ಲಿ ನಿಂತಿದ್ದರು. ಆಗ ಅವರು ಕಿಸ್​ ಮಾಡಿಕೊಳ್ಳಲು ಪ್ರಯತ್ನಿಸಿದ್ದರು. ಇವರ ಮಧ್ಯದಲ್ಲಿ ಗ್ಲಾಸ್​ ಇತ್ತು. ಈ ವಿಡಿಯೋ ಕೂಡ ಸಾಕಷ್ಟು ವೈರಲ್​ ಆಗಿತ್ತು.

ಜನವರಿ ವೇಳೆಗೆ ‘ಬಿಗ್​ ಬಾಸ್​ 15’ ಪೂರ್ಣಗೊಳ್ಳಲಿದೆ ಎನ್ನಲಾಗುತ್ತಿದೆ. ಈ ಬಾರಿ ಕೊವಿಡ್​ ಭಯ ಕಾಡುತ್ತಿರುವುದರಿಂದ ವಾಹಿನಿಯವರು ಈ ಶೋ ಅನ್ನು ಬಹುಬೇಗ ಪೂರ್ಣಗೊಳಿಸಲು ನಿರ್ಧರಿಸಿದ್ದಾರೆ ಎನ್ನಲಾಗುತ್ತಿದೆ. ಈ ಬಗ್ಗೆ ವಾಹಿನಿ ಕಡೆಯವರಿಂದ ಅಧಿಕೃತ ಮಾಹಿತಿ ಹೊರ ಬರಬೇಕಿದೆ.

ಇದನ್ನೂ ಓದಿ: ಈ ಏಳು ಸ್ಟಾರ್​ ನಟರ ಬಳಿ ಇದೆ ಪ್ರೈವೇಟ್​ ಜೆಟ್​; ಯಾರ್ಯಾರು? ಇಲ್ಲಿದೆ ಮಾಹಿತಿ

Bigg Boss 5 Winner: ‘ಬಿಗ್​ ಬಾಸ್​ ತೆಲುಗು 5’ ವಿನ್ನರ್​ ಯಾರು? ಇಲ್ಲಿದೆ ಮಾಹಿತಿ