Bigg Boss 5 Winner: ‘ಬಿಗ್ ಬಾಸ್ ತೆಲುಗು 5’ ವಿನ್ನರ್ ಯಾರು? ಇಲ್ಲಿದೆ ಮಾಹಿತಿ
ಶ್ರೀರಾರಮಚಂದ್ರ, ಸನ್ನಿ, ಸಿರಿ ಶಣ್ಮುಖ್ ಹಾಗೂ ಮಾನಸ್ ಅವರು ಫಿನಾಲೆ ರೇಸ್ನಲ್ಲಿದ್ದರು. ಭಾನುವಾರ ನಡೆದ ಗ್ರ್ಯಾಂಡ್ ಫಿನಾಲೆಯನ್ನು ಅಕ್ಕಿನೇನಿ ನಾಗಾರ್ಜುನ ನಡೆಸಿಕೊಟ್ಟರು.
Updated on: Dec 20, 2021 | 3:00 AM
ತೆಲುಗು ಬಿಗ್ ಬಾಸ್ ಸೀಸನ್ 5 ಫಿನಾಲೆ (Bigg Boss Telugu 5 Finale) ಪೂರ್ಣಗೊಂಡಿದೆ. ಭಾನುವಾರ (ಡಿಸೆಂಬರ್ 19) ಅದ್ದೂರಿಯಾಗಿ ಫಿನಾಲೆ ನಡೆದಿಯಿತು. ಯಾರು ವಿನ್ ಆಗಲಿದ್ದಾರೆ ಎನ್ನುವ ಕುತೂಹಲ ಎಲ್ಲರಲ್ಲೂ ಇತ್ತು. ಒಟ್ಟೂ ಐದು ಮಂದಿ ಫಿನಾಲೆ ರೇಸ್ನಲ್ಲಿದ್ದರು. ಈ ಪೈಕಿ ಕಿರುತೆರೆ ನಟ ವಿ.ಜೆ. ಸನ್ನಿ ‘ತೆಲುಗು ಬಿಗ್ ಬಾಸ್ 5’ ವಿನ್ನರ್ ಆಗಿ ಹೊರಹೊಮ್ಮಿದ್ದಾರೆ. ಈ ಮೂಲಕ ಬಹುಮಾನದ ಹಣ ಹಾಗೂ ಟ್ರೋಫಿಯೊಂದಿಗೆ ಅವರು ಮನೆಗೆ ತೆರಳಿದ್ದಾರೆ. ಆರಂಭದಿಂದಲೂ ಹೆಚ್ಚು ಮನರಂಜನೆ ನೀಡುತ್ತಾ ಎಲ್ಲರ ಗಮನ ಸೆಳೆದಿದ್ದ ಅವರು ಕೊನೆಗೂ ಗೆಲುವು ಕಂಡಿದ್ದಾರೆ.
ಶ್ರೀರಾರಮಚಂದ್ರ, ಸನ್ನಿ, ಸಿರಿ ಶಣ್ಮುಖ್ ಹಾಗೂ ಮಾನಸ್ ಅವರು ಫಿನಾಲೆ ರೇಸ್ನಲ್ಲಿದ್ದರು. ಭಾನುವಾರ ನಡೆದ ಗ್ರ್ಯಾಂಡ್ ಫಿನಾಲೆಯನ್ನು ಅಕ್ಕಿನೇನಿ ನಾಗಾರ್ಜುನ ನಡೆಸಿಕೊಟ್ಟರು. ಫಿನಾಲೆ ವೀಕ್ಗೆ 13 ಕೋಟಿ ಮತಗಳು ಬಿದ್ದಿದ್ದವು. ಈ ಪೈಕಿ ಅತಿ ಹೆಚ್ಚು ವೋಟ್ ಪಡೆದು ಸನ್ನಿ ಗೆಲುವು ಕಂಡಿದ್ದಾರೆ. ಶಣ್ಮುಖ್ ಅವರು ಮೊದಲ ರನ್ನರ್ ಅಪ್ ಆದರೆ, ಶ್ರೀರಾಮಚಂದ್ರ ಅವರು ಎರಡನೇ ರನ್ನರ್ ಅಪ್ ಆಗಿ ಹೊರ ಹೊಮ್ಮಿದ್ದಾರೆ.
19 ಮಂದಿ ಬಿಗ್ ಬಾಸ್ ಮನೆ ಸೇರಿದ್ದರು. ಈ ಪೈಕಿ ಸನ್ನಿ ಗೆದ್ದು ಬೀಗಿದ್ದಾರೆ. ಘಟಾಘಟಿಗಳು ಎನಿಸಿಕೊಂಡವರು ಅಷ್ಟಾಗಿ ಬಿಗ್ ಬಾಸ್ ಮನೆಯಲ್ಲಿ ಇರಲಿಲ್ಲ. ಈ ಕಾರಣಕ್ಕೆ ಸಾಕಷ್ಟು ಮಂದಿ ತಾವು ಈ ಬಾರಿಯ ಸೀಸನ್ ನೋಡುವುದಿಲ್ಲ ಎನ್ನುವ ಮಾತನ್ನು ಹೇಳಿದ್ದರು. ಅಕ್ಕಿನೇನಿ ನಾಗಾರ್ಜುನ ಅವರ ಅದ್ಭುತವಾಗಿ ಈ ಬಾರಿಯ ಸೀಸನ್ಅನ್ನು ನಡೆಸಿಕೊಟ್ಟಿದ್ದರು. ಪತ್ರಕರ್ತನಾಗಿದ್ದ ಸನ್ನಿ, ನಂತರ ಕಿರುತೆರೆಗೆ ಕಾಲಿಟ್ಟರು. ಧಾರಾವಾಹಿ ಮೂಲಕ ಹೆಚ್ಚು ಗುರುತಿಸಿಕೊಂಡಿದ್ದರು.
ಬಿಗ್ ಬಾಸ್ ಫಿನಾಲೆ ಸ್ಟಾರ್ ನಟರು ಹಾಗೂ ನಿರ್ದೇಶಕರ ಸಮಾಗಮಕ್ಕೆ ಸಾಕ್ಷಿ ಆಯಿತು. ರಾಜಮೌಳಿ ನಿರ್ದೇಶನದ ‘ಆರ್ಆರ್ಆರ್’ ಸಿನಿಮಾ ಜನವರಿ 7ರಂದು ತೆರೆಗೆ ಬರುತ್ತಿದೆ. ಈ ಚಿತ್ರದ ಪ್ರಚಾರದಲ್ಲಿ ರಾಜಮೌಳಿ ಬ್ಯುಸಿ ಆಗಿದ್ದಾರೆ. ಅವರು ಕೂಡ ಬಿಗ್ ಬಾಸ್ ವೇದಿಕೆ ಏರಿದ್ದರು. ರಣಬೀರ್ ಕಪೂರ್ ಹಾಗೂ ಆಲಿಯಾ ‘ಬ್ರಹ್ಮಾಸ್ತ್ರ’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರ ತೆಲುಗು, ಕನ್ನಡ ಮೊದಲಾದ ಭಾಷೆಗಳಲ್ಲಿ ಬರುತ್ತಿದೆ. ಈ ಕಾರಣಕ್ಕೆ ಈ ಜೋಡಿ ಬಿಗ್ ಬಾಸ್ ಮನೆಯ ವೇದಿಕೆ ಹತ್ತಿತ್ತು.
ನಾನಿ ಹಾಗೂ ಸಾಯಿ ಪಲ್ಲವಿ ಅಭಿನಯದ ‘ಶ್ಯಾಮ್ ಸಿಂಗ ರಾಯ್’ ಕೂಡ ರಿಲೀಸ್ ಆಗುತ್ತಿದೆ. ಈ ಚಿತ್ರದ ಬಗ್ಗೆ ಮಾಹಿತಿ ನೀಡಿದರು ಈ ಜೋಡಿ. ಇನ್ನು, ರಶ್ಮಿಕಾ ಮಂದಣ್ಣ ಅವರು ‘ಪುಷ್ಪ’ ಸಿನಿಮಾ ತಂಡದ ಪರವಾಗಿ ಆಗಮಿಸಿದ್ದರು. ಈ ಎಲ್ಲರನ್ನೂ ಸ್ವಾಗತ ಮಾಡಿದ್ದು ಅಕ್ಕಿನೇನಿ ನಾಗಾರ್ಜುನ. ‘ತೆಲುಗು ಬಿಗ್ ಬಾಸ್ 5’ ನಡೆಸಿಕೊಡುತ್ತಿರುವ ಅವರು, ಈ ಎಲ್ಲರನ್ನೂ ಸ್ವಾಗತಿಸಿ ಪ್ರೀತಿಯಿಂದ ನಾಲ್ಕು ಮಾತನಾಡಿದರು.
ಇದನ್ನೂ ಓದಿ: ತೆಲುಗು ಬಿಗ್ ಬಾಸ್ ಫಿನಾಲೆ; ವೇದಿಕೆ ಮೇಲೆ ರಶ್ಮಿಕಾ, ರಾಜಮೌಳಿ, ಆಲಿಯಾ ಭಟ್, ರಣಬೀರ್ ಕಪೂರ್
