Kichcha Sudeep: ತಮ್ಮ ಡ್ರೆಸ್​ನ ಬಿಗ್ ಬಾಸ್ ಬಾಯ್ಸ್​ಗೆ ಗಿಫ್ಟ್ ನೀಡಿದ ಸುದೀಪ್; ಕಾರಣ ಏನು?

ಕಿಚ್ಚ ಸುದೀಪ್ (Kichcha Sudeep) ಅವರು ಬಿಗ್ ಬಾಸ್ ಸ್ಪರ್ಧಿಗಳನ್ನು ಕುಟುಂಬದವರ ರೀತಿ ನೋಡುತ್ತಾರೆ. ಪ್ರತಿ ಸೀಸನ್​ನಲ್ಲಿ ಒಮ್ಮೆಯಾದರೂ ಅವರು ತಾವೇ ಅಡುಗೆ ಮಾಡಿ ಸ್ಪರ್ಧಿಗಳಿಗೆ ಕಳುಹಿಸುತ್ತಾರೆ. ಎಲ್ಲಾ ಸ್ಪರ್ಧಿಗಳನ್ನು ಒಂದೇ ರೀತಿಯಲ್ಲಿ ನೋಡುತ್ತಾರೆ. ಈ ಬಾರಿ ಬಿಗ್ ಬಾಸ್​ ಸ್ಪರ್ಧಿಗಳಿಗೆ ಸುದೀಪ್ ಅವರು ವಿಶೇಷ ಉಡುಗೊರೆ ನೀಡಿದ್ದಾರೆ. ಅದು ಕೇವಲ ಪುರಷ ಸ್ಪರ್ಧಿಗಳಿಗೆ ಮಾತ್ರ. ಉಡುಗೊರೆ ಪಡೆದ ಎಲ್ಲರೂ ಸಂಭ್ರಮಿಸಿದ್ದಾರೆ. ಮಹಿಳಾ ಸ್ಪರ್ಧಿಗಳು ಬೇಸರ ಮಾಡಿಕೊಂಡಿದ್ದಾರೆ.

ಆರನೇ ವಾರ ಸುದೀಪ್ ಅವರು ಮನೆಯವರಿಗೆ ಒಂದು ಟಾಸ್ಕ್ ನೀಡಿದ್ದರು. ಒಂದು ಫೋಟೋ ತೋರಿಸಲಾಗುತ್ತದೆ. ಈ ಫೋಟೋ ನೋಡಿ ಸಿನಿಮಾ ಹೆಸರನ್ನು ಊಹಿಸಬೇಕು. ಈ ಗೇಮ್​ನಲ್ಲಿ ಪುರುಷರ ತಂಡ ಗೆದ್ದಿತ್ತು. ಈ ರೀತಿ ಗೆದ್ದ ಸ್ಪರ್ಧಿಗಳಿಗೆ ತಮ್ಮ ಕಡೆಯಿಂದ ಸರ್​ಪ್ರೈಸ್ ಇದೆ ಎಂದು ಸುದೀಪ್ ಹೇಳಿದ್ದರು. ಆದರೆ, ಆ ಸರ್​ಪ್ರೈಸ್ ಏನು ಎಂಬುದನ್ನು ಸುದೀಪ್​ ರಿವೀಲ್ ಮಾಡಿರಲಿಲ್ಲ.

ಶನಿವಾರದ ಎಪಿಸೋಡ್​ನಲ್ಲಿ ಸುದೀಪ್ ಈ ಬಗ್ಗೆ ಮಾತನಾಡಿರಲಿಲ್ಲ. ಬಹುಶಃ ಸುದೀಪ್ ಅವರು ಹೀಗೆ ಸುಮ್ಮನೆ ಸರ್​ಪ್ರೈಸ್ ಇದೆ ಎಂದು ಹೇಳಿರಬಹುದು ಎಂದು ಎಲ್ಲರೂ ಊಹಿಸಿದ್ದರು. ಆದರೆ, ಸುದೀಪ್ ತಮ್ಮ ಮಾತನ್ನು ಉಳಿಸಿಕೊಂಡಿದ್ದಾರೆ. ಸ್ಪರ್ಧಿಗಳಿಗೆ ಅವರು ಹಾಕಿದ್ದ ಉಡುಗೆಯನ್ನು ಗಿಫ್ಟ್ ಆಗಿ ನೀಡಿದ್ದಾರೆ.

ಪ್ರತಿ ವೀಕೆಂಡ್​ನಲ್ಲಿ ಸುದೀಪ್ ಅವರು ವಿವಿಧ ರೀತಿಯ ಡ್ರೆಸ್ ಹಾಕುತ್ತಾರೆ. ಇದು ಎಲ್ಲರ ಗಮನ ಸೆಳೆಯುತ್ತದೆ. ಈ ಡ್ರೆಸ್​ನ ಸುದೀಪ್ ಅವರು ಸ್ಪರ್ಧಿಗಳಿಗೆ ನೀಡಿದ್ದಾರೆ. ‘ನಾನು ವೀಕೆಂಡ್​ನಲ್ಲಿ ಧರಿಸಿದ ಬಟ್ಟೆಗಳಿವು. ಯಾರ್ಯಾರಿಗೆ ಹೊಂದಿಕೆ ಆಗುತ್ತದೆಯೋ ಹಾಕಿಕೊಳ್ಳಿ. ಪ್ರತಾಪ್, ಸಂತೊಷ್​ಗೆ ಈ ಡ್ರೆಸ್​ನ ಅಳತೆ ಸರಿಯಾಗಿ ಹೊಂದಿಕೆ ಆಗುತ್ತದೆಯೋ ಅಥವಾ ಇಲ್ಲವೋ ಎಂಬುದು ನನಗೆ ಗೊತ್ತಿಲ್ಲ’ ಎಂದರು ಸುದೀಪ್. ಡ್ರೆಸ್ ಹೇಗಾದರೂ ಇರಲಿ, ಸುದೀಪ್ ಧರಿಸಿದ್ದ ಬಟ್ಟೆ ಸಿಕ್ತು ಎನ್ನುವ ವಿಚಾರ ಸ್ಪರ್ಧಿಗಳ ಖುಷಿ ಹೆಚ್ಚಿಸಿದೆ.

ಇದನ್ನೂ ಓದಿ: ‘ಕಾರಲ್ಲಿ ದೊಡ್ಮನೆಗೆ ಎಂಟ್ರಿ’; ವೈಲ್ಡ್ ಕಾರ್ಡ್​ಗೆ ಬಿಗ್ ಬಾಸ್​ ಮನೆಯಲ್ಲಿ ಹಲ್​ಚಲ್

ಮಹಿಳಾ ಸ್ಪರ್ಧಿಗಳಿಗೆ ಸುದೀಪ್ ಕಡೆಯಿಂದ ಏನೂ ಸಿಗಲಿಲ್ಲ. ಇದಕ್ಕೆ ಅವರು ಬೇಸರ ಮಾಡಿಕೊಂಡಿದ್ದಾರೆ. ಸಿರಿ ಅವರಂತೂ ಕಣ್ಣೀರು ಹಾಕುವ ಹಂತಕ್ಕೆ ಹೋಗಿದ್ದರು. ಸುದೀಪ್ ಬೇರೆ ಟಾಪಿಕ್ ತೆಗೆದು ಪರಿಸ್ಥಿತಿಯನ್ನು ತಿಳಿಗೊಳಿಸಿದರು.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ