ಶೀಘ್ರವೇ ಶಮಿತಾ ಶೆಟ್ಟಿ-ರಾಕೇಶ್ ಬಾಪಟ್ ಎಂಗೇಜ್ಮೆಂಟ್; ಅಭಿಮಾನಿ ವಲಯದಲ್ಲಿ ಜೋರಾಯ್ತು ಚರ್ಚೆ
ಶಮಿತಾ ಹಾಗೂ ರಾಕೇಶ್ ‘ಬಿಗ್ ಬಾಸ್ ಒಟಿಟಿ’ಯಲ್ಲಿ ಪರಿಚಯಗೊಂಡರು. ಇಬ್ಬರ ಗೆಳೆತನ ಶೋ ಮುಗಿಯುವುದರೊಳಗೆ ಪ್ರೀತಿಗೆ ತಿರುಗಿತ್ತು. ಶೋ ಪೂರ್ಣಗೊಂಡ ಬಳಿಕವೂ ಇಬ್ಬರೂ ಒಟ್ಟಾಗಿ ಕಾಣಿಸಿಕೊಂಡರು.
‘ಹಿಂದಿ ಬಿಗ್ ಬಾಸ್ 15’ (Hindi Bigg Boss 15) ಕೊನೆಯ ಹಂತ ತಲುಪಿದೆ. ಇಂದು (ಜನವರಿ 30) ಫಿನಾಲೆ (Hindi Bigg Boss 15 Finale) ನಡೆಯುತ್ತಿದೆ. ಇದಕ್ಕೆ ವೇದಿಕೆ ಸಜ್ಜಾಗಿದೆ. ‘ಬಿಗ್ ಬಾಸ್ ಒಟಿಟಿ’ ಮೂಲಕ ಹೆಸರು ಮಾಡಿದ ಶಿಲ್ಪಾ ಶೆಟ್ಟಿ ಸಹೋದರಿ ಶಮಿತಾ ಶೆಟ್ಟಿ (Shanita Shetty) ಈ ಬಾರಿ ಪ್ರಬಲ ಸ್ಪರ್ಧಿ ಎನಿಸಿಕೊಂಡಿದ್ದಾರೆ. ರೇಸ್ನಲ್ಲಿ ಐದು ಜನ ಇದ್ದು ಶಮಿತಾ ಗೆಲ್ಲುವ ಚಾನ್ಸ್ ಹೆಚ್ಚಿದೆ ಎನ್ನುವ ಅಭಿಪ್ರಾಯ ವೀಕ್ಷಕರ ವಲಯದಲ್ಲಿ ಕೇಳಿ ಬಂದಿದೆ. ಫಿನಾಲೆ ಮುಗಿಸಿ ಬಂದ ನಂತರ ಶಮಿತಾ ಜತೆ ಎಂಗೇಜ್ಮೆಂಟ್ ಆಗೋ ಸೂಚನೆ ನೀಡಿದ್ದಾರೆ ಬಾಯ್ಫ್ರೆಂಡ್ ರಾಕೇಶ್ ಬಾಪಟ್. ಶಮಿತಾ ಬಿಗ್ ಬಾಸ್ ಮನೆಯಿಂದ ಹೊರ ಬರುತ್ತಿದ್ದಂತೆ ನಿಶ್ಚಿತಾರ್ಥ ನೆರವೇರುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
ಫಿನಾಲೆಗೂ ಮೊದಲು ಅಂದರೆ ಶನಿವಾರ (ಜನವರಿ 29) ರಾಕೇಶ್ ಮತ್ತು ಶಮಿತಾ ಶೆಟ್ಟಿ ತಾಯಿ ಸುನಂದಾ ಶೆಟ್ಟಿ ಹಾಗೂ ಶಮಿತಾ ಗೆಳತಿ ಆಕಾಂಕ್ಷಾ ಮಲ್ಹೋತ್ರಾ ಶೋಗೆ ಆಗಮಿಸಿದ್ದರು. ಈ ವೇಳೆ ಶಮಿತಾಗೆ ಏನಾದರೂ ಹೇಳಿ ಎನ್ನುವ ಮಾತನ್ನು ಸಲ್ಮಾನ್ ಖಾನ್ ಹೇಳಿದರು. ಆಗ ಮೈಕ್ ಕಸಿದುಕೊಂಡ ಆಕಾಂಕ್ಷಾ, ‘ಐ ಲವ್ ಯೂ ಶಮಿತಾ. ನೀನು ಟ್ರೋಪಿ ಹಿಡಿದು ಬರುವುದನ್ನು ಕಾದು ನೋಡುತ್ತಿದ್ದೇನೆ’ ಎಂದಿದ್ದಾರೆ.
ಈ ವೇಳೆ ಮಾತನಾಡಿದ ರಾಕೇಶ್, ‘ಶಮಿತಾ ಅವರು ನಿನ್ನನ್ನು ಕೇವಲ ಪ್ರೀತಿಸುತ್ತಾರೆ. ಆದರೆ ನಾನು ನಿಮ್ಮನ್ನು ಹೆಚ್ಚು ಪ್ರೀತಿಸುತ್ತೇನೆ. ನಿಮ್ಮ ತಾಯಿ ನನಗೆ ಉತ್ತಮ ಸ್ನೇಹಿತರಾದರು. ಶಮಿತಾ ನೀವು ಎಲ್ಲರನ್ನೂ ಅಚ್ಚರಿಗೊಳಿಸಿದ್ದೀರಿ. ನಿಮಗೆ ಹ್ಯಾಟ್ಸ್ ಆಫ್. ನಾನು ನಿನ್ನನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ. ನಿನ್ನ ಹಗ್ ಮಾಡಲು ಕಾದಿದ್ದೇನೆ’ ಎಂದಿದ್ದಾರೆ ರಾಕೇಶ್.
ಈ ವಿಚಾರದಲ್ಲಿ ಸಲ್ಮಾನ್ ಖಾನ್ ನಗೆ ಚಟಾಕಿ ಹಾರಿಸಿದ್ದಾರೆ. ‘ತಾಯಿ ಎದುರು ಈ ರೀತಿ ಮಾತನಾಡಬಾರದು ರಾಕೇಶ್. ನಿಮ್ಮ ಕಿಡ್ನಿಯಲ್ಲಿದ್ದ ಕಲ್ಲನ್ನು ಇತ್ತೀಚೆಗಷ್ಟೇ ತೆಗೆಯಲಾಗಿದೆ’ ಎಂದರು. ರಾಕೇಶ್ಗೆ ಕಿಡ್ನ ಸ್ಟೋನ್ ಆಗಿತ್ತು. ಈ ಕಾರಣಕ್ಕೆ ಅವರು ಶಸ್ತ್ರ ಚಿಕಿತ್ಸೆಗೆ ಒಳಗಾಗಬೇಕಿತ್ತು. ಹೀಗಾಗಿ, ಅವರು ಬಿಗ್ಬಾಸ್ ಮನೆಯಿಂದ ಅರ್ಧಕ್ಕೆ ಹೊರ ನಡೆದಿದ್ದರು. ಇಬ್ಬರೂ ಶೀಘ್ರವೇ ಎಂಗೇಜ್ಮೆಂಟ್ ಮಾಡಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ.
ಶಮಿತಾ ಹಾಗೂ ರಾಕೇಶ್ ‘ಬಿಗ್ ಬಾಸ್ ಒಟಿಟಿ’ಯಲ್ಲಿ ಪರಿಚಯಗೊಂಡರು. ಇಬ್ಬರ ಗೆಳೆತನ ಶೋ ಮುಗಿಯುವುದರೊಳಗೆ ಪ್ರೀತಿಗೆ ತಿರುಗಿತ್ತು. ಶೋ ಪೂರ್ಣಗೊಂಡ ಬಳಿಕವೂ ಇಬ್ಬರೂ ಒಟ್ಟಾಗಿ ಕಾಣಿಸಿಕೊಂಡರು. ಬಿಗ್ ಬಾಸ್ 15ನೇ ಸೀಸನ್ಗೆ ಶಮಿತಾ ಮೊದಲು ಮನೆ ಒಳಗೆ ಬಂದರೆ, ವೈಲ್ಡ್ ಕಾರ್ಡ್ ಮೂಲಕ ರಾಕೇಶ್ ಬಂದಿದ್ದರು. ಅನಾರೋಗ್ಯ ಕಾರಣದಿಂದ ಅವರು ಹೊರ ನಡೆದಿದ್ದರು. ಹೀಗಾಗಿ, ರಾಕೇಶ್ ಅವರನ್ನು ಶಮಿತಾ ಬಿಗ್ ಬಾಸ್ ಮನೆಯಲ್ಲಿ ತುಂಬಾನೇ ಮಿಸ್ ಮಾಡಿಕೊಂಡಿದ್ದರು. ಪ್ರತೀಕ್ ಸೆಹಜ್ಪಾಲ್, ನಿಶಾಂತ್ ಭಟ್, ಕರಣ್ ಕುಂದ್ರಾ, ತೇಜಸ್ವಿ ಪ್ರಕಾಶ್ ಕೂಡ ಫಿನಾಲೆಯಲ್ಲಿದ್ದಾರೆ.
ಇದನ್ನೂ ಓದಿ: ಹೃದಯಾಘಾತದಿಂದ ಮಡಿದ ಪ್ರಿಯಕರ ಸಿದ್ದಾರ್ಥ್ಗೆ ಬಿಗ್ ಬಾಸ್ ಫಿನಾಲೆಯಲ್ಲಿ ಶೆಹನಾಜ್ ಗಿಲ್ ನಮನ