Tuberculosis: ಮೂಳೆ ಟಿಬಿ ಚಿಕಿತ್ಸೆಯಲ್ಲಿ ವಿಳಂಬವು ಅಂಗವೈಕಲ್ಯಕ್ಕೆ ಕಾರಣವಾಗಬಹುದು; ಅಧ್ಯಯನ

ಕ್ಷಯರೋಗವು (Tuberculosis) ಹೊಟ್ಟೆ ಮತ್ತು ಎದೆಗೆ ಮಾತ್ರ ಸೀಮಿತವಾಗಿದೆ ಎಂಬುದು ಸಾಮಾನ್ಯ ನಂಬಿಕೆ. ಸತ್ಯವೆಂದರೆ ಉಗುರುಗಳು (Nails) ಮತ್ತು ಕೂದಲನ್ನು (hairs) ಹೊರತುಪಡಿಸಿ ದೇಹದ ಎಲ್ಲಾ ಭಾಗಗಳಲ್ಲಿ ಟಿಬಿ ಸಂಭವಿಸಬಹುದು, ಇದನ್ನು ಎಕ್ಸ್‌ಟ್ರಾಪಲ್ಮನರಿ ಟಿಬಿ ಎಂದು ಕರೆಯಲಾಗುತ್ತದೆ. ಮೂಳೆಗಳಲ್ಲಿ ಟಿಬಿ (bone Tuberculosis) ಸಂಭವಿಸಿದಾಗ, ಅದನ್ನು ಮೂಳೆಗಳ ಟಿಬಿ ಅಥವಾ ಮಸ್ಕ್ಯುಲೋಸ್ಕೆಲಿಟಲ್ ಟಿಬಿ ಎಂದು ಕರೆಯಲಾಗುತ್ತದೆ. ರಾಷ್ಟ್ರೀಯ ಕ್ಷಯರೋಗ ನಿರ್ಮೂಲನಾ ಕಾರ್ಯಕ್ರಮದ (ಎನ್‌ಟಿಇಪಿ) ವರದಿಯ ಪ್ರಕಾರ – ಭಾರತದಲ್ಲಿನ ಒಟ್ಟು ಟಿಬಿ ಪ್ರಕರಣಗಳಲ್ಲಿ ಶೇಕಡ 20 ಕ್ಕಿಂತ ಹೆಚ್ಚು ಪ್ರಕರಣಗಳು ಎಕ್ಸ್‌ಟ್ರಾಪಲ್ಮನರಿ ಟಿಬಿಯಾಗಿದ್ದು, ಅದರಲ್ಲಿ ಶೇಕಡ 5-10 ಮೂಳೆ ಟಿಬಿ ಆಗಿದೆ.

“ಬೋನ್ ಟಿಬಿ ಎಂಬುದು ಮೈಕೋಬ್ಯಾಕ್ಟೀರಿಯಂ ಟ್ಯೂಬರ್ಕ್ಯುಲೋಸಿಸ್ ಎಂಬ ಬ್ಯಾಕ್ಟೀರಿಯಾದಿಂದ ಹರಡುವ ಸಾಂಕ್ರಾಮಿಕ ಕಾಯಿಲೆಯಾಗಿದೆ. ಇದು ಕೈಗಳು, ಪಾದಗಳು, ಮೊಣಕೈಗಳು ಮತ್ತು ಮಣಿಕಟ್ಟುಗಳ ಕೀಲುಗಳ ಮೇಲೆ ಪರಿಣಾಮ ಬೀರುತ್ತದೆ. ಬ್ಯಾಕ್ಟೀರಿಯಾವು ರಕ್ತದ ಮೂಲಕ ಮೂಳೆಗಳು ಮತ್ತು ಇತರ ಅಂಗಗಳನ್ನು ತಲುಪಿ ಗಾಯಗಳನ್ನು ಉಂಟುಮಾಡಿದ ನಂತರ ಇತರ ಅಂಗಗಳಲ್ಲಿ ಸೋಂಕು ಹರಡುತ್ತದೆ” ಎಂದು ಬನಾರಸ್ ಹಿಂದೂ ವಿಶ್ವವಿದ್ಯಾಲಯದ ಟ್ರಾಮಾ ಸೆಂಟರ್‌ನ ಪ್ರಭಾರ ಪ್ರಾಧ್ಯಾಪಕ ಡಾ.ಸೌರಭ್ ಸಿಂಗ್ ಎಕನಾಮಿಕ್ ಟೈಮ್ಸ್ ವರದಿಯಲ್ಲಿ ಹೇಳಿದ್ದಾರೆ.

ಬೆನ್ನುಮೂಳೆಯ ಮತ್ತು ಮೊಣಕಾಲಿನ ಕೀಲುಗಳ ಟಿಬಿ ಪ್ರಕರಣಗಳು ಮುಖ್ಯವಾಗಿ ಉತ್ತರ ಭಾರತದಲ್ಲಿ ಕಂಡುಬರುತ್ತವೆ ಎಂದು ಅವರು ಹೇಳಿದರು, ಮೂಳೆ ಟಿಬಿಯ ಮುಖ್ಯ ಲಕ್ಷಣಗಳೆಂದರೆ ದೇಹದಲ್ಲಿ ನೋವು, ದೀರ್ಘಕಾಲದ ಜ್ವರ ಮತ್ತು ತೂಕ ನಷ್ಟ. ಸಾಮಾನ್ಯವಾಗಿ, ಮೂಳೆ ಟಿಬಿಯ ಬಗ್ಗೆ ರೋಗಿಗಳಿಗೆ ತಿಳಿದಿರದ ಕಾರಣ ತಡವಾಗಿ ರೋಗನಿರ್ಣಯ ಮಾಡಲಾಗುತ್ತದೆ. ಮಸ್ಕ್ಯುಲೋಸ್ಕೆಲಿಟಲ್ ಟಿಬಿ ಯಾವುದೇ ವಯಸ್ಸಿನಲ್ಲಿ ಸಂಭವಿಸಬಹುದು ಮತ್ತು ಸಮಯಕ್ಕೆ ಈ ಕಾಯಿಲೆಗೆ ಚಿಕಿತ್ಸೆ ನೀಡುವುದು ಬಹಳ ಮುಖ್ಯ. ವಿಳಂಬವಾದರೆ, ರೋಗಿಯು ಅಂಗವಿಕಲನಾಗಬಹುದು.

ಆಧುನಿಕ ಮೂಳೆಚಿಕಿತ್ಸೆಯ ಪಿತಾಮಹನ ಸ್ಥಾನಮಾನವನ್ನು ಪಡೆದ ಡಾ.ಎಸ್.ಎಂ.ತುಲಿ ಅವರು ತಮ್ಮ ‘ಟ್ಯೂಬರ್ಕ್ಯುಲೋಸಿಸ್ ಆಫ್ ಸ್ಕೆಲಿಟಲ್ ಸಿಸ್ಟಮ್’ ಪುಸ್ತಕದಲ್ಲಿ ವಿವರವಾಗಿ ವಿವರಿಸಿದ್ದಾರೆ.

ಇದನ್ನೂ ಓದಿ: ವರ್ಕ್ ಔಟ್ ಬಳಿಕ ಎಂತಹ ಆಹಾರವನ್ನು ಸೇವಿಸಬೇಕು? ಇಲ್ಲಿದೆ 5 ಉತ್ತಮ ಆಹಾರಗಳ ಪಟ್ಟಿ

ವಿಶ್ವವಿದ್ಯಾನಿಲಯದಲ್ಲಿ ಆರ್ಥೋಪೆಡಿಕ್ ವಿಭಾಗ ಮತ್ತು ಬೋನ್ ಬ್ಯಾಂಕ್ ಸ್ಥಾಪಿಸಿದ ಡಾ.ತುಲಿ ಅವರ ಕನಸುಗಳನ್ನು ನನಸಾಗಿಸುವ ಕೆಲಸ ಈಗ ಟ್ರಾಮಾ ಸೆಂಟರ್‌ನಲ್ಲಿ ನಡೆಯುತ್ತಿದೆ” ಎಂದು ಡಾ. ಸಿಂಗ್ ಡಾ.ಸಿಂಗ್ ಹೇಳಿದರು, ಮೂಳೆ ಟಿಬಿಯನ್ನು ಆಪರೇಷನ್ ಮತ್ತು ಇತರ ವಿಧಾನಗಳಿಂದ ಸಂಪೂರ್ಣವಾಗಿ ಗುಣಪಡಿಸಬಹುದು.

ಸಂಶೋಧನಾ ಪ್ರಬಂಧದ ಮೂಲಕ, ಕ್ಷಯರೋಗದ ಪಾರ್ಶ್ವವಾಯುವಿಗೆ ಅನುಕೂಲಕರವಾದ ನರವೈಜ್ಞಾನಿಕ ಪರಿಸ್ಥಿತಿಗಳ ಜೊತೆಗೆ ಕಾರ್ಡ್ ಡಿಕಂಪ್ರೆಷನ್ ಮುಖ್ಯ ಚಿಕಿತ್ಸೆಗಳಲ್ಲಿ ಒಂದಾಗಿದೆ ಎಂದು ಡಾ ಸಿಂಗ್ ಎತ್ತಿ ತೋರಿಸಿದ್ದಾರೆ. ಆಂಟೀರಿಯರ್ ಡಿಕಂಪ್ರೆಷನ್ ಮತ್ತು ಆಟೋಲೋಗಸ್ ಮೂಳೆ ಕಸಿಗಳೊಂದಿಗೆ ಸ್ಥಿರೀಕರಣವು ಪೀಡಿತ ಬೆನ್ನುಮೂಳೆಯ ವಿಭಾಗದ ಸಮ್ಮಿಲನವನ್ನು ಉತ್ತೇಜಿಸುತ್ತದೆ ಮತ್ತು ಅಂಗವಿಕಲತೆಯ ಮತ್ತಷ್ಟು ಪ್ರಗತಿಯನ್ನು ತಡೆಯುತ್ತದೆ.