Delmicron ಒಮಿಕ್ರಾನ್ ನಂತರ ಬಂದಿದೆ ಹೊಸ ರೂಪಾಂತರಿ ಡೆಲ್ಮಿಕ್ರಾನ್; ರೋಗ ಲಕ್ಷಣಗಳೇನು? ಚಿಕಿತ್ಸೆ ಏನು?

Delmicron ಒಮಿಕ್ರಾನ್ ನಂತರ ಬಂದಿದೆ ಹೊಸ ರೂಪಾಂತರಿ ಡೆಲ್ಮಿಕ್ರಾನ್; ರೋಗ ಲಕ್ಷಣಗಳೇನು? ಚಿಕಿತ್ಸೆ ಏನು?
ಪ್ರಾತಿನಿಧಿಕ ಚಿತ್ರ

ಕೊವಿಡ್‌ನ ಡೆಲ್ಟಾ ರೂಪಾಂತರಕ್ಕಿಂತ ಒಮಿಕ್ರಾನ್ ರೂಪಾಂತರದ ಹರಡುವಿಕೆ ಹೆಚ್ಚು ಎಂದು ಹೇಳಲಾಗಿದ್ದರೂ, ಮತ್ತೊಂದು ರೂಪಾಂತರವು ಈಗ ಮುಂಚೂಣಿಗೆ ಬಂದಿದೆ. ಅದೇ ಡೆಲ್ಮಿಕ್ರಾನ್.

TV9kannada Web Team

| Edited By: Rashmi Kallakatta

Dec 23, 2021 | 10:38 AM

ಯುರೋಪಿಯನ್ ರಾಷ್ಟ್ರಗಳಲ್ಲಿ ಒಮಿಕ್ರಾನ್ (Omicron) ಸೋಂಕು ವ್ಯಾಪಕವಾಗುತ್ತಿದ್ದಂತೆ ಆರೋಗ್ಯ ತಜ್ಞರು ಭಾರತದಲ್ಲಿಯೂ ಸಮುದಾಯ ಹರಡುವಿಕೆ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ. ಪ್ರಸ್ತುತ ಮಹಾರಾಷ್ಟ್ರವು (Maharashtra) ಭಾರತದಲ್ಲಿ ಅತಿ ಹೆಚ್ಚು ಒಮಿಕ್ರಾನ್ ಪ್ರಕರಣಗಳನ್ನು ಹೊಂದಿದ್ದು ರಾಜಧಾನಿ ದೆಹಲಿ ಎರಡನೇ ಸ್ಥಾನದಲ್ಲಿದೆ. ಕೊವಿಡ್‌ನ ಡೆಲ್ಟಾ (Delta) ರೂಪಾಂತರಕ್ಕಿಂತ ಒಮಿಕ್ರಾನ್ ರೂಪಾಂತರದ ಹರಡುವಿಕೆ ಹೆಚ್ಚು ಎಂದು ಹೇಳಲಾಗಿದ್ದರೂ, ಮತ್ತೊಂದು ರೂಪಾಂತರವು ಈಗ ಮುಂಚೂಣಿಗೆ ಬಂದಿದೆ. ಅದೇ ಡೆಲ್ಮಿಕ್ರಾನ್(Delmicron). ಡೆಲ್ಮಿಕ್ರಾನ್ ಕೊವಿಡ್‌ನ ಡಬಲ್ ರೂಪಾಂತರಿಯಾಗಿದ್ದು ಇದು ಪಾಶ್ಚಿಮಾತ್ಯ ರಾಷ್ಟ್ರಗಳಲ್ಲಿ ಹೆಚ್ಚು ಹರಡುತ್ತಿದೆ. ಕೊರೊನಾದ ಡೆಲ್ಟಾ ರೂಪಾಂತರ ಮತ್ತು ಒಮಿಕ್ರಾನ್ ರೂಪಾಂತರವನ್ನು ಸಂಯೋಜಿಸುವ ಮೂಲಕ ಈ ಹೆಸರನ್ನು ಪಡೆಯಲಾಗಿದೆ. ಏಕೆಂದರೆ ಪ್ರಸ್ತುತ ಈ ಎರಡೂ ರೂಪಾಂತರಗಳು ಭಾರತ ಸೇರಿದಂತೆ ಪ್ರಪಂಚದಾದ್ಯಂತ ಕಂಡುಬರುತ್ತವೆ.

ಯುರೋಪ್ ಮತ್ತು ಯುಎಸ್‌ನಲ್ಲಿ ಡೆಲ್ಟಾ ಮತ್ತು ಒಮಿಕ್ರಾನ್‌ನ ಅವಳಿ ಸ್ಪೈಕ್‌ಗಳಾದ ಡೆಲ್ಮಿಕ್ರಾನ್ ಪ್ರಕರಣಗಳ ಮಿನಿ ಸುನಾಮಿಗೆ ಕಾರಣವಾಗಿದೆ ”ಎಂದು ರಾಜ್ಯ ಸರ್ಕಾರದ ಕೊವಿಡ್ ಕಾರ್ಯಪಡೆಯ ಸದಸ್ಯ ಶಶಾಂಕ್ ಜೋಶಿ ಹೇಳಿದರು. ಡೆಲ್ಟಾ ರೂಪಾಂತರಕ್ಕೆ ವ್ಯಾಪಕವಾಗಿರುವ ಭಾರತದಲ್ಲಿ ಒಮಿಕ್ರಾನ್ ಹೇಗೆ ವರ್ತಿಸುತ್ತದೆ ಎಂಬುದನ್ನು ನೋಡಬೇಕಾಗಿದೆ ಎಂದು ಅವರು ಹೇಳಿದರು. “ಪ್ರಸ್ತುತ, ಡೆಲ್ಟಾದ ವಂಶದ ಡೆಲ್ಟಾ ರೂಪಾಂತರಿಗಳು ಭಾರತದಲ್ಲಿ ಪಸರಿಸಿರುವಪ್ರಮುಖ ರೂಪಾಂತರಗಳಾಗಿವೆ. ಒಮಿಕ್ರಾನ್ ಪ್ರಪಂಚದ ಇತರ ಭಾಗಗಳಲ್ಲಿ ಡೆಲ್ಟಾವನ್ನು ವೇಗವಾಗಿ ಬದಲಾಯಿಸುತ್ತಿದೆ, ಆದರೆ ಡೆಲ್ಟಾ ರೂಪಾಂತರಿಗಳು ಮತ್ತು ಒಮಿಕ್ರಾನ್ ಹೇಗೆ ವರ್ತಿಸುತ್ತವೆ ಎಂದು ಊಹಿಸಲು ಯಾವುದೇ ಮಾರ್ಗವಿಲ್ಲ ಎಂದು ಅವರು ಹೇಳಿದರು.

ಒಮಿಕ್ರಾನ್ ರೂಪಾಂತರ: ರೋಗ ಲಕ್ಷಣಗಳು ಒಮಿಕ್ರಾನ್ ಮತ್ತು ಅದರ ತೀವ್ರತೆಯ ಬಗ್ಗೆ ಸಂಶೋಧನೆಯು ಇನ್ನೂ ಪ್ರಕ್ರಿಯೆಯಲ್ಲಿದೆ, ರೋಗಿಗಳಲ್ಲಿ ನಾಲ್ಕು ಸಾಮಾನ್ಯ ರೋಗಲಕ್ಷಣಗಳು ಕಂಡುಬರುತ್ತವೆ. ಕೆಮ್ಮು, ಆಯಾಸ, ದಟ್ಟಣೆ ಮತ್ತು ಮೂಗು ಸೋರುವಿಕೆ. ಸಿಡಿಸಿಯ ಕೊವಿಡ್-19 ರೋಗಲಕ್ಷಣಗಳ ಪಟ್ಟಿಯು ಸ್ನಾಯು ಅಥವಾ ದೇಹದ ನೋವು, ತಲೆನೋವು, ನೋಯುತ್ತಿರುವ ಗಂಟಲು, ವಾಕರಿಕೆ ಅಥವಾ ವಾಂತಿ ಮತ್ತು ಅತಿಸಾರವನ್ನು ಸಹ ಒಳಗೊಂಡಿದೆ. ಲಕ್ಷಣರಹಿತ ಸೋಂಕುಗಳು ಸಹ ಸಾಮಾನ್ಯವಾಗಿದೆ.

ಒಮಿಕ್ರಾನ್ ರೂಪಾಂತರಿ: ಚಿಕಿತ್ಸೆ ಏನು? ಕರ್ನಾಟಕದಲ್ಲಿ ಒಮಿಕ್ರಾನ್ ರೂಪಾಂತರಕ್ಕೆ ಧನಾತ್ಮಕ ಪರೀಕ್ಷೆ ನಡೆಸಿದ ವ್ಯಕ್ತಿಯೊಬ್ಬರು ತಮ್ಮ ಚಿಕಿತ್ಸೆ ಮತ್ತು ಚೇತರಿಕೆಯ ಪ್ರಯಾಣದ ಬಗ್ಗೆ ವಿವರಗಳನ್ನು ಹಂಚಿಕೊಂಡಿದ್ದಾರೆ. “ಒಮಿಕ್ರಾನ್ ರೂಪಾಂತರಕ್ಕೆ ಪ್ರತ್ಯೇಕ ಚಿಕಿತ್ಸೆ ಇಲ್ಲ. ವಿಟಮಿನ್-ಸಿ ಮಾತ್ರೆಗಳು ಮತ್ತು ಆಂಟಿಬಯೊಟಿಕ್ಸ್ ನೀಡಲಾಯಿತು. ಯಾವುದೇ ದಣಿವು ಇಲ್ಲದಿರುವುದರಿಂದ ಮತ್ತು ರೋಗಲಕ್ಷಣಗಳು ತುಂಬಾ ಸೌಮ್ಯವಾಗಿರುವುದರಿಂದ, ನಾನು ಒಂದು ವಾರದವರೆಗೆ ಆಸ್ಪತ್ರೆಯ ವಾರ್ಡ್‌ನಿಂದ ಕೆಲಸ ಮಾಡಿದ್ದೇನೆ ಎಂದು ಅವರು ಹೇಳಿರುವುದಾಗಿ ಐಎಎನ್‌ಎಸ್ ವರದಿ ಮಾಡಿದೆ. ಜನವರಿ ಮತ್ತು ಫೆಬ್ರವರಿಯಲ್ಲಿ ಒಮಿಕ್ರಾನ್ ಪ್ರಕರಣಗಳ ಹೆಚ್ಚಳವು ಅತ್ಯಧಿಕವಾಗಿರಬಹುದು ಎಂದು ಆರೋಗ್ಯ ತಜ್ಞರು ಎಚ್ಚರಿಸಿದ್ದಾರೆ. ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳಲು ಮತ್ತು ವೈರಸ್‌ನಿಂದ ರಕ್ಷಿಸಿಕೊಳ್ಳಲು ಆರೋಗ್ಯದ ಬಗ್ಗೆ ಗಮನ ಹರಿಸಬೇಕು ಎಂದು ತಜ್ಞರು ಹೇಳುತ್ತಾರೆ.

ಇದನ್ನೂ ಓದಿ: Omicron ಒಮಿಕ್ರಾನ್ 3 ಪಟ್ಟು ಹೆಚ್ಚು ಸಾಂಕ್ರಾಮಿಕ, ವಾರ್ ರೂಮ್‌ಗಳನ್ನು ಸಕ್ರಿಯಗೊಳಿಸಿ: ರಾಜ್ಯಗಳಿಗೆ ಕೇಂದ್ರ ಸೂಚನೆ

ಇದನ್ನೂ ಓದಿ: ದೇಶದಲ್ಲಿ ಏರಿಕೆಯಾಗುತ್ತಿರುವ ಒಮಿಕ್ರಾನ್​ ಸೋಂಕಿತರ ಸಂಖ್ಯೆ; ಇಂದು ಪ್ರಧಾನಿ ಮೋದಿಯವರಿಂದ ಪರಿಶೀಲನಾ ಸಭೆ

Follow us on

Related Stories

Most Read Stories

Click on your DTH Provider to Add TV9 Kannada