ಚಹಾ ಮಾಡುವಾಗ ಈ ಮೂರು ಹಂತಗಳನ್ನು ಅನುಸರಿಸಿ, ಇದು ಆರೋಗ್ಯದ ಪ್ರಶ್ನೆ

ಚಹಾ (tea) ಎಲ್ಲರಿಗೂ ಇಷ್ಟ. ಆದರೆ ಈ  ಚಹಾ ಮಾಡುವ ವಿಧಾನದಲ್ಲಿ ತಪ್ಪಾದರೆ ಅದು ಆರೋಗ್ಯದ ಮೇಲೆ ದೊಡ್ಡ ಪರಿಣಾಮವನ್ನು ಉಂಟು ಮಾಡುತ್ತದೆ. ಬೆಳಿಗ್ಗೆ ಎದ್ದ ತಕ್ಷಣ ಚಹಾ, ಮನೆ, ಆಫೀಸ್​​​​, ಸ್ನೇಹಿತರ ಜತೆಗೆ ಹರಾಟೆಗೂ ಈ ಚಹಾ ಎನ್ನುವುದು ಬೇಕು. ಕೆಲವರಿಗೆ ಒತ್ತಡದಿಂದ ಮುಕ್ತಿಗೂ ಕೂಡ ಈ ಚಹಾ ಬೇಕು. ಆದರೆ ಚಹಾದ ರುಚಿ ನೀವು ಅದನ್ನು ಹೇಗೆ ಮಾಡುತ್ತೀರಿ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ಚಹಾ ಪುಡಿ, ಸಕ್ಕರೆ ಮತ್ತು ಹಾಲು ಸೇರಿಸಲು ಸರಿಯಾದ ಸಮಯವು ನಿಮ್ಮ ಚಹಾ ಎಷ್ಟು ರುಚಿಕರ ಮತ್ತು ಪರಿಪೂರ್ಣವಾಗಿರುತ್ತದೆ ಎಂಬುದನ್ನು ನಿರ್ಧರಿಸುತ್ತದೆ. ಚಹಾ ಮಾಡುವ ವಿಧಾನದಲ್ಲಿ ತಪ್ಪಾದರೆ ಅಂದಿನ ಚಹಾದ ರುಚಿಯಾಗಿರುವುದಿಲ್ಲ ಹಾಗೂ ಮನಸ್ಸಿಗೂ ನೆಮ್ಮದಿ ಇರುವುದಿಲ್ಲ.

ಚಹಾ ಮಾಡುವುದು ಒಂದು ಸುಲಭ ವಿಧಾನ ಎಂದು ಹೇಳುತ್ತಾರೆ. ನೀರು, ಹಾಲು, ಚಹಾ ಪುಡಿ ಮತ್ತು ಸೆಕ್ಕರೆ ಸೇರಿಸಿ ಚಹಾ ಸಿದ್ಧವಾಗುತ್ತದೆ. ಆದರೆ ವಾಸ್ತವವಾಗಿ ಚಹಾ ತಯಾರಿಸುವುದು ಒಂದು ಕಲೆ. ಸರಿಯಾದ ಹಂತಗಳಲ್ಲಿ ತಯಾರಿಸಿದರೆ, ಅದರ ರುಚಿ ಹಲವು ಪಟ್ಟು ಹೆಚ್ಚಾಗುತ್ತದೆ. ಮತ್ತೊಂದೆಡೆ, ಅದನ್ನು ತಪ್ಪು ರೀತಿಯಲ್ಲಿ ತಯಾರಿಸಿದರೆ, ಅದು ರುಚಿ, ಆರೋಗ್ಯ ಮತ್ತು ಮನಸ್ಥಿತಿಯ ಮೇಲೆ ಪರಿಣಾಮ ಬೀರುತ್ತದೆ. ಹಾಗಾಗಿ ಚಹಾ ಮಾಡುವ ಮೂರು ಹಂತಗಳನ್ನು ಇಲ್ಲಿ ಹೇಳಲಾಗಿದೆ ನೋಡಿ:

ಮೊದಲ ಹಂತ: ಮೊದಲನೆಯದಾಗಿ, ಒಂದು ಪಾತ್ರೆಯಲ್ಲಿ ನೀರನ್ನು ಕುದಿಸಿ. ನೀರು ಕುದಿಯುವಾಗ, ಅದಕ್ಕೆ ಚಹಾ ಪುಡಿ ಹಾಕಿ, ಸುಮಾರು 5 ನಿಮಿಷಗಳ ಕಾಲ ಕುದಿಯಲು ಬಿಡಿ. ಈ ಸಮಯದಲ್ಲಿ ಬೇಕಾದರೆ ಶುಂಠಿ ಅಥವಾ ಏಲಕ್ಕಿಯನ್ನು ಕೂಡ ಸೇರಿಸಬಹುದು. ಇದು ಚಹಾದ ರುಚಿಯನ್ನು ಇನ್ನಷ್ಟು ಹೆಚ್ಚಿಸುತ್ತದೆ.

ಇದನ್ನೂ ಓದಿ

ದೇಹ, ಮನಸ್ಸು ಆಕ್ಟಿವ್‌ ಆಗಿರಲು ಟೀ-ಕಾಫಿ ಬದಲು ಈ ಪಾನೀಯಗಳನ್ನು ಸೇವಿಸಿ

ಚಿನ್ನದ ಕಿವಿಯೋಲೆ ಧರಿಸುವುದರಿಂದ ಸಿಗುತ್ತೆ ಈ ಆರೋಗ್ಯ ಪ್ರಯೋಜನಗಳು

ನಾರ್ಮಲ್‌ ಟೀ ಬದಲು ಗುಲಾಬಿ ಚಹಾ ಕುಡಿಯಿರಿ, ಹಲವು ಪ್ರಯೋಜನ ಪಡೆಯಿರಿ

ಕ್ಯಾನ್ಸರ್ ವಿರುದ್ಧ ರಷ್ಯಾದಿಂದ ಲಸಿಕೆ ಸಿದ್ಧ

ಎರಡನೇ ಹಂತ: ಹೆಚ್ಚಿನ ಜನರು ಹಾಲು ಸೇರಿಸಿದ ನಂತರ ಸಕ್ಕರೆ ಸೇರಿಸುವ ತಪ್ಪನ್ನು ಮಾಡುತ್ತಾರೆ. ವಾಸ್ತವವಾಗಿ ಸರಿಯಾದ ಸಮಯವೆಂದರೆ ನೀರು ಮತ್ತು ಚಹಾ ಪುಡಿ ಕುದಿಯಲು ಪ್ರಾರಂಭಿಸಿದ ನಂತರ ಸಕ್ಕರೆ ಸೇರಿಸಿ ಚೆನ್ನಾಗಿ ಕರಗಲು ಬಿಡಿ.

ಮೂರನೇ ಹಂತ: ಸಕ್ಕರೆ ಕರಗಿದ ನಂತರ, ಹಾಲು ಸೇರಿಸಿ. ಇದಾದ ಬಳಿಕ ಚಹಾವನ್ನು ಕಡಿಮೆ ಉರಿಯಲ್ಲಿ 5 ನಿಮಿಷ ಬೇಯಿಸಿ. ಕ್ರಮೇಣ ಚಹಾದ ಬಣ್ಣ ಗಾಢವಾಗುತ್ತದೆ ಮತ್ತು ರುಚಿ ಸಮತೋಲನಗೊಳ್ಳುತ್ತದೆ. ಇದು ಪರಿಪೂರ್ಣ ಚಹಾ.

ಇದನ್ನೂ ಓದಿ: ದೇಹ, ಮನಸ್ಸು ಆಕ್ಟಿವ್‌ ಆಗಿರಲು ಟೀ-ಕಾಫಿ ಬದಲು ಈ ಪಾನೀಯಗಳನ್ನು ಸೇವನೆ ಮಾಡುವ ಅಭ್ಯಾಸ ಬೆಳೆಸಿಕೊಳ್ಳಿ

ಚಹಾ ತಯಾರಿಸುವಾಗ ಮಾಡುವ ಸಾಮಾನ್ಯ ತಪ್ಪುಗಳು:

ಎಲ್ಲವನ್ನೂ ಒಟ್ಟಿಗೆ ಸೇರಿಸುವುದು: ನೀರು, ಹಾಲು, ಚಹಾ ಪುಡಿ ಮತ್ತು ಸಕ್ಕರೆಯನ್ನು ಒಟ್ಟಿಗೆ ಸೇರಿಸುವುದರಿಂದ ಚಹಾದ ರುಚಿ ಹಾಳಾಗುತ್ತದೆ.

ಹೆಚ್ಚು ಹೊತ್ತು ಕುದಿಸುವುದು: ಹೆಚ್ಚು ಹೊತ್ತು ಕುದಿಸುವುದರಿಂದ ಚಹಾ ರುಚಿ ಹೆಚ್ಚಾಗುತ್ತದೆ ಎಂದು ಭಾವಿಸುತ್ತಾರೆ, ಆದರೆ ಇದು ಚಹಾವನ್ನು ಕಹಿಯನ್ನಾಗಿ ಮಾಡುತ್ತದೆ. ಅನಿಲ ಹಾಗೂ ಆಮ್ಲೀಯತೆಯ ಸಮಸ್ಯೆಗಳನ್ನು ಹೆಚ್ಚಿಸುತ್ತದೆ.

ಹೆಚ್ಚು ಚಹಾ ಪುಡಿ ಸೇರಿಸುವುದು: ಕೆಲವರು ಚಹಾವನ್ನು ತುಂಬಾ ಸ್ಟ್ರಾಂಗ್ ಮಾಡಲು ಚಹಾ ಪುಡಿ ಹೆಚ್ಚು ಹಾಕುತ್ತಾರೆ. ಆದರೆ ಇದು ರುಚಿಯನ್ನು ಹಾಳು ಮಾಡುವುದಲ್ಲದೆ ಆರೋಗ್ಯದ ಮೇಲೂ ಪರಿಣಾಮ ಬೀರುತ್ತದೆ.

ಚಹಾ ಆರೋಗ್ಯಕ್ಕೆ ಹೇಗೆ ಸಂಪರ್ಕ ಸಾಧಿಸುತ್ತದೆ:

ಸರಿಯಾದ ರೀತಿಯಲ್ಲಿ ತಯಾರಿಸಿದ ಚಹಾವು ನಿಮಗೆ ತಾಜಾತನ, ಶಕ್ತಿ ಮತ್ತು ಮನಸ್ಥಿತಿಯನ್ನು ಹೆಚ್ಚಿಸುತ್ತದೆ. ಆದರೆ ತಪ್ಪು ರೀತಿಯಲ್ಲಿ ತಯಾರಿಸಿದ ಚಹಾವು ಹೊಟ್ಟೆಯ ಸಮಸ್ಯೆಗಳು ಮತ್ತು ಆಮ್ಲೀಯತೆಯನ್ನು ಹೆಚ್ಚಿಸುತ್ತದೆ. ಆದ್ದರಿಂದ ಯಾವಾಗಲೂ ಚಹಾ ಎಲೆಗಳು, ಹಾಲು ಮತ್ತು ಸಕ್ಕರೆಯನ್ನು ಸಮತೋಲಿತ ಪ್ರಮಾಣದಲ್ಲಿ ಬಳಸಿ.

ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 4:20 pm, Mon, 8 September 25