ಬಿಳಿ ರಕ್ತ ಕಣ ಕಡಿಮೆಯಾಗಿರುವ ಲಕ್ಷಣಗಳೇನು? ಅದಕ್ಕೆ ಯಾವ ಆಹಾರ ಸೇವಿಸಬೇಕು?

ಮನುಷ್ಯನ ದೇಹದಲ್ಲಿ ಸುಮಾರು 100 ಬಿಲಿಯನ್ ಬಿಳಿ ರಕ್ತ ಕಣಗಳು ಉತ್ಪಾದನೆಯಾಗುತ್ತದೆ. ಬಿಳಿ ರಕ್ತ ಕಣಗಳು ಅಥವಾ ಲ್ಯುಕೋಸೈಟ್​ಗಳು ಸೋಂಕುಗಳ ವಿರುದ್ಧ ಹೋರಾಡುವ ಮೂಲಕ ದೇಹಕ್ಕೆ ರಕ್ಷಣೆ ನೀಡುತ್ತವೆ. ಬಿಳಿ ರಕ್ತ ಕಣಗಳು ನಮ್ಮ ಮೂಳೆ ಮಜ್ಜೆಯಲ್ಲಿ ಉತ್ಪತ್ತಿಯಾಗುತ್ತವೆ. ಅವು ಪಕ್ವವಾದ ನಂತರ ನ್ಯೂಟ್ರೋಫಿಲ್‌ಗಳು, ಲಿಂಫೋಸೈಟ್‌ಗಳು, ಮೊನೊಸೈಟ್‌ಗಳು, ಇಯೊಸಿನೊಫಿಲ್ ಮತ್ತು ಬಾಸೊಫಿಲ್‌ಗಳಂತಹ 5 ಪ್ರಮುಖ ರೀತಿಯ ಬಿಳಿ ರಕ್ತ ಕಣಗಳಲ್ಲಿ ಅಭಿವೃದ್ಧಿಗೊಳ್ಳುತ್ತವೆ.

ದೇಹದಲ್ಲಿ ಸೋಂಕು ಉಂಟಾದಾಗ ಮೂಳೆ ಮಜ್ಜೆಯು ಅದರ ಚಟುವಟಿಕೆಯನ್ನು ಹೆಚ್ಚಿಸಲು ಉತ್ತೇಜಿಸುತ್ತದೆ ಮತ್ತು ಸೋಂಕಿನ ವಿರುದ್ಧ ಹೋರಾಡಲು ಹೆಚ್ಚುವರಿ ಬಿಳಿ ರಕ್ತ ಕಣಗಳನ್ನು ಉತ್ಪಾದಿಸಲು ಪ್ರಾರಂಭಿಸುತ್ತದೆ. ಹೆಚ್ಚು ಬಿಳಿ ರಕ್ತ ಕಣಗಳ ಕೌಂಟ್​ಗೆ ಕಾರಣವೆಂದರೆ ಸೋಂಕು, ಮೂಳೆ ಮಜ್ಜೆಯಲ್ಲಿನ ಅಸಹಜತೆಗಳು, ಶ್ವಾಸಕೋಶದ ಕಾಯಿಲೆ, ಆಲ್ಕೋಹಾಲ್ ಸೇವನೆ, ಧೂಮಪಾನ, ಕಳಪೆ ಜೀವನಶೈಲಿ, ಪ್ರತಿರಕ್ಷಣಾ ಅಸ್ವಸ್ಥತೆಗಳು, ಅಲರ್ಜಿಯ ಪ್ರತಿಕ್ರಿಯೆಗಳು ಮತ್ತು ಭಾವನಾತ್ಮಕ ಒತ್ತಡ. ಹೆಚ್ಚು ಬಿಳಿ ರಕ್ತ ಕಣಗಳ ಮತ್ತೊಂದು ಸಂಭವನೀಯ ಕಾರಣವೆಂದರೆ ಲ್ಯುಕೇಮಿಯಾ. ಕ್ರೋನ್ಸ್ ಕಾಯಿಲೆ ಅಥವಾ ಗ್ರೇವ್ಸ್ ಥೈರಾಯ್ಡಿಟಿಸ್​ನಂತಹ ಪ್ರತಿರಕ್ಷಣಾ ವ್ಯವಸ್ಥೆಯ ಅಸ್ವಸ್ಥತೆಗಳು ದೇಹವು ಬಿಳಿ ರಕ್ತ ಕಣಗಳ ಮಟ್ಟವನ್ನು ಹೆಚ್ಚಿಸಲು ಕಾರಣವಾಗಬಹುದು.

ಇದನ್ನೂ ಓದಿ: Blood Donation: ಯಾವ ಸಮಸ್ಯೆ ಇರುವವರು ರಕ್ತದಾನ ಮಾಡುವಂತಿಲ್ಲ?

ಕಡಿಮೆ ಬಿಳಿ ರಕ್ತ ಕಣಗಳ ಸಂಖ್ಯೆಗೆ ಕೀಮೋಥೆರಪಿ ಮತ್ತು ವಿಕಿರಣದಿಂದ ಉಂಟಾದ ಮೂಳೆ ಮಜ್ಜೆಯ ಸಮಸ್ಯೆ, ಲೂಪಸ್ ಮತ್ತು ರುಮಟಾಯ್ಡ್ ಸಂಧಿವಾತದಂತಹ ಸ್ವಯಂ ನಿರೋಧಕ ಸಮಸ್ಯೆಗಳು, ರಕ್ತದ ಸೋಂಕು, HIV, ಪ್ರತಿಜೀವಕಗಳ ಸೇವನೆ, ಅಪೌಷ್ಟಿಕತೆ, ಆಲ್ಕೋಹಾಲ್ ದುರ್ಬಳಕೆ ಮತ್ತು ಗುಲ್ಮದಲ್ಲಿನ ಸಮಸ್ಯೆ ಕಾರಣವಾಗಿರಬಹುದು. ನಮ್ಮ ದೇಹದಲ್ಲಿ ಬಿಳಿ ರಕ್ತ ಕಣಗಳು ಕಡಿಮೆಯಾಗಿದೆ ಎಂಬುದರ ಲಕ್ಷಣಗಳೆಂದರೆ, ವಿಪರೀತ ಆಯಾಸ, ತ್ವರಿತ ಹೃದಯ ಬಡಿತ, ಸ್ನಾಯು ದೌರ್ಬಲ್ಯ, ರೂಬಲ್ ಉಸಿರಾಟ, ದಿಢೀರ್ ತೂಕ ಇಳಿಕೆ, ಸೋಂಕುಗಳು.

ದೇಹದಲ್ಲಿ ಬಿಳಿ ರಕ್ತ ಕಣಗಳನ್ನು ಹೆಚ್ಚಿಸುವ ಆಹಾರಗಳು ಇಲ್ಲಿವೆ.

ಬೆಳ್ಳುಳ್ಳಿ:

ಬೆಳ್ಳುಳ್ಳಿ ಬಿಳಿ ರಕ್ತ ಕಣಗಳ ಸಂಖ್ಯೆಯನ್ನು ಹೆಚ್ಚಿಸುತ್ತದೆ. ಇದರಲ್ಲಿ ಸಲ್ಫರ್ ಸಮೃದ್ಧವಾಗಿದೆ. ಇದು ಬಿಳಿ ರಕ್ತ ಕಣಗಳ ಸಂಖ್ಯೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ವೈರಲ್, ಶಿಲೀಂಧ್ರ, ಬ್ಯಾಕ್ಟೀರಿಯಾ ಮತ್ತು ಪರಾವಲಂಬಿ ಸೋಂಕಿನ ವಿರುದ್ಧ ಬೆಳ್ಳುಳ್ಳಿ ತುಂಬಾ ಪರಿಣಾಮಕಾರಿಯಾಗಿದೆ

ಪಪ್ಪಾಯಿ:

ಪಪ್ಪಾಯಿಯು ದೇಹದಲ್ಲಿ ಬಿಳಿ ರಕ್ತ ಕಣಗಳು ಅಥವಾ ಲಿಂಫೋಸೈಟ್‌ಗಳ ಉತ್ಪಾದನೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಏಕೆಂದರೆ ಇದು ವಿಟಮಿನ್ ಎ ಮತ್ತು ವಿಟಮಿನ್ ಸಿಯಿಂದ ತುಂಬಿರುತ್ತದೆ. ಇದು ಪಪೈನ್ ಎಂಬ ಜೀರ್ಣಕಾರಿ ಕಿಣ್ವವನ್ನು ಹೊಂದಿರುತ್ತದೆ. ಇದು ಉರಿಯೂತದ ಪರಿಣಾಮಗಳನ್ನು ಹೊಂದಿದೆ.

ನಟ್ಸ್ ಮತ್ತು ಸೀಡ್ಸ್:

ನಟ್ಸ್ ಮತ್ತು ಸೀಡ್ಸ್ ವಿಟಮಿನ್ ಇ ಮತ್ತು ವಿಟಮಿನ್ ವೈನೊಂದಿಗೆ ತುಂಬಿದೆ. ಇದು ನಮ್ಮ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸಲು ಉತ್ಕರ್ಷಣ ನಿರೋಧಕ ಗುಣಲಕ್ಷಣಗಳನ್ನು ಹೊಂದಿರುತ್ತವೆ. ಇದು ಕ್ಯಾನ್ಸರ್ ಕೋಶಗಳು ಮತ್ತು ಸೂಕ್ಷ್ಮಾಣುಗಳನ್ನು ನಾಶ ಮಾಡುವ ಕೋಶಗಳ ಉತ್ಪಾದನೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ.

ನೇರ ಪ್ರೋಟೀನ್:

ಕ್ಯಾನ್ಸರ್ ರೋಗಿಗಳು ತಮ್ಮ ಆಹಾರದಲ್ಲಿ ಕೋಳಿ ಮತ್ತು ಮೀನಿನಂತಹ ನೇರ ಪ್ರೋಟೀನ್ ಆಹಾರವನ್ನು ಸೇರಿಸಿಕೊಳ್ಳುವುದು ಮುಖ್ಯವಾಗಿದೆ. ಏಕೆಂದರೆ ನಮ್ಮ ದೇಹಕ್ಕೆ ಪ್ರೋಟೀನ್‌ನಿಂದ ಅಮೈನೋ ಆಮ್ಲಗಳು ಬೇಕಾಗುತ್ತವೆ.

ಇದನ್ನೂ ಓದಿ: Blood Cancer: ನಿಮಗೆ ರಕ್ತದ ಕ್ಯಾನ್ಸರ್​ ಉಂಟಾಗಿರುವ 7 ಲಕ್ಷಣಗಳಿವು

ಮೊಸರು:

ಮೊಸರಲ್ಲಿ ಪ್ರೋಬಯಾಟಿಕ್‌ ಸಮೃದ್ಧವಾಗಿದೆ. ಇದು ಕೆಟ್ಟ ಬ್ಯಾಕ್ಟೀರಿಯಾದ ವಿರುದ್ಧ ಹೋರಾಡಲು ಸಹಾಯಕವಾಗಿದೆ. ಇದು ನಿಮ್ಮ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಉತ್ತೇಜಿಸುವ ಮೂಲಕ ಬಿಳಿ ರಕ್ತ ಕಣಗಳನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಮೊಸರಲ್ಲಿ ವಿಟಮಿನ್ ಡಿ ಸಮೃದ್ಧವಾಗಿದೆ. ಇದು ರೋಗನಿರೋಧಕ ಮಟ್ಟವನ್ನು ನಿಯಂತ್ರಿಸಲು ಮತ್ತು ರೋಗಗಳ ವಿರುದ್ಧ ದೇಹದ ನೈಸರ್ಗಿಕ ರಕ್ಷಣೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಹಸಿರು ಸೊಪ್ಪು:

ಪಾಲಕ್, ಕೇಲ್ ಮತ್ತು ಕೊಲಾರ್ಡ್ ಗ್ರೀನ್ಸ್‌ನಂತಹ ಹಸಿರು ತರಕಾರಿಗಳು ಆ್ಯಂಟಿಆಕ್ಸಿಡೆಂಟ್‌ಗಳು ಮತ್ತು ಬೀಟಾ ಕ್ಯಾರೋಟಿನ್ ಜೊತೆಗೆ ಹೆಚ್ಚಿನ ಮಟ್ಟದ ವಿಟಮಿನ್ ಸಿ ಅನ್ನು ಹೊಂದಿರುತ್ತವೆ. ಇವೆಲ್ಲವೂ ಸೋಂಕಿನ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಇವು ನಿಮ್ಮ ಹೃದಯ, ಮೆದುಳು ಮತ್ತು ಕರುಳಿಗೆ ಸಹ ಒಳ್ಳೆಯದು.

ಒಮೆಗಾ -3 ಕೊಬ್ಬಿನಾಮ್ಲಗಳು:

ಆಹಾರದ ಒಮೆಗಾ -3 ಕೊಬ್ಬಿನಾಮ್ಲಗಳು ದೇಹದ ಫಾಗೊಸೈಟ್​ಗಳ ಉತ್ಪಾದನೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಹಾನಿಕಾರಕ ಆಕ್ರಮಣಕಾರರನ್ನು ಆವರಿಸುವ ಬಿಳಿ ರಕ್ತ ಕಣಗಳ ಒಂದು ವಿಧ. ಒಮೆಗಾ 3 ಅಧಿಕವಾಗಿರುವ ಆಹಾರಗಳಲ್ಲಿ ಅಗಸೆಬೀಜದ ಎಣ್ಣೆ, ಚಿಯಾ ಸೀಡ್ಸ್, ಮೀನಿನ ಎಣ್ಣೆ, ವಾಲ್‌ನಟ್ಸ್, ಸಿಂಪಿ, ಸಾಲ್ಮನ್, ಪಾಲಕ್ ಮತ್ತು ಸೋಯಾಬೀನ್ ಸೇರಿವೆ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ