ಬೆಳಗ್ಗೆ ಚಾಕಲೇಟ್​ ಸೇವಿಸುವುದರಿಂದ ತೂಕ ಮತ್ತು ರಕ್ತದಲ್ಲಿನ ಸಕ್ಕರೆ ಅಂಶವನ್ನು ಕಡಿಮೆ ಮಾಡಿಕೊಳ್ಳಬಹುದು: ಅಧ್ಯಯನ

ಸಾಮಾನ್ಯವಾಗಿ ಚಾಕಲೇಟ್​ ಎಂದರೆ ಎಲ್ಲರಿಗೂ ಇಷ್ಟ. ಮಕ್ಕಳಿಂದ ವಯಸ್ಕರವರೆಗೂ ಸಹ ಚಾಕಲೇಟ್​ ಸವಿಯದವರೇ ಇಲ್ಲ! ಅದರಲ್ಲಿಯೂ ಮಿಲ್ಕ್​ ಚಾಕಲೆಟ್​ಗಳನ್ನು ಹೆಚ್ಚು ಇಷ್ಟಪಟ್ಟು ಇನ್ನುತ್ತಾರೆ. ಹಾಲಿನಿಂದ ತಯಾರಿಸಿ ಚಾಕಲೇಟ್​ನಲ್ಲಿರುವ ಹೆಚ್ಚಿನ ಕ್ಯಾಲೋರಿ ಸಾಮಾನ್ಯವಾಗಿ ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತದೆ. ಆದರೆ ಚಾಕಲೇಟ್​ ಸೇವಿಸುವ ಸಮಯ ಆರೋಗ್ಯದ ಮೇಲೆ ಯಾವ ರೀತಿಯ ಪರಿಣಾಮ ಬೀರುತ್ತದೆ ಎಂಬುದನ್ನು ನಿರ್ಧರಿಸುತ್ತದೆ. ಹಾಗಿರುವಾಗ ನಿರ್ದಿಷ್ಟ ಸಮಯದಲ್ಲಿ ಚಾಕಲೇಟ್​ ಸೇವಿಸುವರಿಂದ ರಕ್ತದಲ್ಲಿನ ಸಕ್ಕರೆ ಮತ್ತು ತೂಕವನ್ನು ಕಡಿಮೆ ಮಾಡಿಕೊಳ್ಳಬಹುದು ಎಂದು ಅಧ್ಯಯನದಿಂದ ತಿಳಿದು ಬಂದಿದೆ.

ಈ ಕುರಿತಂತೆ ಸ್ಪೇನ್​ನ ಬ್ರಿಗಮ್​ ಮತ್ತು ಮರ್ಸಿಯಾ ವಿಶ್ವ ವಿದ್ಯಾಲಯದ ಸಂಶೋಧಕರು ಅಧ್ಯಯನ ನಡೆಸಿದ್ದಾರೆ. ಹಾಲಿನ ಚಾಕಲೇಟ್​ ತಿನ್ನುವ ಸಮಯವು ದೇಹದ ತೂಕ ನಿಯಂತ್ರಣದ ಮೇಲೆ ಪರಿಣಾಮ ಬೀರುತ್ತದೆ ಎಂಬುದನ್ನು ಕಂಡುಹಿಡಿದಿದ್ದಾರೆ. ಹೆಚ್ಚು ಶುಲ್ಕವುಳ್ಳ 100ಗ್ರಾಂ ಮಿಲ್ಕ್​ ಚಾಕಲೇಟ್​ಟನ್ನು ಸೇವಿಸುವುದರಿಂದ ದೇಹದಲ್ಲಿನ ಹೆಚ್ಚಿನ ಕೊಬ್ಬನ್ನು ಮತ್ತು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಈ ಹೊಸ ಅಧ್ಯಯನವನ್ನು FASEB ಜರ್ನಲ್​ನಲ್ಲಿ ಪ್ರಕಟಿಸಲಾಗಿದೆ.

19 ಮಹಿಳೆಯರೊಂದಿಗೆ ಸಂಶೋಧಕರು ಅಧ್ಯಯನ ನಡೆಸಿದ್ದಾರೆ. ಮಹಿಳೆಯರು ಬೆಳಗ್ಗೆ ಎದ್ದ ತಕ್ಷಣದ ಒಂದು ಗಂಟೆಯ ಒಳಗೆ 10 ಗ್ರಾಂ ಚಾಕಲೇಟ್​ಅನ್ನು ಸೇವಿಸಿದರು. ಹಾಗೆಯೇ ರಾತ್ರಿ ಮಲಗುವ ಒಂದು ಗಂಟೆಯ ಒಳಗೆ ಮತ್ತೊಂದು ಚಾಕಲೇಟನ್ನು ಸೇವಿಸುತ್ತಿದ್ದರು. ಅಧ್ಯಯನ ನಡೆಸಿದ ಬಳಿಕ ಸಂಶೋಧಕರು ನೀಡಿದ ವರದಿ ಹೀಗಿದೆ..

*ಬೆಳಗ್ಗೆ ಮತ್ತು ರಾತ್ರಿ ಹೊತ್ತಿನಲ್ಲಿ ಚಾಕಲೇಟ್​ ಸೇವನೆಯು ತೂಕ ಹೆಚ್ಚಳಕ್ಕೆ ಕಾರಣವಾಗಲಿಲ್ಲ *ಬೆಳಗ್ಗಿನ ಸಮಯದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಚಾಕಲೇಟ್​ ಸೇವಿಸುವುದು ಕೊಬ್ಬನ್ನು ಕರಗಿಸಲು ಮತ್ತು ರಕ್ತದಲ್ಲಿನ ಗ್ಲುಕೋಸ್​ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ *ರಾತ್ರಿ ಚಾಕಲೇಟ್​ ಸೇವನೆ ಮತ್ತು ಬೆಳಗ್ಗಿನ ವಿಂಶ್ರಾಂತಿ ಮತ್ತು ವ್ಯಾಯಾಮ ಚಯಾಪಚಯ ಕ್ರಿಯೆಯನ್ನು ಬದಲಿಸುತ್ತದೆ

ನಮ್ಮ ಅಧ್ಯಯನದ ಪ್ರಕಾರ ನಾವು ಚಾಕಲೇಟ್​ ತಿನ್ನುವ ಸಮಯ ಯಾವುದು ಎಂಬುದು ನಮ್ಮ ದೇಹದ ತೂಕವನ್ನು ನಿಯಂತ್ರಿಸುವಲ್ಲಿ ಸಹಾಯ ಮಾಡುತ್ತದೆ ಎಂದು ಸಂಶೋಧಕ ಸ್ಕೀರ್​ ಹೇಳಿದ್ದಾರೆ. ನಮ್ಮ ಸಂಶೋಧನೆಯಲ್ಲಿ ತೊಡಗಿದ್ದ ಮಹಿಳೆಯರಲ್ಲಿ ಕ್ಯಾಲೊರಿ ಹೆಚ್ಚಿರುವ ಚಾಕಲೇಟನ್ನು ಸೇವಿಸಿದರೂ ಸಹ ತೂಕ ಹೆಚ್ಚಳಕ್ಕೆ ಕಾರಣವಾಗಲಿಲ್ಲ ಎಂದು ಗರೌಲೆಟ್​ ಹೇಳಿದ್ದಾರೆ.

ಇದನ್ನೂ ಓದಿ:

Chocolate Coffee: ಮನೆಯಲ್ಲಿ ಸುಲಭವಾಗಿ ಮಾಡಿ ಚಾಕಲೇಟ್ ಕಾಫಿ; ಮಾಡುವ ವಿಧಾನ ಇಲ್ಲಿದೆ