Health Tips: ಮನೆಯೊಳಗೆ ಚಪ್ಪಲಿ ತರುವ ಅಭ್ಯಾಸ ಇದೆಯೇ, ಮಕ್ಕಳ ಬ್ರೈನ್ ಡ್ಯಾಮೇಜ್ ಆಗಬಹುದು ಎಚ್ಚರ

ಮನೆಯೊಳಗೆ ಚಪ್ಪಲಿ ತರುವ ಅಭ್ಯಾಸ ನಿಮಗೂ ಇದೆಯೇ? ಹಾಗಾದರೆ ನೀವು ಈ ವಿಷಯವನ್ನು ತಿಳಿಯಬೇಕು. ಹಿಂದೆ ಚಪ್ಪಲಿಗಳನ್ನು ಮನೆಯ ಹೊರಗೆ ಇಡುವ ಸಂಪ್ರದಾಯವಿತ್ತು. ನಮ್ಮ ಜೊತೆಯೇ ಊರು ತಿರುಗಿ ಬಂದರೂ ಕೂಡ ನಮ್ಮ ಪಾದರಕ್ಷೆಗಳಿಗೆ ಮನೆಯೊಳಕ್ಕೆ ಪ್ರವೇಶವಿರಲಿಲ್ಲ. ಆದರೆ ಕಾಲ ಬದಲಾದಂತೆ, ಸಣ್ಣ ಮನೆಯಿರುವವರು, ಅಪಾರ್ಟ್ಮೆಂಟ್ ಗಳಲ್ಲಿ ವಾಸಿಸುವ ಜನ, ಬಾಡಿಗೆಯ ಮನೆಯಲ್ಲಿ ಇರುವವರು ತಮ್ಮ ಚಪ್ಪಲಿಗಳನ್ನು ಮನೆಯ ಒಳಗೆ ಸಣ್ಣ ಜಾಗ ಮಾಡಿ ಇಡುತ್ತಿದ್ದರು. ಇನ್ನು ಪಟ್ಟಣ ಪ್ರದೇಶಗಳಲ್ಲಿ ವಾಸ ಮಾಡುವ ಜನ ಗ್ರಾನೈಟ್ ಗಳಿಂದ ಪಾದಗಳನ್ನು ರಕ್ಷಿಸಲು, ಇನ್ನು ಕೆಲವರು ಫ್ಯಾಷನ್ ಪ್ರೀಯರಾಗಿ ತಮ್ಮ ಮನೆಯೊಳಗೆ ಚಪ್ಪಲಿ ಧರಿಸಿ ತಿರುಗಾಡಲು ಆರಂಭಿಸಿದರು. ಈಗ ಇದೆಲ್ಲಾ ಸಾಮಾನ್ಯವಾಗಿ ಬಿಟ್ಟಿದೆ. ಹಾಗಾಗಿ ಈ ವಿಷಯ ನಮಗೆ ಅಷ್ಟೊಂದು ಗಂಭೀರ ಎಂದು ಎನಿಸದಿರಬಹುದು. ಆದರೆ ನಾವು ತಿಳಿದುಕೊಳ್ಳಬೇಕಾದ ಮುಖ್ಯ ವಿಷಯಗಳಲ್ಲಿ ಇದು ಒಂದಾಗಿದೆ. ಯಾಕೆ ಮನೆಯೊಳಗೆ ಚಪ್ಪಲಿಗಳನ್ನು ತೆಗೆದುಕೊಂಡು ಹೋಗಬಾರದು? ಎಂಬುದಕ್ಕೆ ಇಲ್ಲಿದೆ ವೈದ್ಯರ ಉತ್ತರ.

ಬ್ರೈನ್ ಡ್ಯಾಮೇಜ್ ಆಗಬಹುದು ಎಚ್ಚರ

ಡಾ. ರಾಹುಲ್ ದೇವರಾಜ್ ಅವರು ಹೇಳುವ ಪ್ರಕಾರ ನಾವು ಪ್ರತಿದಿನ ಚಪ್ಪಲಿ ಮತ್ತು ಶೂಗಳನ್ನು ಮನೆಯೊಳಗೆ ತರುವುದರಿಂದ ಅದರಲ್ಲಿ ಭಯಾನಕ ಬ್ಯಾಕ್ಟೀರಿಯಾಗಳಾದ ಇ.ಕೊಲೈ (E.coli) ಮತ್ತು ಮರ್ಸ (MRSA) ಇರುತ್ತದೆ. ಇದರ ಜೊತೆಗೆ ಬಹಳಷ್ಟು ವೈರಸ್ ಮತ್ತು ಅಪಾಯಕಾರಿ ಅಂಶಗಳಿರುತ್ತವೆ. ಇದರಿಂದ ನಿಮ್ಮ ಮನೆಯಲ್ಲಿರುವವರು ಪದೇ ಪದೇ ಅನಾರೋಗ್ಯಕ್ಕೆ ಒಳಗಾಗುವುದು, ಹೊಟ್ಟೆ ಕೆಡುವುದು ಆಗುತ್ತದೆ. ಮನೆಯಲ್ಲಿ ಮಕ್ಕಳಿದ್ದು ಅವರಿಗೂ ಇದು ಅಪಾಯಕಾರಿಯಾಗಬಹುದು. ಇದರಿಂದ ಅವರ ಬ್ರೈನ್ ಡ್ಯಾಮೇಜ್ ಕೂಡ ಆಗಬಹುದು. ಹಾಗಾಗಿ ಆದಷ್ಟು ನಿಮ್ಮ ಚಪ್ಪಲಿ ಮತ್ತು ಶೂಗಳನ್ನು ಮನೆಯ ಹೊರಗೆ ಬಿಡಿ. ಜೊತೆಗೆ ಚಪ್ಪಲಿ ಇಡುವ ಜಾಗವನ್ನು ಮನೆಯ ಒಳ ಭಾಗದಲ್ಲಿ ಮಾಡಬೇಡಿ ಎಂದಿದ್ದಾರೆ.

ಇದನ್ನೂ ಓದಿ: ಮಳೆಗಾಲದಲ್ಲಿ ತಪ್ಪಿಸಬೇಕಾದ ಆಹಾರಗಳಿವು

ಈ ಕಾರಣಗಳಿಂದಲೇ ನಮ್ಮ ಹಳೆಯವರು ಚಪ್ಪಲಿಗಳನ್ನು ಮನೆಯ ಒಳಗೆ ತರುತ್ತಿರಲಿಲ್ಲ. ನಿಮಗೂ ನಿಮ್ಮ ಕುಟುಂಬಕ್ಕೂ ತೊಂದರೆ ಆಗಬಾರದು ಎಂಬ ಕಾಳಜಿ ಇದ್ದಲ್ಲಿ ಇದನ್ನು ಪಾಲನೆ ಮಾಡಲು ಪ್ರಯತ್ನಿಸಿ. ಇದರಿಂದ ಎಲ್ಲರ ಆರೋಗ್ಯವೂ ಚೆನ್ನಾಗಿ ಇರುತ್ತದೆ.

ಆರೋಗ್ಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ