PCOD Diet: ಪಿಸಿಓಡಿ ಸಮಸ್ಯೆ ನಿರ್ವಹಣೆಗೆ ನೀವು ತಪ್ಪಿಸಬೇಕಾದ ಆಹಾರಗಳು

ಪ್ರಪಂಚದಾತ್ಯಂತ ಲಕ್ಷಾಂತರ ಮಹಿಳೆಯರು PCOD (ಪಾಲಿಸಿಸ್ಟಿಕ್ ಓವೇರಿಯನ್ ಡಿಸೀಸ್) ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಇದು ಅನಿಯಮಿತ ಮುಟ್ಟು, ಮೊಡವೆಗಳು, ತೂಕ ಹೆಚ್ಚಾಗುವುದು ಮತ್ತು ಬಂಜೆತನವನ್ನು ಒಳಗೊಂಡತೆ ಅನೇಕ ವ್ಯಾಪಕ ರೋಗಲಕ್ಷಣವನ್ನು ಉಂಟು ಮಾಡಬಹುದು. ಪಿಸಿಓಡಿಗೆ ಯಾವುದೇ ಚಿಕಿತ್ಸೆ ಇಲ್ಲದಿದ್ದರೂ, ಆಹಾರ ಪದ್ಧತಿಯಲ್ಲಿ ಕೆಲವೊಂದು ಬದಲಾವಣೆಗಳನ್ನು ಮಾಡುವ ಮೂಲಕ ಈ ರೋಗವನ್ನು ನಿರ್ವಹಿಸಬಹುದು ಮತ್ತು ಒಟ್ಟಾರೆ ಆರೋಗ್ಯವನ್ನು ಸುಧಾರಿಸಲು ಇದು ಸಹಾಯ ಮಾಡುತ್ತದೆ.

ಮಹಿಳೆಯರಲ್ಲಿ ಪಿಸಿಓಡಿ ಸಾಮಾನ್ಯ ರೋಗಲಕ್ಷಣಗಳಲ್ಲಿ ಒಂದಾಗಿದೆ. ಪಿಸಿಓಡಿ ಕಾಯಿಲೆಯು ಆಂಡ್ರೋಜೆನ್, ಇನ್ಸುಲಿನ್ ಮತ್ತು ಪ್ರೊಜೆಸ್ಟರಾನ್ ಎಂಬ ಮೂರು ಹಾರ್ಮೋನ್‌ಗಳ ಅಸಮತೋಲನದ ಕಾರಣದಿಂದ ಉಂಟಾಗುತ್ತದೆ. ಈ ಮೂರು ಹಾರ್ಮೋನುಗಳು ಇತರ ಹಾರ್ಮೋನುಗಳ ಜೊತೆ ಸೇರಿ, ಕರುಳಿನ ಮೈಕ್ರೋಬಯೋಟಾದೊಂದಿಗೆ ಏಕರೂಪವಾಗಿ ಕಾರ್ಯನಿರ್ವಹಿಸುತ್ತವೆ. ಹಾಗೂ ಮಹಿಳೆಯ ಜೀವನದುದ್ದಕ್ಕೂ ಸಂತಾನೋತ್ಪತ್ತಿ ಅಂತಃಸ್ರಾವಕ ವ್ಯವಸ್ಥೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಕರುಳಿನ ಸೂಕ್ಷ್ಮಜೀವಿಗಳಲ್ಲಿನ ಅಸಮತೋಲನವು ಈ ಹಾರ್ಮೋನುಗಳ ನಡುವೆ ಏರಿಳಿತವನ್ನು ಉಂಟುಮಾಡುತ್ತದೆ.

ಇದು ಗರ್ಭಾವಸ್ಥೆಯ ತೊಡಕುಗಳು, ಪಿಸಿಓಡಿ, ಎಂಡೋಮೆಟ್ರಿಯೊಸಿಸ್ ಮತ್ತು ಇತರ ಅನೇಕ ಕಾಯಿಲೆಗಳ ಬೆಳವಣಿಗೆಗೆ ಕಾರಣವಾಗುತ್ತದೆ. ಸರಿಯಾದ ರೋಗನಿರ್ಣಯವನ್ನು ತೆಗೆದುಕೊಳ್ಳುವ ಮೂಲಕ ಈ ಪಿಸಿಓಡಿ ಸಮಸ್ಯೆಯನ್ನು ಗುಣಪಡಿಸಬಹುದು ಎಂದು TAN|365ನ ಸಂಸ್ಥಾಪಕಿ ಹಾಗೂ ನ್ಯೂಟ್ರೀಷನ್ ಕೋಚ್ ತನಿಶಾ ಬಾವಾ ಹೇಳಿದ್ದಾರೆ. ಹಾಗೂ ಪಿಸಿಓಡಿ ಸಮಸ್ಯೆಗೆ ರೋಗನಿರ್ಣಯವನ್ನು ಮಾಡುವಾಗ, ತಪ್ಪಿಸಬೇಕಾದ ಮೂರು ಆಹಾರಗಳ ಕುರಿತ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: Loneliness Health Issues: ಒಂಟಿತನದಿಂದ ಈ 5 ಗಂಭೀರ ಕಾಯಿಲೆ ಬರಬಹುದು

ಸಂಸ್ಕರಿಸಿದ ಕಾರ್ಬ್ಸ್ ಆಹಾರಗಳು: ನೀವು ಪಿಸಿಓಡಿ ಸಮಸ್ಯೆಗೆ ರೋಗನಿರ್ಣಯವನ್ನು ತೆಗೆದುಕೊಳ್ಳುತ್ತಿರುವ ಸಮಯದಲ್ಲಿ ಅಸಮತೋಲಿತ ಗ್ಲೂಕೋಸ್ ಮಟ್ಟವನ್ನು ಹೊಂದಿರುವುದು ಸಾಮಾನ್ಯವಾಗಿರುತ್ತದೆ. ಆದ್ದರಿಂದ ಗೋಧಿ ಹಿಟ್ಟು ಹಾಗೂ ಇತರ ಧಾನ್ಯಗಳ ಹಿಟ್ಟಿನಂತಹ ಸಂಸ್ಕರಿಸಿದ ಧಾನ್ಯಗಳ ಸೇವನೆಯು ನಿಮ್ಮ ರಕ್ತದಲ್ಲಿ ಸಕ್ಕರೆಯ ಮಟ್ಟದಲ್ಲಿ ಹೆಚ್ಚಳಕ್ಕೆ ಕಾರಣವಾಗಬಹುದು. ಆದ್ದರಿಂದ ಇಂತಹ ಆಹಾರಗಳ ಸೇವನೆಯನ್ನು ತಪ್ಪಿಸಬೇಕು. ಮತ್ತು ಇದು ದೇಹವು ಇನ್ಸುಲಿನ್‌ನ್ನು ಉತ್ಪಾದಿಸಲು ಕಾರಣವಾಗಬಹುದು. ಹಾಗೂ ಇದು ದೇಹಕ್ಕೆ ಪ್ರತಿರೋಧಕವನ್ನು ಅಭಿವೃದ್ಧಿಪಡಿಸುವಲ್ಲಿ ಕ್ರಮೇಣ ಸಹಾಯ ಮಾಡುತ್ತದೆ.

ಸಕ್ಕರೆಗಳು: ನೀವು ಪಿಸಿಓಡಿ ಸಮಸ್ಯೆಯಿಂದ ಬಳಲುತ್ತಿದ್ದೀರಾ ಎಂದಾದರೆ, ಯಾವುದೇ ರೂಪದಲ್ಲಿರುವ ಸಕ್ಕರೆಯ ಅಂಶವನ್ನು ಸೇವನೆ ಮಾಡಬೇಡಿ. ಇದರ ಸೇವನೆಯು ಇನ್ಸುಲಿನ್ ಮಟ್ಟದಲ್ಲಿ ಸ್ಟೆಕ್ ಜೊತೆಗೆ, ನಿಮ್ಮ ರಕ್ತದೊತ್ತಡ ಮತ್ತು ಟೈಗ್ಲಿಸರೈಡ್‌ಗಳು ಸಹ ಹೆಚ್ಚಾಗುತ್ತದೆ. ಇದು ಸಾಮಾನ್ಯವಾಗಿ ಆಕ್ಸಿಡೇಟಿವ್ ಒತ್ತಡ, ನಿದ್ರೆಯ ಸಮಸ್ಯೆ, ಉರಿಯೂತದ ಸಮಸ್ಯೆ ಹಾಗೂ ವೇಗವಾಗಿ ವಯಸ್ಸಾದಂತೆ ಮಾಡುವುದು ಹಾಗೂ ಇನ್ನಿತರ ರೋಗಲಕ್ಷಣಗಳನ್ನು ಉಂಟುಮಾಡಬಹುದು.

ಸೋಯಾ: ಸೋಯಾ ಮಾಂಸಕ್ಕೆ ಉತ್ತಮ ಪರ್ಯಾಯವಾಗಿದ್ದರೂ, ಇದು ತಳೀಯವಾಗಿ ಮಾರ್ಪಡಿಸಿದ ಆಹಾರವಾಗಿದೆ. ಇದು ಫೈಟೊಈಸ್ಟೊಜೆನ್‌ಗಳನ್ನು ಹೊಂದಿರುತ್ತದೆ. ಇದು ನಿಮ್ಮ ದೇಹದ ಹಾರ್ಮೋನುಗಳ ಮೇಲೆ ಋಣಾತ್ಮಕ ಪರಿಣಾಮವನ್ನು ಬೀರುತ್ತದೆ.