AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ಹೊರಗೆ ಯಾವುದೇ ರಂಧ್ರವಿಲ್ಲದಿದ್ದರೂ ಒಳಗೆ ಮಾತ್ರ ಹುಳುಗಳು! ಹಣ್ಣುಗಳಲ್ಲಿ ಕೀಟಗಳು ಸೇರುವುದೇಗೆ ತಿಳಿದುಕೊಳ್ಳಿ

ಮಾರುಕಟ್ಟೆಯಿಂದ ತಂದ ಹಣ್ಣು ಹೊರಗೆ ಹೊಳೆಯುತ್ತಿದ್ದರೂ ಕತ್ತರಿಸಿದಾಗ ಒಳಗೆ ಹುಳುಗಳು ಕಾಣಿಸಿಕೊಳ್ಳುವುದು ನಿಮಗೆ ಆಶ್ಚರ್ಯ ಉಂಟುಮಾಡಬಹುದು. ಯಾವುದೇ ರಂಧ್ರ ಕಾಣಿಸದಿದ್ದರೂ ಹಣ್ಣಿನೊಳಗೆ ಹುಳುಗಳು ಹೇಗೆ ಬಂದವು? ಇದಕ್ಕೆ ನೊಣಗಳ ಮೊಟ್ಟೆ ಇಡುವ ಪ್ರಕ್ರಿಯೆಯೇ ಪ್ರಮುಖ ಕಾರಣ. ಹಣ್ಣುಗಳ ಒಳಗೆ ಲಾರ್ವಾಗಳು ಹೇಗೆ ಬೆಳೆಯುತ್ತವೆ ಮತ್ತು ಹಣ್ಣುಗಳನ್ನು ಖರೀದಿಸುವಾಗ ಯಾವ ಮುನ್ನೆಚ್ಚರಿಕೆ ವಹಿಸಬೇಕು ಎಂಬುದನ್ನು ಸ್ಟೋರಿ ಮೂಲಕ ತಿಳಿದುಕೊಳ್ಳಿ.

ಹೊರಗೆ ಯಾವುದೇ ರಂಧ್ರವಿಲ್ಲದಿದ್ದರೂ ಒಳಗೆ ಮಾತ್ರ ಹುಳುಗಳು! ಹಣ್ಣುಗಳಲ್ಲಿ ಕೀಟಗಳು ಸೇರುವುದೇಗೆ ತಿಳಿದುಕೊಳ್ಳಿ
Worms Inside FruitsImage Credit source: Getty Images
ಪ್ರೀತಿ ಭಟ್​, ಗುಣವಂತೆ
|

Updated on: Nov 20, 2026 | 6:55 PM

Share

ಮಾರುಕಟ್ಟೆಯಲ್ಲಿ ಹಣ್ಣುಗಳನ್ನು ಖರೀದಿಸುವಾಗ ಅವುಗಳ ಬಣ್ಣ, ಹೊಳಪು ಮತ್ತು ತಾಜಾತನವನ್ನು ಗಮನಿಸುತ್ತೇವೆ. ಹೊರಗೆ ಯಾವುದೇ ಕಲೆ ಅಥವಾ ಹಾನಿ ಕಾಣಿಸದ ಹಣ್ಣುಗಳನ್ನು ಮನೆಗೆ ತರುತ್ತೇವೆ. ಆದರೆ ಹಣ್ಣನ್ನು ಕತ್ತರಿಸಿದಾಗ ಒಳಗೆ ಹುಳುಗಳು ಅಥವಾ ಅವುಗಳ ಲಾರ್ವಾಗಳು ಕಾಣಿಸಿಕೊಂಡರೆ ಆಶ್ಚರ್ಯವಾಗುವುದು ಸಹಜ. ಹೊರಗೆ ಯಾವುದೇ ರಂಧ್ರವಿಲ್ಲದಿದ್ದರೂ ಹಣ್ಣಿನ ಒಳಗೆ ಹುಳುಗಳು ಹೇಗೆ ಬಂದವು ಎಂಬ ಪ್ರಶ್ನೆ ಹಲವರನ್ನು ಕಾಡುತ್ತದೆ. ಇದರ ಹಿಂದಿದೆ ಅಚ್ಚರಿಯ ಕಾರಣ. ಹೌದು ಅವುಗಳ ಬಗ್ಗೆ ಸ್ಟೋರಿ ಮೂಲಕ ತಿಳಿದುಕೊಳ್ಳಿ.

ಹಣ್ಣುಗಳ ಒಳಗೆ ಹುಳುಗಳು ಬರುವುದಕ್ಕೆ ಕಾರಣವೇನು?

ಯಾಕೆಂದರೆ ನೊಣಗಳ ಸಂತಾನೋತ್ಪತ್ತಿ ಪ್ರಕ್ರಿಯೆ ಪ್ರಮುಖ ಪಾತ್ರ ವಹಿಸುತ್ತದೆ. ಕೆಲವು ಜಾತಿಯ ನೊಣಗಳು ಹಣ್ಣು ಬೆಳೆಯುತ್ತಿರುವ ಹಂತದಲ್ಲಿಯೇ ಅದರ ಮೇಲೆ ಮೊಟ್ಟೆಗಳನ್ನು ಇಡುತ್ತವೆ. ಇವುಗಳಿಗೆ ಮೊಟ್ಟೆ ಇಡಲು ಸಹಾಯ ಮಾಡುವ ವಿಶೇಷ ಅಂಗವಿರುತ್ತದೆ. ಅದರ ಮೂಲಕ ಹಣ್ಣಿನ ಮೇಲ್ಮೈಯನ್ನು ಚುಚ್ಚಿ ಒಳಭಾಗದಲ್ಲಿ ಮೊಟ್ಟೆಗಳನ್ನು ಇಡುತ್ತವೆ. ಈ ಪ್ರಕ್ರಿಯೆಯಲ್ಲಿ ಉಂಟಾಗುವ ರಂಧ್ರಗಳು ಬಹಳ ಚಿಕ್ಕದಾಗಿರುವುದರಿಂದ ಸಾಮಾನ್ಯವಾಗಿ ಬರಿಗಣ್ಣಿಗೆ ಸುಲಭವಾಗಿ ಕಾಣಿಸುವುದಿಲ್ಲ. ಹೀಗಾಗಿ ಹಣ್ಣಿನ ಹೊರಭಾಗ ನೋಡಿದಾಗ ಯಾವುದೇ ಹಾನಿಯಾಗದಂತೆ ಕಾಣಬಹುದು.

ಹಣ್ಣಿನ ಒಳಗೆ ಹುಳುಗಳು ಹೇಗೆ ಬೆಳೆಯುತ್ತವೆ?

ನೊಣಗಳು ಇಟ್ಟ ಮೊಟ್ಟೆಗಳು ಅನುಕೂಲಕರ ಪರಿಸ್ಥಿತಿಯಲ್ಲಿ ಕೆಲವು ದಿನಗಳ ನಂತರ ಮರಿಗಳಾಗಿ ಹೊರಬರುತ್ತವೆ. ಈ ಮರಿಗಳನ್ನು ಲಾರ್ವಾಗಳು ಎಂದು ಕರೆಯಲಾಗುತ್ತದೆ. ಇವು ಹಣ್ಣಿನ ಒಳಗಿನ ತಿರುಳನ್ನು ಆಹಾರವಾಗಿ ಸೇವಿಸುತ್ತಾ ಬೆಳೆಯುತ್ತವೆ. ಹಣ್ಣಿನ ಒಳಭಾಗದಲ್ಲಿ ಆಹಾರ ಮತ್ತು ತೇವಾಂಶ ದೊರೆಯುವುದರಿಂದ ಲಾರ್ವಾಗಳ ಬೆಳವಣಿಗೆಗೆ ಅನುಕೂಲವಾಗುತ್ತದೆ. ಈ ಕಾರಣದಿಂದ ಹೊರಗಿನಿಂದ ಯಾವುದೇ ಕೀಟ ಕಾಣಿಸದಿದ್ದರೂ ಹಣ್ಣಿನ ಒಳಗೆ ಅವು ಬೆಳೆಯುತ್ತಿರಬಹುದು.

ರಂಧ್ರಗಳು ಏಕೆ ಕಾಣಿಸುವುದಿಲ್ಲ?

ಹಣ್ಣು ಬೆಳೆಯುವ ಸಮಯದಲ್ಲಿ ಕೀಟ ಮೊಟ್ಟೆ ಇಟ್ಟ ಸ್ಥಳದ ಸುತ್ತಲಿನ ಅಂಗಾಂಶಗಳು ಸಹ ಬೆಳೆಯುತ್ತವೆ. ಇದರಿಂದ ಆರಂಭದಲ್ಲಿ ಉಂಟಾದ ಸಣ್ಣ ರಂಧ್ರ ಹೊರಗಿನಿಂದ ಸ್ಪಷ್ಟವಾಗಿ ಗುರುತಿಸಲಾಗದಿರಬಹುದು. ಆದರೆ ಎಲ್ಲ ಹಣ್ಣುಗಳಲ್ಲಿಯೂ ರಂಧ್ರಗಳು ಸಂಪೂರ್ಣವಾಗಿ ಮುಚ್ಚಿಕೊಳ್ಳುತ್ತವೆ ಎಂದೇನಿಲ್ಲ.

ಹಣ್ಣುಗಳನ್ನು ಖರೀದಿಸುವಾಗ ಏನನ್ನು ಗಮನಿಸಬೇಕು?

  • ಹಣ್ಣಿನ ಮೇಲೆ ಅಸಹಜ ಕಲೆಗಳು ಅಥವಾ ಮೃದುವಾದ ಭಾಗಗಳಿವೆಯೇ ಗಮನಿಸಿ.
  • ಹಣ್ಣಿನಲ್ಲಿ ಸಣ್ಣ ರಂಧ್ರಗಳು ಅಥವಾ ಕೊಳೆತ ಗುರುತುಗಳಿದ್ದರೆ ಪರಿಶೀಲಿಸಿ.
  • ಹಣ್ಣುಗಳನ್ನು ಸ್ವಚ್ಛವಾದ ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ.
  • ಕತ್ತರಿಸುವ ಮೊದಲು ಹಣ್ಣಿನ ಹೊರಭಾಗವನ್ನು ಗಮನಿಸಿ.
  • ಒಳಗೆ ಹುಳುಗಳು, ಕೊಳೆತ ಭಾಗ ಅಥವಾ ಅಸಹಜ ವಾಸನೆ ಕಂಡುಬಂದರೆ ಆ ಹಣ್ಣನ್ನು ಸೇವಿಸಬೇಡಿ.

ಒಟ್ಟಿನಲ್ಲಿ, ಹಣ್ಣಿನ ಒಳಗೆ ಹುಳುಗಳು ಕಾಣಿಸಿಕೊಳ್ಳುವುದಕ್ಕೆ ಮುಖ್ಯ ಕಾರಣ ಕೆಲವು ಕೀಟಗಳು ಹಣ್ಣು ಬೆಳೆಯುವ ಹಂತದಲ್ಲಿಯೇ ಮೊಟ್ಟೆ ಇಡುವುದಾಗಿದೆ. ಆದ್ದರಿಂದ ಹೊರನೋಟಕ್ಕೆ ಚೆನ್ನಾಗಿರುವ ಪ್ರತಿಯೊಂದು ಹಣ್ಣು ಸಂಪೂರ್ಣವಾಗಿ ಕೀಟಗಳಿಂದ ಮುಕ್ತವಾಗಿದೆ ಎಂದು ಖಚಿತವಾಗಿ ಹೇಳಲು ಸಾಧ್ಯವಿಲ್ಲ.

ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Follow Us
ಪ್ರೀತಿ ಭಟ್​, ಗುಣವಂತೆ
ಪ್ರೀತಿ ಭಟ್​, ಗುಣವಂತೆ

ಪ್ರೀತಿ ಭಟ್ ಗುಣವಂತೆ – ಮೂಲತಃ ಹೊನ್ನಾವರದ ಗುಣವಂತೆಯವಳು. ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನದಲ್ಲಿ (M.C.J) ಎಂ.ಎ ಮಾಡಿದ್ದು ಪತ್ರಿಕಾ ರಂಗದಲ್ಲಿ 6 ವರ್ಷಗಳ ಅನುಭವವಿದೆ. ಸುದ್ದಿ ಬಿಡುಗಡೆ ವಾರ ಪತ್ರಿಕೆಯಲ್ಲಿ, ಉದಯವಾಣಿ ದಿನ ಪತ್ರಿಕೆಯಲ್ಲಿ ಕೆಲಸ ಮಾಡಿದ್ದೇನೆ. ಅದಾದ ಬಳಿಕ 2023ರಿಂದ ಟಿವಿ9 ಕನ್ನಡದಲ್ಲಿ ಕೆಲಸ ಮಾಡುತ್ತಿದ್ದೇನೆ. ಅಧ್ಯಾತ್ಮ, ಆರೋಗ್ಯ, ಜೀವನಶೈಲಿಗೆ ಸಂಬಂಧಿಸಿದ ಲೇಖನಗಳನ್ನು ಬರೆಯುವುದರಲ್ಲಿ ಆಸಕ್ತಿ ಹೊಂದಿದ್ದು, ಓದುಗರಿಗೆ ಉತ್ತಮ ಲೇಖನಗಳನ್ನು ಒದಗಿಸುವಲ್ಲಿ ಪ್ರೀತಿಯಿಂದ, ಪ್ರಾಮಾಣಿಕವಾಗಿ ಪ್ರಯತ್ನಿಸುತ್ತಿದ್ದೇನೆ. ಬರವಣಿಗೆ ಹೊರತು ಪಡಿಸಿದರೆ ನನ್ನ ಆಸಕ್ತಿಕರ ಕ್ಷೇತ್ರ ಪ್ರವಾಸ.

Read More
ಚಿಕ್ಕಣ್ಣನ ಡ್ಯಾನ್ಸ್ ನೋಡಿ ಪ್ರಭುದೇವಗೆ ಹೋಲಿಸಿದ ಶಿವಣ್ಣ
ಚಿಕ್ಕಣ್ಣನ ಡ್ಯಾನ್ಸ್ ನೋಡಿ ಪ್ರಭುದೇವಗೆ ಹೋಲಿಸಿದ ಶಿವಣ್ಣ
ಹೆಚ್​​​ಡಿಕೆ-ಡಿಕೆಶಿ ಜಟಾಪಟಿ:ಕುಮಾರಸ್ವಾಮಿ ನಡೆಗೆ ಸ್ವಾಮೀಜಿ ಅಸಮಾಧಾನ
ಹೆಚ್​​​ಡಿಕೆ-ಡಿಕೆಶಿ ಜಟಾಪಟಿ:ಕುಮಾರಸ್ವಾಮಿ ನಡೆಗೆ ಸ್ವಾಮೀಜಿ ಅಸಮಾಧಾನ
ಲಕ್ಷ್ಮೀಪುತ್ರ ಟ್ರೇಲರ್‌ಗೆ ಶಿವಣ್ಣ ಫಿದಾ; ಚಿಕ್ಕಣ್ಣ ಭವಿಷ್ಯದ ಸ್ಟಾರ್
ಲಕ್ಷ್ಮೀಪುತ್ರ ಟ್ರೇಲರ್‌ಗೆ ಶಿವಣ್ಣ ಫಿದಾ; ಚಿಕ್ಕಣ್ಣ ಭವಿಷ್ಯದ ಸ್ಟಾರ್
ಚಿನ್ನ ಗ್ರಾಂಗೆ 10 ಸಾವಿರದ ಒಳಗೆ ಬರುತ್ತಾ? ಹೂಡಿಕೆ ತಜ್ಞರು ಹೇಳಿದ್ದೇನು?
ಚಿನ್ನ ಗ್ರಾಂಗೆ 10 ಸಾವಿರದ ಒಳಗೆ ಬರುತ್ತಾ? ಹೂಡಿಕೆ ತಜ್ಞರು ಹೇಳಿದ್ದೇನು?
ಸಚಿವ ಸ್ಥಾನ ವಂಚಿತ ಹೆಬ್ಬಾಳ್ಕರ್, ಮಹದೇವಪ್ಪಗೆ ಪ್ರಮುಖ ಹುದ್ದೆ ಸಾಧ್ಯತೆ
ಸಚಿವ ಸ್ಥಾನ ವಂಚಿತ ಹೆಬ್ಬಾಳ್ಕರ್, ಮಹದೇವಪ್ಪಗೆ ಪ್ರಮುಖ ಹುದ್ದೆ ಸಾಧ್ಯತೆ
ಚಿನ್ನದ ಬೆಲೆ ದಿಢೀರ್​​ ಕುಸಿತ ಕಂಡಿದ್ದೇಕೆ? ಇಲ್ಲಿದೆ ತಜ್ಞರ ವಿವರಣೆ
ಚಿನ್ನದ ಬೆಲೆ ದಿಢೀರ್​​ ಕುಸಿತ ಕಂಡಿದ್ದೇಕೆ? ಇಲ್ಲಿದೆ ತಜ್ಞರ ವಿವರಣೆ
ದೆಹಲಿಗೆ ತೆರಳಿದ ಹರಿಪ್ರಸಾದ್​​: KPCC ಕಾರ್ಯಾಧ್ಯಕ್ಷರ ನೇಮಕ ಬಗ್ಗೆ ಚರ್ಚೆ?
ದೆಹಲಿಗೆ ತೆರಳಿದ ಹರಿಪ್ರಸಾದ್​​: KPCC ಕಾರ್ಯಾಧ್ಯಕ್ಷರ ನೇಮಕ ಬಗ್ಗೆ ಚರ್ಚೆ?
ಹಿರಿಯೂರು ಟಿಕೆಟ್ ಫೈಟ್: ಅಮಿತ್ ಶಾ ಭೇಟಿ ಬೆನ್ನಲ್ಲೇ ಕುಮಾರಸ್ವಾಮಿ ಹೇಳಿಕೆ
ಹಿರಿಯೂರು ಟಿಕೆಟ್ ಫೈಟ್: ಅಮಿತ್ ಶಾ ಭೇಟಿ ಬೆನ್ನಲ್ಲೇ ಕುಮಾರಸ್ವಾಮಿ ಹೇಳಿಕೆ
ಬಡವರಿಗೆ ವಿತರಿಸಬೇಕಿದ್ದ ಸರ್ಕಾರಿ ಆಸ್ಪತ್ರೆ ಔಷಧಿಗಳು ನದಿಯಲ್ಲಿ ಪತ್ತೆ!
ಬಡವರಿಗೆ ವಿತರಿಸಬೇಕಿದ್ದ ಸರ್ಕಾರಿ ಆಸ್ಪತ್ರೆ ಔಷಧಿಗಳು ನದಿಯಲ್ಲಿ ಪತ್ತೆ!
ಗೋಣಿಚೀಲ ಹೊದ್ದು ತಹಶೀಲ್ದಾರ್ ಕಚೇರಿ ಗೇಟ್ ಬಳಿಯೇ ಮಲಗಿದ ರೈತ!
ಗೋಣಿಚೀಲ ಹೊದ್ದು ತಹಶೀಲ್ದಾರ್ ಕಚೇರಿ ಗೇಟ್ ಬಳಿಯೇ ಮಲಗಿದ ರೈತ!