Soya Chunks: ನಿಮಗೆ ಸೋಯಾಬೀನ್ ಇಷ್ಟನಾ? ಇದರ ಪ್ರಯೋಜನಗಳು ಇಲ್ಲಿವೆ

Soya Chunks: ನಿಮಗೆ ಸೋಯಾಬೀನ್ ಇಷ್ಟನಾ? ಇದರ ಪ್ರಯೋಜನಗಳು ಇಲ್ಲಿವೆ
ಸೋಯಾಬೀನ್

ಸೋಯಾ ತುಂಡುಗಳು ಖನಿಜಗಳು, ಕ್ಯಾಲ್ಸಿಯಂ, ತಾಮ್ರ, ಸತು, ಜೀವಸತ್ವಗಳು ಮತ್ತು ಸೆಲೆನಿಯಂನಲ್ಲಿ ಸಮೃದ್ಧವಾಗಿವೆ. ಹೀಗಾಗಿ ಇದನ್ನು ಸೇವಿಸುವುದರಿಂದ ಮೂಳೆಗಳಿಗೆ ತುಂಬಾ ಒಳ್ಳೆಯದು.

TV9kannada Web Team

| Edited By: preethi shettigar

Aug 03, 2021 | 7:58 AM

ಸಹಜವಾಗಿ ಸೋಯಾಬೀನ್ ಎಲ್ಲರಿಗೂ ಇಷ್ಟವಾಗುತ್ತೆ. ತಿನ್ನಲು ಸ್ವಲ್ಪ ಮಟ್ಟಿಗೆ ಚಿಕನ್ ರೀತಿ ಅನಿಸುತ್ತೆ. ಇದರಿಂದ ಮಾಡುವ ಫ್ರೈ, ಪಲಾವ್, ಗ್ರೇವಿ ಎಲ್ಲವೂ ರುಚಿಯಾಗಿರುತ್ತದೆ. ನಾಲಿಗೆಗೂ ಹೆಚ್ಚು ರುಚಿ ಕೊಡುವ ಸೋಯಾ ಬೀನ್ ಆರೋಗ್ಯಕ್ಕೂ ತುಂಬಾ ಒಳ್ಳೆಯದು. ಸೋಯಾ ಹಿಟ್ಟಿನಿಂದ ಚಿಕ್ಕ ಚಿಕ್ಕ ತುಂಡುಗಳಾಗಿ ಸೋಯಾಬೀನ್ ರೆಡಿಮಾಡಲಾಗುತ್ತದೆ. ಸೋಯಾಬಿನ್ ಹೆಚ್ಚು ಪೌಷ್ಟಿಕಾಂಶದಿಂದ ಕೂಡಿದೆ.

* ಮೂಳೆಗಳಿಗೆ ಒಳ್ಳೆಯದು ಸೋಯಾ ತುಂಡುಗಳು ಖನಿಜಗಳು, ಕ್ಯಾಲ್ಸಿಯಂ, ತಾಮ್ರ, ಸತು, ಜೀವಸತ್ವಗಳು ಮತ್ತು ಸೆಲೆನಿಯಂನಲ್ಲಿ ಸಮೃದ್ಧವಾಗಿವೆ. ಹೀಗಾಗಿ ಇದನ್ನು ಸೇವಿಸುವುದರಿಂದ ಮೂಳೆಗಳಿಗೆ ತುಂಬಾ ಒಳ್ಳೆಯದು. ಇದು ಮೂಳೆಗಳ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಮೂಳೆಗಳನ್ನು ಗಟ್ಟಿಗೊಳಿಸುವ ಜೊತೆಗೆ, ಗುಣಪಡಿಸುವ ಪ್ರಕ್ರಿಯೆಯನ್ನು ವೇಗಗೊಳಿಸುತ್ತವೆ.

* ಹೃದಯದ ಆರೋಗ್ಯವನ್ನು ಸುಧಾರಿಸುತ್ತದೆ ಹೆಚ್ಚಿನ ಎಲ್ಡಿಎಲ್ ಕೊಲೆಸ್ಟ್ರಾಲ್ ಹೊಂದಿರುವ ಜನರು ಪಾರ್ಶ್ವವಾಯು ಮತ್ತು ಹೃದಯಾಘಾತದಂತಹ ಹೃದಯ ಸಂಬಂಧಿ ರೋಗಗಳನ್ನು ಹೊಂದಿರುತ್ತಾರೆ. ಸೋಯಾಬೀನ್ ತಿನ್ನುವುದರಿಂದ ದೇಹದಲ್ಲಿರುವ ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡಬಹುದು. ಇದರಿಂದ ಹೃದಯ ಸಂಬಂಧಿ ರೋಗಗಳನ್ನು ತಡೆಯಬಹುದು.

* ದೇಹದ ತೂಕ ನಿಯಂತ್ರಿಸಲು  ಸೋಯಾಬೀನ್ ದೇಹದ ತೂಕವನ್ನು ಕಡಿಮೆ ಮಾಡುತ್ತದೆ. ಅಧ್ಯಯನದ ಪ್ರಕಾರ, ಸೋಯಾ ತುಂಡುಗಳು ಅಂಗಗಳ ಸುತ್ತ ಸಂಗ್ರಹವಾಗುವ ಅಧಿಕ ಕೊಬ್ಬನ್ನು ಕಡಿಮೆ ಮಾಡುತ್ತದೆ. ಹೀಗಾಗಿ ದೇಹದ ತೂಕವನ್ನು ಇಳಿಸುವವರು ಸೋಯಾಬೀನ್ ಸೇವಿಸಬಹುದು. ಅಲ್ಲದೆ, ಸೋಯಾ ತುಂಡುಗಳಲ್ಲಿ ಪ್ರೋಟೀನ್ ಸಮೃದ್ಧವಾಗಿದೆ. ಸ್ನಾಯುಗಳ ಬೆಳವಣಿಗೆಗೆ ಪ್ರಯೋಜನಕಾರಿಯಾಗಿದೆ.

* ಜೀರ್ಣಕ್ರಿಯೆಗೆ ಸಹಾಯಕ ಸೋಯಾ ತುಂಡುಗಳಲ್ಲಿ ಫೈಬರ್ ಸಮೃದ್ಧವಾಗಿದ್ದು, ಜೀರ್ಣಾಂಗ ವ್ಯವಸ್ಥೆಯಲ್ಲಿ ಫೈಬರ್ ಪ್ರಮುಖ ಪಾತ್ರ ವಹಿಸುತ್ತದೆ. ಇದು ಮಲಬದ್ಧತೆಯ ಸಮಸ್ಯೆಯನ್ನು ನಿವಾರಿಸುತ್ತದೆ. ಇದರ ಜೊತೆಗೆ ಸೋಯಾ ತುಂಡುಗಳಲ್ಲಿ ಒಲಿಗೊಸ್ಯಾಕರೈಡ್ ಎಂಬ ಕಾರ್ಬೋಹೈಡ್ರೇಟ್ ಇದ್ದು, ಜೀರ್ಣಕ್ರಿಯೆಗೆ ಹೆಚ್ಚು ಪ್ರಯೋಜನವಾಗಿದೆ.

* ಚರ್ಮ ಮತ್ತು ಕೂದಲಿಗೆ ಒಳ್ಳೆಯದು  ಸೋಯಾ ತುಂಡುಗಳನ್ನು ಸೇವಿಸುವುದರಿಂದ ಚರ್ಮ ಮತ್ತು ಕೂದಲಿಗೆ ಹೆಚ್ಚು ಪ್ರಯೋಜನಕಾರಿ. ಚರ್ಮವನ್ನು ಬಲಪಡಿಸುವ ಜೊತೆಗೆ ಚರ್ಮದ ಮೇಲೆ ಮೂಡುವ ಸುಕ್ಕನ್ನು ಕಡಿಮೆ ಮಾಡುತ್ತದೆ. ಅಲ್ಲದೇ ಇದು ಒಣ ಕೂದಲಿನ ಸಮಸ್ಯೆಯನ್ನು ನಿವಾರಿಸುತ್ತದೆ. ಮತ್ತು ಬಲಪಡಿಸುತ್ತದೆ. ಕೂದಲು ಹೆಚ್ಚು ಉದುರುತ್ತಿದ್ದರೆ, ಇದನ್ನೂ ತಡೆಯುವ ಸಾಮರ್ಥ್ಯ ಸೋಯಾಬೀನ್ ಹೊಂದಿದೆ.

ಇದನ್ನೂ ಓದಿ

Health Tips: ಅರಿಶಿಣ ನೀರು ಸೇವಿಸುವುದರಿಂದ ಆರೋಗ್ಯ ಪ್ರಯೋಜನಗಳು ಎಷ್ಟಿವೆ ತಿಳಿಯಿರಿ

Health Tips: ತಲೆಕೂದಲು ಬಿಳಿಯಾಗಿದೆ ಎಂದು ಚಿಂತಿಸುವ ಬದಲು ಈ 5 ಕ್ರಮಗಳನ್ನು ಅನುಸರಿಸಿ

(Soya Chunks benefits for good health)

Follow us on

Related Stories

Most Read Stories

Click on your DTH Provider to Add TV9 Kannada