ಕಚಗುಳಿಯ ರಹಸ್ಯ: ಕಚಗುಳಿ ಇಡುವುದು ಯಾರಿಗೇ ಆಗಲಿ ನಗು ತರಿಸುವ ವಿಷಯ! ಆದರೆ ಸ್ವಯಂ ನೀವೇ ಕಚಗುಳಿ ಇಟ್ಟರೆ ನಗು ಬರುವುದಿಲ್ಲ! ಯಾಕೆ ಗೊತ್ತಾ?

ಬೇರೊಬ್ಬರು ನಿಮ್ಮನ್ನು ಸ್ಪರ್ಶಿಸಿದಾಗ… ನೀವು ವಿಚಿತ್ರವಾದ ಅನುಭೂತಿ, ಸಂವೇದನೆಯನ್ನು ಅನುಭವಿಸುತ್ತೀರಿ. ನೀವು ಜೋರಾಗಿ ನಗಲು ಪ್ರಾರಂಭಿಸುತ್ತೀರಿ. ಮಕ್ಕಳು ಮತ್ತು ವಯಸ್ಕರರು ಹೆಚ್ಚಾಗಿ ನಗಲು (Laugh) ಇದನ್ನು ಮಾಡುತ್ತಾರೆ. ಆದರೆ ನಿಮ್ಮ ಸ್ವಂತ ಕೈಗಳಿಂದ ನೀವು ಕಚಗುಳಿ (Tickling, Tickle) ಇಟ್ಟುಕೊಂಡರೆ ನಗು ಬರುವುದಿಲ್ಲ ಎಂಬುದನ್ನು ನೀವು ಗಮನಿಸಿದ್ದೀರಾ? ನಿಮ್ಮ ಕೈಗಳಿಂದ ನಿಮ್ಮ ದೇಹವನ್ನು ಸ್ಪರ್ಶಿಸಲು ನೀವು ಪ್ರಯತ್ನಿಸಿದಾಗ, ನೀವು ನಗುವುದಿಲ್ಲ! ಯಾಕೆ ಹೀಗಾಗುತ್ತಿದೆ, ಅದರ ಹಿಂದಿನ ಕಾರಣ ಏನು..? ಅದರ ಬಗ್ಗೆ ಈ ಲೇಖನದಲ್ಲಿ ಮಾಹಿತಿಯಿದೆ.

ಟಿಕ್ಲಿಂಗ್ ಅಥವಾ ಕಚಗುಳಿ ಇಡುವುದು ನಿಮ್ಮ ಹೈಪೋಥಾಲಮಸ್ (ಹೈಪೋಥಾಲಮಸ್- ಮೆದುಳಿನ ಆಳದಲ್ಲಿರುವ ಒಂದು ಭಾಗ, ರಚನೆ) ಅನ್ನು, ನಿಮ್ಮ ಭಾವೋದ್ವೇಗವನ್ನು ಪ್ರಚೋದಿಸುತ್ತದೆ ಎಂದು ವಿಜ್ಞಾನಿಗಳು ಕಂಡುಹಿಡಿದಿದ್ದಾರೆ, ನಿಮ್ಮ ಭಾವನಾತ್ಮಕ ಪ್ರತಿಕ್ರಿಯೆಗಳಿಗೆ ಕಾರಣವಾಗುವುದು ನಿಮ್ಮ ಮೆದುಳಿನ ಆ ಪ್ರದೇಶ. ಅದು ನಿಮ್ಮ ಹಾರಾಟ, ನೋವಿನ ಪ್ರತಿಕ್ರಿಯೆಗಳನ್ನು ಪ್ರಚೋದಿಸುತ್ತದೆ. ಕಚಗುಳಿಯಿಟ್ಟಾಗ ನಿಮಗೆ ನಗು ಬರುವುದಿದ್ದರೆ ಅದರರ್ಥ ನೀವು ಮೋಜು ಮಾಡುತ್ತೀದ್ದೀರಿ ಎಂದಲ್ಲ. ಆದರೆ ನೀವು ಸ್ವಯಂ ಭಾವನಾತ್ಮಕ ಪ್ರತಿಕ್ರಿಯೆಯನ್ನು ಹೊಂದಿರುವುದರಿಂದ ಹಾಗೆ ಆಗುತ್ತದೆ ಎನ್ನುತ್ತಾರೆ ತಜ್ಞರು.

ಕಚಗುಳಿ ಇಡುವುದರ ಹಿಂದಿರುವ ವಿಜ್ಞಾನ.. ನಮ್ಮ ಮೆದುಳಿನ ಎರಡು ಭಾಗಗಳೇ ಕಚಗುಳಿ ಇಡುವ ಸಂವೇದನೆಗೆ ಕಾರಣವಾಗಿದೆ. ಮೊದಲನೆಯದು ಸೊಮಾಟೊಸೆನ್ಸರಿ ಕಾರ್ಟೆಕ್ಸ್ (somatosensory cortex). ಇದು ಸ್ಪರ್ಶವನ್ನು ಗ್ರಹಿಸುವ ಭಾಗವಾಗಿದೆ. ಎರಡನೆಯದು ಮುಂಭಾಗದ ಸಿಂಗ್ಯುಲೇಟ್ ಕಾರ್ಟೆಕ್ಸ್. ಇದು ಸಂತೋಷ, ಭಾವನೆಯನ್ನು ಅರ್ಥ ಮಾಡಿಕೊಳ್ಳಲು ಕೆಲಸ ಮಾಡುತ್ತದೆ. ನಾವು ನಮ್ಮನ್ನು ಕಚಗುಳಿಗೊಳಿಸಿದಾಗ, ಮೆದುಳಿನ ಸೆರೆಬೆಲ್ಲಮ್ (cerebellum) ಭಾಗವು ಈಗಾಗಲೇ ಅದರ ಬಗ್ಗೆ ಒಂದು ಕಲ್ಪನೆಯನ್ನು ಪಡೆಯುತ್ತದೆ, ಅದು ಅದರ ಬಗ್ಗೆ ಕಾರ್ಟೆಕ್ಸ್​​ಗೆ ಮಾಹಿತಿ ರವಾನಿಸುತ್ತದೆ. ಈ ಸಂದರ್ಭದಲ್ಲಿ, ಕಾರ್ಟೆಕ್ಸ್ ಟಿಕ್ಲಿಂಗ್​​ಗೆ ಸಿದ್ಧವಾಗಿದೆ ಎಂದು ಮುಂಚಿತವಾಗಿಯೇ ಸೂಚಿಸಿಬಿಡುತ್ತದೆ. ಆಗ ಅದರಿಂದ ನಮಗೆ ಕಚಗುಳಿ ಇಟ್ರೆ ನಗು ಬರುವುದಿಲ್ಲ.

ಆಶ್ಚರ್ಯದ ಅಂಶ ಅತ್ಯಗತ್ಯವಾಗಿದ್ದು ಕಚಗುಳಿಯಿಟ್ಟಾಗ ಅದರಿಂದ ನಗು ಬರುತ್ತದೆ ಎಂಬುದು ಸಾಬೀತಾದ ಅಂಶವಾಗಿದೆ. ನಾವು ಕಚಗುಳಿಯಿಟ್ಟಾಗ, ಮೆದುಳು ಈಗಾಗಲೇ ಚರ್ಮಕ್ಕೆ ಸಂಕೇತವನ್ನು ಕಳುಹಿಸುತ್ತದೆ. ಇದು ಕಚಗುಳಿಯುತ್ತಿದ್ದಂತೆ, ಅಂತಹ ಪರಿಸ್ಥಿತಿಯಲ್ಲಿ, ಆಶ್ಚರ್ಯದ ಅಂಶವು ಕೊನೆಗೊಳ್ಳುತ್ತದೆ. ವ್ಯಕ್ತಿಗೆ ಕಚಗುಳಿ ಅನಿಸುವುದಿಲ್ಲ. ಆದರೆ ಇನ್ನೊಬ್ಬ ವ್ಯಕ್ತಿ ನಮಗೆ ಕಚಗುಳಿ ಇಟ್ಟಾಗ, ಮೆದುಳು ಈ ಸಂಕೇತವನ್ನು ಮುಂಚಿತವಾಗಿ ಕಳುಹಿಸುವುದಿಲ್ಲ. ಮೆದುಳು ಇದಕ್ಕೆ ಮುಂಚಿತವಾಗಿ ತಯಾರಿ ಮಾಡುವುದಿಲ್ಲ. ಇದ್ದಕ್ಕಿದ್ದಂತೆ ಕಚಗುಳಿ ಇಟ್ಟಾಗ, ನಾವು ತುಂಬಾ ನಗುತ್ತೇವೆ! ಇದೇ ಕಚಗುಳಿಯ ರಹಸ್ಯ!

ಟಿಕ್ಲಿಂಗ್ ಹೇಗೆ ಪ್ರಯೋಜನಕಾರಿ?

ಇತರರಿಂದ ಕಚಗುಳಿಯಿಡುವುದರ ಒಂದು ಒಳ್ಳೆಯ ಅಂಶವೆಂದರೆ ಮನಸ್ಸು ನಮ್ಮನ್ನು ಅನೇಕ ಅಪಾಯಗಳಿಂದ ರಕ್ಷಿಸುತ್ತದೆ. ದೇಹದ ಮೇಲೆ ಕೀಟಗಳು ವಾಸಿಸುತ್ತಿವೆ ಎಂದು ನಮಗೆ ಅನಿಸಿದಾಗ, ಅವುಗಳನ್ನು ದೇಹದಿಂದ ತಕ್ಷಣವೇ ತೆಗೆದುಹಾಕಲು ನಮಗೆ ತಿಳಿದಿದೆ. ನಮಗೆ ಕಚಗುಳಿ ಇದೆ ಎಂದು ನಾವು ಭಾವಿಸಿದರೆ, ಯಾವ ಟಿಕ್ಲ್ಸ್ ಅಪಾಯಕಾರಿ ಮತ್ತು ಯಾವುದು ಅಲ್ಲ ಎಂಬುದನ್ನು ನಾವು ಪ್ರತ್ಯೇಕಿಸಲು ಸಾಧ್ಯವಿಲ್ಲ.