Gut Health: ಟ್ರಾವೆಲ್ ಮಾಡುವಾಗ ಮಲಬದ್ಧತೆ ಸಮಸ್ಯೆ ನಿಮ್ಮನ್ನು ಕಾಡುತ್ತದೆಯೇ? ಇದನ್ನು ತಡೆಯಲು ಇಲ್ಲಿದೆ ಸುಲಭ ಉಪಾಯ

ಪ್ರಯಾಣ (Travel) ಅಥವಾ ರಜೆಯ ಸಮಯದಲ್ಲಿ ಮಲಬದ್ಧತೆ (Constipation) ಸಮಸ್ಯೆ ಸಂಭವಿಸುತ್ತಿದೆಯೇ? ಈ ಸಮಸ್ಯೆ ಕೆಲವು ಗಂಟೆಗಳವರೆಗೆ ಅಥವಾ ಹಲವಾರು ದಿನಗಳವರೆಗೆ ಇರುತ್ತದೆ. ನಿಮ್ಮ ಆಹಾರದಲ್ಲಿ (Food) ಹಠಾತ್ ಬದಲಾವಣೆ ಅಥವಾ ವ್ಯಾಯಾಮ ದಿನಚರಿ ಅಥವಾ ನಿರ್ದಿಷ್ಟ ವೈದ್ಯಕೀಯ ಸಮಸ್ಯೆಗಳಿಂದ ಉಂಟಾಗುವ ದೈಹಿಕ ಬದಲಾವಣೆಗಳಂತಹ ಹಲವಾರು ಅಂಶಗಳು ಮಲಬದ್ಧತೆಗೆ ಕಾರಣವಾಗಬಹುದು. ಮಲಬದ್ಧತೆ ಸಮಸ್ಯೆ ತೀವ್ರವಾಗಿ, ಮಲ ವಿಸರ್ಜನೆಗೆ ತೊಂದರೆ ಉಂಟಾದರೆ ಈ ಸಲಹೆಗಳನ್ನು ನೀವೂ ಪರಿಗಣಿಸುವುದು ಉತ್ತಮ.

ನೀವು ಪ್ರಯಾಣಿಸುವಾಗ ನಿಮ್ಮ ಪೌಷ್ಟಿಕಾಂಶವು ಸಾಮಾನ್ಯವಾಗಿ ವೇರುಪೇರಾಗುತ್ತದೆ ಮತ್ತು ದೀರ್ಘಕಾಲದವರೆಗೆ ಕುಳಿತುಕೊಳ್ಳುವುದು ಜೀರ್ಣಕ್ರಿಯೆಯನ್ನು ನಿಧಾನಗೊಳಿಸುತ್ತದೆ. ಇದು ನಿಮ್ಮ ಮಲಬದ್ದತೆಗೆ ಕಾರಣವಾಗಬಹುದು.

Instagram ರೀಲ್ ಮೂಲಕ, ಪೌಷ್ಟಿಕತಜ್ಞೆ ಲೊವ್ನೀತ್ ಬಾತ್ರಾ ಪ್ರಯಾಣದಿಂದ ಉಂಟಾಗುವ ಮಲಬದ್ಧತೆಯನ್ನು ನಿವಾರಿಸಲು ಸಹಾಯ ಮಾಡುವ 5 ಸಲಹೆಗಳನ್ನು ಹಂಚಿಕೊಂಡಿದ್ದಾರೆ. ಅವರು ಬರೆಯುತ್ತಾರೆ, “ಪ್ರಯಾಣ ಮಾಡುವಾಗ ಮಲಬದ್ಧತೆ ಇತ್ತೀಚಿಗೆ ಕಂಡು ಬರುವ ಸಮಸ್ಯೆಯಾಗಿದೆ, ಇದು ಸಾಮಾನ್ಯವಾಗಿ ಎಲ್ಲರನ್ನು ಕಾಡುತ್ತದೆ. ನಿಮ್ಮ ದಿನಚರಿ ಬದಲಾದಾಗ ಈ ಸಮಸ್ಯೆ ಕಂಡುಬರುವುದು ಸಹಜ” ಎಂದು ಬಾತ್ರಾ ತಿಳಿಸಿದ್ದಾರೆ.

ಪೌಷ್ಟಿಕತಜ್ಞರ ಪ್ರಕಾರ ಪ್ರಯಾಣ ಮಾಡುವಾಗ ಮಲಬದ್ಧತೆಯನ್ನು ತಡೆಗಟ್ಟಲು ಮತ್ತು ನಿವಾರಿಸಲು ಕೆಲವು ಹಂತಗಳು ಇಲ್ಲಿವೆ:

• ನೀರು ಕುಡಿಯುವುದು ಸರಳವಾದ ಪರಿಹಾರಗಳಲ್ಲಿ ಒಂದಾಗಿದೆ. ಏಕೆಂದರೆ ಮಲಬದ್ಧತೆ ನಿರ್ಜಲೀಕರಣಗೊಂಡ ಕೊಲೊನ್‌ಗೆ ಸಂಬಂಧಿಸಿದೆ. ನೀವು ಸರಿಯಾಗಿ ಹೈಡ್ರೀಕರಿಸಿದಾಗ, ನಿಮ್ಮ ದೇಹವು ನಿಮ್ಮ ಕೊಲೊನ್‌ನಿಂದ ಹೆಚ್ಚುವರಿ ನೀರನ್ನು ತೆಗೆದುಕೊಳ್ಳುವ ಅಗತ್ಯವಿರುವುದಿಲ್ಲ, ಅಂದರೆ ನಿಮ್ಮ ಕರುಳುಗಳು ಒತ್ತಡಕ್ಕೊಳಗಾಗುವುದಿಲ್ಲ.
• ಅಗಸೆಬೀಜ/ಚಿಯಾ ಬೀಜಗಳು ಕರಗುವ ನಾರಿನ ಸಮೃದ್ಧ ಮೂಲವಾಗಿದೆ. ಈ ಫೈಬರ್ ನೀರಿನಲ್ಲಿ ಕರಗುತ್ತದೆ, ಮಲವನ್ನು ಮೃದುವಾಗಿ ಮತ್ತು ಸುಲಭವಾಗಿ ಹಾದುಹೋಗುವಂತೆ ಮಾಡುತ್ತದೆ.
• ನೀವು ಪ್ರಯಾಣಿಸುವಾಗ ಕೆಫೀನ್ (ಕಾಫಿ) ಅಥವಾ ಆಲ್ಕೋಹಾಲ್ ಅನ್ನು (ಮದ್ಯಪಾನ) ಕಡಿಮೆ ಮಾಡಿ. ಇದನ್ನೂ ಸೇವಿಸದೇ ಇರುವುದೇ ಉತ್ತಮ, ಏಕೆಂದರೆ ಇವುಗಳು ನಿಮ್ಮನ್ನು ನಿರ್ಜಲೀಕರಣಗೊಳಿಸಬಹುದು ಮತ್ತು ನಿಮ್ಮ ಮಲಬದ್ಧತೆಯ ಅಪಾಯವನ್ನು ಹೆಚ್ಚಿಸಬಹುದು.
• ಆಹಾರದ ಫೈಬರ್ ನಿಮ್ಮ ಮಲದ ತೂಕ ಮತ್ತು ಗಾತ್ರವನ್ನು ಹೆಚ್ಚಿಸುತ್ತದೆ ಮತ್ತು ಅದನ್ನು ಮೃದುಗೊಳಿಸುತ್ತದೆ. ಒಣದ್ರಾಕ್ಷಿಗಳಲ್ಲಿರುವ ಹೆಚ್ಚಿನ ಸೋರ್ಬಿಟೋಲ್ ಅಂಶವು ಮಲವನ್ನು ಸುಲಭವಾಗಿ ಹೋಗುವಂತೆ ಮಾಡುತ್ತದೆ. ಒಣದ್ರಾಕ್ಷಿ ಲಭ್ಯವಿಲ್ಲದಿದ್ದರೆ, ಒಣಗಿದ ಏಪ್ರಿಕಾಟ್, ಹಣ್ಣುಗಳು, ಬೀಜಗಳು ಮತ್ತು ಕಾಲುಗಳನ್ನು ಪ್ರಯತ್ನಿಸಿ.

ಇದನ್ನೂ ಓದಿ: ಆರೋಗ್ಯಕರ ಹೃದಯಕ್ಕಾಗಿ ಸೇವಿಸಬೇಕಾದ 5 ಕಡಿಮೆ ಸೋಡಿಯಂ ಆಹಾರಗಳು

• ಕಿಬ್ಬೊಟ್ಟೆಯ ಮಸಾಜ್ ಸ್ನಾಯುವಿನ ನೋವನ್ನು ಕಡಿಮೆ ಮಾಡುತ್ತದೆ, ಇದು ಕರುಳಿನ ಚಲನೆಯನ್ನು ಸುಲಭ ಮಾಡಿ ಕೊಲೊನ್ ಸಾಗಣೆ ಸಮಯವನ್ನು ಕಡಿಮೆ ಮಾಡುತ್ತದೆ, ನೋವು ಮತ್ತು ಅಸ್ವಸ್ಥತೆಯನ್ನು ನಿವಾರಿಸುತ್ತದೆ ಎಂದು ಅಧ್ಯಯನ ತಿಳಿಸಿದೆ.

Published On - 6:01 pm, Wed, 15 March 23