ಟೈಫಾಯ್ಡ್ನಿಂದ ಪಾರಾಗಲು ಟೊಮ್ಯಾಟೋ ಜ್ಯೂಸ್ ಸೇವಿಸಿ; ಇಲ್ಲಿದೆ ಅಚ್ಚರಿಯ ಸಂಗತಿ
ಟೊಮ್ಯಾಟೋ ಹಣ್ಣು ಹೆಚ್ಚು ಲಭ್ಯವಿರುವ ಮತ್ತು ಕೈಗೆಟುಕುವ ತರಕಾರಿಗಳಲ್ಲಿ ಒಂದಾಗಿದೆ. ಇದು ಆ್ಯಂಟಿಆಕ್ಸಿಡೆಂಟ್ ಮತ್ತು ಆ್ಯಂಟಿಮೈಕ್ರೊಬಿಯಲ್ ಗುಣಲಕ್ಷಣಗಳಿಂದಾಗಿ ನಮ್ಮ ದೇಹಕ್ಕೆ ಹಲವಾರು ಆರೋಗ್ಯ ಪ್ರಯೋಜನಗಳನ್ನು ಒದಗಿಸುತ್ತದೆ. ಆದರೆ, ಈ ಟೊಮ್ಯಾಟೋ ಹಣ್ಣಿನ ಜ್ಯೂಸ್ ಕುರಿತು ನಿಮಗೆ ಗೊತ್ತಿಲ್ಲದ ಅಚ್ಚರಿಯ ಸಂಗತಿಯೊಂದು ಇಲ್ಲಿದೆ.
![ಟೈಫಾಯ್ಡ್ನಿಂದ ಪಾರಾಗಲು ಟೊಮ್ಯಾಟೋ ಜ್ಯೂಸ್ ಸೇವಿಸಿ; ಇಲ್ಲಿದೆ ಅಚ್ಚರಿಯ ಸಂಗತಿ](https://images.tv9kannada.com/wp-content/uploads/2024/01/tomato-juice-1.jpg?w=1280)
ಟೊಮ್ಯಾಟೋ ಹಣ್ಣು ಅಡುಗೆಗೆ ಮಾತ್ರವಲ್ಲದೆ ಆರೋಗ್ಯಕ್ಕೂ ಅನೇಕ ರೀತಿಯ ಪ್ರಯೋಜನಗಳನ್ನು ನೀಡುತ್ತದೆ. ಬಹಳ ಸುಲಭವಾಗಿ ಎಲ್ಲ ಕಡೆಯೂ ಲಭ್ಯವಿರುವ ಟೊಮ್ಯಾಟೋ ಹಣ್ಣುಗಳನ್ನು ಚೆನ್ನಾಗಿ ಸೇವಿಸಿ. ಟೊಮ್ಯಾಟೋ ಹಣ್ಣುಗಳನ್ನು ಜ್ಯೂಸ್ ಮಾಡಿ ಕುಡಿಯುವುದರಿಂದ ಟೈಫಾಯ್ಡ್ ಕೂಡ ನಿಯಂತ್ರಿಸಬಹುದು ಎಂಬ ಸಂಗತಿ ಇದೀಗ ಬಯಲಾಗಿದೆ. ಇತ್ತೀಚಿನ ಅಧ್ಯಯನವೊಂದರಲ್ಲಿ, ವಿಜ್ಞಾನಿಗಳು ಟೊಮ್ಯಾಟೊ ಜ್ಯೂಸ್ನ ಆರೋಗ್ಯ ಪ್ರಯೋಜನಗಳ ಬಗ್ಗೆ ಆಳವಾಗಿ ಅಧ್ಯಯನ ಮಾಡಿದ್ದಾರೆ. ಇದು ಸಾಲ್ಮೊನೆಲ್ಲಾ ಟೈಫಿ ಮತ್ತು ಇತರ ಹಾನಿಕಾರಕ ಬ್ಯಾಕ್ಟೀರಿಯಾಗಳನ್ನು ತೊಡೆದುಹಾಕುತ್ತದೆ. ಜೀರ್ಣಕಾರಿ ಮತ್ತು ಮೂತ್ರದ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ ಎಂದು ಅಧ್ಯಯನ ಕಂಡುಹಿಡಿದಿದೆ.
ಅಮೆರಿಕನ್ ಸೊಸೈಟಿ ಫಾರ್ ಮೈಕ್ರೋಬಯಾಲಜಿಯ ಜರ್ನಲ್ ಮೈಕ್ರೋಬಯಾಲಜಿ ಸ್ಪೆಕ್ಟ್ರಮ್ನ ಇತ್ತೀಚಿನ ಸಂಚಿಕೆಯಲ್ಲಿ ಪ್ರಕಟವಾದ ಸಂಶೋಧನೆಯ ಪ್ರಕಾರ, ಟೈಫಾಯ್ಡ್ ಜ್ವರಕ್ಕೆ ಕಾರಣವಾಗುವ ಮಾರಣಾಂತಿಕ ರೋಗಕಾರಕವಾದ ಸಾಲ್ಮೊನೆಲ್ಲಾ ಟೈಫಿ ಎಂಬ ಬ್ಯಾಕ್ಟೀರಿಯಾವನ್ನು ಟೊಮ್ಯಾಟೋ ಜ್ಯೂಸ್ ಕೊಲ್ಲುತ್ತದೆ ಎಂದು ಸಂಶೋಧಕರು ಬಹಿರಂಗಪಡಿಸಿದ್ದಾರೆ.
ಇದನ್ನೂ ಓದಿ: ಟೊಮ್ಯಾಟೋ ಹಣ್ಣು ಹೇಗೆ ತೂಕ ಇಳಿಸಲು ಸಹಾಯ ಮಾಡುತ್ತೆ?
ಪ್ರಯೋಗಾಲಯದಲ್ಲಿ ಸಾಲ್ಮೊನೆಲ್ಲಾ ಟೈಫಿ ಮೇಲೆ ಟೊಮ್ಯಾಟೋ ಜ್ಯೂಸ್ನ ಬ್ಯಾಕ್ಟೀರಿಯಾನಾಶಕ ಪರಿಣಾಮವನ್ನು ಆರಂಭಿಕ ಪ್ರಯೋಗಗಳು ದೃಢಪಡಿಸಿತ್ತು. ಬಳಿಕ, ಈ ಪ್ರಕ್ರಿಯೆಯಲ್ಲಿ ಒಳಗೊಂಡಿರುವ ಆ್ಯಂಟಿಮೈಕ್ರೊಬಿಯಲ್ ಪೆಪ್ಟೈಡ್ಗಳನ್ನು ಗುರುತಿಸಲು ಸಂಶೋಧನಾ ತಂಡವು ಟೊಮ್ಯಾಟೊದ ಜೀನೋಮ್ ಅನ್ನು ಪರಿಶೀಲಿಸಿತು. ಈ ಪೆಪ್ಟೈಡ್ಗಳು, ಸಣ್ಣ ಪ್ರೋಟೀನ್ಗಳು ಬ್ಯಾಕ್ಟೀರಿಯಾದ ಪೊರೆಯನ್ನು ಅಡ್ಡಿಪಡಿಸುತ್ತವೆ ಎಂದು ಗೊತ್ತಾಗಿದೆ.
ಇದನ್ನೂ ಓದಿ: ಟೊಮ್ಯಾಟೋ ಜ್ಯೂಸ್ ಸೇವಿಸುವುದರಿಂದ ಆಗುವ ಅಡ್ಡ ಪರಿಣಾಮಗಳೇನು?
ನಾಲ್ಕು ಸಂಭಾವ್ಯ ಆಂಟಿಮೈಕ್ರೊಬಿಯಲ್ ಪೆಪ್ಟೈಡ್ಗಳಲ್ಲಿ 2 ಸಾಲ್ಮೊನೆಲ್ಲಾ ಟೈಫಿ ವಿರುದ್ಧ ಪರಿಣಾಮಕಾರಿ ಎಂದು ಗುರುತಿಸಲಾಗಿದೆ. ಈ ಆವಿಷ್ಕಾರವು ಟೊಮ್ಯಾಟೋ ಜ್ಯೂಸ್ ಮತ್ತು ಅದರ ಹೈಪರ್ವೈರಲೆಂಟ್ ರೂಪಾಂತರಗಳು, ಜೀರ್ಣಕಾರಿ ಮತ್ತು ಮೂತ್ರದ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಇತರ ಹಾನಿಕಾರಕ ಬ್ಯಾಕ್ಟೀರಿಯಾಗಳನ್ನು ಒಳಗೊಂಡಂತೆ ಸಾಲ್ಮೊನೆಲ್ಲಾ ಟೈಫಿಯನ್ನು ಪರಿಣಾಮಕಾರಿಯಾಗಿ ನಿವಾರಿಸುತ್ತದೆ ಎಂದು ತಿಳಿದುಬಂದಿದೆ.
ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ