ಕಣ್ಣುಗಳು ನಿಮ್ಮ ಆರೋಗ್ಯದ ಗುಟ್ಟು ಹೇಳುತ್ತವೆ ಗೊತ್ತೇ?

ಕಣ್ಣುಗಳು (Eyes) ನಿಮ್ಮ ಆರೋಗ್ಯದ ಕನ್ನಡಿಯಿದ್ದಂತೆ, ನಿಮ್ಮ ಆರೋಗ್ಯದ ಗುಟ್ಟನ್ನು ಕಣ್ಣುಗಳೇ ಹೇಳಿಬಿಡುತ್ತವೆ. ಸಾಮಾನ್ಯವಾಗಿ ನೀವು ವೈದ್ಯರ ಬಳಿ ತೆರಳಿದಾಗ ಅವರು ಮೊದಲು ಪರೀಕ್ಷಿಸುವುದೇ ನಿಮ್ಮ ಕಣ್ಣುಗಳನ್ನು. ಕೆಲವು ಚಿಹ್ನೆಗಳು ಮೊದಲ ಹಂತದಲ್ಲಿಯೇ ದೈಹಿಕ ತೊಂದರೆಗಳನ್ನು ತಿಳಿಸಲು ಸಹಾಯ ಮಾಡುತ್ತವೆ ಮತ್ತು ಅದನ್ನು ಗುಣಪಡಿಸಲೂಬಹುದು. ಆದ್ದರಿಂದ ನಾವು ನಿಮಗೆ ಕಣ್ಣಿನಲ್ಲಿಯೇ ತಿಳಿದುಕೊಳ್ಳಬಹುದಾದ ಆರೋಗ್ಯದ ತೊಂದರೆಗಳ ಬಗ್ಗೆ ಇಲ್ಲಿ ಹೇಳುತ್ತಿದ್ದೇವೆ.

1. ಮಧುಮೇಹ: ಅಸ್ಪಷ್ಟವಾಗಿ ಕಾಣಿಸುವುದು ಸಹ ಕಣ್ಣಿನ ತೊಂದರೆಗಳಲ್ಲಿ ಒಂದಾಗಿದೆ. ಅದು ಟೈಪ್‌ 2 ಡಯಾಬಿಟೀಸ್‌ (ಮಧುಮೇಹ) ಗೆ ಸಂಬಂಧಿಸಿದ್ದಾಗಿದೆ. ದೀರ್ಘಕಾಲದಿಂದ ರಕ್ತದಲ್ಲಿ ಅಧಿಕ ಸಕ್ಕರೆಯ ಅಂಶವು ರಕ್ತ ಕಣಗಳ ಮೇಲೆ ಒತ್ತಡವನ್ನು ಹೇರುತ್ತವೆ. ಇದು ಕಣ್ಣುಗಳ ಹಿಂಭಾಗದಲ್ಲಿ ರಕ್ತದ ಚುಕ್ಕೆಗಳಿಗೆ ಕಾರಣವಾಗುತ್ತದೆ. ಅದರ ಅರ್ಥ ರಕ್ತದಲ್ಲಿನ ಸಕ್ಕರೆ ಪ್ರಮಾಣವು ಅಪಾಯಕಾರಿ ಮಟ್ಟವನ್ನು ತಲುಪಿದೆ ಎಂದು. ಆದ್ದರಿಂದ ತಕ್ಷಣದ ಚಿಕಿತ್ಸೆ ಅಗತ್ಯ. ಇಷ್ಟಾದರೂ ಕೂಡಾ ಗ್ಲೂಕೋಸ್ ಲೆವಲ್‌ ಅನ್ನು ಚಿಕಿತ್ಸೆ ನೀಡದೆ ಬಿಟ್ಟರೆ, ಅದು ಕುರುಡುತನಕ್ಕೆ ಕಾರಣವಾಗಬಹುದು.
2. ಕ್ಯಾನ್ಸರ್‌: ನಿಮ್ಮ ಕಣ್ಣು ಸ್ತನ ಕ್ಯಾನ್ಸರ್‌ನ ಸಾಧ್ಯತೆಯನ್ನು ತೋರಿಸುತ್ತದೆ. ಯಾವಾಗ ಕ್ಯಾನ್ಸರ್‌ ಕೋಶಗಳು ದೇಹದ ಎಲ್ಲಾ ಭಾಗಗಳಿಗೆ ಹರಡುತ್ತಿವೆ ಎಂದಾದರೆ, ಅದು ನಿಮ್ಮ ಕಣ್ಣುಗಳಲ್ಲಿ ಕಾಣಿಸುತ್ತದೆ. ಕಣ್ಣಿನ ಗೋಡೆಯಲ್ಲಿರುವ ಅಂಗಾಂಶದ ಮಧ್ಯದ ಪದರದಲ್ಲಿ ಅಸಹಜವಾದ ಗಾಯಗಳು ಅಥವಾ ದ್ರವ್ಯರಾಶಿ/ ಗಡ್ಡೆಗಳು ಕ್ಯಾನ್ಸರ್‌ ಕೋಶಗಳು ಕಣ್ಣಿಗೆ ಹರಡಿವೆ ಎಂದು ಸೂಚಿಸುತ್ತದೆ. ಮಂದ ದೃಷ್ಟಿ, ಕಣ್ಣಿನ ನೋವು, ಫ್ಲೋಟರ್‌ಗಳು ಕಾಣಿಸುವುದು ಇವೆಲ್ಲಾ ಬ್ರೆಸ್ಟ್‌ ಕ್ಯಾನ್ಸರ್‌ನ ಕೆಲವು ಸಂಕೇತಗಳೆಂದು ಹೇಳಬಹುದು.
3. ಹಾನಿಗೊಳಗಾದ ರೆಟಿನಾ: ಯಾವಾಗಲೂ ಕಣ್ಣಿನ ಸುತ್ತ ಒಂದು ಸಣ್ಣ ಪೆಕ್ಸ್‌ ಚಲಿಸುವುದನ್ನು ತೇಲುವುದು ಎನ್ನುತ್ತಾರೆ. ಆದರೆ ಫ್ಲೋಟರ್‌ಗಳ ಸಂಖ್ಯೆಯಲ್ಲಿ ಹಠಾತ್‌ ಹೆಚ್ಚಳವು ರೆಟಿನಾದ ಕಣ್ಣೀರು ಅಥವಾ ಬೇರ್ಪಡುವಿಕೆಯ ಕಡೆಗೆ ಢಿಕ್ಕಿ ಹೊಡೆಯುವುದು. ಗಮನಾರ್ಹವಾಗಿ ಈ ಲಕ್ಷಣಗಳನ್ನು ಬಹಳ ಕಾಲದವರೆಗೆ ನಿರ್ಲಕ್ಷಿಸುವಂತೆ ಇಲ್ಲ ಏಕೆಂದರೆ ಮುಂದೆ ಅದು ಕಣ್ಣಿನ ಮೇಲೆ ತೀವ್ರ ಹಾನಿಯುಂಟು ಮಾಡಬಹುದು.
4. ಜಾಂಡೀಸ್: ಸಾಮಾನ್ಯವಾಗಿ ಎಲ್ಲರಿಗೆ ತಿಳಿದಿರುವಂತೆ ಪೋಷಕರು ಕಣ್ಣುಗಳನ್ನು ನೋಡುವುದರ ಮೂಲಕ ಕಾಮಾಲೆ ಅಥವಾ ಜಾಂಡೀಸ್ ಲಕ್ಷಣವಿದೆಯೇ ಎಂದು ಪರೀಕ್ಷಿಸುತ್ತಾರೆ. ಅದು ಏಕೆಂದರೆ ಬಿಳಿಯ ಕಣ್ಣು ಗುಡ್ಡೆಗಳು ಹಳದಿ ಬಣ್ಣಕ್ಕೆ ತಿರುಗಿರುವುದು ಕಾಮಾಲೆ ರೋಗದಿಂದ ಬಳಲುತ್ತಿರುವ ಲಕ್ಷಣ ಹೇಳುವ ಚಿಹ್ನೆಯಾಗಿದೆ. ಕಾಮಾಲೆಯು ಅತಿಯಾದ ಬೈಲುರುಬಿನ್‌ ಸ್ರವಿಸುವುದರಿಂದ ಉಂಟಾಗುವುದು. ಇದು ರಕ್ತದಲ್ಲಿನ ಕೆಂಪು ರಕ್ತ ಕಣಗಳ ವಿಭಜನೆಯಿಂದ ರೂಪುಗೊಂಡ ಹಳದಿ ಸಂಯುಕ್ತವಾಗಿದೆ.
5. ಅಧಿಕ ಕೊಬ್ಬು: ನಿಮ್ಮ ದೇಹದಲ್ಲಿ ಅಧಿಕವಾಗಿ ಕೊಬ್ಬಿನ ಅಂಶವಿದ್ದರೆ ನಿಮ್ಮ ಕೆಲೆಸ್ಟ್ರಾಲ್ ಲೆವಲ್‌ ಅನ್ನು ಆಗಾಗ ಪರೀಕ್ಷಿಸಿಕೊಳ್ಳದಿದ್ದರೆ ಅದು ಕ್ರಮೇಣ ನಿಮ್ಮ ಕಣ್ಣುಗಳಲ್ಲಿ ಕಾಣಿಸಲು ಶುರುವಾಗುತ್ತದೆ. ವಯಸ್ಸಾದಂತೆ ಈ ಗುರುತುಗಳು ಕಾಣಿಸುತ್ತವೆ ಆದರೆ ಮತ್ತೊಂದು ಪ್ರಮುಖ ಕಾರಣವೆಂದರೆ ಅಧಿಕ ಕೊಲೆಸ್ಟ್ರಾಲ್‌. ಈ ರೀತಿಯ ಯಾವುದೇ ಚಿಹ್ನೆಗಳು ನಿಮ್ಮ ಕಣ್ಣಿನ ಸುತ್ತ ಕಾಣಿಸಿಕೊಂಡರೆ ಮೊದಲು ನಿಮ್ಮ ಕೊಲೆಸ್ಟ್ರಾಲ್‌ ಲೆವಲ್‌ ಚೆಕ್‌ ಮಾಡಿಸಿಕೊಳ್ಳಿ.

ಆರೋಗ್ಯ ಸಂಬಂಧಿತ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ