Pulsar 250F: ಹೊಸ ಬಜಾಜ್ ಪಲ್ಸರ್ 250F: ಏನಿದರ ವಿಶೇಷತೆ, ಬೆಲೆ ಎಷ್ಟು ಗೊತ್ತಾ?
Pulsar 250F Price: ಬಜಾಜ್ ಆಟೋಮೊಬೈಲ್ಸ್ ಮೂಲಗಳ ಮಾಹಿತಿ ಪ್ರಕಾರ, ಹೊಸ ಪಲ್ಸರ್ 250ಎಫ್ 250 ಸಿಸಿ ಸಿಂಗಲ್ ಸಿಲಿಂಡರ್ ಮಿಲ್ ಎಂಜಿನ್ ಅನ್ನು ಹೊಂದಿರಲಿದೆ.
Updated on: Jul 30, 2021 | 4:51 PM
ದೇಶದ ಪ್ರಮುಖ ವಾಹನ ಉತ್ಪದಾನಾ ಕಂಪೆನಿ ಬಜಾಜ್ ತನ್ನ ನೂತನ ಬೈಕ್ ಪಲ್ಸರ್ 250 ಎಫ್ ( Bajaj Pulsar 250F) ಶೀಘ್ರದಲ್ಲೇ ಬಿಡುಗಡೆ ಮಾಡಲಿದೆ. ಹೊಸ ಮೋಟಾರ್ ಸೈಕಲ್ನ ಫೋಟೋಗಳು ಲೀಕ್ ಆಗಿದ್ದು, ಅದರಂತೆ ನೂತನ ಬೈಕ್ನಲ್ಲಿ ಸೆಮಿ ಫೇರ್ಡ್ ವಿನ್ಯಾಸ ಕಾಣಬಹುದು. ಹಾಗೆಯೇ ಇದರಲ್ಲಿ ಎಲ್ಇಡಿ ಲೈಟ್ಗಳನ್ನು ನೀಡಿರುವುದು ಕೂಡ ಕಂಡು ಬರುತ್ತದೆ.
ಮುಂಭಾಗದಲ್ಲಿ ಸಿಂಗಲ್ ಪ್ರೊಜೆಕ್ಟರ್ ಫ್ರಂಟ್ ಹೆಡ್ ಲ್ಯಾಂಪ್ ಇರಲಿದ್ದು, ಇದು ಅತ್ಯಂತ ತೀಕ್ಷ್ಣವಾದ LED DRL ಗಳನ್ನು ಹೊಂದಿರಲಿದೆ. ಅದೇ ರೀತಿ ಈ ಬೈಕಿಗೆ ದೊಡ್ಡ ವಿಂಡ್‌ಸ್ಕ್ರೀನ್ ನೀಡಲಾಗಿದೆ. ಅಂದರೆ ದೂರ ಪ್ರಯಾಣ ಹಾಗೂ ಹೆದ್ದಾರಿಗಳಲ್ಲಿನ ರೈಡ್ಗೆ ತಕ್ಕಂತೆ ಪಲ್ಸರ್ 250 ಎಫ್ ಅನ್ನು ವಿನ್ಯಾಸಗೊಳಿಸಲಾಗಿದೆ.
ಇನ್ನು ಈ ಹಿಂದಿನ ಪಲ್ಸರ್ ಮಾಡೆಲ್ಗಳಿಗೆ ಹೋಲಿಸಿದರೆ, ಹೊಸ ಪಲ್ಸರ್ನಲ್ಲಿ ರಿಯರ್ ವ್ಯೂ ಮಿರರ್ ವಿನ್ಯಾಸ ಕೂಡ ಬದಲಾಗಿದೆ. ಪ್ರಸ್ತುತ ಪ್ರೀಮಿಯಂ ಮಾಡೆಲ್ಗೆ ಹೋಲಿಸಿದರೆ, ಹೊಸ ಮಾದರಿಯ ಪಲ್ಸರ್ ಸ್ವಲ್ಪ ದೊಡ್ಡದಾಗಿರಲಿದೆ. ಹಾಗೆಯೇ ಇದನ್ನು ಸುಲಭವಾಗಿ ನಿಯಂತ್ರಿಸಲ್ಪಡುವಂತೆ ಹಾಗೂ ಸುಲಭವಾಗಿ ಬೈಕ್ ಮೇಲೆ ಹಿಡಿತ ಸಾಧಿಸಲು ಅನುಕೂಲವಾಗುವಂತೆ ವಿನ್ಯಾಸಗೊಳಿಸಲಾಗಿದೆ.
Bajaj Pulsar 250F ವಿನ್ಯಾಸ-ವೈಶಿಷ್ಟ್ಯ: ಬಜಾಜ್ ಆಟೋಮೊಬೈಲ್ಸ್ ಮೂಲಗಳ ಮಾಹಿತಿ ಪ್ರಕಾರ, ಹೊಸ ಪಲ್ಸರ್ 250ಎಫ್ 250 ಸಿಸಿ ಸಿಂಗಲ್ ಸಿಲಿಂಡರ್ ಮಿಲ್ ಎಂಜಿನ್ ಅನ್ನು ಹೊಂದಿರಲಿದೆ. ಜೊತೆಗೆ ಆಯಿಲ್ ಕೂಲರ್‌ ಅನ್ನು ಕೂಡ ನೀಡಲಾಗಿದೆ. 220F ಮಾದರಿಯು ಪ್ರಸ್ತುತ ಪವರ್‌ಟ್ರೇನ್‌ಗಿಂತ ಹೆಚ್ಚು ಶಕ್ತಿಶಾಲಿಯಾಗಿರಲಿದೆ. ವಿವಿಎ ಅಂದರೆ ವೇರಿಯಬಲ್ ವಾಲ್ವ್ ಆಕ್ಟಿವೇಷನ್ ಟೆಕ್ನಾಲಜಿಯನ್ನು ಎಂಜಿನ್‌ನಲ್ಲಿ ಬಳಸಲಾಗಿದೆ. ಇದರಿಂದ ಈ ಬೈಕ್ ಹೆಚ್ಚಿನ ಮೈಲೇಜ್ ನೀಡಲಿದೆ. ಪ್ರಸ್ತುತ ಮಾರುಕಟ್ಟೆಯಲ್ಲಿ ಯಮಹಾ YZF- R15 V3.0 ಬೈಕ್ನಲ್ಲೂ ಇದೇ ತಂತ್ರಜ್ಞಾನ ಅಳವಡಿಸಲಾಗಿದೆ. ಇದೀಗ ಬಜಾಬ್ ಪಲ್ಸರ್ 250ಎಫ್ ಕೂಡ ಮೈಲೇಜ್ ಹಾಗೂ ಪವರ್ಗೆ ಹೆಚ್ಚಿನ ಒತ್ತು ನೀಡಿರುವುದು ವಿಶೇಷ.
ಇದರ ಹೊರತಾಗಿ Bajaj Pulsar 250F ಬೈಕ್ನ ಹೆಚ್ಚಿನ ಮಾಹಿತಿ ಹಾಗೂ ಬಿಡುಗಡೆ ದಿನಾಂಕವನ್ನು ಕಂಪೆನಿಯು ಇದುವರೆಗೆ ಬಹಿರಂಗಪಡಿಸಿಲ್ಲ. ಅದಾಗ್ಯೂ ಆಟೋಮೊಬೈಲ್ ಎಕ್ಸ್ಪರ್ಟ್ಗಳ ಪ್ರಕಾರ, ಹೊಸ ಪಲ್ಸರ್ ಆಗಸ್ಟ್ ತಿಂಗಳಾಂತ್ಯ ಅಥವಾ ಸೆಪ್ಟೆಂಬರ್ನಲ್ಲಿ ಬಿಡುಗಡೆಯಾಗಲಿದೆ. ಹಾಗೆಯೇ ಈ ಬೈಕ್ ಬೆಲೆಯು 1.40 ಲಕ್ಷ ರೂ. ಇರಲಿದೆ ಎಂದು ಅಂದಾಜಿಸಲಾಗಿದೆ. ಈಗಾಗಲೇ ಪಲ್ಸರ್ 220 ಮೂಲಕ ಯುವಕರನ್ನು ಸೆಳೆದಿರುವ ಬಜಾಜ್ ಇದೀಗ ಹೊಸ ವಿನ್ಯಾಸದೊಂದಿಗೆ ಪಲ್ಸರ್ 250ಎಫ್ನೊಂದಿಗೆ ಮತ್ತೊಮ್ಮೆ ದ್ವಿಚಕ್ರ ವಾಹನ ಕ್ಷೇತ್ರದಲ್ಲಿ ತನ್ನ ಪಾರುಪತ್ಯ ಸಾಧಿಸುವ ವಿಶ್ವಾಸದಲ್ಲಿದೆ.
ಇದನ್ನೂ ಓದಿ: ಮದ್ಯಪಾನ ಮಾಡಿ ಶತಕ ಸಿಡಿಸಿದ್ದ ಗ್ಯಾರಿ ಸೋಬರ್ಸ್..!
ಇದನ್ನೂ ಓದಿ: ಸೂರ್ಯಕುಮಾರ್ ಯಾದವ್ಗೆ ಅವಕಾಶ ಕೈತಪ್ಪುವ ಆತಂಕ
(Bajaj Auto readies Pulsar 250F for launched: Pulsar 250F Price)
