ಅಪ್ಪನಿಗೆ ಅನಾರೋಗ್ಯದ ಕಾರಣ ಮನೇಲಿರೋದು ಬೇಜಾರಾಗುತಿತ್ತು: ಜ್ಯೋತಿ, ಬ್ಯಾಂಕ್ ಜನಾರ್ಧನ ಮಗಳು

ಬೆಂಗಳೂರು, ಏಪ್ರಿಲ್ 14: ತಾಯಿಯನ್ನು ಬೇಗ ಕಳೆದುಕೊಂಡ ನಾಲ್ಕು ಜನ ಮಕ್ಕಳನ್ನು ಇಂದು ಬೆಳಗಿನ ಜಾವ ವಿಧಿವಶರಾದ ಖ್ಯಾತ ಹಾಸ್ಯ ನಟ ಬ್ಯಾಂಕ್ ಜನಾರ್ಧನ್ ಅಮ್ಮ ಮತ್ತು ಅಪ್ಪ ಎರಡೂ ಆಗಿದ್ದರು ಅಂತ ಅವರ ಮಗಳು ಜ್ಯೋತಿ (Jyothi) ಹೇಳುತ್ತಾರೆ. ನಮ್ಮ ವರದಿಗಾರನೊಂದಿಗೆ ಮಾತಾಡಿರುವ ಅವರು ಅನಾರೋಗ್ಯದ ಕಾರಣದಿಂದ ಕೆಲಸಕ್ಕೆ ಹೋಗುವುದನ್ನು ನಿಲ್ಲಿಸಿದ್ದ ಜನಾರ್ಧನ್ ಮನೇಲಿದ್ದು ಬೇಜಾರಾಗ್ತಿದೆ ಎನ್ನುತ್ತಿದ್ದರಂತೆ. ಸದಾ ಕ್ರಿಯಾಶೀಲ ಮತ್ತು ಮನೆಯಲ್ಲೂ ಎಲ್ಲರನ್ನು ನಗಿಸುತ್ತ, ತಾವೂ ನಗುತ್ತ ಇರುತ್ತಿದ್ದರು ಎಂದು ಜ್ಯೋತಿ ಹೇಳುತ್ತಾರೆ. ಕನ್ನಡ ದಿಗ್ಗಜರೊಂದಿಗೆ ನಟಿಸಿದ್ದ ಅವರಿಗೆ ನಿರ್ದಿಷ್ಟವಾದ ನಟ ನೆಚ್ಚಿನ ನಟನಾಗಿರಲಿಲ್ಲ, ಎಲ್ಲರನ್ನೂ ಇಷ್ಟಪಡುತ್ತಿದ್ದರು ಪ್ರತಿಯೊಬ್ಬರೊಂದಿಗೆ ಸ್ನೇಹದಿಂದಿದ್ದರು ಎಂದು ಅವರು ಹೇಳುತ್ತಾರೆ.

ಇದನ್ನೂ ಓದಿ:  ದರ್ಶನ್, ಉಪೇಂದ್ರ, ಸುದೀಪ್​ಗೆ ನನ್ನ ನೆನಪಿಲ್ಲ; ಬೇಸರ ಹೊರಹಾಕಿದ್ದ ಬ್ಯಾಂಕ್ ಜನಾರ್ಧನ್

ವಿಡಿಯೋ ಸುದ್ದಿಗಳಿಗಾಗಿ ಕ್ಲಿಕ್ ಮಾಡಿ