ದೊಣ್ಣೆಯಿಂದ ತಲೆಗೆ ಹೊಡೆದು ಮಹಿಳೆಯ ಬರ್ಬರ ಹತ್ಯೆ: ಆರೋಪಿಗಾಗಿ ಪೊಲೀಸರಿಂದ ಹುಡುಕಾಟ

ದೊಣ್ಣೆಯಿಂದ ತಲೆಗೆ ಹೊಡೆದು ಮಹಿಳೆಯ ಬರ್ಬರ ಹತ್ಯೆ: ಆರೋಪಿಗಾಗಿ ಪೊಲೀಸರಿಂದ ಹುಡುಕಾಟ
ಪ್ರಾತಿನಿಧಿಕ ಚಿತ್ರ

ಫಿರ್ಮಾಗೆ ಯಾದಗಿರಿಯ ಮೆಹಬೂಬ್ ಪರಿಚಯವಾಗಿದ್ದು, ಶನಿವಾರ ಫಿರ್ಮಾ ಮನೆಗೆ ಮೆಹಬೂಬ್ ಬಂದಿದ್ದಾನೆ. ಈ ವೇಳೆ ಇಬ್ಬರ ನಡುವೆ ಜಗಳವಾಗಿ ಕೊಲೆ ಮಾಡಿರುವ ಶಂಕೆ ಇದೆ. ಸದ್ಯ ಪರಾರಿಯಾಗಿರುವ ಮೆಹಬೂಬ್‌ಗಾಗಿ ಪೊಲೀಸರು ಶೋಧ ಕಾರ್ಯ ನಡೆಸಿದ್ದಾರೆ.

preethi shettigar

| Edited By: Ayesha Banu

Mar 24, 2021 | 1:47 PM


ಬೆಂಗಳೂರು: ದೊಣ್ಣೆಯಿಂದ ತಲೆಗೆ ಹೊಡೆದು ಮಹಿಳೆಯನ್ನು ಬರ್ಬರವಾಗಿ ಕೊಲೆ ಮಾಡಿದ ಘಟನೆ ಬೆಂಗಳೂರಿನ ಪರಪ್ಪನ ಅಗ್ರಹಾರದಲ್ಲಿ ನಡೆದಿದೆ. ಯಾದಗಿರಿ ಮೂಲದ 38 ವರ್ಷದ ಫಿರ್ಮಾ ಕೊಲೆಯಾದ ಮಹಿಳೆ. ನಗರದಲ್ಲಿ ಕೆಲಸಕ್ಕೆ ಸೇರಿಕೊಂಡು ಪರಪ್ಪನ ಅಗ್ರಹಾರದಲ್ಲಿ ನೆಲೆಸಿದ ಫಿರ್ಮಾಳನ್ನು ಮಗ ಕೆಲಸಕ್ಕೆ ಹೋಗಿದ್ದಾಗ ಮೆಹಬೂಬ್ ಎಂಬಾತ ಕೊಲೆ ಮಾಡಿರುವ ಶಂಕೆ ಇದೆ.

ಫಿರ್ಮಾಗೆ ಯಾದಗಿರಿಯ ಮೆಹಬೂಬ್ ಪರಿಚಯವಾಗಿದ್ದು, ಶನಿವಾರ ಫಿರ್ಮಾ ಮನೆಗೆ ಮೆಹಬೂಬ್ ಬಂದಿದ್ದಾನೆ. ಈ ವೇಳೆ ಇಬ್ಬರ ನಡುವೆ ಜಗಳವಾಗಿ ಕೊಲೆ ಮಾಡಿರುವ ಶಂಕೆ ಇದೆ. ಸದ್ಯ ಪರಾರಿಯಾಗಿರುವ ಮೆಹಬೂಬ್‌ಗಾಗಿ ಪೊಲೀಸರು ಶೋಧ ಕಾರ್ಯ ನಡೆಸಿದ್ದಾರೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೃತ ಮಹಿಳೆ ಮಗ ಪರಪ್ಪನ ಅಗ್ರಹಾರ ಠಾಣೆಯಲ್ಲಿ ದೂರು ನೀಡಿದ್ದಾನೆ.

ಹಲವು ವರ್ಷಗಳ ಹಿಂದೆಯೇ ಫಿರ್ಮಾಳ ಗಂಡ ಆಕೆಯನ್ನು ಬಿಟ್ಟು ಹೋಗಿದ್ದ. ಹಾಗಾಗಿ ಫಿರ್ಮಾ ತನ್ನ ಊರು ಯಾದಗಿರಿ ಬಿಟ್ಟು ಬೆಂಗಳೂರಿನ ಪರಪ್ಪನ ಅಗ್ರಹಾರದ ಸಮೀಪವಿರುವ ನಾಯ್ದು ಲೇಔಟ್​ನಲ್ಲಿ ವಾಸವಾಗಿದ್ದಳು. ಈಕೆಗೆ ಮೂವರು ಮಕ್ಕಳಿದ್ದಾರೆ. ಈ ಪೈಕಿ ತನ್ನ ಎರಡನೇ ಮಗ ಹುಸೇನ್​ನೊಂದಿಗೆ ನೆಲೆಸಿದ್ದಳು. ಈಕೆ ಗಾರೆ ಕೆಲಸ ಮಾಡಿ ತನ್ನ ಜೀವನ ಸಾಗಿಸುತ್ತಿದ್ದಳು. ಈ ನಡುವೆ ಯಾದಗಿರಿ ಮೂಲಕ ಮೆಹಬೂಬ್ ಎಂಬಾತ ಆಗಾಗ ಫಿರ್ಮಾಳ ಮನೆಗೆ ಬಂದು ಹೋಗುತ್ತಿದ್ದ. ಶನಿವಾರ ಕೂಡ ಹುಸೇನ್ ಕೆಲಸಕ್ಕೆ ಹೋಗಿದ್ದಾಗ ಮೆಹಬೂಬ್ ಫಿರ್ಮಾಳ ಮನೆಗೆ ಬಂದಿದ್ದಾನೆ. ಈ ವೇಳೆ ಇವರಿಬ್ಬರ ನಡುವೆ ಜಗಳ ಶುರುವಾಗಿದೆ.  ಮೆಹಬೂಬ್  ಬಂದು ಹೋದ ಎರಡು ಗಂಟೆಗಳ ಬಳಿಕ ಮನೆಯಿಂದ ಕೂಗಾಡ, ಚೀರಾಟ ಕೇಳಿ ಬಂದಿತ್ತು. ಕೆಲ ಹೊತ್ತಾದ ಮೇಲೆ ಆ ಶಬ್ದ ನಿಂತು ಹೋಗಿದೆ. ಬಳಿಕ ಮೆಹಬೂಬ್ ಅಲ್ಲಿಂದ ಎಸ್ಕೇಪ್ ಆಗಿದ್ದಾನೆ. ಮನೆ ಬಳಿ ಬಂದು ನೋಡಿದ ಅಕ್ಕಪಕ್ಕದ ಮನೆಯವರಿಗೆ ಫಿರ್ಮಾಳ ಕೊಲೆಯಾಗಿರುವುದು ಬೆಳಕಿಗೆ ಬಂದಿದೆ.

ತಕ್ಷಣವೇ ಹುಸೇನ್​ಗೆ ಕರೆ ಮಾಡಿ ಈ ವಿಷಯ ತಿಳಿಸಿದ್ದಾರೆ. ಬಳಿಕ ಫಿರ್ಮಾಳ ಮಗ ಹುಸೇನ್ ಈ ಸಂಬಂಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾನೆ. ಫಿರ್ಮಾಳ ಕೊಲೆ ಮುನ್ನ ಮೆಹಬೂಬ್ ಬಂದು ಹೋಗಿದ್ದು ಮೆಹಬೂಬ್ ಮೇಲೆ ಶಂಕೆ ವ್ಯಕ್ತವಾಗಿದೆ. ಸದ್ಯ ಪೊಲೀಸರು ಆರೋಪಿಯ ಹುಡುಕಾಟದಲ್ಲಿದ್ದಾರೆ.

ವಿಜಯಪುರದಲ್ಲಿ ಅಡ್ಡಬಂದ ಬೈಕ್‌ಗೆ ಡಿಕ್ಕಿ ತಪ್ಪಿಸಲು ಹೋಗಿ ಕಾರು ಪಲ್ಟಿ:
ರಸ್ತೆಯಲ್ಲಿ ಅಡ್ಡ ಬಂದ ಬೈಕ್ ತಪ್ಪಿಸಲು ಹೋಗಿ ಕಾರ್ ಪಲ್ಟಿಯಾದ ಘಟನೆ ವಿಜಯಪುರ ಜಿಲ್ಲೆಯ ದೇವರಹಿಪ್ಪರಗಿ ಪಟ್ಟಣದ ಹೊರ ಭಾಗದಲ್ಲಿನ ರಾಷ್ಟ್ರೀಯ ಹೆದ್ದಾರಿ 218 ರಲ್ಲಿ‌ ನಡೆದಿದೆ. ಕಾರಿನಲ್ಲಿದ್ದ ತಂದೆ ಮತ್ತು ಮಗ ಅದೃಷ್ಟವಶಾತ್ ಪಾರಾಗಿದ್ದಾರೆ. ಹೆದ್ದಾರಿ ಪಕ್ಕದಲ್ಲಿದ್ದ ಮರದ ಮೇಲೆ ಕಾರ್​ ಎರಗಿದ್ದರ ಪರಿಣಾಮ ಮರ ಎರಡು ಹೋಳಾಗಿ ಬಿದ್ದಿದೆ.

CAR ACCIDENT

ಕಾರು ಮರಕ್ಕೆ ದಿಕ್ಕಿ ಹೊಡೆದಿರುವ ದೃಶ್ಯ

ಕಲಬುರಗಿಯಿಂದ ವಿಜಯಪುರಕ್ಕೆ ತೆರಳುತ್ತಿದ್ದಾಗ ಈ ಘಟನೆ ನಡೆದಿದ್ದು, ರುದ್ರಗೌಡ ಪಾಟೀಲ್ ಹಾಗೂ ಅವರ ಪುತ್ರ ಸಾಯಿಪ್ರಸಾದ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಈ ಸಂಬಂಧ ದೇವರಹಿಪ್ಪರಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ:

Road Accident ಬೆಂಗಳೂರು, ಚಿತ್ರದುರ್ಗದಲ್ಲಿ ಪ್ರತ್ಯೇಕ ಅಪಘಾತ.. ಪಾರ್ಟಿ ಮುಗಿಸಿ ಸ್ನೇಹಿತನ ಹೊಸ ಬೈಕ್​ ಏರಿದ್ದವ ಅಪಘಾತದಲ್ಲಿ ಸಾವು

Accident | ಬೆಳಗಿನ ಜಾವ ಆಕ್ಸಿಡೆಂಟ್​: ನಿಂತಿದ್ದ ತೈಲ ಟ್ಯಾಂಕರ್​ಗೆ ಕಾರ್​ ಡಿಕ್ಕಿ, ಭೀಕರ ಅಪಘಾತದಲ್ಲಿ 6 ವಿದ್ಯಾರ್ಥಿಗಳ ಸಾವು


Follow us on

Related Stories

Most Read Stories

Click on your DTH Provider to Add TV9 Kannada