ಬೆಂಗಳೂರಿಗರೇ ಗಮನಿಸಿ; ನಿಮ್ಮ ಮನೆಗೆ ಉಚಿತ ಡಿಜಿಟಲ್ ಮೀಟರ್ ಅಳವಡಿಸಲಿದೆ ಬೆಸ್ಕಾಂ

ಬೆಂಗಳೂರು: ವಿದ್ಯುತ್ ಸೋರಿಕೆಯನ್ನು ತಡೆಗಟ್ಟಲು ಮಹತ್ವದ ಹೆಜ್ಜೆಯಿಟ್ಟಿರುವ ಬೆಂಗಳೂರು ವಿದ್ಯುಚ್ಛಕ್ತಿ ಸರಬರಾಜು ಕಂಪನಿ (ಬೆಸ್ಕಾಂ) ಬೆಂಗಳೂರಿನ ಎಲ್ಲ ಮನೆಗಳಲ್ಲೂ ಉಚಿತವಾಗಿ ಡಿಜಿಟಲ್ ಮೀಟರ್ ಅಳವಡಿಸಲಿದೆ. ಹಳೆಯ ಮೆಕ್ಯಾನಿಕಲ್ ಮೀಟರ್ ಬದಲಾಗಿ ನೀವು ಉಚಿತವಾಗಿ ಟಿಜಿಟಲ್ ಮೀಟರ್ ಪಡೆಯಬಹುದು.

ಬೆಸ್ಕಾಂ ವ್ಯಾಪ್ತಿಯ ಬೆಂಗಳೂರು ನಗರ ಪ್ರದೇಶದಲ್ಲಿ ಗ್ರಾಹಕರ ಮನೆಗಳಲ್ಲಿ ಇರುವಂತಹ ಹಳೆಯ ಮೀಟರ್‌ಗಳನ್ನು ಬದಲಾಯಿಸಿ, ಹೊಸ ಡಿಜಿಟಲ್ ಮೀಟರ್ ಅಳವಡಿಸಲು ಬೆಸ್ಕಾಂ ಮುಂದಾಗಿದೆ.

Koo App

ಗ್ರಾಹಕರೇ, ನಿಮ್ಮ ಮನೆಯ ಹಳೆಯ ಮೆಕ್ಯಾನಿಕಲ್ ಮೀಟರ್’ಗಳನ್ನು ಬೆಸ್ಕಾಂ ಉಚಿತವಾಗಿ ನೂತನ ಡಿಜಿಟಲ್ ಮೀಟರ್’ಗಳಿಗೆ ಬದಲಾಯಿಸುತ್ತಿದೆ. ವಿ.ಸೂ: ಮೀಟರ್ ಬದಲಾವಣೆಗೆ ಗ್ರಾಹಕರು ಯಾವುದೇ ರೀತಿಯ ಹಣವನ್ನು ಪಾವತಿಸುವ ಅವಶ್ಯಕತೆಯಿರುವುದಿಲ್ಲ. @mdbescom @V_Sunil_Kumar @bsbommai

View attached media content

– Namma BESCOM (@nammabescom) 19 July 2022

ನಿಮ್ಮ ಮನೆಯ ಹಳೆಯ ಮೆಕ್ಯಾನಿಕಲ್ ಮೀಟರ್​ಗಳನ್ನು ಬೆಸ್ಕಾಂ ಉಚಿತವಾಗಿ ನೂತನ ಡಿಜಿಟಲ್ ಮೀಟರ್​ಗಳಿಗೆ ಬದಲಾಯಿಸುತ್ತಿದೆ ಎಂದು ‘ನಮ್ಮ ಬೆಸ್ಕಾಂ’ ಕೂ ಮಾಡಿದೆ. ಅಂದಹಾಗೆ, ಈ ಮೀಟರ್ ಬದಲಾವಣೆಗೆ ಗ್ರಾಹಕರು ಯಾವುದೇ ರೀತಿಯ ಹಣವನ್ನು ಪಾವತಿಸುವ ಅವಶ್ಯಕತೆಯಿರುವುದಿಲ್ಲ ಎಂದೂ ಸಹ ಬೆಸ್ಕಾಂ ಸ್ಪಷ್ಟಪಡಿಸಿದೆ.