ಬೆಂಗಳೂರಿನಲ್ಲಿ ಅಕ್ರಮವಾಗಿ ನೆಲೆಸಿದ್ದ 195 ವಿದೇಶಿಗರನ್ನು ಬಂಧಿಸಿ ಗಡಿಪಾರು, ಆರೈಕೆ ಕೇಂದ್ರ ತೆರೆಯಲು ಸಿದ್ಧತೆ -ಪ್ರವೀಣ್ ಸೂದ್

ಬೆಂಗಳೂರು: ವಿದೇಶಗಳಿಂದ ಬಂದು ಅಕ್ರಮವಾಗಿ ಭಾರತದಲ್ಲಿ ನೆಲೆಸಿದ್ದ ಆರೋಪದ ಮೇಲೆ ಬೆಂಗಳೂರಿನ ವಿವಿಧ ಭಾಗಗಳಿಂದ ಮತ್ತು ಸಮೀಪದ ಪ್ರದೇಶಗಳಿಂದ 195 ವಿದೇಶಿ ಪ್ರಜೆಗಳನ್ನು (124 ಪುರುಷರು ಮತ್ತು 71 ಮಹಿಳೆಯರು) ಬಂಧಿಸಲಾಗಿದೆ. ಹಾಗೂ 2021 ರಿಂದ ಇಲ್ಲಿಯವರೆಗೆ ಬಂಧಿತರಾದವರನ್ನು ಆಯಾ ದೇಶಗಳಿಗೆ ಗಡಿಪಾರು ಮಾಡಲಾಗಿದೆ ಎಂಬ ಮಾಹಿತಿ ಸಿಕ್ಕಿದೆ.

ವಿದೇಶಿಯರ ಪ್ರಾದೇಶಿಕ ನೋಂದಣಿ ಕಚೇರಿಯ (ಎಫ್‌ಆರ್‌ಆರ್‌ಒ) ಅಂಕಿಅಂಶಗಳ ಪ್ರಕಾರ, ಈ ವರ್ಷ 59 ವಿದೇಶಿ ಪ್ರಜೆಗಳನ್ನು ಅವರ ದೇಶಗಳಿಗೆ ಕಳುಹಿಸಲಾಗಿದೆ. 2022 ರಲ್ಲಿ 77 ಮಂದಿಯನ್ನು ಗಡಿಪಾರು ಮಾಡಲಾಗಿತ್ತು. ಮತ್ತು 2021 ರಲ್ಲಿ 59 ಮಂದಿ.

ಅಕ್ರಮವಾಗಿ ನೆಲೆಸಿದ್ದ ವಿದೇಶಿಗರನ್ನು ಬಂಧಿಸಿದ ನಂತರ, ಆರೋಪಿಗಳನ್ನು ಎಫ್‌ಆರ್‌ಆರ್‌ಒ ಮುಂದೆ ಹಾಜರುಪಡಿಸಲಾಗುತ್ತದೆ ಮತ್ತು ಅವರನ್ನು ಬಂಧನ ಕೇಂದ್ರಕ್ಕೆ ಸ್ಥಳಾಂತರಿಸಲಾಗುತ್ತದೆ. ಬಳಿಕ ಅವರನ್ನು ಅವರ ದೇಶಕ್ಕೆ ಗಡಿಪಾರು ಮಾಡಲು 15 ಮತ್ತು 60 ದಿನಗಳ ತೆಗೆದುಕೊಳ್ಳುತ್ತದೆ. ಇನ್ನು ಈ ಬಗ್ಗೆ ಮಾತನಾಡಿದ ಡೈರೆಕ್ಟರ್ ಜನರಲ್ ಮತ್ತು ಪೊಲೀಸ್ ಮಹಾನಿರೀಕ್ಷಕ (ಡಿಜಿ-ಐಜಿಪಿ) ಪ್ರವೀಣ್ ಸೂದ್, “ನಾವು ನೆಲಮಂಗಲದಲ್ಲಿ ಪುರುಷರಿಗೆ ಮಾತ್ರ ಸ್ಥಳಾವಕಾಶ ಕಲ್ಪಿಸಲು ಒಂದು ಬಂಧನ ಕೇಂದ್ರವನ್ನು ಹೊಂದಿದ್ದೇವೆ. ನಾವು ಮಹಿಳೆಯರನ್ನು ರಿಮಾಂಡ್ ಹೋಮ್‌ಗಳಿಗೆ ಕಳುಹಿಸುತ್ತಿದ್ದೆವು. ಏಕೆಂದರೆ ರಿಮಾಂಡ್ ಹೋಮ್‌ಗಳಲ್ಲಿ ನಿರ್ವಹಿಸಲು ಯಾವುದೇ ವೃತ್ತಿಪರರು ಲಭ್ಯವಿಲ್ಲ. ಅವರು, ನಾವು ಕೆಲವು ಸಮಸ್ಯೆಗಳನ್ನು ಎದುರಿಸಿದ್ದೇವೆ. ಸೋಮವಾರ, ನಾವು ತುಮಕೂರಿನ ದಿಬ್ಬೂರಿನ ಬಳಿ ಮಹಿಳೆಯರಿಗಾಗಿ ಬಂಧನ ಕೇಂದ್ರವನ್ನು ತೆರೆದಿದ್ದೇವೆ. ಐವರು ಅಪರಾಧಿಗಳನ್ನು ಸ್ಥಳಾಂತರಿಸಲಾಗಿದೆ ಎಂದು ಮಾಹಿತಿ ನೀಡಿದರು.

ಇದನ್ನೂ ಓದಿ: ನೀವು ಮಾಡಿದ್ದೆಲ್ಲ ಸಹಿಸಿಕೊಂಡು ಬಿರಿಯಾನಿ ಹಾಕುವ ದೇಶ ಇದಲ್ಲ; ಎಸ್​ಡಿಪಿಐ ಮುಖಂಡಗೆ ಸಿಟಿ ರವಿ ತಿರುಗೇಟು

ಆಫ್ರಿಕನ್ ರಾಷ್ಟ್ರಗಳ ಐವರು ಮಹಿಳೆಯರು, ಅಕ್ರಮವಾಗಿ ನೆಲೆಸಿದಕ್ಕಾಗಿ ಅವರನ್ನು ಬಂಧಿಸಿ ಸರ್ಕಾರಿ ಆರೈಕೆ ಕೇಂದ್ರದಲ್ಲಿ ಇರಿಸಲಾಗಿತ್ತು. ಆದರೆ ಆಗಸ್ಟ್ 2021 ರಲ್ಲಿ ಬಂಧನದಿಂದ ಅವರು ತಪ್ಪಿಸಿಕೊಂಡಿದ್ದರು. ಅವರನ್ನು ಇನ್ನೂ ಪತ್ತೆಹಚ್ಚಲಾಗಿಲ್ಲ. ನೆಲಮಂಗಲ ಬಳಿಯ ಬಂಧನ ಕೇಂದ್ರವನ್ನು 2019 ರಲ್ಲಿ ತೆರೆಯಲಾಗಿದ್ದು, ಅದರಲ್ಲಿ ಸುಮಾರು 70 ಮಂದಿ ಇದ್ದಾರೆ. ಕೇಂದ್ರದ ಸಾಮರ್ಥ್ಯವನ್ನು 150ಕ್ಕೆ ಹೆಚ್ಚಿಸಲಾಗುವುದು ಎಂದು ಸೂದ್ ಹೇಳಿದರು.

ಪ್ರಮುಖ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ

Published On - 6:56 am, Wed, 29 March 23