ಬೆಂಗಳೂರಿನಲ್ಲಿ ದಿನೇದಿನೆ ಕೊರೊನಾ ಸೋಂಕು ಹೆಚ್ಚಳ ಹಿನ್ನೆಲೆ: ಮುಂದಿನ ವಾರದಿಂದಲೇ ಜಾರಿಯಾಗುತ್ತಾ ಮಾಸ್ಕ್​ ಫೈನ್​?

ಬೆಂಗಳೂರು: ನಗರದಲ್ಲಿ ದಿನೇದಿನೆ ಕೊರೊನಾ (Coron) ಸೋಂಕು ಹೆಚ್ಚಳ ಹಿನ್ನೆಲೆ ಮುಂದಿನ ವಾರದಿಂದಲೇ ಮಾಸ್ಕ್​ ಫೈನ್​ ಜಾರಿಯಾಗುವ ಸಾಧ್ಯತೆಯಿದೆ ಎನ್ನಲಾಗುತ್ತಿದೆ. ಮಾಸ್ಕ್​ ಧರಿಸದಿದ್ದರೆ ದಂಡ ವಿಧಿಸಲು ಸರ್ಕಾರ ಚಿಂತನೆ ನಡೆಸುತ್ತಿದ್ದು, ಬೆಂಗಳೂರು ನಗರ ವ್ಯಾಪ್ತಿಗಷ್ಟೇ ಮಾಸ್ಕ್ ಫೈನ್​​​​ ಜಾರಿ ಸಾಧ್ಯತೆಯಿದೆ. ಮಾಸ್ಕ್ ಕಡ್ಡಾಯ ಮಾಡಿದರೂ ಜನ ಮಾಸ್ಕ್ ಹಾಕದ ಹಿನ್ನೆಲೆ, ಮಾಸ್ಕ್​ ಫೈನ್​​ಗೆ ಕೊವಿಡ್ ತಾಂತ್ರಿಕ ಸಲಹಾ ಸಮಿತಿ ಸಲಹೆ ನೀಡಿದೆ. ಬೆಂಗಳೂರಿನಲ್ಲಿಯೇ ಕೊರೊನಾ ಸ್ಪೋಟವಾಗುತ್ತಿರುವ ಹಿನ್ನಲೆ ಕಳೆದ ಎರಡು ದಿನಗಳ ಹಿಂದೆಯಷ್ಟೇ ಬೆಂಗಳೂರು ನಗರ ಹಾಗೂ ಜಿಲ್ಲೆಗ ಪ್ರತ್ಯೇಕ ಮಾರ್ಗಸೂಚಿ ನೀಡಲಾಗಿದೆ. ಸದ್ಯ ಪ್ರತ್ಯೇಕ್ ಮಾರ್ಗಸೂಚಿಯಿಂದಲೂ ಕೊರೊನಾ ನಿಯಮ ಸರಿಯಾದ ಪಾಲನೆ ಇಲ್ಲ. ಜನರು ಮಾಸ್ಕ್ ಕಡ್ಡಾಯ ಮಾಡಿದರು ಮಾಸ್ಕ್ ಹಾಕುತ್ತಿಲ್ಲ. ಹೀಗಾಗಿ ಕೊವಿಡ್ ತಾಂತ್ರಿಕ ಸಲಹಾ ಸಮಿತಿ ಮಾಸ್ಕ್ ಪೈನ್​ಗೆ ಸಲಹೆ ನೀಡಿದೆ.

ಇದನ್ನೂ ಓದಿ: Udaipur Murder: ಉದಯ್​ಪುರ ಶಿರಚ್ಛೇದ ಪ್ರಕರಣ: ಕನ್ಹಯ್ಯಾ ಲಾಲ್ ದೇಹದಲ್ಲಿತ್ತು 26 ಗಾಯದ ಗುರುತುಗಳು

ಬೆಂಗಳೂರಿನಲ್ಲಿ ಕೇಸಗಳ ಸಂಖ್ಯೆ ಸಾವಿರದ ಗಡಿ ಸಮಿಪಿಸುತ್ತಿರುವ ಹಿನ್ನಲೆ ಮಾಸ್ಕ್ ಪೈನ್ ಹಾಕುವಂತೆ ಸಲಹೆ ನೀಡಿದೆ. ತಜ್ಞರ ಸಲಹೆ ಹಿನ್ನಲೆ ಆರೋಗ್ಯ ಇಲಾಖೆ ಸರ್ಕಾರಕ್ಕೆ ಮಾಸ್ಕ್ ಪೈನ್ ಸಲಹೆಯ ಬಗ್ಗೆ ವರದಿ ನೀಡಿದೆ. ಆರೋಗ್ಯ ಇಲಾಖೆ ವರದಿ ಬೆನ್ನಲೆ ಸರ್ಕಾರ ಉನ್ನತಮಟ್ಟದ ಸಭೆಗೂ ಚಿಂತನೆ ನಡೆಸಲಾಗುತ್ತಿದೆ. ಇನ್ನೇರಡು ದಿನಗಳಲ್ಲಿ ಕೊರೊನಾ ಏರಿಕೆಯ ಪ್ರಮಾಣ ಪರಿಗಣಿಸಿ ಮಾಸ್ಕ್ ಪೈನ್ ಬಗ್ಗೆ ಆದೇಶ ಹೊರಡಿಸಲು ಸರ್ಕಾರ ಮುಂದಾಗಿದೆ. ಸಿಲಿಕಾನ್ ಸಿಟಿ ಬೆಂಗಳೂರಿಗೆ ಮಾಸ್ಕ್ ಪೈನ್ ಜಾರಿಯ ಆತಂಕ ಜನರಿಗೆ ಎದುರಾಗಿದೆ. ನಾಲ್ಕನೇ ಅಲೆ ಆತಂಕದ ಜೊತೆ ಮಾಸ್ಕ್ ಪೈನ್ ಜಾರಿಯ ಶಾಕ್ ಜನರಿಗೆ ತಟ್ಟಲ್ಲಿದೆ.

ಬೆಂಗಳೂರಿನಲ್ಲಿ ಕಳೆದ 10 ದಿನಗಳಲ್ಲಿ ಕೊರೊನಾ ಸೋಂಕಿತರ (Covid-19) ಸಂಖ್ಯೆ ದುಪ್ಪಟ್ಟಾಗಿದೆ. ನಗರ ವ್ಯಾಪ್ತಿಯಲ್ಲಿ ಜೂನ್ 1ರಿಂದ 16ರವರೆಗೆ ಒಟ್ಟು 31 ಮಂದಿ ಸೋಂಕಿನಿಂದ ಆಸ್ಪತ್ರೆಗಳಿಗೆ ದಾಖಲಾಗಿದ್ದರು. ಜೂನ್ 17ರಿಂದ 27ರ ಅವಧಿಯಲ್ಲಿ ಆಸ್ಪತ್ರೆಗೆ ಸೇರಿರುವ ಸೋಂಕಿತರ ಸಂಖ್ಯೆ 72ಕ್ಕೆ ಹೆಚ್ಚಾಗಿದೆ. ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (Bruhat Bengaluru Mahanagara Palike – BBMP) ಬಿಡುಗಡೆ ಮಾಡಿರುವ ಬುಲೆಟಿನ್​ನಲ್ಲಿ ಈ ಮಾಹಿತಿ ನಮೂದಾಗಿದೆ.

ಹೊಸ ಮಾರ್ಗಸೂಚಿ ಬಿಡುಗಡೆ

ರಾಜ್ಯದಲ್ಲಿ ದಿನೇದಿನೆ ಕೊರೊನಾ ಪ್ರಕರಣ ಹೆಚ್ಚಳವಾಗುತ್ತಿರುವ ಹಿನ್ನೆಲೆ ಆರೋಗ್ಯ ಇಲಾಖೆ ಹೊಸ ಮಾರ್ಗಸೂಚಿ ಬಿಡುಗಡೆ ಮಾಡಿದೆ. ವಿವರಗಳಿಗೆ ಇಲ್ಲಿ ಕ್ಲಿಕ್ ಮಾಡಿ.

ಇದನ್ನೂ ಓದಿ: KSOU: ಹಾರ್ಡ್ ಕಾಪಿ ಬದಲು ಸಾಫ್ಟ್ ಕಾಪಿಗಳನ್ನು ನೀಡಲು ನಿರ್ಧಾರ, ನಿರಾಶೆಗೊಂಡ ವಿದ್ಯಾರ್ಥಿಗಳು

Published On - 11:25 am, Thu, 30 June 22