ಬೆಂಗಳೂರಿನಲ್ಲಿ ಗೌರಿ ಗಣೇಶ ಹಬ್ಬದ ಸಂಭ್ರಮ; ಕೆಆರ್ ಮಾರ್ಕೆಟ್ನಲ್ಲಿ ಖರೀದಿ ಭರಾಟೆ ಜೋರು
ಇಂದು ಹಬ್ಬವಿರುವ ಕಾರಣ ಮಾರುಕಟ್ಟೆಯಲ್ಲಿ ಕಣ್ಣು ಹಾಯಿಸಿದಷ್ಟೂ ದೂರಕ್ಕೂ ಜನಜಂಗುಳಿ ಕಂಡ ಬಂತು. ಕಾಲು ಇಡಲು ಸಾಧ್ಯವಾಗದಷ್ಟು ಜನಸಾಗರವೇ ತುಂಬಿ ಹಬ್ಬಕ್ಕೆ ಬೇಕಾದ ಅಗತ್ಯವಸ್ತುಗಳ ಖರೀದಿಯಲ್ಲಿ ಬ್ಯೂಸಿಯಾಗಿದ್ರು. ಒಂದು ಕಡೆ ಹೂ ಹಣ್ಣು ಖರೀದಿಯಲ್ಲಿ ಹೆಣ್ಣು ಮಕ್ಕಳು ಬ್ಯೂಸಿಯಾದರೆ ಮತ್ತೊಂದು ಕಡೆ ಗಣೇಶ ಮೂರ್ತಿಯನ್ನು ಆಯ್ಕೆ ಮಾಡಿಕೊಳ್ಳುವುದರಲ್ಲಿ ಗಂಡ್ ಹೈಕಳು ಬ್ಯೂಸಿಯಾಗಿದ್ದಾರೆ.
ಬೆಂಗಳೂರು, ಸೆ.18: ಇಂದು ನಾಡಿನೆಲ್ಲೆಡೆ ಗೌರಿ ಗಣೇಶ ಹಬ್ಬದ(Gowri Ganesha Festival) ಸಂಭ್ರಮ ಮನೆ ಮಾಡಿದೆ. ಹಬ್ಬ ಹಿನ್ನೆಲೆಯಲ್ಲಿ ಖರೀದಿ ಭರಾಟೆ ಕೂಡ ಜೋರಾಗಿದೆ. ಹೂವು, ಹಣ್ಣು, ಪೂಜಾ ಸಾಮಗ್ರಿ ಸೇರಿ ಅಗತ್ಯ ವಸ್ತುಗಳ ಖರೀದಿಗೆ ಬೆಳ್ಳಂಬೆಳಗ್ಗೆಯೇ ಬೆಂಗಳೂರಿನ ಕೆ.ಆರ್.ಮಾರ್ಕೆಟ್ನಲ್ಲಿ(KR Market) ಜನ ಸೇರಿದ್ದಾರೆ. ಭಾದ್ರಪದ ಚೌತಿಯಂದು ಬರುವ ಗೌರಿ ಗಣೇಶ ಹಬ್ಬದ ಆಚರಣೆಗೆ ಇಡೀ ದೇಶವೇ ಸಜ್ಜಾಗಿದ್ದು, ಗೌರಿ ಗಣೇಶ ಹಬ್ಬಕ್ಕೆ ಭರ್ಜರಿಯಾಗಿ ಖರೀದಿ ನಡೆಯುತ್ತಿದೆ. ಕಳೆದ ಎರಡ್ಮೂರು ವರ್ಷದಿಂದ ಕಳೆಗುಂದಿದ ಚೌತಿ ಹಬ್ಬ. ಈ ಬಾರಿ ಅದ್ದೂರಿಯಾಗಿ ಆಚರಿಸಲು ಸಿಲಿಕಾನ್ ಸಿಟಿ ಮಂದಿ ತಯಾರಿ ನಡೆಸಿದ್ದಾರೆ.
ಮಾರುಕಟ್ಟೆಯಲ್ಲಿ ಗರಿಗೇದರಿದ ಹಬ್ಬದ ವಾತಾವರಣ
ಇಂದು ಹಬ್ಬವಿರುವ ಕಾರಣ ಮಾರುಕಟ್ಟೆಯಲ್ಲಿ ಕಣ್ಣು ಹಾಯಿಸಿದಷ್ಟೂ ದೂರಕ್ಕೂ ಜನಜಂಗುಳಿ ಕಂಡ ಬಂತು. ಕಾಲು ಇಡಲು ಸಾಧ್ಯವಾಗದಷ್ಟು ಜನಸಾಗರವೇ ತುಂಬಿ ಹಬ್ಬಕ್ಕೆ ಬೇಕಾದ ಅಗತ್ಯವಸ್ತುಗಳ ಖರೀದಿಯಲ್ಲಿ ಬ್ಯೂಸಿಯಾಗಿದ್ರು. ಒಂದು ಕಡೆ ಹೂ ಹಣ್ಣು ಖರೀದಿಯಲ್ಲಿ ಹೆಣ್ಣು ಮಕ್ಕಳು ಬ್ಯೂಸಿಯಾದರೆ ಮತ್ತೊಂದು ಕಡೆ ಗಣೇಶ ಮೂರ್ತಿಯನ್ನು ಆಯ್ಕೆ ಮಾಡಿಕೊಳ್ಳುವುದರಲ್ಲಿ ಗಂಡ್ ಹೈಕಳು ಬ್ಯೂಸಿಯಾಗಿದ್ದಾರೆ. ಇನ್ನೂ ವರಮಹಾಲಕ್ಷ್ಮೀ ಹಬ್ಬಕ್ಕೆ ಹೋಲಿಸಿದರೆ ಹೂ-ಹಣ್ಣು ಬೆಲೆ ಕೊಂಚ ಕಡಿಮೆ ಇದ್ದ ಕಾರಣ ಜನರು ಸ್ವಲ್ಪ ನಿಟ್ಟುಸಿರು ಬಿಡುತ್ತಾ ಹಬ್ಬಕ್ಕೆ ಬೇಕಾದ ಎಲ್ಲಾ ವಸ್ತುಗಳನ್ನು ಖರೀದಿಸುತ್ತಿದ್ದಾರೆ.
ಹೂವಿನ ಬೆಲೆ ಎಷ್ಟಿದೆ?
- ಮಲ್ಲಿಗೆ ಕೆಜಿಗೆ 1000 ರಿಂದ 1200 ರೂ.
- ಸೇವಂತಿಗೆ 250 ರಿಂದ 350 ರೂ.
- ಗುಲಾಬಿ 150 ರಿಂದ 200 ರೂ
- ಕನಕಾಂಬರ 1000 ದಿಂದ 1200 ರೂ.
- ಮಳ್ಳೆ ಹೂವು 650 ರಿಂದ 800 ರೂ.
ಇದನ್ನೂ ಓದಿ: ಹೂವಿನಿಂದಲ್ಲ, ಹಣದಿಂದ ಗಣೇಶನಿಗೆ ವಿಶೇಷ ಅಲಂಕಾರ: ಬರೋಬ್ಬರಿ 2 ಕೋಟಿಗೂ ಹೆಚ್ಚು ನೋಟು, ನಾಣ್ಯಗಳಿಂದ ಸಿಂಗಾರ
ಎಷ್ಟಿದೆ ಹಣ್ಣುಗಳ ಬೆಲೆ?
- ಏಲಕ್ಕಿ ಬಾಳೆ -120 ರಿಂದ 140 ರೂ.
- ಅನಾನಸ್ -30 ರಿಂದ 70 ರೂ.
- ದಾಳಿಂಬೆ -50 ರಿಂದ 100 ರೂ.
- ಸೇಬು -180 ರಿಂದ 250 ರೂ.
- ಸೀಬೆ -60 ರಿಂದ 80 ರೂ.
ತರಕಾರಿ ಬೆಲೆ
- ಹಾಗಲಕಾಯಿ – 60ರೂ.
- ಬಿಟ್ರೋಟ್ – 40ರೂ.
- ಬೀನ್ಸ್ – 80ರೂ.
- ಬದನೆಕಾಯಿ – 60ರೂ.
- ಎಲೆಕೋಸು – 80ರೂ.
- ಮೂಲಂಗಿ – 60ರೂ.
- ಹಸಿರುಮೆಣಸಿನ ಕಾಯಿ – 60ರೂ.
- ಬೆಂಡೆ ಕಾಯಿ – 40ರೂ.
- ನುಗ್ಗೆಕಾಯಿ – 60ರೂ.
- ಟೋಮಾಟೋ – 15ರೂ.
- ಈರುಳ್ಳಿ – 30ರೂ.
- ಬೆಳ್ಳುಳ್ಳಿ – 80ರೂ.
ಇನ್ನು, ಈ ಬಾರಿ ತರಕಾರಿ ಬೆಲೆ ಎಲ್ಲವೂ ಕಡಿಮೆಯಾಗಿದೆ. ವ್ಯಾಪಾರವು ಚೆನ್ನಾಗಿ ನಡೆತ ಇದೆ. ವರ ಮಹಾಲಕ್ಷ್ಮಿ ಹಬ್ಬದ ಸಂದರ್ಭದಲ್ಲಿ ತರಕಾರಿ ಬೆಲೆ ಜಾಸ್ತಿಯಾಗಿತ್ತು.ಈ ಬಾರಿ ಹೂ ಹಾಗೂ ಹಣ್ಣಿನ ದರ ಸ್ವಲ್ಪ ಜಾಸ್ತಿಯಾಗಿದೆ. ಆದ್ರೂ ಗ್ರಾಹಕರು ಖರೀದಿ ಮಾಡ್ತಿದ್ದಾರೆ ಅಂತ ವ್ಯಾಪಾರಿಗಳು ಸಂತಸ ಹಂಚಿಕೊಂಡಿದ್ದಾರೆ.
ಬೆಂಗಳೂರಿಗೆ ಸಂಬಂಧಿಸಿದ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ
