ಕರ್ನಾಟಕದಲ್ಲಿ 203 ಮಾದರಿಗಳಲ್ಲಿ ಒಮಿಕ್ರಾನ್ ರೂಪಾಂತರದ XBB ಪತ್ತೆ, ರಾಜ್ಯದಲ್ಲಿ ಇಂದಿನ ಕೋವಿಡ್ ಸ್ಥಿತಿಗತಿ ಹೀಗಿದೆ

ಬೆಂಗಳೂರು: ಕರ್ನಾಟಕ ಆರೋಗ್ಯ ಇಲಾಖೆಯು ಡಿಸೆಂಬರ್​ ತಿಂಗಳಲ್ಲಿ ಕಳುಹಿಸಿದ್ದ 232 ಆರ್​ಟಿ-ಪಿಸಿಆರ್ ಮಾದರಿಗಳ ಜೀನೋಮ್ ಸೀಕ್ವೆನ್ಸಿಂಗ್ ವರದಿ ಇಲಾಖೆಯ ಕೈ ಸೇರಿದೆ. ಈ ವರದಿಯಲ್ಲಿ 232 ಮಾದರಿಗಳ ಪೈಕಿ 203 ಮಾದರಿಗಳಲ್ಲಿ ಕೋವಿಡ್​​ನ ಒಮಿಕ್ರಾನ್ ರೂಪಾಂತರದ ಹೊಸ ಎಕ್ಸ್​​ಬಿಬಿ (Omicron variant XBB) ಉಪವರ್ಗ ಪತ್ತೆಯಾಗಿದೆ. INSACOG (Indian SARS-CoV-2 Consortium on Genomics) ಇದನ್ನು ದೃಢಪಡಿಸಿದೆ. 26 ಮಾದರಿಗಳಲ್ಲಿ ಒಮಿಕ್ರಾನ್ ರೂಪಾಂತರ ಬಿಎ 2ನ ಉಪ-ಶ್ರೇಣಿಗಳನ್ನು ದೃಢಪಡಿಸಲಾಗಿದೆ ಎಂದು ವರದಿಗಳು ಬಹಿರಂಗಪಡಿಸಿವೆ. 2 ಮಾದರಿಗಳಲ್ಲಿ ಬಿಎ5 ದೃಢಪಟ್ಟಿದ್ದು, ಒಂದು ಮಾದರಿಯಲ್ಲಿ BA1.1.529 ಕಂಡುಬಂದಿದೆ.

BF.7 ವೈರಸ್ ಭೀತಿ ನಡುವೆಯೂ ಗುಜರಾತ್ ಬಳಿಕ ಕರ್ನಾಟಕದಲ್ಲೂ ಮೊದಲ ಒಮಿಕ್ರಾನ್ ಉಪತಳಿ XBB.1.5 ವೈರಸ್ ಜನವರಿ 4ರಂದು​ ಪತ್ತೆಯಾಗಿತ್ತು. ಚೀನಾ ಅಮೇರಿಕಾದಲ್ಲಿ ಆರ್ಭಟಿಸುತ್ತಿರುವ ಹೊಸ ರೂಪಾಂತರಿ ಕೊವಿಡ್ XBB 1.5 ದೇಶದಲ್ಲಿ ಮೊದಲ ಬಾರಿಗೆ ಗುಜರಾತ್​ನಲ್ಲಿ ಕಾಣಿಸಿಕೊಂಡಿತ್ತು. ಇದಾದ ಬಳಿಕ ಕರ್ನಾಟಕದಲ್ಲೂ ಪತ್ತೆಯಾಗಿದೆ. ಒಮಿಕ್ರಾನ್ ರೂಪಾಂತರಿ BF.7ಕ್ಕಿಂತ XBB.1.5 ರೂಪಾಂತರಿ ವೈರಸ್ ಅತಿವೇಗವಾಗಿ ಜನರಿಗೆ ಹರಡುವ ವೈರಸ್ ಆಗಿದೆ.

ಇದನ್ನೂ ಓದಿ: Omicron subvariant XBB.1.5: ವಿಶ್ವದಲ್ಲಿ ಹೆಚ್ಚುತ್ತಿದೆ XBB.1.5, WHO ಕಳವಳ; ಭಾರತದಲ್ಲಿ 0.01% ಕೋವಿಡ್ ಪಾಸಿಟಿವಿಟಿ

ಕರ್ನಾಕಟದಲ್ಲಿ ಇಂದು ಪತ್ತೆಯಾದ ಕೋವಿಡ್ ಪ್ರಕರಣಗಳು

ರಾಜ್ಯದಲ್ಲಿ ಇಂದು ಒಟ್ಟು 23 ಜನರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಈ ಪೈಕಿ 9 ಕೋವಿಡ್ ಪ್ರಕರಣಗಳು ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲೇ ಪತ್ತೆಯಾಗಿದೆ. ಶಿವಮೊಗ್ಗ ಜಿಲ್ಲೆ 5 ಪ್ರಕರಣಗಳು ಪತ್ತೆಯಾದರೆ, ಗದಗ, ಹಾವೇರಿ, ಕೊಪ್ಪಳದಲ್ಲಿ ತಲಾ 2 ಪ್ರಕರಣಗಳು, ಬೆಳಗಾವಿ, ಕೊಡಗು, ಕೋಲಾರ ಜಿಲ್ಲೆಯಲ್ಲಿ ತಲಾ 1 ಪ್ರಕರಣಗಳು ಪತ್ತೆಯಾಗಿವೆ. ಸದ್ಯ ರಾಜ್ಯದಲ್ಲಿ 146 ಸಕ್ರಿಯ ಕೋವಿಡ್ ಪ್ರಕರಣಗಳಿವೆ. ನಿನ್ನೆ ರಾಜ್ಯದಲ್ಲಿ 34 ಮಂದಿಗೆ ಕೊರೋನಾ ಸೋಂಕು ದೃಢಪಟ್ಟಿತ್ತು.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 8:57 pm, Sat, 14 January 23