Singapura Kere: ಸಿಂಗಾಪುರ ಕೆರೆ ಹೆಸರು ಬದಲಾವಣೆ ವಿರೋಧಿಸಿ ಮನವಿ ಬಂದಿಲ್ಲ ಎಂದ ಬೆಂಗಳೂರು ಜಿಲ್ಲಾಧಿಕಾರಿ!

ಬೆಂಗಳೂರು: ಸಿಂಗಾಪುರ ಕೆರೆ (Singapura Kere) ಹೆಸರು ಬದಲಾವಣೆ (Rechristening) ಬೇಡವೆಂದು ಸ್ಥಳೀಯರು ಸುಮಾತರು ದಿನಗಳಿಂದ ಆಕ್ರೋಶ ವ್ಯಕ್ತಪಡಿಸುತ್ತಾ ಬಂದಿದ್ದಾರೆ. ಈಗಾಗ್ಲೇ ಕೆರೆಯಲ್ಲಿ ಪಾರ್ಕ್ ನಿರ್ಮಾಣವಾಗಿದೆ. ಈಗ ಮತ್ತೊಮ್ಮೆ ಪಾರ್ಕ್ ಗೆ ಹೆಸರಿಡುವ ಅಗತ್ಯ ಇಲ್ಲ. ಭಾನುವಾರ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ (Basavaraj Bommai) ಅವರು ಮರು ನಾಮಕರಣ ಕಾರ್ಯಕ್ರಮ ಉದ್ಘಾಟನೆ ಮಾಡಲಿದ್ದಾರೆ. ದಿನಾಂಕ ನಿಗದಿಯಾದ ಕೂಡಲೇ ಸರ್ಕಾರಕ್ಕೆ ಪತ್ರ ಬರೆದಿದ್ದೇವೆ. ಕಾನೂನುಬಾಹಿರವಾಗಿ ಹೆಸರು ಬದಲಾವಣೆ ಕಾರ್ಯ ಬೇಡ ಎಂದಿದ್ದೇವೆ. ಈ ಕುರಿತು ಮರುಪರಿಶೀಲನೆ ನಡೆಸುವಂತೆ ಸಿಎಂ ಬೊಮ್ಮಾಯಿ ಕಚೇರಿಗೂ ಪತ್ರ ಬರೆಯಲಾಗಿದೆ. ಈಗ ಸ್ಥಳೀಯರ ಮಾತಿಗೆ ಮನ್ನಣೆ ಕೊಡದೆ ಹೆಸರು ಬದಲಾವಣೆಗೆ (Renaming) ಮುಂದಾಗಿದ್ದಾರೆ. ಹೆಸರು ಬದಲಾದ್ರೆ ಕಾನೂನಾತ್ಮಕವಾಗಿ ಹೋರಾಟ ಮಾಡ್ತೀವಿ ಎಂದು ಸಿಂಗಾಪುರ ನಿವಾಸಿಗಳು ಎಚ್ಚರಿಕೆಯ ದನಿಯಲ್ಲಿ ಸರ್ಕಾರದ ಗಮನ ಸೆಳೆದಿದ್ದಾರೆ.

ಸಿಂಗಾಪುರ (Singapura) ಕೆರೆಗೆ ಅಂಬೇಡ್ಕರ್ ಕೆರೆ (Ambedkar Kere) ಎಂದು ಮರುನಾಮಕರಣ ಮುನ್ನೆಲೆ ನ. 6ರಂದು ಸಿಎಂ ಬೊಮ್ಮಾಯಿಯಿಂದ ಕಾರ್ಯಕ್ರಮ ಉದ್ಘಾಟನೆ ಇರುವುದರಿಂದ ಸಿಂಗಾಪುರ ಕೆರೆ ಬಳಿ ಕಾರ್ಯಕ್ರಮಕ್ಕೆ ಭರದಿಂದ ಸಿದ್ದತೆ ಸಾಗುತ್ತಿದೆ. ಸಿದ್ದತೆಗಳ ಪರಿಶೀಲನೆಗೆ ಸ್ವತಃ ಬೆಂಗಳೂರು ನಗರ ಜಿಲ್ಲಾಧಿಕಾರಿ ಶ್ರೀನಿವಾಸ್ ಆಗಮಿಸಿದ್ದಾರೆ.

ಬಾಬಾ ಸಾಹೇಬ್ ಅಂಬೇಡ್ಕರ್ ಹೆಸರಿಡಲು ತೀರ್ಮಾನ:

ಇದೇ ವೇಳೆ, ಕೆರೆ ಹೆಸರು ಬದಲಾವಣೆ ಕುರಿತಾದ ವಿರೋಧದ ಮನವಿ ಬಂದಿಲ್ಲ. ಈ ಕುರಿತು ಜಿಲ್ಲಾಡಳಿತಕ್ಕೆ ಯಾವುದೇ ದೂರು ಬಂದಿಲ್ಲ. ಬಾಬಾ ಸಾಹೇಬ್ ಅಂಬೇಡ್ಕರ್ ಹೆಸರಿಡಲು ತೀರ್ಮಾನ ಆಗಿದೆ. ಭಾನುವಾರ ಸಿಎಂ ಬೊಮ್ಮಾಯಿ ಉದ್ಘಾಟನೆ ನೆರವೇರಿಸಲಿದ್ದಾರೆ. ಇದು ಕಂದಾಯ ಇಲಾಖೆಯ ಸ್ವತ್ತಾದ್ರೂ ಬಿಬಿಎಂಪಿ ನಿರ್ವಹಣೆ ಮಾಡ್ತಿದೆ. ಈ ಕೆರೆಗೆ ಹೆಸರಿಡುವ ಅಧಿಕಾರ ಬಿಬಿಎಂಪಿಗೆ ಇದೆ. ದೂರು ಬಂದ ಸಂದರ್ಭದಲ್ಲಿ ಪರಿಶೀಲನೆ ನಡೆಸಲಾಗುತ್ತೆ ಎಂದು ಟಿವಿ 9 ಗೆ ಬೆಂಗಳೂರು ನಗರ ಜಿಲ್ಲಾಧಿಕಾರಿ ಶ್ರೀನಿವಾಸ್ ಹೇಳಿದ್ದಾರೆ.

16 ನೇ ಶತಮಾನದಿಂದಲೂ ಸಿಂಗಾಪುರ ಜನವಸತಿ ಪ್ರದೇಶ:

ಇನ್ನು, ಬೆಂಗಳೂರು ಉತ್ತರ ಭಾಗದಲ್ಲಿರುವ ಸಿಂಗಾಪುರದ ಇತಿಹಾಸವನ್ನು ಕೆದಕಿದಾಗ… 1524 ರಲ್ಲಿ ಇತಿಹಾಸಕಾರರು ಇದನ್ನು ಕೋಟೆಯ ಪಟ್ಟಣ ಎಂದು ಕಂಡುಹಿಡಿದರು. ನೂರಾರು ವರ್ಷಗಳ ಸುದೀರ್ಘ ಅಸ್ತಿತ್ವ ಹೊಂದಿರುವ ಐತಿಹಾಸಿಕ ಸಿಂಗಾಪುರ ಪ್ರದೇಶವು 16 ನೇ ಶತಮಾನದ ಆರಂಭದಿಂದಲೂ ಜನವಸತಿ ಪ್ರದೇಶವಾಗಿದೆ. ಸಿಂಗಾಪುರ ವರದರಾಜಸ್ವಾಮಿ ದೇವಸ್ಥಾನ ಇಲ್ಲಿದೆ.

Published On - 1:37 pm, Fri, 4 November 22