ಆಯುಧಪೂಜೆಗೆ ಕಾಸಿಲ್ಲ! ಬಿಎಂಟಿಸಿ ಬಸ್ ಪೂಜೆಗೆ ಕೊಟ್ಟಿದ್ದು ಚಿಲ್ರೆ, ಚಿಲ್ಲರೆ!!
ಬೆಂಗಳೂರು: ರಾಜ್ಯ ಸರ್ಕಾರ ಬರ್ಬಾದ್ ಆಗಿರೋದು ನಿಜಾನಾ..? ಆಯುಧಪೂಜೆ ಮಾಡೋಕೂ ಸರ್ಕಾರದ ಬಳಿ ದುಡ್ಡಿಲ್ವಾ? ಬಿಎಂಟಿಸಿ ಬಸ್ ಪೂಜೆಗೆ ಚಿಲ್ಲರೆ ಕಾಸು ನೀಡಿದೆ. ಹೀಗಾಗಿ ಆಯುಧ ಪೂಜೆಗೂ ಆರ್ಥಿಕ ಹೊಡೆತ ಬಿತ್ತಾ? ಎಂಬ ಅನುಮಾನ ಇದೀಗ ಬಿಎಂಟಿಸಿ ಸಿಬ್ಬಂದಿಗೆ ಕಾಡುತ್ತಿದೆ. ಬಿಎಂಟಿಸಿ ಸಂಸ್ಥೆಯ ಚಾಲಕ ಹಾಗು ನಿರ್ವಾಹಕರಿಗೆ ಆಯುಧ ಪೂಜೆ ಮಾಡಿ ಎಂದು ಬಿಡಿಗಾಸು ನೀಡಿದೆ. ಇಲಾಖೆಯ ಕಾರು, ಜೀಪುಗಳಿಗೆ 40 ರೂಪಾಯಿ, ಕರೋನಾ ಹಾಗೂ ವೋಲ್ವೋ ಬಸ್ಗೆ ಕೇವಲ 100 ರೂಪಾಯಿ ಬಿಡುಗಡೆ ಮಾಡಿದೆ. ಅಲ್ಲದೆ […]
Updated on:Oct 05, 2019 | 2:41 PM
ಬೆಂಗಳೂರು: ರಾಜ್ಯ ಸರ್ಕಾರ ಬರ್ಬಾದ್ ಆಗಿರೋದು ನಿಜಾನಾ..? ಆಯುಧಪೂಜೆ ಮಾಡೋಕೂ ಸರ್ಕಾರದ ಬಳಿ ದುಡ್ಡಿಲ್ವಾ? ಬಿಎಂಟಿಸಿ ಬಸ್ ಪೂಜೆಗೆ ಚಿಲ್ಲರೆ ಕಾಸು ನೀಡಿದೆ. ಹೀಗಾಗಿ ಆಯುಧ ಪೂಜೆಗೂ ಆರ್ಥಿಕ ಹೊಡೆತ ಬಿತ್ತಾ? ಎಂಬ ಅನುಮಾನ ಇದೀಗ ಬಿಎಂಟಿಸಿ ಸಿಬ್ಬಂದಿಗೆ ಕಾಡುತ್ತಿದೆ.
ಬಿಎಂಟಿಸಿ ಸಂಸ್ಥೆಯ ಚಾಲಕ ಹಾಗು ನಿರ್ವಾಹಕರಿಗೆ ಆಯುಧ ಪೂಜೆ ಮಾಡಿ ಎಂದು ಬಿಡಿಗಾಸು ನೀಡಿದೆ. ಇಲಾಖೆಯ ಕಾರು, ಜೀಪುಗಳಿಗೆ 40 ರೂಪಾಯಿ, ಕರೋನಾ ಹಾಗೂ ವೋಲ್ವೋ ಬಸ್ಗೆ ಕೇವಲ 100 ರೂಪಾಯಿ ಬಿಡುಗಡೆ ಮಾಡಿದೆ. ಅಲ್ಲದೆ ಈ ಹಣದಲ್ಲೇ ಕಚೇರಿ ಆವರಣ ಕ್ಲೀನ್ ಮಾಡಿ, ಶ್ರದ್ಧೆ ಭಕ್ತಿಯಿಂದ ಆಯುಧ ಪೂಜೆ ಮಾಡಿ ಅಂತ ತನ್ನ ಸಿಬ್ಬಂದಿಗೆ ಹೇಳಿದೆ.
ಇಂದಿನ ದಿನದಲ್ಲಿ ಬೂದುಗುಂಬಳಕಾಯಿಗೇ 40 ರೂಪಾಯಿಗಿಂತ ಹೆಚ್ಚು ನೀಡಬೇಕಾಗಿದೆ. ಆದ್ರೆ, ಬಿಎಂಟಿಟಿಸಿ ಬಿಡುಗಡೆ ಮಾಡಿರುವ ಪುಡಿಗಾಸಿನಲ್ಲಿ ಹೇಗೆ ಆಯುಧ ಪೂಜೆ ಮಾಡೋಕಾಗುತ್ತೆ? ವರ್ಷಕ್ಕೊಮ್ಮೆ ಮಾಡುವ ಆಯುಧ ಪೂಜೆಗೆ ಇಷ್ಟು ಕಡಿಮೆ ಹಣ ನೀಡಿದ್ರೆ ಹೇಗೆ? ನೀವು ಕೊಟ್ಟ ಹಣದಲ್ಲಿ ಆರು ನಿಂಬೆಹಣ್ಣು ಕೂಡಾ ಬರೋದಿಲ್ಲ. ಕೊಡೋದಾದ್ರೆ ಹೆಚ್ಚಿನ ಹಣ ನೀಡಿ ಇಲ್ಲದಿದ್ರೆ ನಿಮ್ಮ ಹಣ ಬೇಡ ಎಂದು ಚಾಲಕ ಹಾಗು ನಿರ್ವಾಹಕರು ಬಿಎಂಟಿಸಿ ಸಂಸ್ಥೆ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
Published On - 2:19 pm, Sat, 5 October 19
