ಹೊಸೂರು ಗ್ರಾಮದಲ್ಲಿ ಅಚ್ಚರಿಯ ಘಟನೆ: ಕಹಿ ಬೇವಿನ ಮರದಲ್ಲಿ ಸಿಹಿ ದ್ರಾವಣ

ಚಾಮರಾಜನಗರ, ಫೆ.3: ಬೇವಿನ ಮರ ಕಹಿಯಾಗಿರುವುದನ್ನು ಕೇಳಿರಬಹುದು, ಆದರೆ ಯಾವತ್ತಾದರೂ ಸಿಹಿಯಾಗಿರುವುದನ್ನು ಕೇಳಿದ್ದೀರಾ? ಆದರೆ ಈ ಗ್ರಾಮದಲ್ಲಿ ಒಂದು ಅಚ್ಚರಿಯೇ ನಡೆದಿದೆ. ಇದೀಗ ಈ ಘಟನೆಗೆ ಇಡೀ ಗ್ರಾಮವೇ ದಿಗ್ಭ್ರಮೆಗೊಂಡಿದೆ. ಚಾಮರಾಜನಗರ ಜಿಲ್ಲೆಯ ಹನೂರು ತಾಲೂಕಿನ ಕುರಟ್ಟಿ ಹೊಸೂರು ಗ್ರಾಮದಲ್ಲಿ ಬೇವಿನ ಮರವೊಂದು ಸಿಹಿ ದ್ರಾವಣವನ್ನು ಹರಿಸುವ ಮೂಲಕ ಭಾರಿ ಅಚ್ಚರಿ ಮೂಡಿಸಿದೆ. ಹನೂರು ತಾಲೂಕಿನ ಕುರಟ್ಟಿ ಹೊಸೂರು ಗ್ರಾಮದ ಮುನಿ ಸಿದ್ದ ಎಂಬುವವರ ಜಮೀನಿನಲ್ಲಿ ಈ ಬೇವಿನ ಮರವಿದೆ. ಸಾಮಾನ್ಯವಾಗಿ ಕಹಿಯಾಗಿರುವ ಬೇವಿನ ಮರದ ರೆಂಬೆ (Sweet Neem Tree )ಕೊಂಬೆಗಳಿಂದ ಬಿಳಿ ಬಣ್ಣದ ದ್ರಾವಣ ಬರುತ್ತಿದೆ. ಈ ದ್ರಾವಣವು ಬೆಲ್ಲದ ಪಾಕ ಅಥವಾ ಸಕ್ಕರೆಯಂತೆ ಸಿಹಿಯಾಗಿದೆ ಎಂದು ಅದನ್ನು ಸೇವಿಸಿದ ಗ್ರಾಮಸ್ಥರು ತಿಳಿಸಿದ್ದಾರೆ. ಮರದಿಂದ ಜಿನಗುತ್ತಿರುವ ಈ ಸಿಹಿ ದ್ರವವನ್ನು ಕಂಡ ಗ್ರಾಮಸ್ಥರು ಇದೊಂದು ಪವಾಡ ಎಂದು ನಂಬಿದ್ದಾರೆ.

ಇನ್ನು ಮರದ ಬುಡದ ಬಳಿ ಬಂದು ಸೇರುತ್ತಿರುವ ಈ ದ್ರಾವಣವನ್ನು ನೋಡಲು ಮತ್ತು ರುಚಿ ನೋಡಲು ಜನರು ಕುತೂಹಲದಿಂದ ಆಗಮಿಸುತ್ತಿದ್ದಾರೆ. ಬೇವಿನ ಮರದಿಂದ ಬಿಳಿ ದ್ರವ ಬರುವುದು ಸಾಮಾನ್ಯವಾದರೂ, ಅದು ಸಿಹಿಯಾಗಿರುವುದು ಇದೊಂದು ವಿಚಿತ್ರ ಘಟನೆಯಾಗಿದೆ. ಈ ದ್ರಾವಣವು ಯಾವ ರಾಸಾಯನಿಕ ಬದಲಾವಣೆಯಿಂದ ಸಿಹಿಯಾಗಿದೆ ಎಂಬುದು ಇನ್ನೂ ನಿಗೂಢವಾಗಿದೆ. ಸಸ್ಯ ಶಾಸ್ತ್ರಜ್ಞರು ಅಥವಾ ರಸಾಯನಶಾಸ್ತ್ರಜ್ಞರು ಈ ದ್ರಾವಣವನ್ನು ಲ್ಯಾಬ್‌ನಲ್ಲಿ ಪರೀಕ್ಷೆ ನಡೆಸಿದ ನಂತರವಷ್ಟೇ ಇದರ ಹಿಂದಿನ ಅಸಲಿ ಕಾರಣ ತಿಳಿದುಬರಬೇಕಿದೆ.

ಇದನ್ನೂ ಓದಿ: ಹಿಂದಿ ಮಾತನಾಡುವವರು ನಿಜವಾದ ಇಂಡಿಯನ್ಸ್​​​​, ದಕ್ಷಿಣ ಭಾರತೀಯರು ಜೋಕರ್​​: ಭಾಷಾ ಸಂಘರ್ಷಕ್ಕೆ ಮತ್ತೊಂದು ಕಿಡಿ

ಇನ್ನು ಸಾಮಾನ್ಯವಾಗಿ ಬೇವಿನ ಮರ ಕಹಿಯಿಂದ ಕೂಡಿರುತ್ತೆ ಬೇವಿನ ಎಲೆ ಬೇವಿನ ಕಾಯಿ ಕಹಿಯಾಗಿರುತ್ತೆ ಆದ್ರೆ ಈ ಬೇವಿನ ಮರದಲ್ಲಿ ಮಾತ್ರ ಹೇಗೆ ಸಿಹಿ ದ್ರಾವಣ ಬರುತ್ತಿದೆ ಎಂಬುದೆ ಯಕ್ಷ ಪ್ರಶ್ನೆಯಾಗಿದೆ. ದೇಶದ ಹಲವೆಡೆ ಬೇವಿನ ಮರದಿಂದ ನೀರು ಬರುವುದು ಬಿಳಿ ದ್ರವ ಬರುವುದು ಕಂಡಿದ್ದೇವೆ, ಕೇಳಿದ್ದೇವೆ ಆದ್ರೆ ಈ ರೀತಿ ಸಿಹಿಯಾಗಿರುವುದು ಇದೆ ಮೊದಲಾಗಿದೆ. ಯಾವ ಕೆಮಿಕಲ್ ರಿಯಾಕ್ಷನ್ ನಿಂದ ಈ ರೀತಿ ಸಿಹಿ ದ್ರವ್ಯ ಸೃಷ್ಠಿಯಾಗ್ತಾಯಿದೆ ಅನ್ನೋದೆ ನಿಜಕ್ಕೂ ಅಚ್ಚರಿಗಾಗಿದೆ ಎಂದು ಒಂದು ಯಕ್ಷ ಪ್ರಶ್ನೆಯಾಗಿ ಉಳಿದಿದೆ ಎಂದು ಜಮೀನಿನ ಮಾಲೀಕ ಮುನಿ ಸಿದ್ದ ಹೇಳಿದ್ದಾರೆ.

ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ