ಸೌಜನ್ಯ ಕೇಸ್​​ ಮರುತನಿಖೆ: ಎಸ್​ಐಟಿ ಮುಖ್ಯಸ್ಥರ ಬದಲಾವಣೆ; ಶಶಿಕುಮಾರ್​​ ಜಾಗಕ್ಕೆ ಚೇತನ್ ಸಿಂಗ್ ರಾಥೋಡ್​​ ನೇಮಕ

ಮಂಗಳೂರು, ಅಕ್ಟೋಬರ್​​ 30: ಪಾಂಗಳದ ಸೌಜನ್ಯ ಅತ್ಯಾಚಾರ ಮತ್ತು ಕೊಲೆ ಪ್ರಕರಣ ಮರುತನಿಖೆ ಸಂಬಂಧ ಮಹತ್ವದ ಬೆಳವಣಿಗೆ ನಡೆದಿದ್ದು ಹಾಲಿ ಎಸ್​ಐಟಿ ಮುಖ್ಯಸ್ಥರಾಗಿದ್ದ ಐಜಿಪಿ ಎನ್. ಶಶಿಕುಮಾರ್ ಅವರನ್ನು ರಿಲೀವ್​​ ಮಾಡಲಾಗಿದ್ದು, ಹೊಸ ಮುಖ್ಯಸ್ಥರಾಗಿ ಚೇತನ್ ಸಿಂಗ್ ರಾಥೋಡ್​​ರನ್ನು ನೇಮಿಸಲಾಗಿದೆ. ASP ವಂಕಟೇಶ್ ಪ್ರಸನ್ನ ಬದಲಿಗೆ ACP ಶ್ರೀನಿಧಿ ಅವರ ನೇಮಕವೂ ಆಗಿದೆ. SIT ಮುಖ್ಯಸ್ಥರಾಗಿ ಇಂದಿನಿಂದಲೇ ಚೇತನ್ ಸಿಂಗ್ ರಾಥೋಡ್​​ ತನಿಖೆ ಮುಂದುವರೆಸಲಿದ್ದಾರೆ.

SITಯಿಂದ ಹಿಂದಿನ ಅಧಿಕಾರಿಗಳ ವಿಚಾರಣೆ

ಇನ್ನು ಕೇಸ್​​ ಸಂಬಂಧ ಹಿಂದಿನ ಅಧಿಕಾರಿಗಳಾಗಿದ್ದಅಂದಿನ ASI ಕಲೈಮಾರ್, ಹೆಡ್​ಕಾನ್ಸ್​ಟೇಬಲ್​ ಸುಂದರ್ ಶೆಟ್ಟಿ ಮತ್ತು ಹೆಚ್​ಸಿ ಸವಿತಾ ಶೆಟ್ಟಿ ಎಸ್​ಐಟಿ ವಿಚಾರಣೆಗೆ ಹಾಜರಾಗಿದ್ದಾರೆ. ಮಂಗಳೂರಿನ ಎಸ್ಐಟಿ ಕಚೇರಿಯಲ್ಲಿ ಇವರಿಂದ ಮಾಹಿತಿ ಸಂಗ್ರಹ ಕಾರ್ಯ ನಡೆದಿದೆ. ಎಸ್​ಐಟಿ ಅಧಿಕಾರಿಗಳು ಸಣ್ಣ ಕ್ಯಾಮೆರಾ ಹಾಗೂ ಕಾಲರ್ ಮೈಕ್ ತರಿಸಿಕೊಂಡಿದ್ದು, ನಿನ್ನೆ ರಾತ್ರಿ 9 ಗಂಟೆವರೆಗೂ ಅಂದಿನ ಬೆಳ್ತಂಗಡಿ ಪೊಲೀಸ್‌ ಠಾಣೆಯ ಇನ್ಸ್‌ಪೆಕ್ಟರ್‌ ಭಾಸ್ಕರ್ ರೈ, ಸಿಐಡಿ ಡಿವೈಎಸ್‌ಪಿ ರುದ್ರಮುನಿ ಅವರನ್ನು ಎಸ್​ಐಟಿ ವಿಚಾರಣೆ ನಡೆಸಿತ್ತು. ಇಂದು ವಿಚಾರಣೆಗೆ ಹಾಜರಾಗಿರುವರಿಂದಲೂ ಸಹ ರಾತ್ರಿವರೆಗೆ ಅಧಿಕಾರಿಗಳು ಮಾಹಿತಿ ಸಂಗ್ರಹಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಇದನ್ನೂ ಓದಿ: ಸೌಜನ್ಯ-ಕುಸುಮಾವತಿ ನಡುವಿನ ಸಂಬಂಧದ ಬಗ್ಗೆಯೇ ಅನುಮಾನ!: ತನಿಖೆ ನಡೆಸುವಂತೆ ಎಸ್​​ಐಟಿಗೆ ದೂರು ಸಲ್ಲಿಕೆ

ಇನ್ನು ಬೆಳ್ತಂಗಡಿ ಪೊಲೀಸರು ಮಾಡಿದ್ದ ತನಿಖೆಯ ಆಧಾರದಲ್ಲೇ CID ತನಿಖೆ ಮಾಡಲಾಗಿತ್ತು. ಆಗ ಲಭ್ಯ ಇದ್ದ ದಾಖಲೆ, ಸಾಕ್ಷಿ ಅಡಿಯಲ್ಲಿ ಇನ್ವೆಸ್ಟಿಗೇಷನ್​​ ನಡೆದಿತ್ತು. ತನಿಖೆಯಲ್ಲಿ ಯಾವುದೇ ಲೋಪ ಎಸಗಿಲ್ಲ ಎಂದು ರುದ್ರಮುನಿ ಅವರು ವಿಚಾರಣೆ ವೇಳೆ ತಿಳಿಸಿದ್ದಾರಂತೆ. ತಾನು ಸೌಜನ್ಯ ಕೇಸ್ ತನಿಖಾಧಿಕಾರಿ ಆಗಿರಲಿಲ್ಲ.ಕ್ರೈಂ ಸೀನ್​​ಗೆ ಭೇಟಿ ಮಾಡಿದಾಗ ಎಲ್ಲ ಎವಿಡೆನ್ಸ್ ಕಲೆಕ್ಟ್ ಮಾಡಿದ್ದೆ. ಅದನ್ನೇ ನಂತರದ ತನಿಖೆಗೆ ಕೊಟ್ದಿದ್ದೆ. ನನಗೆ ಯಾರೂ ಯಾವ ಒತ್ತಡ ಹಾಕಿಲ್ಲ. ತನ್ನ ಕರ್ತವ್ಯ ಸರಿಯಾಗಿಯೇ ಮಾಡಿದ್ದೇನೆ ಎಂದು ಯೋಗೇಶ್ ಹೇಳಿದ್ದರೆ, ಭಾಸ್ಕರ್ ರೈ ಅವರು ಕೂಡ ಇದೇ ರೀತಿ ಎಸ್​ಐಟಿ ಎದುರು ಹೇಳಿಕೆ ನೀಡಿದ್ದಾರಂತೆ. ತಾನು ಸರಿಯಾಗಿ ಕರ್ತವ್ಯ ನಿರ್ವಹಿಸಿದ್ದು, ಅಂದಿನ ಆರೋಪಿ ಸಂತೋಷ್ ರಾವ್ ವಿಚಾರಣೆ ವೇಳೆ ಹೇಳಿದ್ದನ್ನೇ ದಾಖಲಿಸಿದ್ದೇನೆ ಎಂದು ಮಾಹಿತಿ ನೀಡಿರೋದಾಗಿ ತಿಳಿದುಬಂದಿದೆ.

ಮತ್ತಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್​​ ಮಾಡಿ.